Երևան
21 °C
searchclose
today
menuclose
Երևան
21 °C
Շաբաթ՝ մարտի 30-ին, հայտնի դարձավ, որ ձերբակալվել է առողջապահության նախարարի տեղակալ Արսեն Դավթյանը՝ կաշառք վերցնելու պահին:
Ազգային անվտանգության ծառայությունը (ԱԱԾ) տեղեկությունը հաստատեց երկուշաբթի, իհարկե՝ առանց անուններ հրապարակելու:
«Ձեռնարկված լայնածավալ օպերատիվ-հետախուզական միջոցառումների եւ համալիր քննչական գործողությունների արդյունքում ձեռք են բերվել փաստական տվյալներ այն մասին, որ բժշկական հաստատության տնօրենը նպատակ է ունեցել ապահովել առողջապահության նախարարության կողմից բուժհաստատություններին տրամադրվող ֆինանսավորման աշխատանքները համակարգող փոխնախարարի հովանավորչությունը եւ նրա հետ ձեւավորել իր համար բարենպաստ աշխատանքային պայմաններ»,- մասնավորապես ասվում է ԱԱԾ հաղորդագրության մեջ:
Դրանից նաեւ պարզ է դառնում, որ առողջապահական հաստատությանը հատկացվող պետպատվերի գումարները կրճատվել էին, եւ տնօրենը նպատակ է ունեցել կաշառքի միջոցով փոխել իրերի դրությունը:
«Վերաբաշխման արդյունքում պետպատվերի շրջանակներում տարբեր ծրագրերով հատկացվելիք գումարներով կազմակերպության ֆինանսավորման պակասը լրացնելու համար 2019 թվականի մարտի 30-ին առողջապահության նախարարի տեղակալին վերջինիս աշխատասենյակում որպես կաշառք անձամբ տվել է առանձնապես խոշոր չափերով գումար, որի փոխանցումն իրականացվել է ՀՀ ԱԱԾ աշխատակիցների օպերատիվ վերահսկողության ներքո»,- նաեւ նշվում է հաղորդագրության մեջ:
Առերեւույթ հանցագործության դեպքի առթիվ ՀՀ ազգային անվտանգության ծառայության քննչական դեպարտամենտում հարուցվել է քրեական գործ ՀՀ քրեական օրենսգրքի 311-րդ հոդվածի 4-րդ մասի 2-րդ կետով եւ 312-րդ հոդվածի 3-րդ մասի 1-ին կետով: Մեջբերված առաջին հոդվածը վերաբերում է պաշտոնատար անձի կաշառք ստանալուն՝ առանձնապես խոշոր չափերով: Այս արարքի համար նախատեսվող պատիժը ազատազրկումն է յոթից տասներկու տարի ժամկետով՝ գույքի բռնագրավմամբ կամ առանց դրա: Մեջբերված մյուս հոդվածն էլ վերաբերում է առանձնապես խոշոր չափերով կաշառք տալուն: Այս դեպքում քրեական օրենսգրքով նախատեսվող պատիժը երեքից յոթ տարի ժամկետով ազատազրկումն է:
Նույն օրը՝ մարտի 30-ին, բերման ենթարկված փոխնախարարը ձերբակալվել է՝ առանձնապես խոշոր չափերով կաշառք ստանալու կասկածանքով, իսկ կաշառք տալու մեջ կասկածվող անձի նկատմամբ, հաշվի առնելով վերջինիս տարիքը եւ առողջական վիճակը, որպես խափանման միջոց կիրառվել է ստորագրություն՝ չհեռանալու մասին:
Շրջանառվող տեղեկությունների համաձայն, փոխնախարարին կաշառք տվողը եղել է Պերինատոլոգիայի, մանկաբարձության եւ գինեկոլոգիայի ինստիտուտի («Հանրապետական ծննդատան») տնօրեն Ռազմիկ Աբրահամյանը: Այսօր մեզ չհաջողվեց նրա հետ կապ հաստատել: Բայց պարզեցինք, որ շարունակում է աշխատանքի գնալ: Աբրահամյանի ղեկավարած բուժհաստատությունը մասնավոր է, հետեւապես առողջապահության նախարարությունը իրավասու չէ միջամտել նրա հետագա պաշտոնավարմանը: Ի դեպ, ԱԱԾ հաղորդագրությունը նույնպես կարծես հաստատում է, որ կաշառք տալու մեղադրանքը վերաբերում է Ռազմիկ Աբրահամյանին, երբ հղում է արվում կաշառք տվող անձի տարիքին: Աբրահամյանը շուտով կդառնա 75 տարեկան:
