Վանեւան համայքի ավագանին ընդվզում է համայնքի ղեկավարի դեմ` նրա լիազորությունը դադարեցնելու նպատակով

Գեղարքունիքի մարզի Վանեւան գյուղի բնակիչները երեկ երեկոյան փակել էին Վարդենիս-Մարտակերտ ավտոճանապարհը։ Համայնքապետարանի ավագանին, որին միացել էին նաև գյուղի բնակիչները, պահանջում է Վանեւան համայնքի ղեկավարի հրաժարականը։ Միաժամանակ Վանեւան համայնքի 50-ամյա բնակիչ Ատոմ Մկրտչյանը գյուղապետարանի առջև վրան էր խփել և արդեն մի քանի օր է՝ շարունակում հացադուլ է անել` պահանջելով գյուղապետ Նորայր Հարությունյանի հրաժարականը։ Հարությունյանը արդեն 30 տարի է`Վանեւանի համայնքապետն է:

Գեղարքունիքի մարզպետարանի ՏԻՄ և ՀԳՄ հարցերով վարչության պետ Վանիկ Հարությունյանը «Հայկական ժամանակ»-ին տեղեկացրեց, որ մի քանի ժամ տևած բողոքի ակցիան դադարեցվել է, սակայն գյուղացի Ատոմ Մկրտչյանը շարունակում է հացադուլը: Գյուղացինների հետ հանդիպել է փոխմարզպետ Նարեկ Գրիգորյանը և գյուղացիները համաձայնել են բացել ճանապարհը։ 

«Գյուղացիները և ավագանու անդամները համաձայնել են դադարեցնել բողոքի ակցիան` խնդիրը իրավական հարթության մեջ լուծելու նպատակով: Ավագանին պահանջում է համայնքի ղեկավարի հրաժարականը, քանի որ վերջին 6 ամսվա ընթացքում համայնքապետը ավագանու նիստ չի հրավիրել, ըստ տեղական ինքնակառավարման մասին օրենքի 7-րդ կետի և օրենքի` նրանց բոլոր պահանջները իրավացի են: Ավագանու անդամները ընդվզում են համայնքի ղեկավարի լիազորությունները դադարեցնելու համար, նրա անգործության համար և, ցավոք սրտի, համայնքապետարան ընդհանուր կառույցը արդեն պարալիզացվել է: 2 մարմիններն էլ՝ թե՛ համայնքի ղեկավարը, թե՛ ավագանին, ընտրովի են, և այստեղ զուտ իրավական հարթություն պետք է լինի:

Հարությունյանի խոսքով՝ կա ընթացակարգ, կան համապատասխան վարչություններ, որոնք աշխատում են հարցին լուծում տալ:

Մեր հարցին, թե համայնքի ղեկավարը ինչպես է վերաբերում ստեղծված իրավիճակին, Հարությունյանը պատախանեց. «Համայնքի ղեկավարը նշում է, որ ինքը ընտրված մարմին է, այն էլ` մեծամասնությամբ, և որ կարևորն է՝ ժողովուրդն է իրեն ընտրել»:

«Հայկական ժամանակ»-ի հետ զրույցում ավագանու անդամ Էդուարդ Շաբոյանն ասաց, որ գյուղը բաժանվել է 2 հակամարտող կողմերի: Ըստ նրա`ավագանու անդամները 5-ն են, որից 3-ը, անձնական շահերից ելնելով, պահանջում են Հարությունյանի հրաժարականը:

«Մենք ավագանու կազմակերպությամբ, համայնքապետի խորհրդով ստորագրահավաք ենք կազակերպել, 199 մասնակցից մի ժամվա մեջ մենք հավաքել են 115 ձայն, բացառությամբ այն մարդկանց, ովքեր գտնվում են Հայաստանից դուրս, բայց ևս պատրաստակամ են Հարությունյանին աջակցելու:

Շաբոյանի խոսքով`3 ավագանիները, ովքեր պահանջում են համայքապետի հարաժարականը, ընտրվել են այն թեկնածուի կողմից, որը մի քանի անգամ թեկնածություն է դրել, սակայն չի անցել: Դրանից հետո էլ սկսվել է լարվածությունը:  Ըստ նրա`գյուղի 80 տոկոսը կողմ է Հարությունյանին, միայն 4-5 տուն են դեմ` ավագանու անդամների գլխավորությամբ:

«Հարությունյանը ավագանու նիստ բազմիցս է հրավիրել, բայց իրենք չեն եկել, գալու դեպքում էլ բոյկոտել են նիստերը: Հիմա էլ ամեն ինչ անում են՝ գյուղի անդորրը խանգարելու համար, երեկ էլ գյուղապետարանի աշխատողների հետևից դուռր կողպել են, որ մարդ չմտնի գյուղապետարան: Բողոքի ցույցի ժամանակ էլ հարևան գյուղերից են ժողովուրդ հավաքում բերում` ցույց տալու, թե ժողովրդի մեծամասնությունը դեմ է գյուղապետին, բայց դրանք մեր գյուղացիները չեն:

Խոսելով հացադուլ անող գյուղացու մասին` Շաբոյանը ասաց. «Ատոմ Մկրտչյանի հացադուլը շարունակվում է, բայց ես չգիտեմ՝ հացադուլ է, թե նստացույց»:

Ավագանու անդամ Գոհար Գալստյանի խոսքով էլ գյուղապետը 30 տարվա ընթացքում ոչինչ չի արել: «30 տարվա ընթացքում գյուղի էղածը կերել է, հողով ջրով յուրացրել է, 10 ամիս է` վերընտրվել է գյուղապետ, բայց ոչ մի նիստ չի հրավիրել, որ մենք էլ մտածեինք՝ գնայինք կամ չգնայինք»:

Մեր հարցին, թե այդ դեպքում ինչպես է ստորագրահավաքի ժամանակ 115 կողմ ձայն հավաքվել, Գալստյանը պատասխանեց, որ դրանք գյուղի փարոսառուներն են և ճարահատյալ ստորագրել են:

«Հացադուլ անող գյուղացուն գյուղապետն է դրդել հացադուլի, հենց հազարից մի անգամ հրավիրած նիստի օրը: Խեղճ մարդը, տեսնելով, որ էլ ճար չկա, ասեց` հրաժարական չտալու դեպքում հացադուլ է անելու: Քանի օր է՝ հացադուլ է անում Մկրտչյանը, բայց ոչ մեկի պետքը չի, մենակ կեղծ տեղեկություններ է տարածում, թե թաքուն հաց է ուտում, բայց այդպես չէ, 24 ժամ ոստիկանները հսկում են տարածքը»- հավելեց Գալստյանը:

Տպել
416 դիտում

Գասպարին Քոչարյանի դատի ժամանակ վիրավորել է ոստիկանների՞ն. քննություն է իրականացվում

Չի բացառվում, որ կլինեն հեռացող դատավորներ. Արտակ Զեյնալյան

Պորոշենկոյին կասկածում են պետական դավաճանության համար. նրա դեմ վարույթ է սկսվել

Առաջին եռամսյակում Արցախի բուժհաստատություններում 411 երեխա է ծնվել

Խտրականության բացակայությունը դեռևս չի նշանակում հավասար հնարավորությունների առկայություն. Զարուհի Բաթոյան

Չեն իրականացնվել բուժկանխարգելիչ հետազոտություններ. դատախազութունը ստուգումներ է կատարել «Գորիս» ՔԿՀ-ում

Վտանգավոր է. Վազգեն Մանուկյանը՝ ապրիլյան քառօրյան ուսումնասիրող ԱԺ հանձնաժողով ստեղծելու Նիկոլ Փաշինյանի գաղափարի մասին

Լեւոն Երանոսյանի պաշտպանը միջնորդեց դատարան հրավիրել Նիկոլ Փաշինյանին, Վալերի Օսիպյանին եւ Հունան Պողոսյանին

Ինձ ցավ է պատճառում Եվրոպա լիգայի եզրափակիչը բաց թողնելը. Մխիթարյանը՝ Բաքու չմեկնելու մասին

Սյունիքում ՊՆ-ի ГАЗ 66-ը բախվել է Ford-ին. մեկ զոհ, 3-ը հոսպիտալացվել են

Օլեգ Սմիրնովը գլխավորել է ՎՏԲ-Հայաստան Բանկի խորհուրդը

Ողջունում ենք Նիկոլ Փաշինյանի՝ դատական համակարգում բարեփոխումներ անելու մասին հայտարարությունը. ԵԽԽՎ

Իսկ ինչ էիք անում դուք, երբ դատարաններում բռնաբարվում էին մարդու իրավունքները. իրավապաշտպան

Մխիթարյանը չի մասնակցի Եվրոպա լիգայի եզրափակչին. պաշտոնական

ԼՀԿ-ն չունի «Իմ քայլը» խմբակցության նույնիսկ նախնական համաձայնությունը արտահերթ նիստ հրավիրելու վերաբերյալ․ Լ․ Մակունց

Այդ գործողություններով կանխվել են զանգվածային բախումները. Լեւոն Երանոսյանը ժամանեց դատարան

Սահմանադրությունը ժողովրդի համար է, եւ ոչ թե ժողովուրդը՝ Սահմանադրության համար. Եվրոպայի հայերի համագումար

Մխիթարյանը եւ թիմակիցները մինչեւ 500-հազարական ֆունտ ստեռլինգ կստանան, եթե հաղթեն ԵԼ-ում

Գործարքների թիվն աճել է 6.9 տոկոսով, գները՝ 0.8 տոկոսով. իրավիճակը ՀՀ անշարժ գույքի շուկայում այս տարվա ապրիլին

Մայիսի 22-ին՝ ժամը 11:00-ին, գումարվելու է Երևան քաղաքի ավագանու 2-րդ նստաշրջանի 4-րդ նիստը