ՔՊԿ վարչության գործող անդամներ Լենա Նազարյանն ու Գարիկ Սարգսյանը վարչության նոր ընտրություններում չեն առաջադրվել

Քաղաքացիական պայմանագիր կուսակցությունում առաջիկայում վարչության ընտրություններ են։ Ներկուսակցական պայքարը բավականին հետաքրքիր է լինելու․ որպես վարչության անդամի թեկնածու ինքնառաջադրվել է 65, վերահսկող հանձնաժողովի անդամ դառնալու համար՝ 33 կուսակցական։

Վարչությունը կուսակցության մշտական գործող ղեկավար մարմինն է, որը կուսակցության անունից իրականացնում է նրա` որպես իրավաբանական անձի լիազորությունները եւ կուսակցության ընդհանուր ղեկավարումը: Իսկ վերահսկող հանձնաժողովը կուսակցության նյութական ու ֆինանսական միջոցների ծախսման նկատմամբ, կուսակցության մարմինների անհատական որոշումների բողոքարկումները քննարկող եւ լուծող վերահսկիչ մարմին է: Վարահսկող հանձնաժողովը քննարկում եւ ըստ անհրաժեշտության կուսակցության ղեկավար մարմիններին է ներկայացնում կուսակցության կանոնադրության լրամշակման վերաբերյալ կուսակցության անդամների առաջարկությունները: 

Հետաքրքրական է, որ կուսակցության վարչության գործող անդամներ ԱԺ փոխնախագահ Լենա Նազարյանն ու Արարատի մարզպետ Գարիկ Սարգսյանն այս անգամ չեն առաջադրվել որպես վարչության անդամի թեկնածու։ Սակայն Գարիկ Սարգսյանը դրա փոխարեն իր թեկնածությունն է առաջադրել որպես վերահսկող հանձնաժողովի անդամ։

Լենա Նազարյանի չառաջադրվելու պատճառն անձնական է: Վերջինս «Հայկական ժամանակ»-ի հետ զրույցում ասաց, որ չի ցանկանում՝ իր առաջադրումը շահերի բախման մասին հնարավոր խոսակցությունների առիթ լինի, քանի որ թեկնածության հայտ է ներկայացրել նաև իր ամուսինը՝ Նարեկ Բաբայանը․

«Ամուսինս նույնպես ՔՊ շատ ակտիվ անդամ է եղել 2013 թվականից սկսած և կուսակցության զարգացման վերաբերյալ իր ծրագրերն ունի, որոնք կներկայացնի քարոզչության ընթացքում»,-մասնավորապես ասաց Նազարյանը: Նա ընդգծեց, որ վարչության անդամ չլինելն իրեն չի խանգարի նույնչափ ակտիվ լինել կուսակցության գործունեության վերաբերյալ հարցերում։

Ինչ վերաբերում է Գարիկ Սարգսյանի՝ վարչության անդամի պաշտոնում չառաջադրվելուն՝ վերջինս մեր զրույցում ասաց, որ քանի որ ինքը բնույթով փոփոխությունների կողմնակից է, կարծում է՝ լավ կլինի, որ իրենց մյուս գործընկերն էլ հնարավորություն ունենան առաջադրվելու եւ վարչության աշխատանքներում իրենց մասնակցությունն ունենալու համար․

«Այս անգամ որպես վերահսկող եմ առաջադրվել, այդտեղ նույնպես քիչ գործ չկա անելու կուսակցաշինության համար, եւ պակաս կարեւոր աշխատանքներ չեն կատարվում։ Ճիշտ է՝ ինչ-որ չափով վերահսկող հանձնաժողովի աշխատանքները ստվերում են եղել, այնքան տեսանելի չեն եղել, բայց կուսակցության կայացման գործում կարեւոր դեր ունի նաեւ այդ հանձնաժողովը»,-ասաց Արարատի ՔՊ-ական մարզպետը։

Նա նշեց, որ, ամենեւին մտադրություն չունենալով փնովել կուսակցության նախորդ վարչությանը, բայց իրենց վարչությունն այս երկու տարիներին շատ լավ է աշխատել․

«Չեմ ուզում նախորդ վարչությունը փնովել, բայց երկրորդ վարչությունը բոլորիս հեղափոխություն պարգեւեց, վարչության որոշումները բերեցին նրան, որ Հայաստանում իշխանափոխութուն տեղի ունեցավ։ Ես էլ շատ ուրախ եմ, որ այդ ամենին մասնակից եմ եղել՝ լինելով վարչության անդամ»։

Մեր հարցին, թե՝ հնարավո՞ր է այս որոշումը կապ ունի վերջին ամիսներին իր անվան շուրջ ծավալվող խոսակցությունների, իր հասցեին հնչող քննադատությունների հետ, Գարիկ Սարգսյանն ասաց, որ ամենեւին որեւէ կապ չկա․

