«Իրազեկ քաղաքացի» թեմայով հանրային քննարկում Մաշտոցի պուրակում՝ պաշտոնյաների ու քաղհասարակության ներկայացուցիչների միջեւ

Քաղաքացու օրվա շրջանակներում Միսաք Մանուշյանի անվան պուրակում, որն ավելի հայտնի է որպես Մաշտոցի պուրակ, «Իրազեկ քաղաքացի» խորագրով հանրային քննարկում է ընթանում։ Սա այն պուրակն է, որտեղից 2013 թվականին ինքնորոշված քաղաքացին սկսեց իր պայքարը՝ ընդդեմ նախկին իշխանությունների ապօրինությունների։

Հանրային քննարկմանը մասնակցում են մասնակցում են ԱԳ նախարար Զոհրապ Մնացականյանը, աշխատանքի եւ սոցիալական հարցերի նախարար Զարուհի Բաթոյանը, տարածքային կառավարման եւ զարգացման նախարար Սուրեն Պապիկյանը, ԱԺ պատգամավոր Հայկ Կոնջորյանը եւ քաղհասարակության ներկայացուցիչներ, այդ թվում՝ Վարդգես Գասպարին: 

Սոցապ նախարար Զարուհի Բաթոյանն ասաց, որ անցնող տարին իր համար եղել է ծանոթությունների, ուսումնասիրությունների տարի. «Որքան էլ տեղյակ ենք խնդիրներին, միեւնույն է կան խնդիրներ, դետալներ, որոնց կարելի է ծանոթանալ միայն ներսից: Ինձ համար ուսումնասիրությունների, ծանոթանալու փուլ էր: Եթե մենք նույնիսկ շատ արագ չենք կարող խնդիրները լուծել, նվազագույնը, որ կարող ենք անել, քաղաքացուց լսելն է. սա գոնե որեւէ լուրջ ռեսուրս, դրամանական միջոց չի պահանջում»,-ասաց Բաթոյանը եւ միանշանակ կարեւորեց քաղհասարակության դերը հարցերին լուծում տալու գործում։

Հայկ Կոնջորյանն էլ խոսեց քաղաքացիների եւ պաշտոնյաների միջեւ կապի մասին՝ նշելով, որ դրա կարեւոր օղակն ԱԺ պատգամավորներն են, որովհետեւ պատգամավորը քաղաքացիների ներկայացուցիչն է ԱԺ-ում:

«Նախկինում այդ անջրպետը կար, որովհետեւ պատգամավորն իր գործառույթը չէր իրականացնում կամ իրականացնում էր բացթողումներով: Այսօր մենք ունենք այլ իրավիճակ: Այսօր կարեւորագույն տեղ ենք հատկացնում քաղաքացու հետ ամենօրյա շփումներին: Ինչ վերաբերում է Կառավարություն անսխալ լինելուն կամ Կառավարություն-ԱԺ հարաբերություններին, ապա մենք մշտապես շեշտել ենք, որ եթե մենք ցանկանում ենք կայուն, զարգացած ինստիտուտներով պետություն ստեղծել, ապա պետք է ստեղծենք զսպումների ու հակակշիռների մեխանիզմ»,-ասաց Հայկ Կոնջորյանը: 

Քաղհասարակության ներկայացուցիչ Վարդգես Գասպարին Կոնջորյանի խոսքից հետո ասաց, որ նախկին իշխանությունները չեն պրծել, ներկաներն էլ չեն պրծնի իր ձեռից․

«Պարո՛ն Կոնջորյան, ձեր՝ իշխող քաղաքականության ուժի կարծիքը քաղաքացու հետ կապի մասին իրականությանը չեն համապատասխանում: Ես ԱԺ տարբեր հանձնաժողովների հարցեր եմ ուղղել, ինձ չեն էլ պատասխանել: Չեն էլ ասում՝ ստացել են նամակս, չեն ստացել: Ասում եմ՝ լավ, մարդ են, կարող է՝ նոր են եկել, հնարավոր է՝ սովոր չեն, որ իրենց էլեկտրոնային հասցեն պետք է ստուգեն, մի հատ էլ «Ֆեյսբուքով» եմ գրում, ինչ-որ հումորների ֆեյսբուքով արձագանքում են, բայց իմ հարցերին չեն պատասխանում: Պետաիրավական հանձնաժողովին, տնտեսական հանձնաժողովին կոնկրետ նամակ ու հարցեր եմ գրել, բայց չեն պատասխանել»,-ասաց Գասպարին:

Կոնջորյանն ասաց, որ Գասպարին պահանջատեր քաղաքացու մաստեր կլասս արեց եւ պահանջեց ու ստացավ իր իրավունքը՝ հարցադրում անելու։ Պատգամավորը հավաստիացրեց, որ Գասպարիին կհրավիրի Ազգային ժողով եւ կհանդիպի հանձնաժողովների ներկայացուցիչների հետ, բոլոր հարցերը կփոխանցի նրանց, կբանավիճի հանձնաժողովների ներկայացուցիչների հետ։

Տպել
1168 դիտում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը

ԶՈՒ գլխավոր շտաբի պետն այցելել է հյուսիսարևելյան սահմանագոտի, ստուգել պահեստավորված զինամթերքը

Վաչե Տերտերյանն ընդունել է ՅՈՒՆԻՍԵՖ-ի ներկայացուցչին

Արցախի պետնախարարի մոտ քննարկվել է զորամասերում սննդի կազմակերպման նոր ծրագիրը

Ակնհայտ էր, որ տնտեսական հեղափոխությունը ձախողված է, դրա համար էլ կառավարությանն օդ ու ջրի պես պետք է հանքի շահագործումը