«Իմ քայլ»-ի հարցերից կարելի էր ենթադրել, որ պատգամավորները դեմ են քվեարկելու իմ ընտրությանը․ ՍԴ դատավորի նախկին թեկնածու

Երեկ՝ ապրիլի 16-ին, Ազգային ժողովում Սահմանադրական դատարանի դատավորի ընտրության հարցն էր քննարկվում․ թեկնածուն իրավաբան Գոռ Հովհաննիսյանն էր, որին առաջադրել էր նախագահ Արմեն Սարգսյանը։ Սակայն, ինչպես եւ սպասվում էր, Հովհաննիսյանը չընտրվեց ՍԴ դատավոր․ 75 պատգամավոր դեմ քվեարկեց, 24-ը՝ կողմ։

Բեռլինի Հումբոլդտի անվան համալսարանի շրջանավարտ, իրավաբանական գիտությունների դոկտոր Գոռ Հովհաննիսյանը մինչ այս ընտրությունը հանդիպումներ էր ունեցել խորհրդարանական երեք խմբակցությունների՝ ԲՀԿ-ի, ԼՀԿ-ի եւ «Իմ քայլ»-ի պատգամավորների հետ։ Երեք խմբակցություններն էլ հիմնականում դրական էին որակել այդ հանդիպումները, ինքը՝ Գոռ Հովհաննիսյանը, եւս գոհ էր։

Բայց ընտրության այսօրվա ելքն ամենեւին անսպասելի չէր։ «Իմ քայլը» խմբակցությունը մեկ անգամ չէ, որ ակնարկել էր՝ իրենց համար առավել ընդունելի թեկնածու է Վահե Գրիգորյանը, որի թեկնածությունը, սակայն, Արմեն Սարգսյանը չէր ներկայացրել խորհրդարանին։

Ընտրությունից առաջ Գոռ Հովհաննիսյանի հետ հարցուպատասխանի ժամանակ «Իմ քայլ»-ի պատգամավորները իրենց մտահոգությունները հայտնեցին վերջինիս ներկայացրած փաստաթղթերի ոչ լիարժեքության վերաբերյալ, նշեցին, որ մասնագիտական փորձը չի բավարարում սահմանված ժամկետին, ապա բազմաթիվ հարցեր տվեցին ՍԴ թեկնածուին, այդ թվում՝ մարտիմեկյան իրադարձություններին սահմանադրական կարգը տապալելու վերաբերյալ եւ այլն։

Գոռ Հովհաննիսյանն ինքն էլ մեր զրույցում ասաց, որ ծավալուն այս քննարկումից, «Իմ քայլ»-ի հարցերից արդեն կարելի էր ենթադրել, որ պատգամավորները դեմ են քվեարկելու։

ՍԴ թեկնածուից հետաքրքրվեցինք՝ «Իմ քայլ»-ի հետ փակ հանդիպմանը նույն հարցերը չէի՞ն հնչել, անսպասելի՞ էին, Հովհաննիսյանն ասաց, որ հարցերի բնույթը հիմնականում նույնն էր, բայց իր համար անհասկանալի էր՝ ինչու արհեստականորեն բարձրացվեց մասնագիտական փորձառության խնդիրը․

«Ես ասացի, որ բոլոր փաստաթղթերը ներկայացրել եմ, բայց տպավորություն ստացա, որ ոչ մի պատգամավոր չէր ուզում նայել դրանք։ Պատգամավոր Նիկոլայ Բաղդասարյանը, որն էլ հիմնականում մատնանաշում էր այդ «խնդիրը», ընդմիջման ժամանակ հաշվեց եւ տեսավ, որ բավարարում է, բայց ընդմիջումից հետո կրկին հայտարարեց, որ չեն բավարարում։ Դա ինձ համար անհասկանալի էր»։

Հովհաննիսյանը նշեց, որ ՍԴ դատավոր չընտրվելն իր աշխատանքային գործունեության հետագա ընթացքում ամենեւին էլ սեւ բիծ չի լինելու, քանի որ ԱԺ-ում քաղաքական նպատակահարմարությամբ են կայացվում որոշումները, եւ դա նորմալ է։

Փաստաբանն ասաց, որ վերադառնալու է Գերմանիա, քանի որ դեռ աշխատանքային պայմանագրեր ունի, սակայն չի բացառվում, որ կվերադառնա Հայաստան եւ կփորձի այլ հնարավորություն օգտագործել՝ իր մասնագիտական գիտելիքներով Հայաստանում սահմանադրական իրավունքի ոլորտը զարգացնելու համար։

«Իմ քայլը» խմբակցության պատգամավոր Նիկոլայ Բաղդասարյանն էլ, որը եւ բարձրաձայնեց Գոռ Հովհաննիսյանի մասնագիտական փորձառության վերաբերյալ խնդիրը, մեր զրույցում ներկայացրեց, որ Հովհաննիսյանը խառնում է երկու հասկացողություն․ պայմանագրի ժամկետ եւ աշխատանքային ժամկետ․

«Պայմանագրային ժամկետները չեն արտացոլում իր մասնագիտական աշխատանքային փորձառությունը»։

Ինչ վերաբերում է Հովհաննիսյանի ելույթին եւ պատասխաններին՝ դրանք Նիկոլայ Բաղդասարյանին եւ շատ այլ պատգամավորների առանձնապես չեն բավարարել․

«Ինձ համար զարմանալի էր Մարտի մեկի վերաբերյալ իր պատասխանը։ Եթե հիշում եք, հարցին, թե ինչ էր մտածում 2008-ի այդ իրադարձությունների ժամանակ, նա պատասխանեց՝ առաջինը մտածեցել է իր բարեկամների մասին։ Կարծում եմ՝ կոռեկտ չէր պատասխանը՝ հաշվի առնելով պաշտոնը, որին հավակնում էր»։

Մեր դիտարկմանը, որ Սահմանադրական դատարանի դատավորի պաշտոնը քաղաքական պաշտոն չէ, եւ գուցե դրա համար Հովհաննիսյանը կոնկրետ պատասխան չի տվել, Նիկոլայ Բաղդասարյանն արձագանքեց, որ ընդունում է՝ քաղաքական պատասխաններ չպիտի լինեն, բայց ինքը խնդիր է տեսնում այդ պատասխանների ձեւի եւ բովանդակության մեջ։

Նիկոլայ Բաղդասարյանից հետաքրքրվեցինք՝ Գոռ Հովհաննիսյանի չընտրվելուց հետո Արմեն Սարգսյանը կարո՞ղ է առաջադրել փաստաբան Վահե Գրիգորյանի թեկնածությունը, քանի որ վերջինս, փաստացի, արդեն նոր թեկնածու է դառնում։ Պատգամավորը պատասխանեց, որ ՍԴ դատավորի թեկնածու առաջադրելու վերաբերյալ օրենքի ձեւակերպումը չի կարող նեղացնել Սահմանադրության այն պահանջը, որը տրված է նախագահին, թե կոնկրետ ինչ թեկնածու չի կարող առաջադրել, ուստի՝ այո՛, նախագահը Վահե Գրիգորյանի թեկնածությունը կարող է առաջադրել։

Ի դեպ, ընթացակարգի եւ օրենսդրության համաձայն՝ եթե Սահմանադրական դատարանի դատավոր չի ընտրվում, ապա լիազոր մարմինը, այս դեպքում՝ նախագահը, մեկամսյա ժամկետում նոր թեկնածու է առաջադրում։

Հիշեցնենք՝ ՍԴ դատավորի թեկնածության համար առաջադրվել էին երեք փաստաբաններ՝ Գոռ Հովհաննիսյանը, հայտնի փաստաբան Վահե Գրիգորյանը եւ Մարտին Մանուկյանը։ Նախորդ տարվա հոկտեմբերին Արմեն Սարգսյանը Սահմանադրական դատարանի դատավորի թափուր տեղի համար առաջադրել էր փաստաբան Վահե Գրիգորյանի թեկնածությունը, սակայն ՀՀԿ-ն տապալել էր այդ ընտրությունը, Վահե Գրիգորյանն էլ չէր ընտրվել։

Այս անգամ Արմեն Սարգսյանն առաջադրել էր Գոռ Հովհաննիսյանի թեկնածությունը՝ հղում անելով ՍԴ մասին օրենքին, ըստ որի ՍԴ դատավոր չընտրելու դեպքում նախագահն առաջադրում է ՆՈՐ թեկնածու, իսկ Վահե Գրիգորյանը տվյալ պահին նախկին թեկնածուն էր։ Արդեն Գոռ Հովհաննիսյանին չընտրելուց հետո Վահե Գրիգորյանը կրկին նոր թեկնածու է։ Հարց է՝ Արմեն Սարգսյանն այս անգամ կառաջադրի՞ նրա թեկնածությունը։

Տպել
3878 դիտում

Ամեն կառույցի թեկուզ մեկ րոպե լռությունը հերթական զոհն է սահմանին․ ակցիա՝ ՀՀ-ում Իտալիայի դեսպանատան մոտ

Հայրենիքի պաշտպանները. նոր լուսանկարներ առաջնագծից

ՀՀ-ում Գերմանիայի դեսպանը ընդունեց ցուցարարներից մեկին․ խոստացել է հենց այսօր կապվել իր ղեկավարության հետ

Ադրբեջանական դիերը երբեմն խոչընդոտում են իր իսկ զորքի տեղաշարժին. Ալեն Սիմոնյան

Հայաստանում և Ադրբեջանում ՈւԵՖԱ-ի հովանու ներքո հանդիպումեր չեն անցկացվի. ՀՖՖ-ն այլըտնրանքային տարբերակներ չի դիտարկում

Ջրի անվտանգության հարցը՝ ԱԱՏՄ ուշադրության կենտրոնում

Beeline-ը Արցախում ռոումինգում գտնվող իր բաժանորդների համար սահմանում է 0 դրամ/րոպե սակագին

Աննա Հակոբյանը նամակներ է ուղարկել Բրազիլիայի, ԱՄՆ-ի, Կանադայի ու այլ երկրների առաջին տիկիններին

3 շաբաթում աշխարհի 60 երկրներից Զինծառայողների ապահովագրության հիմնադրամին 4.5 միլիոն դոլար է նվիրաբերվել

ԱԻՆ-ի աշխատակիցներն ավելի քան 52.000.000 ՀՀ դրամ են փոխանցել համահայկական հիմնադրամին

Այսօր որոշ շրջաններում սպասվում են տեղումներ, ջերմաստիճանը կնվազի

Բանկերը հնարավորություն կունենան առանց հարկային հետեւանքների ներել զոհված կամ հաշմանդամություն ձեռք բերած անձանց վարկերը

ԵԱՏՄ երկրներից Հայաստան եկող բոլոր ռազմական եւ հումանիտար բեռները կազատվեն հարկային վճարումներից. ԱԺ-ն ընդունեց նախագիծը

Ադրբեջանի ԱԳ նախարար Ջեյհուն Բայրամովը մեկնել է Մոսկվա

Գազամատակարարման պլանային ընդհատումներ կլինեն Վանաձորում և Արարատի մարզում

Բժշկական անձնակազմն այս պահին երկու ուղղությամբ է «կռվում» տեսանելի և անտեսանելի թշնամու դեմ. ԱՆ խոսնակ

Միջազգային հանրությանն այլ տարբերակ չի մնա, քան Արցախի անկախությունը ճանաչելը. սենատոր Էդ Մարքի

Մոսկվայում տեղի կունենա Մնացականյան-Լավրով հանդիպումը. օրակարգում ԼՂ հակամարտությունն է

Կորոնավիրուսի նոր հակառեկորդ՝ 1836 դեպք 1 օրում. առաջին անգամ գրանցվել է 16-ամյա երեխայի մահ

75-ամյա Մարուսյա տատն ու Գառնիկ պապն իրենց կովը մորթել, վաճառել ու 100․000 դրամ են փոխանցել զինծառայողների հիմնադրամին