Երբ դուք ասում եք, որ Ծառուկյանը գին իջեցրեց, անուղղակիորեն նրա կարգավիճակը պատգամավորից իջեցնում եք գործարարի․ Թունյան

Մենք Ազգային ժողովում ստեղծելու ենք ենթահանձնաժողով, որտեղ ներգրավվելու են ցեմենտ արտադրող բոլոր ընկերությունների ներկայացուցիչները, ցեմենտի մասնագետներ, տնտեսագետներ, որոնք մեկ ամսվա ընթացքում փորձելու են գտնել էն օպտիմալ լուծումը, որից շահելու է մեր երկիրը։ Այս մասին այսօր Ազգային ժողովում իր ելույթում ասաց ԱԺ «Իմ քայլը» խմբակցույթյան անդամ, տնտեսական հարցերի մշտական հանձնաժողովի նախագահ Բաբկեն Թունյանը։

Հիշեցնենք՝ խորհրդարանն այսօր քննարկում է «Պետական տուրքերի մասին» ՀՀ օրենքում լրացում կատարելու մասին հարցը, ըստ որի՝ նախատեսվում է Հայաստան ներկրվող ցեմենտի տուրք սահմանել 22 հազար դրամը։

Թունյանն իր ելույթում ասաց, որ մենք այսօր խնդիր ունենք, որ թե՛ ներկրվող, թե՛ արտադրվող ցեմենտի որակը հստակ ստուգելու․

«Եթե խոսեցնենք շինարարներին, մի բան են ասում, եթե խոսեցնենք արտադրողներին, մեկ այլ բան են ասում, արտադրողներն իրար մեջ տարբեր բաներ են ասում: Դրա համար մենք պետք է վստահ լինենք թե՛ ներկրվող, թե՛ արտահանվող, թե՛ արտադրվող ցեմենտի հարցի հետ կապված»,- ասաց Թունյանը:

Ապա, դիմելով ԲՀԿ խմբակցության պատգամավոր Արման Աբովյանին, վերջինիս հարցրեց, թե ի՞նչ հեռախոս ունի Աբովյանը, տեղակա՞ն, թե՞ արտասահմանյան։ Թունյանն այս հարցը տվեց՝ անդրադառնալով Արման Աբովյանի դիտարկմանը, թե տեղական արտադրությունը պետք է անպայման խթանել։ Երբ Աբովյանը պատասխանեց՝ արտասահմանյան, տնտեսական հարցերի հանձնաժողովի անդամը արձագանքեց․

«Ուզում եմ ասել, որ ամեն ինչ պետք է կշռադատվի։ Տեղական արտադրանքը պետք է խրախուսվի, բայց ոչ միանշանակ, որովհետեւ այդ դեպքում դուք պետք է «Արմֆոն» ունենայիք, ոչ թե արտասահմանյան հեռախոս»,-նկատեց Թունյանը։

Իր ելույթում Բաբկեն Թունյանը բարեկամական խորհուրդ տվեց ԲՀԿ-ի պատգամավորներին․

«Երբ դուք ասում եք, որ Ծառուկյանը 50 հազարից գին իջեցրեց, դուք անուղղակիորեն պարոն Ծառուկյանի կարգավիճակը պատգամավորից իջեցնում եք գործարարի: Իսկ գործարարը չի կարող պատգամավորությամբ զբաղվել: Խնդրում եմ, այսպիսի վատություն մի արեք պարոն Ծառուկյանին»,- ասաց նա:

Պատգամավորը կես կատակ-կես լուրջ ասաց, որ այս ծավալուն քննարկման արդյունքը եղավ այն, որ բոլորը հասկացան՝ ինչ է կլինկերը, իսկ կլինկերը ցեմենտի հետ խառնվող շինարարական նյութ է։․

«Ես, օրինակ, չգիտեի, թե ինչ է, բայց դրա փոխարեն գիտեի, թե ՀՆԱ-ի դեֆլյատորը ինչ է, Ջինիի գործակիցը ինչ է: Կլինեկերն էլ կիմանանք, ընթացում թեմաներ կշոշափվեն, դրանք էլ կիմանանք: Բայց, որ չիմանանք էլ, ոչինչ: Ուզում եմ ասել, որ հանձնաժողովում եթե ինչ-որ բան չենք իմանում, հարցնում ենք, եթե պատասխանողներ էլ լինեն, միշտ բաց ենք»,- ասաց նա:

Ինչ վերաբերում է կարծիքին, թե մինչ նախագիծը ներկայացնելը չեն հանդիպել խոշոր ընկերությունների հետ, Բաբկեն Թունյանը նշեց, որ նախագիծը կառավարություն գնալիս քննարկվել է մի ընկերության հետ, եւ որեւէ փոքր ընկերության կարծիք չի հարցվել, եթե փոքր ընկերությունների կարծիք հարցվեր, ապա կունենայինք այլ պատկեր։ Թունյանն ասաց, որ ինքը տարբեր ընկերություններից դժգոհություններ է ստացել, որ արդեն ունեն պայմանագրեր իրանական ընկերությունների հետ․ «Մեր խնդիրը բոլորի շահերը բալանսավորելն է»:

