Լիլիթ Հովհաննիսյանի համերգի տոմս եմ ուզում, դասական չեմ ուզում. թոշակառուներին այնքան էլ չեն ուրախացրել անվճար տոմսերը

2018 թվականից մշակույթի նախարարության ու աշխատանքի եւ սոցիալական հարցերի նախարարության կողմից մեկնարկել է համատեղ ծրագիր, որի շրջանակներում պետության կողմից ֆինանսավորվող ցանկացած միջոցառման տոմսերի մի հատված մշակույթի նախարարությունը հատկացնելու է աշխատանքի եւ սոցիալական հարցերի նախարարությանը՝ թոշակառուներին տրամադրելու համար։ 

Համատեղ այս ծրագրի մեկնարկը տրվել էր 2018 թվականի նոյեմբերի 10-ից, սակայն մինչեւ օրս թոշակառուները միջոցառման են մասնակցել ընդամենը մեկ անգամ: Երկրորդը տեղի ունեցավ ապրիլի 16-ին Ա. Խաչատրյանի անվան համերգասրահում: «Ֆաուստ» սիմֆոնիա նվագախմբի համերգի համար 22 տոմս էր տրամադրվել պետական աջակցությամբ իրականացվող մշակութային միջոցառումների շահառուներին:

Թոշակառուների ցածր մասնակցությունը մշակույթի նախարարությունից պարզաբանեցին այսպես՝  թոշակառուներից շատերը պարզապես ցանկություն չունեն:

Նախարարության ժամանակակից արվեստի վարչության պետ Արմենուհի Ղազարյանի խոսքով՝ ծրագրի մեկնարկից հետո մի քանի անգամ բոլոր կարեւորագույն միջոցառումներից տոմսեր են փոխանցվել, սակայն սոցիալական ապահովության աշխատակիցների կողմից դժգոհություն են հայտնել, նշել, որ թոշակառուները չեն հասցնում, շատ դեպքերում չեն էլ ուզում: «Մի թոշակառու զանգել էր ինձ, ասում էր՝ ես Լիլիթ Հովհաննիսյանի համերգի տոմսերից եմ ուզում, դասական չեմ ուզում: Մեր թոշակառուներից շատերը, պարզվում է, այլ ոճի բան էին սպասում, շատերին դասական համերգը հետաքրքիր էլ չէ»,-նկատեց Արմենուհի Ղազարյանը:

ՀՀ աշխատանքի եւ սոցիալական հարցերի նախկին նախարար Մանե Թանդիլյանը համոզմունք էր հայտնել, որ այս ծրագրով իրենց կհաջողվի փոփոխություն բերել թոշակառուների կյանքում, սակայն կարծես թե դա այնքան էլ չի հաջողվում: Մշակույթի նախարարությունից հայտնեցին, որ մի փոքր ավելի լավ ուսումասիրելու եւ որոշ նրբություններ հաշվի առնելու կարիք կա, ինչը նախապես չի արվել, որպեսզի ավելի արդյունավետ կազմակերպվի:

Այժմ նպատակ ունեն նախարարության ենթակայության տակ գտնվող մշակութային օջախներին փոխանցել շահառու թոշակառուների կոնտակտային տվյալները, որի արդյունքում ավելի հասկանալի կդառնա, թե տվյալ ներկայացմանը կամ համերգին քանի թոշակառու է ցանկություն հայտնել ներկա գտնվել, ըստ այդմ էլ կոնկրետ թվաքանակով տոմսեր կփոխանցվեն տվյալ ՊՈԱԿ-ին:

2018 թվականին մշակույթի նախկին նախարար Լիլիթ Մակունցի եւ աշխատանքի եւ սոցիալական հարցերի նախարար Մանե Թանդիլյանի միջեւ ստորագրված համագործակցության հուշագիրը, բացի ժամանակին հաշվի չառնված կազմակերպչական որոշակի նրբությունենրից, ֆինանսական տեսանկյունից հավելյալ դժվարություն է առաջացնում նաեւ ՊՈԱԿ-ների համար:

Մշակույթի նախարարությունից հայտնում են, որ հուշագրում առկա է կետ, որով հրավիրատոմսեր տրամադրող ՊՈԱԿ-ը հարկվում է: Բացի այն, որ տվյալ թատրոնը կարող է ներկայացման տոմսերի կեսն անվճար տրամադրել նախարարությանը, տոմսերը նաեւ հարկվում են, ինչը ՊՈԱԿ-ների տնօրենների մոտ դժգոհության տեղիք է տվել:

«Այդ խնդիրը միշտ է եղել, մարդիկ բարեգործություն են անում, բայց հարկվում են, միգուցե այս խնդիրն այնքան էլ չի բարձրաձայնվել, բայց յուրաքանչյուր տարվա վերջում մեր ՊՈԱԿ-ները հարկվել են՝ կախված նրանից, թե ինչքան բարեգործական համերգներ են կազմակերպել եւ ինչքան տոմսեր են տրամադրել զոհված ազատամարտիկների ընտանիքներին, սոցիալապես անապահովներին, թոշակառուներին եւ հաշմանդամություն ունեցող անձանց»,-ասաց նախարարության ժամանակակից արվեստի վարչության պետը:

Ավելի վաղ Լիլիթ Մակունցը հայտնել էր, որ սոցիալական ապահովության ծառայությունից առաջարկ են ստացել՝ տոմսի վրա նշել, որ վաճառքի ենթակա չէ: Սակայն սոցիալական ապահովության ծառայությունից հայտնեցին, որ տոմսը տրամադրվում է շահառուին, բայց եթե իր համաձայնությունն է տալիս երրորդ անձին իր անունից հանդես գալու, ապա տոմսը կարող է տրամադրվել այն անձին, որը կներկայացնի շահառուի տվյալները:

Տպել
1456 դիտում

Տիմատիի ու Նազիմայի նոր տեսահոլովակում Հայաստանի բնությունն է՝ իր ողջ շքեղությամբ (տեսանյութ)

Իտալիայում տուրիստական ավտոբուսի վթարի հետևանքով 5 վիրավոր ՀՀ քաղաքացի կա. ԱԳՆ

Խոսրով Հարությունյանը դատական հայց է ներկայացրել Արման Բաբաջանյանի դեմ

Հրդեհվել է Սպիտակ քաղաքի զինկոմիսարիատի տանիքը

Հավատարիմ եմ եղել իմ կանանց ու դավաճանել եմ սիրուհիներիս. հայտնի մտքեր Ազնավուրից

Չենք բողոքարկի որոշումը, քանի դեռ դատարանը չի հանդիսանում խախտված իրավունքը վերականգնող մարմին. Սանասարյան

Մայիսի 27-ին դատավորների արտահերթ ժողով է հրավիրվել

Բյուջեի 62 մլրդ դրամ ավելցուկի մի մասով զինվորների և ուսուցիչների աշխատավարձը կբարձրանա. ինչպես ծախսել մնացածը

Շիրակի մարզից ԱՆ ուղղաթիռով հիվանդ է տեղափոխվել Երեւան

Չենք փորձել մեղավորներ փնտրել այլ ակումբներում. «Արարատ-Արմենիան» պատասխանում է

Ազարը, Ժիրուն հայ են. «Արսենալի» երկրպագուները ծաղրում են Ադրբեջանի պատճառով ստեղծված իրավիճակը

ԵՄ -ն 2019-ին ՀՀ-ին տրամադրվող աջակցությունը ավելացրել է 25 մլն եվրոյով. հանդիպում կառավարությունում

Կրթության եւ գիտության նախարարը բողոքող ուսանողներին հրավիրել է նախարարություն. մինչ վերադարձը բուհի դռները չեն բացվի

Դուք հայրենասիրության վառ օրինակ եք. վարչապետը շնորհավորել է Կոմանդոսին՝ ծննդյան 80-ամյակի առթիվ

5 աղբատար նոր մեքենաները սկսել են աղբի հավաքումը. եւս 20 մեքենա ու մի քանի հազար աղբաման ձեռք կբերվի

ԱԺ «Իմ քայլը» խմբակցությունը հյուրընկալել է ՄԹ պաշտպանության հետազոտությունների արքայական քոլեջի ունկնդիրներին

Թյորբորն Յագլանդը հաստատել է ԵԽ-ի լիակատար աջակցությունը ՀՀ բարեփոխումների օրակարգին

ՀՀ մարմնամարզիկները կարեւորագույն ստուգատեսներից առաջ փորձնական մրցումների կմասնակցեն

Նորընտիր ռեկտորը խոստացավ հրաժարականի պահանջին պատասխանել վաղը. ուսանողները հայտարարեցին՝ մինչ այդ բոլորը կմնան շենքում

Բակո Սահակյանը խորհրդակցություն է անցկացրել