Ձերբակալված փոխնախարար Արսեն Դավթյանը, ինչպես արձանագրում է առողջապահության նախարարության կայքը, համակարգում էր մասնավորապես հետեւյալ ոլորտները. մոր եւ մանկան առողջության պահպանման կազմակերպման աշխատանքները, առողջապահական համակարգի` նախարարության միջոցով իրականացվող ֆինանսավորման աշխատանքները:
Նրա ձերբակալմանն այսօր անդրադարձել է նաեւ առողջապահության նախարար Արսեն Թորոսյանը: «Ամենեւին կասկածի տակ չառնելով անմեղության կանխավարկածը՝ ուզում եմ հայտնել՝ կաշառք վերցնողն ով էլ լինի, եթե գործի շրջանակներում մեղավորությունը հաստատվի, նա պետք է պատժվի օրենքի ողջ խստությամբ: Ինչ խոսք, նման երեւույթներն անթույլատրելի են եւ դատապարտելի: Նոր Հայաստանում պետք է ձգտել բացառել եւ արդար աշխատանքով կառուցել մեր ապագան: Կաշառք տալը եւ վերցնելը մեր երկրում քրեորեն պատժելի արարք են»,- գրել է նախարարը, ապա հավելել. «Մեր աջակցությունն ենք հայտնում իրավապահ մարմիններին` կոռուպցիայի դեմ պայքարում։ Անկեղծորեն հավատում ենք, որ համակարգում տեղ գտած կոռուպցիայի եւ հակաօրինական այլ երեւույթների բացահայտումը կօգնի արմատախիլ անել դրանք եւ առողջացնել համակարգը: Առողջապահության նախարարության ողջ թիմով ցավ ու ափսոսանք ենք հայտնում կատարվածի համար»:
«Գահերի խաղը» «Էմմի» մրցանակի է արժանացել՝ անկախ երկրպագուների դժգոհություններից
Ուշադիր ընթերցողը հասկացել է՝ ինչ նկատի ունեի ես. Վանեցյանը արձագանքել է Փաշինյանի հայտարարությանը. Hraparak.am
ՎՏԲ-Հայաստան Բանկը և “Armenian Assembly” ՀԿ-ն հուշագիր են ստորագրել
Սուրեն Պապիկյանի մարտահրավերը լրագրողներին. միասին անցնենք 48.3կմ երկարությամբ «Արփա-Սևան» թունելով
Վանաձորում որսորդական հրացանով կատարված սպանության փորձը բացահայտվել է. կասկածյալը ձերբակալվել է
Ուղղակի մոլորվել էր. Ադրբեջանի ՊՆ-ն հաստատել է կորուստն իր զինված ուժերում
Ժողովուրդը չհասկացավ, առեւտուր սարքեց, նաեւ քաղաքականացվեց. Խառատյանը՝ կիսամերկ տղամարդկանցով իր բեմադրության մասին
Վարչապետ Նիկոլ Փաշինյանն աշխատանքային այցով գտնվում է ԱՄՆ-ում. այցը մեկնարկել է Լոս Անջելես քաղաքից
4 անշարժ գույք, 2 ավտոմեքենա, 20 մլն դրամ, 95 հազար դոլար, 20 հազար եվրո եւ ոսկյա զարդեր. ԱԱԾ տնօրենի ԺՊ-ի ունեցվածքը
Ժամանակն է, որ հայ ժողովուրդը զգա իր ստեղծարար ուժը և այն կիրառելու նպատակ դնի. վարչապետ
Մի խումբ պահեստազորի սպաներ պահանջում են պատժել փոխգնդապետին ծեծողներին
Եկել է ժամանակը, որ սփյուռքի ներդրողները մտածեն Հայաստանում շահույթ ստանալու մասին. Փաշինյանի ելույթը Գրանդ Փարքում
Խոշոր ավտովթար Երեւան-Գյումրի մայրուղու վրա (լուսանկարներ)
Ժողովրդի իշխանություն հետ բերած առաջնորդն էսօր Հայաստանի ոգին կբերի մեզ մոտ. Սարգիս Մանուկյան
Վանաձորի կերպարվեստի թանգարանը կապիտալ նորոգվում է (լուսանկարներ)
Ռոհանին կոչ է արել Պարսից ծոցի երկրներին համատեղ ապահովել տարածաշրջանի անվտանգությունը
Ես երբեք որևէ ներքաղաքական գործընթացի չեմ խառնվել և չեմ խառնվում. Արծրուն Հովհաննիսյանի հայտարարությունը
Առաջացել է ռեակտիվ հզորության դեբալանս. ինչ է պարզել մասնագիտական աշխատանքային խումբը մասսայական հոսանքազրկման մասին
56 մլրդ դրամ ԱԱՀ դեբետային պարտքը կվերադարձվի շուրջ 2835 հարկ վճարողների
Մարզպետի մասնակցությունը միջադեպին ստուգելու նպատակով առգրավվել են տարածքում առկա տեսախցիկները
