ՀՀ առաջատար մարմնամարզիկները չգիտեն՝ որտեղ են մարզվելու, երբ սկսվի իրենց դպրոցի վերանորոգումը

ՀՀ մարմնամարզության հավաքականի անդամները շատ ուրախ են, որ Ալբերտ Ազարյանի անվան մարմնամարզության օլիմպիական հերթափոխի մանկապատանեկան մարզադպրոցը վերջապես հիմնանորոգվելու է: Մյուս կողմից, սակայն, չգիտեն՝ որտեղ են մարզվելու այդ ընթացքում: Այս մասին այսօր՝ ապրիլի 17-ին, լրագրողների հետ հանդիպման ժամանակ հայտնեց ՀՀ հավաքականի գլխավոր մարզիչ Հակոբ Սերոբյանը: Նա ընդգծեց, որ 2019 թ. շատ կարեւոր է, քանի որ նախաօլիմպիական է, բայց իրեն խոսակցություններ են հասել, որ դա կարող է սկսվել ամռանն ու տեւել 1 տարի:

«Շատ ուրախ ենք, բայց հետո մտածել տվեց՝ որտեղ ենք պարապելու: Կոնկրետ օր չկա, բայց լսել եմ, որ մինչեւ 1 տարի կարող է տեւել: Նախաօլիմպիական տարի է՝ շատ կարեւոր տարի, որտե՞ղ ենք պարապելու: Շահինյանի դպրոցը կա, բայց այնտեղ հենացատկը հնարավոր չէ, Արթուր Դավթյանի նման տղայի համար մահացու կլինի: Նժույգը կարող ենք, օղակները յոլա կարող ենք տանել: Հենացատկը հնարավոր չէ: Երեւի օլիմպիական կոմիտեին դիմեմ»,- ասաց նա՝ ավելացնելով, որ, բացի այդ, չգիտեն՝ որտեղ են տեղավորելու դպրոցի գույքը:

Սերոբյանը նշեց, որ այնուամենայնիվ իրենք չեն ցանկանում խնդրել հետաձգել վերանորոգումը, որպեսզի հանկարծ հետագայում ինչ-ինչ պատճառներով չչեղարկվի: Մասնագետը նաեւ տեղեկացրեց, որ, երբ նոր դահլիճ ունենան, պատրաստվում է Ազարյանի 90-ամյակին նվիրված միջազգային մրցաշար անցկացնել: Արդեն մի քանի երկրների ներկայացուցիչների հետ պայմանավորվել է:

Մարզիչն ամփոփեց նաեւ 2019 թ. Եվրոպայի առաջնությունը: Ապրիլի 10-14-ը Լեհաստանում՝ Շեցինում, կայացած ստուգատեսից իրենք վերադարձել են 1 մեդալով: Օղակների վրա բրոնզ է նվաճել Վահագն Դավթյանը: Արթուր Դավթյանն էլ 8-րդ տեղն է գրավել բազմամարտում: Սերոբյանն ընդհանուր առմամաբ գոհ է, բայց ընդգծում է, որ եզրափակիչ անցնելու դեպքում մեդալներ կարող էին նվաճել նաեւ Հարություն Մերդինյանը եւ Արթուր Դավթյանը (առաջինը նժույգթափերում, 2-րդը՝ հենացատկում), իսկ Արթուր Թովմասյան էլ օղակների եզրափակչում մոտ էր ոսկե մեդալին, բայց սխալ վայրէջքի պատճառով 7-րդ տեղով ավարտեց:

«Ընդհանուր առմամբ գոհ եմ, բայց ավելի շատ հնարավորություններ ունենք: Եզրափակչում Մերդինյանը եւ Դավթյանը կարող էին մեդալակիր դառնալ: Այնպես չէ, որ լուրջ էր, բայց ամեն դեպքում պատճառ էր, որ թռիչքը հետաձգվեց 1 օրով (խմբ. մարզիկները դրա պատճառով 2 գիշեր չեն քնել), իսկ մրցումներում դա մեծ խնդիր կարող է առաջացնել: Մեդալ ունեցանք, գոհ եմ, ապրի Վահագնը: Առաջին օրն էլ, 2-րդ օրն էլ արեց իր հնարավորությունների ամենաբարձր մակարդակով: Թովմասյանը բաց թողեց ձեռքից, եթե վայրէջքի ժամանակ քայլ չաներ, առաջին տեղը կզբաղեցներ»,- ասաց նա:

Եվրոպայի առաջնությունում, բացի մեդալից, ՀՀ հավաքականը նաեւ ամռանը Մինսկում կայանալիք Եվրոպական խաղերի 2 ուղեգիր է նվաճել՝ Վահագն Դավթյանը օղակներում, Արթուր Դավթյանը՝ բազմամարտում: Եթե Ռուսաստանի հավաքականն օղակներում մասնակից չներկայացնի, շանս կարող է ստանալ նաեւ Արթուր Թովմասյանը:

Եվրոպայի առաջնությունից հետո ՀՀ հավաքականը նախատեսում է հավաք անցկացնել Եվրոպական խաղերից առաջ: Մայիսին էլ Սանկտ Պետերբուրգում մրցաշար կա, որին մասնակցելու են բազմամարտիկները: ՀՀ-ն կներկայացնեն Արթուր Դավթյանը եւ Գագիկ Խաչիկյանը:

Տպել
460 դիտում

ԱԺ նախագահը հանդիպել է ԱՄՆ կոնգրեսականների հետ

Սիրիայի Մեծ Մուֆթին շնորհակալություն է հայտնել Հայաստանին հումանիտար օգնության համար․ ԱԳՆ

Երեւանում ընթացող Եվրո 2019-ում ՀՀ-ն այլեւս շանսեր չունի, կիսաեզրափակչի 1-ին մասնակիցը Ֆրանսիան է

Երբ ինքնաթիռի սրահում ծուխ լցվեց, ուղևորները խուճապի մատնվեցին․ Մոսկվա-Երևան չվերթի ողևոր (տեսանյութ)

Վերաքննիչը մերժել է Վահագն Հարությունյանին չկալանավորելու որոշման դեմ գլխավոր դատախազության բողոքը

ԲԴԽ անդամներն այսօր կհանդիպեն Դավիթ Գրիգորյանի հետ, քննարկելու՝ խուզարկությունն ինչպես է ազդել դատավորի անկախության վրա

Քաղաքապետարանը անորակ ճաքալցում արած ընկերությանը ստիպել է սեփական միջոցներով ասֆալտապատել փողոցը (տեսանյութ)

Իսկ «Հայանտառ» ՊՈԱԿ-ի տնօրենը կամ որոշ բարձրաստիճան պաշտոնյաներ տեղյակ չե՞ն եղել անտառահատումներից․ բնապահպան

Դատավոր Դավիթ Գրիգորյանի աշխատասենյակում քննչական գործողությունների վերաբերյալ տրվել է սուտ տեղեկություն․ պարզաբանում

Ջերմաստիճանը բարձր է լինելու․ ՀՀ-ում սպասվում է բարձր կարգի հրդեհավտանգ իրավիճակ

ԲԴԽ անդամ Նախշուն Տավարացյանի լիազորությունները չեն դադարեցվի. ԲԴԽ-ն հրապարակեց որոշումը

Մեկնարկում է «Մարդու իրավունքները և կանայք Հայաստանի զինված ուժերում» ծրագիրը․ հանդիպում ՊՆ-ում

Աննախադեպ. 3 հայկական թիմ Եվրոպա լիգայի որակավորման 2-րդ փուլում

Հայաստանը ցանկանում է բարձրացնել գյուղատնտեսության արտադրողականությունը․ քննարկում նախարարությունում

Օդանավից տարհանված ուղևորներից երկուսը գտնվում են մերձմոսկովյան Խիմկի քաղաքի հիվանդանոցում․ մանրամասներ

Շրջակա միջավայրին մեկ շաբաթում հասցվել է 3.8 մլն դրամի վնաս․ հաշվետվություն

ԻՆԵԿՈԲԱՆԿԸ հովանավորում է «ՍԵՎԱՆ ՍՏԱՐՏԱՓ ՍՏԱՐՏԱՓ ՍԱՄՄԻԹ 2019»-ը

Անտառի պահպանությունը ազգային անվտանգության հարց է․ Տավուշի ՀԿ-ների հայտարարությունը

13 անձ ձերբակալվել է, 11-ը որոնվում է․ ՔԿ-ն միջոցառումներ է իրականացնում Իջեւանում բախումների գործով

ՊՎԾ-ից եւ ՊԵԿ-ից ազատվել եմ իմ դիմումի համաձայն. Սոցապ ծառայության պետը մանրամասնում է վերջին ազատումների պատճառները