Քոչարյանի առանձնատան և գրասենյակի խուզարկությամբ առգրավվել են հրազեններ, բանկային փաստաթղթեր, 27 հազար 300 ԱՄՆ դոլար

Երեւան քաղաքի ընդհանուր իրավասության դատարանը արդեն 7 ամիս է՝ քննում է Մարտի 1-ի գործով առանցքային մեղադրյալ Ռոբերտ Քոչարյանի ամբողջ գույքի եւ դրամական միջոցների վրա կալանք դնելու քննիչի որոշման դեմ ներկայացված բողոքը:

Վերոնշյալ արգելանքը դրվել է Ռոբերտ Քոչարյանին սահմանադրական կարգը տապալելու հոդվածով մեղադրանք առաջադրելուց մի քանի օր անց՝ 2018 թվականի հուլիսի 30-ին՝ ՀՔԾ քննիչի որոշմամբ: Ավելի վաղ արգելանք էր դրված նաեւ Ռոբերտ Քոչարյանի կենսաթոշակային հաշվեհամարի վրա, որը, սակայն, Մարդու իրավունքների պաշտպանի պահանջով հանվել էր:

Բողոքը քննում է դատավոր Աննա Դանիբեկյանը: Այսօրվա նիստում ներկայացվեցին լրացուցիչ փաստաթղթեր, որոնց ծանոթանալու համար նիստը հետաձգվեց:

Մինչ հետաձգումը՝ Ռոբերտ Քոչարյանի պաշտպաններից Հովհաննես Խուդոյանը նշեց, որ դատարան ներկայացված բողոքը չի վերաբերում գույքի կալանքին, այլ նաեւ վերաբերում է քննիչի գործողություններին՝ առգրավումների հետ կապված: Խուդոյանը հայտարարեց, որ Ռոբերտ Քոչարյանի տանից եւ գրասենյակից խուզարկությամբ առգրավված իրերը, առարկաները իրեղեն ապացույց չեն ճանաչվել եւ դեռեւս պահպանվում են մայր գործում: «Քննիչը անհասկանալի պատճառաբանությամբ տվել է այսպիսի պատասխան՝ «Հայտնում եմ, որ Ռոբերտ Քոչարյանի տանից եւ գրասենյակից խուզարկությամբ առգրավված իրերը ներկայումս չեն կարող տրամադրվել, դրանք գործով առանձնացված չեն եւ դատարան չեն ուղարկվել որպես իրեղեն ապացույց»: Հիշեցնեմ, որ այդ իրերի կազմում են Ռոբերտ Քոչարյանի բանկային փաստաթղթերը, օրինական ճանապարհով ձեռք բերված հրազենը, նույնականացման քարտը, որը զավեշտալի եւ անհասկանալի է, թե ինչու է վարույթն իրականացնող մարմինը պահում իր մոտ, 2017 թվին կնքված աշխատանքային պայմանագիրը, որը բացարձակ կապ չի ունեցել գործի հետ: Ինչու այդ առարկաները չեն վերադարձվում, իրավունքի խախտումը այդ մասով եւս ակնհայտ է»,- հայտարարեց պաշտպանը:

Նշենք, որ Քրեական դատավարության օրենսգրքի 233-րդ հոդվածի 3-րդ կետը սահմանում է, որ գույքի վրա կալանք դնելու մասին որոշման մեջ պետք է նշվի կալանքի ենթակա գույքը, ինչպես նաեւ գույքի այն արժեքը, որի վրա բավական է կալանք դնել` քաղաքացիական հայցը եւ դատական ծախսերն ապահովելու համար: Խուդոյանի խոսքով` վարույթն իրականացնող մարմինը չի հստակեցրել, թե ինչ ծավալի դատական ծախսեր կարող են լինել: Ըստ դատախազության՝ գույքի վրա կալանք է դրվել հնարավոր քաղհայցի, հնարավոր դատական ծախսերի, ինչպես նաեւ հետագայում գույքի հնարավոր բռնագրավման եւ բռնագանձման նպատակով: Մասնավորապես դատախազ Պետրոս Պետրոսյանը այսօրվա նիստում հայտարարեց, որ դատական ծախսերը կազմում են 898 հազար 500 դրամ, նշեց նաեւ, որ արգելադրվել է Երեւան քաղաքի Ծովակալ Իսակովի պողոտայում Քոչարյանի անվամբ գրանցված գույքը, արժեթղթերը եւ ակտիվները:

Ինչ վերաբերում է խուզարկության ընթացքում առգրավված հրազենին, ապա նա նշեց, որ չի կարծում, թե պաշտպանին հայտնի չէ, որ դրանք կարող են տնօրինվել բացառապես Ռոբերտ Քոչարյանի կողմից եւ հետեւաբար նրա կալանքի տակ գտնվելու պայմաններում այդ առարկաները որեւէ մեկի հսկողությանը հանձնվել չեն կարող:

