Հայաստանի ֆուտբոլի ֆեդերացիայի գլխավոր քարտուղար Արմեն Մելիքբեկյանը պատասխանել է հավաքականի ու ֆեդերացիայի վերաբերյալ սուր քննադատություններին: Վերջին շրջանում՝ հատկապես Եվրո 2020-ի որակավորման փուլում ընտրանու անհաջողություններից հետո գնահատականներն ավելի են խստացել: Երկրպագուները լավ, թանկարժեք, արտասահմանցի գլխավոր մարզիչ են ուզում, ինչպես նաեւ ցանկանում են, որ արդյունքներն արագ նկատելի դառնան: «Շանթ» հեռուստաընկերությանը տված հարցազրույցում մարզչի հետ կապված Մելիքբեկյանը նշել է, որ եղած ռեսուրսները հաշվի առնելով՝ Արմեն Գյուլբուդաղյանցն ամենաօպտիմալ տարբերակն է:

«Ես 2005-08 թթ. եղել եմ ՀՖՖ գործադիր տնօրեն եւ եղել եմ այն թիմի մասը, որը զբաղվել է մարզչի ընտրությամբ: Միշտ դժգոհություններ եղել են: Վարդան Մինասյանի թիմը շատ լավ էր հանդես գալիս, բայց ասում էին, որ, եթե ավելի լավ, թանկ, արտասահմանցի մարզիչ լիներ, ավելի լավ կխաղային: Իրականում դա այդքան էլ այդպես չէ: Սա շատ խիստ մասնագիտական հարց է, եւ դժգոհություններ միշտ լինելու են: Ֆեդերացիայի նախագահն էլ ասել է, որ մենք բանակցել ենք բազմաթիվ լավ համարվող եւ թանկ համարվող մարզիչների հետ, բայց խնդիրներն այլ տեղում են, եւ այսօր մենք գտել ենք, որ այս պահի դրությամբ մեր ունեցած ռոսուրսների համար ամենաօպտիմալ տարբերակը սա է: Միեւնույն ժամանակ շատ լուրջ աշխատանք ենք կատարում մանկապատանեկան ֆուտբոլում, տեխնիկական տնօրենն իսպանացի է, այ հենց նա թանկ մասնագետ է»,- ասաց նա:

Մելիքբեկյանը նշեց, որ վերջին շրջանում ուրախացրել են պատանեկան տարիքային հավաքականները: 15 տարեկանները Վրաստանի հետ մարտական ֆուտբոլ են խաղացել, հաղթել են 1:0, մի խաղ էլ ոչ-ոքի է ավարտվել՝ 2:2: Մինչեւ 18 տարեկանների թիմը վերջերս Կիպրոսի հասակակիցների հետ խաղացել է 3:3 եւ 1:1: Մելիքբեկյանն նշում է, որ, իհարկե, Կիպրոսի ոչ-ոքիներն ուրախանալու առիթ չեն, բայց պետք է նկատել, որ դրական դինամիկա կա:

«Մեթոդիկայի նեդրումը միանգամից չի երեւա, բայց որոշակի, աննշան պրոգրես մենք զգում ենք ե՛ւ մոտեցումների, ե՛ւ երիտասարադական հավաքականի մարզիչների աշխատանքում: Հուսամ, որ ինչ-որ ժամանակ անց մենք դա ավելի լավ կտեսնենք»,- ասել է նա:

Մելիքբեկյանը խոսել է նաեւ ակումբներին ենթակառուցվածքներով օգնելու մասին: Անդրադարձել է հաջորդ մրցաշրջանում ՀՀ Բարձրագույն խմբի առաջնության թիմերի քանակի, բանակային ակումբ ունենալու թեմաներին: Մեկնաբանել է արտասահմանում ապրող ազգությամբ հայ ֆուտբոլիստներին ՀՀ հավաքական բերելու հնարավորությունները: Մասնավորապես պարզաբանել է ուրուգվայահայ Դիեգո Մարաշլյանի իրավիճակը՝ նշելով, որ հենց ֆուտբոլիստն է ասել, որ իրեն ուրուգվայցի է զգում ու ցանկանում է այդ երկիրը ներկայացնել: Պատասխանել է «Հրազդան» մարզադաշտի խնդիրների ու ՀՖՖ տեխնիկական նոր տնօրեն Խինես Մելենդեսի աշխատավարձի վերաբերյալ հարցերին: Վերջին թեմայի առումով պնդել է, որ մասնագետը 1 մլն դոլար չի ստանում:

Տպել
646 դիտում

Եվրոպական գրանդ ակումբները չեն թերագնահատում Եվրո 2019. նրանց ամենատես սկաուտները Երեւանում են

Աննա Հակոբյանի նախաձեռնությամբ «Իմ քայլը» կաջակցի «Իմ ուղի» ուսումնավերականգնողական կենտրոնի կառուցմանը (լուսանկարներ)

Երեկվա ակցիան ոչ թե ինքնաբուխ հավաք էր, այլ մի քանի անձանց կողմից կազմակերպված սադրանք. Վանեցյան

Դու օրը 10 հազարով կարո՞ղ ես տուն պահել. բողոքի ակցիայի մասնակիցը՝ Պապիկյանին. Իջեւանում կրկին լարված է

Հունիսին «Ժպիտների քաղաք» հիմնադրամը 58 երեխայի և երիտասարդի է օգնել. ամենափոքրերը 1 տարեկան են

Վերապատրաստում են անցել ՀՀ ՊՆ խաղաղապահ բրիգադի կին զինծառայողները

2000-5000-ական դրամ․ ՌՈ-ն բացահայտել է զորացրված զինծառայողներից դրամահավաքի դեպք

Որպես անհետ կորած որոնվող մայրը և դուստրը հայտնաբերվել են

Սխալ է ու հիասթափեցնող․ Ռուսաստանը պատրաստ է Թուրքիային Սու-35 կործանիչներ մատակարարել

Հայաստանի թավշյա հեղափոխությանը նվիրված լուսանկարչական ցուցահանդես է բացվել Վարշավայում

Կարծում եմ, որ այսօր այս հարցի լուծումը վերջնական կտրվի. Արթուր Վանեցյան

Մեկնարկել են Երևան-Երասխ-Գորիս-Մեղրի-հայ-իրանական սահման միջպետական ավտոճանապարհի հիմնանորոգման աշխատանքները

Իջեւանում է գտնվում ԱԱԾ տնօրեն Արթուր Վանեցյանը

Լոռու մարզի Սվերդլով գյուղում գայլերը հոշոտել են 25 մանր եղջերավոր անասուն

Խորհրդարանի ղեկավարը հանդիպումներ է ունեցել ԱՄՆ հայկական կազմակերպությունների ներկայացուցիչների հետ

ՀԴՄ-ները քիչ են. տրամադրվելու են միայն սահմանամերձ գյուղերում հաշվառված եւ գործող հարկ վճարողներին. ՊԵԿ

ՍԴ-ն կասեցնում է Քոչարյանի գործի վարույթները եւ դիմում ՄԻԵԴ-ին ու Վենետիկի հանձնաժողովին․ նոր զարգացում

Հայկական շոու-բիզնեսի ապագա մայրիկները (լուսանկարներ)

Իշխանությունը դատապարտված է դատական համակարգում բարեփոխումներ անել, հակառակ դեպքում 1 մմ իսկ առաջ գնալու շանս չունենք

Մարտունիում տղամարդ աշխատակիցների կարիքը մեծ է. բոլորը արտագնա աշխատանքի են մեկնել