«Ինձ իմ ընկերներն էլ են հարցրել, թե ինչու չեմ առաջադրվել վարչությունում։ Ասեմ, որ վերահսկող մարմինը մասնակցում է վարչության նիստերին, խորհրդակցական ձայնի իրավունք ունի եւ գործընթացներից դուրս չէ, ավելին՝ մասնակցում է կուսակցության բոլոր միջոցառումներին ու նիստերին։ Իմ անվան շուրջ պտտվող ոչ մի լուր կապ չունի այս պահին, չնայած՝ իմ շրջապատից էլ ասում են՝ այս որոշումը կարող է նման արձագանքների տեղիք տալ»։

Գարիկ Սարգսյանն ասաց, որ հաջորդ վարչության կազմում գուցեեւ առաջադրվի։ Ինչ վերաբերում է վերահսկող հանձնաժողովում ընտրվելուն՝ Սարգսյանն իր շանսերը բարձր է գնահատում, մնացածը ցույց կտան ընտրությունները։

ՔՊ կուսակցության ներկա կանոնադրության համաձայն՝ վարչությունն ու վերահսկող հանձնաժողովն ընտրվում են երկու տարի ժամկետով։ ՔՊ կուսակցության մամուլի խոսնակ Վահան Կոստանյանից տեղեկացանք, որ առաջիկայում կուսակցության կանոնադրության փոփոխություն է լինելու, որով հստակ կսահմանվի վարչության եւ վերահսկող հանձնաժողովների անդամների թիվը։ Գործող վարչությունը բաղկացած է 13 անդամից, նախագահը խորհրդարանական «Իմ քայլը» խմբակցության պատգամավոր Սասուն Միքայելյանն է։ Ի դեպ՝ Միքայելյանի՝ վարչության նախագահության ժամկետը լրացել է, եւ ինչպես ավելի վաղ հայտնել էր պատգամավորը՝ կուսակցության առաջիկա համագումարում նա վայր կդնի իր լիազորությունները, եւ ամենայն հավանականությամբ չի վերընտրվի, քանի որ արդեն ընտրվել է ԵԿՄ վարչության նախագահ։

Տպել
3269 դիտում

Իսկ գուցե պատճառներն ավելի պա՞րզ են

Սեպտեմբերի 21-ին Գյումրիում փակ են լինելու որոշ փողոցներ (տեսանյութ)

Նիկոլ Փաշինյանը եղել է Հանրայինի արխիվի նոր մասնաշենքում, լսել Առաջին ալիքի հաշվետվությունը

Գրոզնիում առեւտրի կենտրոն է հրդեհվել. ուժգին կրակն ընդգրկում է 700 քմ տարածք

Եվրախորհրդարանը դատապարտել է Թուրքիայում հիմնարար իրավունքների ու ազատությունների ոտնահարումը

Աղավնատուն գյուղում սպանության փորձի մասնակիցների ինքնությունը հայտնի է․ նոր մանրամասներ

Փոխվարչապետ Գրիգորյանն ընդունել է ԵՀ Հարևանության հարցերով գլխավոր տնօրենի տեղակալին

Սևանի ոստիկանները ապօրինի թմրաշրջանառության դեպք են բացահայտել (տեսանյութ)

Ոստիկանները բացահայտել են Վահագնի գյուղի հարակից անտառում երկու ծառի անօրինական հատման դեպք

Վթար Երևանի Շիրակի փողոցում. վարորդներից մեկը տեղափոխվել է հիվանդանոց

Ով է հերոս եւ ով՝ հակահերոս. Կառավարությունն արձագանքում է հանրային պահանջին

ՀՀ ԱԽ քարտուղարը նշանակման առթիվ շնորհավորել է ԱՄՆ նախագահի ազգային անվտանգության գծով խորհրդականին

Երեւանի Նոր Արեշ փողոցի բնակարաններից մեկում հայտնաբերվել է դի

ՀՀ կառավարությունը շահագրգռված է «Բոինգ» կորպորացիայի հետ փոխշահավետ համագործակցությամբ. վարչապետ

Ոստիկանապետի ժամանակավոր պաշտոնակատարը հանդիպել է Բելառուսի իրավապահների պատվիրակության հետ

Վարչապետն ընդունել է «HSBC International» Եվրոպայի զարգացման գծով տնօրենին

Եվրոպայի չեմպիոն Հարությունյանն ու Եվրոպայի Մ-23 չեմպիոն Թեւանյանն ըմբշամարտի ԱԱ-ից կգան առանց մեդալի

Գյումրու քաղաքապետ Սամվել Բալասանյանը գնեց մեծ կտավի իր 100 մասնիկը

Վերահսկվում է հակաանասնահամաճարակային միջոցառումների կատարման ընթացքը ողջ հանրապետությունում. ՍԱՏՄ

Նիկոլ Փաշինյանն այցելել է Հանրային հեռուստաընկերություն (տեսանյութ)