Անդրադառնալով Գագիկ Ծառուկյանի հնչեցրած այն մտքին, թե պատասխանատվությունը «Իմ քայլ»-ի վրա է միայն, Բաբկեն Թունյանն ասաց, որ բոլորի պատասխանատվությունը պետք է լինի որոշում ընդունելը, իսկ պատասխանատվությունը պետք է լինի ընդհանուր․

«Եթե դուք պատասխանատվությունը թողնում եք մեզ վրա, ուրեմն մենք կարող ենք առանց ձեզ քննարկել: Բայց եթե ուզում եք մեզ հետ պատասխանատվությունը կիսել, խնդիր չկա: Բոլորիս նպատակը նույնն է, ճանապարհներն ենք տարբեր տեսնում, խնդիրը ճիշտ ճանապարհ գտնելն է, եւ ինձ թվում է, որ մենք այդ ճանապարհը գտնելու ենք վերջում։ Մենք ասում ենք, որ այս պահին սա է ճիշտ լուծումը: Եթե գտնում եք, որ դեմ քվեարկելը ավելի օգուտ է, դեմ քվեարկեք: Բայց մենք կոչ ենք անում այս փուլում այս օրենքի նախագծին կողմ քվեարկել: Մինչեւ երկրորդ ընթերցումը մենք կփորձենք բոլոր հարցերի ճիշտ պատասխանները գտնել»,- ասաց «Իմ քայլ»-ի պատգամավոր, տնտեսագետ Բաբկեն Թունյանը:

Տպել
1173 դիտում

Նախագիծն ընդունվեց․ զինծառայողների աշխատավարձը կբարձրանա

35 մլն դոլար հատկացնում ենք ճանապարհաշինությանը եւ ամեն անգամ սթրեսի մեջ ենք՝ կարողանալո՞ւ ենք գումարը ծախսել․ վարչապետ

Մասիսի քաղաքապետի նկատմամբ «Էրեբունիի գործով» քրեական հետապնդումը դադարեցվել է, բայց նա մնում է մեղադրյալ

363 մլն 110 հազար դրամի ներդրում, 13 նոր աշխատատեղ՝ 350,000 դրամ միջին աշխատավարձով․ «Ջերմուկ գրուպ» ՓԲԸ-ն ներդրում կանի

Սիս գյուղի երեխեքը հարցազրույց են տալիս, ասում են՝ Նիկոլն եկավ, խոստացավ, «գլխառադ» արեց․ էդ ճանապարհը խի՞ չեն սարքում

Վարշավան և Վաշինգտոնը մոտ են Լեհաստանում ԱՄՆ ռազմական ներկայությունը մեծացնելուն

Երեւանում կկառուցվի ժամանցային, զվարճանքի այգի․ կգործեն եվրոպական արտադրության վերջին սերնդի կարուսելներ

Քոչարյանի և մյուսների գործով դիմումը ՍԴ-ում նախնական ուսումնասիրության փուլում է. հայտարարություն

ԵԱՀԿ-ն անցկացրել է հայ-ադրբեջանական սահմանագոտու հերթական դիտարկումը

Գործադիրը հավանություն տվեց շուրջ 5 մլն դոլարի ներդրումային ծրագրին․կստեղծվի 20-50 նոր աշխատատեղ

Հայաստանի Հանրապետության եւ Չինաստանի Ժողովրդական Հանրապետության միջեւ վիզային ռեժիմը կվերանա

Գործադիրը հավանություն տվեց «Պետ․ նպաստների» եւ «Կենսաթոշակների մասին» օրենքներում լրացումներ կատարելու մասին նախագծերին

Իռլանդիայի արդարադատության և հավասարության նախարարն ափսոսանք է հայտնել Մխիթարյանի՝ Բաքու չմեկնելու առթիվ

Հասանովն Ադրբեջանում ընթացող լայնամասշտաբ զորավարժությունների շրջանակում այցելել է առաջնագիծ

Մեկնարկել է ՀՀ կառավարության հերթական նիստը․ օրակարգում 49 հարց է, 35-ը՝ չզեկուցվող

Վահե Ղազարյանը նշանակվել է ՀՀ ոստիկանության զորքերի հրամանատար, ոստիկանության պետի տեղակալ

Ոստիկանները թրաֆիքինգի դեպք են բացահայտել․ կասկածյալները տղամարդ ու կին են (տեսանյութ)

Թող Վազգեն Մանուկյանը չվախենա, բացահայտումները լինելու են ի շահ մեր պետականության․ Անդրանիկ Քոչարյան

Ինչպե՞ս ամրապնդել հայ-վրացական տնտեսական փոխգործակցությունը. քննարկում նախարարությունում

Վանաձորում գործադուլը շարունակվում է. քաղաքի երթուղայիններին միացել են միջհամայնքային գծերի վարորդները (լուսանկարներ)