Հայաստանի ֆուտբոլի ֆեդերացիայի նախագահ Արթուր Վանեցյանն ընդգծում է, որ եթե անհրաժեշտություն լինի, Արմեն Գյուլբուդաղյանցը կհեռացվի ազգային հավաքականի գլխավոր մարզչի պաշտոնից: Մյուս կողմից նա առաջարկում է շանս տալ մասնագետին: Շեշտում է, որ եղել են հայտնի մարզիչներ, որոնց հետ ֆեդերացիան բանակցել է, սակայն հենց իրենք են հրաժարվել ստանձնել աշխատանքը՝ համարելով, որ չեն կարող արդյունքի հասնել: Այս ու հայկական ֆուտբոլի վերաբերյալ այլ հարցերի շուրջ Վանեցյանը «Հայկական ժամանակ»-ի հետ զրուցեց անցած հանգստյան օրերին տեղի ունեցած «Բանանց» ֆուտբոլային ակումբի գլխավոր մարզադաշտի վերաբացմանը նվիրված միջոցառումից հետո: Նա նախ անդրադարձավ մարզադաշտի վերակառուցմանը, ընդգծեց դրա կարեւորությունը, այնուհետեւ խոսեց մյուս հարցերի շուրջ:

-Շատ բարձր եմ գնահատում այս մարզադաշտի վերակառուցումը եւ նորովի ներկայացնելը, որովհետեւ Հայաստանում պետք է որքան հնարավոր է շատ լինեն նման մարզադաշտեր: Կոչով նաեւ դիմել եմ բոլոր ֆուտբոլային ակումբներին, որպեսզի ընդօրինակեն «Բանանցին» եւ իրենք էլ կառուցեն մարզադաշտեր: Հասկանում եմ, որ ֆինանսական մեծ ներդրումների հետ է կապված, բայց պետք է բոլորս մեր ուժերը ներդնենք, որպեզի ֆուտբոլային զարգացած ենթակառուցվածքներ ունենանք, որովհետեւ բոլորը պահանջում են որակյալ ֆուտբոլ, հաղթանակներ, բայց առանց զարգագած ենթակառուցվածքների մենք երբեք չենք ունենա բարձր որակի ֆուտբոլիստներ եւ չենք ունենա լավ ֆուտբոլ:

-Այս մարզադաշտն ընդունելու է Երեւանում կայանալիք մինչեւ 19 Եվրոպայի 2019 թ. առաջնության խաղեր: Այդ մրցաշարի նշանակության մասին ի՞նչ կասեք:

-Շատ կարեւոր միջոցառում է մեր երկրում, որովհետեւ Եվրոպայի 8 երկրներից մասնակիցներ են գալու Հայաստան: Երեւանն այդ օրերին լինելու է եվրոպական ֆուտբոլի մայրաքաղաքը, եւ նման մրցաշարերը կարծում եմ, որ պետք է շատ աջակցեն հայկական ֆուտոբլին:

-Մեր ընտրանու առջեւ ի՞նչ խնդիր է դրված:

-Հաղթանակ, միայն հաղթանակ: Մեր հավաքականի առջեւ մենք դնում ենք միայն հաղթանակ:

-Ունե՞նք այդ պոտենցիալը:

-Որ չունենանք էլ, պետք է ստեղծենք: Ես, քանի որ նաեւ զինվորական եմ, գտնում եմ, որ պետք է ունենանք միայն հաղթանակ: Մենք նահանջելու, պարտվելու տրամադրություններ երբեք չպետք է ունենանք: Հաղթանակները դժվար են, բայց մենք ձգտում ենք միայն հաղթանակների:

-Հաղթանակների առումով... խոսենք նաեւ մեծահասակների հավաքականի մասին: Որքան էլ ասենք՝ ժամանակ է պետք, երկրպագուները միեւնույն է անհամբեր են, ուզում են անընդհատ հաղթանակներ տեսնել:

-Ես էլ եմ շատ անհամբեր: Ես էլ եմ շատ ուզում հաղթանակներ տեսնել: Եթե երկրպագուներն էմոցիոնալ այդ պահին ուրախանում են կամ տխրում, ես այդ հաղթանակներով եւ պարտություններով ապրում եմ ու անում եմ ամեն ինչ, որպեսզի ունենանք հաղթանակներ: Համոզված եմ, որ ունենալու ենք այդ հաղթանակները: Խնդրում եմ զինվել համբերությամբ, աջակցել Հայաստանի ֆուտբոլի ֆեդերացիային. ոչ թե չքննադատել, այլ քննադատել տեղին, կառուցողական քննադատություն լինի, որպեսզի մենք էլ լսենք եւ կարողանանք ինչ-որ քայլեր ձեռնարկել: Ամեն ինչ անում ենք այդ ուղղությամբ: Հավաստիացնում եմ՝ մեր ողջ ժողովրդին, որ Հայաստանի ֆուտբոլն առաջիկայում ունենալու է շատ լուրջ արդյունքներ: Ամեն դեպքում, ես՝ որպես ֆեդերացիայի նախագահ, ամեն ինչ անում եմ այդ ուղղությամբ եւ անելու եմ:

-Ամենամեծ քննադատությունն այսօր ուղղված է գլխավոր մարզիչ Արմեն Գյուլբուդաղյանցին: Դա կառուցողակա՞ն քննադատություն է:

-Չեմ ուզում գնահատական տալ՝ օբյեկտիվ է, թե օբյեկտիվ չէ: Եթե ունենք պարտություններ, հասարակությունն իրավունք ունի դժգոհելու: Բայց կա նաեւ մի բան, որը պետք է հաշվի առնել. մարզիչը նշանակվել է ոչ հասարակ պայմաններում, մարզիչը նշանակվել է ոչ պլանավորված: Երբ ես ընտրվեցի ֆուտռբոլի ֆեդերացիայի նախագահ, անսպասելի բոլորիս համար հրաժարականի դիմում ներկայացրեց նախկին գլխավոր մարզիչը (խմբ. Վարդան Մինասյան): Արտասահմանցի մարզիչ հրավիերլու աշխատանքներ տարանք: Հայաստան ժամանեցին մի քանի անվանի, աշխարհահռչակ մարզիչներ:

-Օրինակ....

-Ջանի դե Բիազին.... չեմ ուզում անուններ ասել: Ցավոք սրտի, նրանք գալիս են, ծանոթանում են պոտենցիալին եւ հրաժարվում են: Այսինքն՝ ոչ թե ֆեդերացիան գումարներ է խնայել կամ այլ պատճառներ ունի, այլ մարզչները գալիս են, ծանոթանում են եւ ասում, որ չենք կարող այս թիմում արդյունք ունենալ: Բայց դա չի նշանակում, որ մեր թիմը վատն է: Թող ոչ մեկ չմտածի, որ ես քննադատում եմ մեր թիմի խաղացողներին: Ուղղակի այդ մարդիկ չեն ճանաչում թիմը, չեն ուզում պոտենցիալը վերականգնել, ուզում են ավելի հեշտ ճանապարհ՝ գնալ այլ երկրներում զբաղվել իրենց մարզչական գործունեությամբ: Այսօր ունենք Արմեն Գյուլբուդաղյանց, որը ֆուտբոլի նվիրյալ է, որն այսօր փորձում է ամեն ինչ անել մեր հայկական ֆուտբոլի զարգացման համար: Եկեք տանք այդ շանսը: Որեւէ կաշկանդվածություն չունենք ցանկացած պահի փոխելու Արմեն Գյուլբուդաղյանցին, բայց այդ պահը պետք է հասունանա: Կամ կհասունանա նրան փոխելու պահը, եւ նա կփոխվի, կամ նա ցույց կտա այնպիսի արդյունքներ, որոնք կգոհացնեն թե՛ ֆեդերացիային, թե՛ հասարկությանը:

-Ֆուտբոլային քննարկումների օրակարգում է նաեւ «Ազգային» մարզադաշտի կառուցումը: Ի՞նչ փուլում են աշխատանքները:

-Շատ մեծ ներդրում է: Աշխատում ենք ներդրողների հետ: Կան այսօր ռեալ մարդիկ, որոնք պատրաստակամություն հայտնում են: Բանակցում ենք Երեւանի քաղաքապետարանի հետ հողի հատկացման հետ կապված: Կարծում եմ՝ առաջիկա 1-2 տարիներին պետք է որ ունենանք «Ազգային» ստադիոն:

-Տեղ կա՞ հատկացված

-Տեղ չկա: Ամենացավալին տեղի հարցն է: Տեղը չենք կարողնանում այս պահին ընտրել: Իսկ ներդրողներ շատ կան:

Տպել
1233 դիտում

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից

ՊԵԿ նախագահ Դավիթ Անանյանն արձակուրդ է գնում, նրան կփոխարինի Ռաֆիկ Մաշադյանը