Հայկական ֆուտբոլային ակումբների՝ ուրիշների գոյություն ունեցող բրենդերը վերցնելու սովորությունը

Հայկական ֆուտբոլային ակումբների շրջանում կրկնվող անունները շատանում են: Մոտ ժամանակներս կարող է ավելանալ եւս մեկ անվանում, որն արդեն ճանապարհ անցած բրենդ է այլ կազմակերպության շնորհիվ: Օրերս հայտնի դարձավ, որ անվանափոխության համար «Բանանց» ֆուտբոլային ակումբի հայտարարած հարցման հաղթող է դարձել «Ուրարտու» տարբերակը: Այն հավաքել է ձայների 39.5%-ը:

Այս անվանումով Հայաստանում կա նաեւ բասկետբոլային ակումբ՝ «Ուրարտուն», որն արդեն 2-րդ մրցաշրջանն է՝ մրցաշարի ստեղծումից ի վեր, մասնակցում է Հայաստանի կանոնավոր առաջնությանը՝ A լիգային: Այս ակումբը ստեղծել են անվան առումով հղում անելով նույն անունն ունեցող բասկետբոլային ակումբին, որը Հայաստանում եղել է նաեւ 90-ականների սկզբին: Ստեղծվել էր 1989 թ., խաղացել է ԽՍՀՄ Բարձրագուն խմբում, ՀՀ առաջնության, ՀՀ Գավաթի խաղարկության չեմպիոն է եղել:

«Ուրարտուն» հիմա A Լիգայի առաջատարներից է: Ակումբի նախագահը մարզական հայտնի մեկնաբան Կարեն Գիլոյանն է: Հենց վերջինիս հետ հեռուստատեսային հաղորդկման ընթացքում «Բանանացի» սեփականատեր Ջեւվան Չելոյանցը խոսել էր անվանման մասին: Գիլոյանն իր հերթին նշել էր, որ հույն ունի՝ «Բանանցը» բարձր կպահի այդ անունը: Հետագայում ՀԺ-ի հետ զրույցում Գիլոյանը նաեւ չբացառեց, որ ապագայում ինչ-որ ժամանակ գուցե նույնիսկ իրենց ակումբները միավորվեն:

Մինչեւ այս Գիլոյանը ՀԺ-ին պատմել էր, որ իրենք նաեւ համանուն ֆուտբոլային թիմ են ուզում ստեղծել: Արդեն աշխատանքներ էին տարվում այդ ուղղությամբ, պատկերացում ունեին՝ որքան հայ ու արտասահմանցի ֆուտբոլիստներ պետք է ունենան, մտածում էին տնային հանդիպումների մարզադաշտի մասին: 2019-20 մրցաշրջանից այդ թիմը պետք է հանդես գար Հայաստանի առաջին խմբի առաջնությունում: Սակայն այս նախագիծը կանգնեցվել է, ու երբ կշարունակվի դեռ հայտնի չէ, այդ պատճառով էլ, ըստ Գիլոյանի, իրենք անվանումը զիջել են «Բանանցին», որն այսպես է կոչվում հիմնադրման ժամանակվանից՝ 1992 թվականից:

Եթե այս դեպքում խոսքը բասկետբոլային ու ֆուտբոլային ակումբների մասին է, ապա ունենք նաեւ նույնանուն 2 ֆուտբոլային ակումբներ՝ «Արարատ» եւ «Արարատ-Արմենիա»: Երկուսն էլ հանդես են գալիս Հայաստանի Բարձրագույն խմբի առաջնությունում: «Արարատ-Արմենիա» ակումբը հայկական ֆուտբոլում առաջացավ ընթացիկ մրցաշրջանում, նախկինում կոչվում էր «Ավան-Ակադեմիա»: «Արարատ» անվանումն օգտագործեը մեծ աղմուկ բարձրացրեց: Շատ էր խոսվում այն մասին, որ դա շփոթություն է առաջացնում, եւ շատերին հատկապես արտասահմանում թվում է, թե սա լեգենդար «Արարատ 73»-ն է: Այժմ մամուլում շփությունից խոսափելու համար «Արարատը» (կամ «Արարատ 73»-ը) նկատի ունենալիս գրում են Երեւանի «Արարատ», մյուսի պարագայում էլ նշում են «Արմենիա» բառը:

Անվանափոխության մտադրություն ուներ նաեւ «Փյունիկը»: Ակումբի ղեկավարությունն այն պատրաստվում էր կոչել «Երեւան»: Գործընթացներ էին սկսվել, ակումբն աշխատում էր տարբերանշանի վրա: Սակայն մինչեւ ընթացիկ  մրցաշրջանի մեկնարկը հայտնի դարձավ, որ ստեղծվել է «Երեւան» ակումբ, որը հանդես է գալու Հայաստանի Առաջին խմբի առաջնությունում: «Փյունիկին» սա բավական վրդովեցրեց: Ակումբը դժգոհություն հայտնեց, սակայն պլանները փոխել ստիպված էր:

Ինչպես երեւում է հայկական ֆուտբոլային ակումբները չեն վախենում, որ հասարակության շրջանում կարող են շփոթություն առաջացնել: Նաեւ աղմուկը նրանց չի խանգարում: Նրանք օգտագործում են անվանումները, եթե այդպես որոշել են:

Տպել
1088 դիտում

Կառավարությունը բնակարան կնվիրաբերի զոհված զինծառայող Հրանտ Մանգասարյանի ընտանիքին

Դիլիջանում ազատամարտիկների հուշարձանի վրայից ջնջել են բարերարի անունը, ջարդել ցայտաղբյուրները

Հացաշեն համայնքի ղեկավարը հաղորդում է տվել, որ նախկին կինը փորձել է առևանգել իր 9-ամյա որդուն

Հրդեհ՝ Մասիս քաղաքում․ բնակելի տուն է այրվել

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ

Ամուսինը հրացանը մաքրելիս անզգուշաբար կրակել է կնոջ վրա. վերջինս տեղափոխվել է հիվանդանոց

Սարդարապատ և Նոր Արմավիր համայնքները կապող ճանապարհահատվածում մեկնարկել են ասֆալտապատման աշխատանքներ

ՀՀ բռնցքամարտի հավաքականը չի մասնակցի Երիտասարդների ԵԱ-ին՝ ԿԳՄՍՆ-ի անգործության կամ կոնկրետ հրահանգի պատճառով. Գեւորգյան

ՀՊՏՀ ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը. նախարար

Դավադրությունների մասին խոսակցություններն անհիմն են. Քանանյան

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան