Հերթական անգամ Հայաստանի ֆուտբոլի ազգային հավաքականը երկնքից երկիր իջեցրեց երազկոտ երկրպագուներին: Եվրո 2020-ի ընտրական փուլը սկսեց 2 պարտությամբ: Ու հերթական անգամ հետեւեցին քննարդատությունները, հեգնանքը:

Դժգոհությունները սկսվել էին դեռ այն ժամանակ, երբ հավաքականի գլխավոր մարզիչ Արմեն Գյուբուդաղյանցը ներկայացրել էր հայտացուցակը: Ծաղրում էին հավաքին 5 դարպասապահ հիավիրելը, քննադատում էին խաղային քիչ պրակտիկա ունեցող ֆուտբոլիստների ներկայությունը: Խաղերից հետո էլ զայրացած երկրպագուները սկսեցին պահանջել մարզչի հրաժարականը: Ըստ նրանց՝ այս մասնագետը բավարար հմտություններ չունի ազգային ընտրանին գլխավորելու համար:

Խաղերից հետո կրքերը մի փոքր հանդարտվել էին, սակայն ապրիլի 7-ին ՀՀ Բարձրագույն խմբի 25-րդ տուրի «Փյունիկ»-«Լոռի» հանդիպման ժամանակ հավաքականի «Red Eagles» ֆան ակումբի անդամները կրկին բորբոքեցին: Վազգեն Սարգսյանի անվան «Հանրապետական» մարզադաշտում նրանք ֆայերներ վառեցին ու պահանջում էին ինչպես ՀՖՖ գլխավոր քարտուղար Արմեն Մելիքբեկյանի, այնպես էլ Գյուլբուդաղյանցի հրաժարականը: Վերջինիս հետ կապված պաստառին գրել էին. «Բարձրակարգ մարզիչ, հավաքականը փորձադաշտ չէ»:

Ֆուտբոլասերների վրդովմունքը հասկանալի է, բայց մի՞թե հավաքականը որեւէ հույս էր տվել ընտրական փուլից առաջ կամ որեւէ բան էր խոստանում: Ի սկզբանե ոչինչ էլ չէր խոստանում: Վիճակահանությունից հետո Գյուլբուդաղյանցը մեկնաբանություն էր տվել միայն նշելով, որ հետաքրքիր խումբ է ու կարելի է պայքարել: Նույն Գյուլբուդաղյանցը սիրում է ասել, որ պետք է խաղանք արժանապատիվ ֆուտբոլ, փորձենք ուրախացնել երկրպագուներին, չկրկնել սխալները: Նշանակում է, որը մասնագետը, որն ամենեւին էլ ֆուտբոլից հետո մարդ չէ, գնահատելով իր թիմի հնարավորությունները, հրաշքի հույսեր չունի: Իրենք՝ ֆուտբոլիստներն էլ կորցրել են հավատը, ինչի մասին նաեւ բարձրաձայնել են հանդիպումներից մեկից հետո:

Իսկ լա՞վ օրից է, որ հավաքական են կանչվում նույնիսկ 1 րոպե խաղաժամանակ չունեցող ֆուտբոլիստներ: Լա՞վ օրից է, որ ֆուտբոլիստ է հրավիրվում, որը, ի սկզբանե պարզ է, որ չի խաղալու, եկել է միայն թիմակիցներին դուխ տալու համար: Իսկ ինչ-որ բան փոխվե՞լ է Ազգերի լիգայում տապալվելուց ընդամենը 4 ամիս անց: Եվ ի՞նչ կարելի է պահանջել թիմից եվրոպական ակումբներում հանդես եկող ֆուտբոլիստներ ունեցող հավաքականների դեմ պայքարում, եթե այն չի համոզում անգամ Ջիբրալթարի ու Լիխտենշտեյնի դեմ խաղերում:

Գյուլբուդաղյանցը եւ ընդհանրապես մասնագետները հաճախ են խոսում խորքային խնդիրների մասին, որոնք հայկական ֆուտբոլը հասցրել են այն օրի, որ այսօր մեր միակ հույսը Հենրիխ Մխիթարյանն է: Այդ խորքային խնդիրներն Ազգերի լիգայի ավարտից մինչեւ Եվրո 2020-ի ընտրական փուլի մեկնարկը՝ 4 ամսում, չէին կարող վերանալ: ՀՖՖ-ն էլ իր հերթին մշտապես ընդգծում է, որ նախեւառաջ պետք է զարգացնել մանկապատանեկան ֆուտբոլը: Պարբերաբար տեղեկություններ են հայտնվում ենթակառուցվածքներ ստեղծելու մասին, խոսվում է մարզիչների վերապատրաստումից, մարզաձեւի զարգացման նոր ծրագրից: Սա հուշում է, որ ֆեդերացիան էլ առանձնապես մեծ սպասելիքներ չունի ներկա ընտրանուց, հույսեր է կապում ապագայի հետ ու ըստ էության լուրջ խնդիր չի էլ դրել հավաքականի առաջ Եվրո 2020-ից առաջ:

Երկրպագուներն ունեն մարզչից ու ֆուտբոլիստներից առավելագույնը, նույնիսկ անհնարինը պահանջելու իրավունք: Նրանք իրավունք ունեն քննդատելու, քանի որ հավաքականը միջազգային ասպարեզում ներկայանում է հայոց եռագույնով, հիմնով ու զինանշանով: Կարելի է հասկանալ նաեւ նրանց էմոցիոնալ, երբեմն ոչ այնքան հիմնավորված պահանջները, քանի որ նրանք երազանքներ ունեն, այդ երազանքներով ամեն անգամ գալիս են մարզադաշտ: Ֆինլանդիայի դեմ վերջին խաղում նրանց շնորհիվ «Հանրապետականը» լեփ-լեցուն էր:

Եվ հասկանալի է, որ այս իրավիճակում նրանք կարող են բարձրացնել մարզչի հեռացման հարցը: Սակայն, եթե օբյեկտիվորեն այս ընտրանին չունի այն ներուժը, որով կարող է իրականացնել երկրպագուների երազանքները, անգամ մոտ չէ դրանց, ի՞նչ կարիք կա բարձր վարձատրվող մարզիչ հրավիրել: Ավելի բարձր որակավորում ունեցող մասնագետը գուցե կարող է ինչ-որ չափով մի փոքր ավելի լավ արդյունք գրանցել (օրինակ, խմբում գրավել ոչ թե 5-րդ, այլ 4-րդ տեղը): Բայց արդյո՞ք միայն դրա համար բարձր վարձատրվող մարզիչ հրավիրելը բյուջեի ճիշտ օգտագործում կհամարվի:

Ամեն դեպքում, որքան էլ դժվար լինի ընդունել, սերը հայրենիքի նկատմամբ, նվիրվածությունն ու անձնվիրությունը ֆուտբոլում հեռուն չեն տանում: Դրանք կարող են օգնել որեւէ խաղում կամ մրցաշրջանի որեւէ հատվածում անակնկալ մատուցել, բայց կայուն բարձր մակադրակի ֆուտբոլ ունենալու համար անհրաժեշտ է, որպեսզի ֆեդերացիայի զարգացման ծրագիրը պտուղներ տա, իսկ դա 1 օրում չի լինի:

Տպել
581 դիտում

Բռնաբարություն, թմրանյութեր, կողոպուտ, կաշառակերություն. մեկ օրում բացահայտվել է 79 հանցագործություն

Հրդեհ Արցախի տնկարանային տնտեսության տարածքում. մեկ մարդ ստացել է այրվածքներ և հոսպիտալացվել

Պուտինն ավելի խելացի էր Ղրիմի և այլ հարցերում, քան Օբաման. Թրամփ

Վրաստանի վարչապետ Մամուկա Բախտաձեն պաշտոնական այցով կմեկնի Բելառուս

Անհատական բարձր ցուցանիշներ. ՊՆ ՌՈ զինավտոտեսչության զինծառայողները մասնակցել են «Ճանապարհային պարեկ» մրցույթին

Ջերմուկում վարչապետին դիմավորեցին «Ամուլսարն առանց հանքի» վանկարկումներով․ Փաշինյանը հանդիպում է շենքերի բնակիչների հետ

Հայկական Վերածնունդ սփյուռքյան կազմակերպությունը կոչ է անում Ամուլսարի խնդիրը լուծել հանրաքվեով

Կան ծխացող օջախներ. Արայի լեռան ստորոտում հրդեհաշիջման աշխատանքները շարունակվում են

ՄԻՊ-ն աշխատանքային խումբ է գործուղել Ջերմուկ. քննարկումներ կլինեն Գնդևազի բնակիչների հետ

Նիկոլ Փաշինյանն արդեն Ջերմուկում է. նա խոսում է տեղի բնակիչների հետ (տեսանյութ)

Վարչապետ Նիկոլ Փաշինյանը մեկնում է Ջերմուկ

Թուրքիայից Հունասատան փախստականների հոսքը եռապատկվել է. Times

106 մարտական հաշվարկ և 5 օպերատիվ խումբ պայքարել են խոտածածկ տարածքներում բռնկված 99 հրդեհի դեմ

Արեւելյան բազար. կյանքը զաբոռից այս կողմ

Թացը չորից ջոկելու «հարցարվեստը». սոցհարցումների սեզոնը բացվեց

Թիավարության աշխարհի առաջնություն. հայ թիավարողները կիսաեզրափակչում են

Ամփոփում. երբ մարդը դառնում է 286 տարեկան

Մեր ժողովուրդը քիչ չի աշխատում, բայց աղքատ է, ինչո՞ւ, որովհետեւ անարդյունավետ է աշխատում. տնտեսագետ

Տավուշում տեղի ունեցած վթարից տուժած 11 զինծառայողները որևէ լուրջ վնասվածք չեն ստացել. Ա. Հովհաննիսյան

ԱՆ նախկին պաշտոնյաների ապօրինությունների հետևանքով պատճառվել է առանձնապես խոշոր չափի վնաս (տեսանյութ)