Գործող դատախազներից Վահե Դոլմազյանն էլ ասաց, որ առգրավումները անօրինական չեն կատարվել, որովհետեւ դրանք կատարվել են դատարանի թույլտվության արդյունքում կատարված խուզարկության պայմաններում: Դոլմազյանն ասաց, որ այդ որոշումը պաշտպանական կողմը բողոքարկել է վերաքննիչ դատարան, որը մերժվել է, հետեւաբար քննիչի գործողությունները եղել են իրավաչափ եւ օրինական:

Խուդոյանը ի պատասխան ասաց, որ առգրավված առարկաները որեւէ կերպ կապ չունեն քննվող գործի հետ: «Անտրամաբանական է այն մոտեցումը եւ ապօրինի է նաեւ այդպիսի գործողությունները, երբ որ դատարանը տալիս է խուզարկության թույլտվություն առգրավելու նյութեր, առարկաներ, որոնք վերաբերվում են հանցագործության դեպքին, բայց քննիչն իրեն իրավունք է վերապահում վերցնել նաեւ առարկաներ, որոնք այդ դեպքին չեն առնչվում, նույն տրամաբանությամբ ամբողջ տան գույքը կարող է դուրս բերվել: Քննիչի որոշման վերաբերյալ ներկայացված բողոքում դատախազը պատճառաբանել էր, թե քանի որ առկա է եղել խուզարկության պահին գույքի վրա կալանք դնելու մասին որոշում, ապա այդ գույքը կարող էր այդ որոշման շրջանակում վերցվել, խոսքը վերաբերում է նաեւ դրամական միջոցներին: Ռոբերտ Քոչարյանի աշխատասենյակի չհրկիզվող պահարանից քննիչի կողմից վերցվել է 27 հազար 300 ԱՄՆ դոլարի չափով գումար, սակայն այդտեղ էլ գործ ունենք ապօրինի միջամտության հետ, որովհետեւ քրեական դատավարության օրենսգիրքը հստակ նախատեսում է, թե ինչ եղանակով է անձի գույքի վրա կալանք դրվում եւ ինչպես է այդ գույքը վերցվում մասնավորապես՝ դրա համար կազմվում է արձանագրություն, դա ներկայացվում է այն անձին, ումից այդ գույքը վերցվում է, պետք է պարզվի նախեւառաջ՝ այդ գույքը ո՞ւմ է պատկանում, որովհետեւ մենք նախկինում հասցեագրված դիմումներում ներկայացրել ենք,  որ այդ գույքը իրականում պատկանում է ոչ թե Ռոբերտ Քոչարյանին, այլ, նրա որդուն՝ Լեւոն Քոչարյանին: Միայն պարզելուց, այդ արձանագրությունը կազմելուց հետո այդ գույքի վերցնելը վարույթն իրականացնող մարմնի կողմից կարող է համարվել օրինական: Եվս մեկ անգամ պնդում եմ, որ այդ գույքը վերցվել է քրեական դատավարության օրեսնդրությամբ չնախատեսված կարգով»,- հայտարարեց Հովհաննես Խուդոյանը:

Սույն գործով բողոքի քննությունը կշարունակվի հունիսի 6-ին:

Նիստի ավարտից հետո Խուդոյանը լրագրողների հետ զրույցում պարզաբանեց, որ Ռոբերտ Քոչարյանի առանձնատան ու շրջակա հողակտորների վրա կալանք է դրված: Այդ գույքը չի գնահատվել, չնայած նրան, որ վարույթն իրականացնող մարմինը ունի պարտականություն գույքը գնահատելու, որպեսզի հասկանա՝ այդ գույքը բավարարում է կալանքի նպատակներին թե՝ ոչ»: Հարցին՝ ըստ ձեզ, այդ գույքը 3 միլիոն դոլարից ավե՞լ է, թե պակաս, Խուդոյանն ասաց, որ ինքը չի պատկերացնում, զուտ վիզուալ բավականին մեծ առանձնատուն է եւ կարող է լինել, կարող է չլինել: Նշենք, որ Ռոբերտ Քոչարյանը մեղադրվում է նաեւ Սիլվա Համբարձումյանից 3 միլիոն կաշառք ստանալու համար: «Դատարանին ներկայացրի այն ապացույցը, որ դրամական միջոցները համարվում են բացառապես օրինական գույք, դրանք քննիչին ներկայացվել էին եւ այդ գույքի վրա չէր կարող պարզապես կալանք դրվել»,- ասաց Խուդոյանը: Մեր հարցին, թե Քոչարյանի առանձնատան եւ գրասենյակի խուզարկությամբ այլ ինչ առարակներ էին հայտնաբերվել, Խուդոյանը ասաց, որ խուզարկությամբ հայտնաբերվել էին նաեւ նյութական կրիչներ, որոնք իր տեղեկությամբ՝ դատարակ են եղել, գործում այլեւս դրանց վերաբերյալ որեւէ տեղեկություն չկա, գրասենյակից համակարգիչ էր առգրավվել եւ իրենց հայտնի չէ՝ գործի համար նշանակություն ունի այն, թե՝ ոչ: Մեր հարցին, թե միայն մե՞կ հրազեն է հայտնաբերվել, պաշտպանն ասաց. «Որսորդական հրացաններ են, եթե չեմ սխալվում՝ 5 կամ 6, բոլորը՝ օրինական»: Հարցին, եթե գույքի եւ դրամական միջոցների վրա արգելանք է դրված, ինչպե՞ս են փաստաբանները վճարվում, Խուդոյանը պատասխանեց. «Դրա վերաբերյալ քննիչին ներկայացրել ենք միջնորդություն, խոսքը ոչ թե Հայաստանում ներկայացվող փաստաբաններին էր վերաբերվում, այլ այն պրոցեսից սկսած, երբ սկսեցինք ներկայացնել բողոքներ Եվրոպական դատարան, մենք սկսեցինք ներգրավել նաեւ օտարերկրացի փաստաբանների, այդ թվում՝ Ֆրանսիայից եւ Մեծ Բրիտանիայից, ինչպես նաեւ անհրաժեշտություն առաջացավ այդ անձանց համար գործի նյութերի թարգմանված տարբերակը ներկայացնել: Նախկինում միջնորդեցինք վարույթն իրականացնող մարմնին գործի նյութերը թարգմանել վարույթն իրականանցող մարմնի ուժերով, որպեսզի օտարերկարցի փաստաբանը կարողանա մասնակցել, քննիչն այդ միջնորդությունը մերժել էր: Նույն ժամանակ խնդրել էինք դրամական միջոցները ազատել կալանքից, որպեսզի պարոն Քոչարյանը ինքը իր միջոցներով հնարավորություն ունենա այդ ծախսերը հոգալ, բայց քննիչը նշված միջնորդությունը եւս մերժել է»: Ճշտող հարցին՝ տեղացի փաստաբաններն ինչպե՞ս են վճարվում, Խուդոյանը չպատասխանեց՝ նշելով. «Դա մեր անձնական խնդիրն է, մենք այդ պահին ինչ-որ հարց չենք տեսնում»:

Տպել
5825 դիտում

Ադրբեջանը մոտ 5%-ով ավելացնելու ռազմական ծախսերը

Արդյունքում կունենանք 25 մլն խմ ծավալով ջրատար, նաեւ ոռոգման ենթակա կդառնա եւս 740 հա նոր հողատարածքներ. Պապիկյան

19-ամյա 6 երիտասարդների տարկետում է տրվել, որպեսզի կարողանան ավարտել դպրոցը

Առաջարկում ենք այդ նախագծի քննարկումը հետաձգել. Քյարամյանի առաջարկով հետաձգվեց գումարի հատկացման վերաբերյալ նախագիծը

Կառավարության որոշմամբ բասկետբոլի ազգային հավաքականի 3 խաղացողներ ազատվեցին զինծառայությունից

Ինձ էս օրը քցողը, ոչնչացնողը պետք ա ստանա արժանի պատիժ, ընտանիքս ոչնչացել ա. Մարտի 1-ի գործով տուժող

Միջադեպ Վրաստանի խորհրդարանում. հայկական պատվիրակությունը լքել է նիստերի դահլիճը

The Sun-ը պատմում է բրիտանացու մասին, որը ՀՀ-ում հիմնել է «Դիլիջան» ֆուտբոլային թիմը

Կառավարությունը 50 մլն դրամ կհատկացնի՝ Մանսուրյանի 80-ամյա հոբելյանին նվիրված միջազգային փառատոնի իրականացման համար

Վերաքննիչ դատարանը ուժի մեջ է թողել Միհրան Պողոսյանին կալանավորելու որոշումը. բողոքը մերժվել է

Գյումրիում որդին սպանել է մորը. ոստիկանները հայտնաբերել են կասկածյալին

Մեղավորները պետք է պատժվեն. Զաքար Հովհաննիսյանի քույրը եկել է դատարան

Մեկնարկել է ՀՀ կառավարության հերթական նիստը. օրակարգում ներառված է 30 հարց

Վերնագրեր եմ կարդում, թվում է՝ պատուհանից դուրս նայեմ՝ դրսում տարբեր կողմերով փախնող տարերային խմբեր եմ տեսնելու

Թեղուտի հանքավայրը սկսում է շահագործումը․ մի քանի հարյուր մարդ նորից ընդունվել է աշխատանքի

Փորձել է ազդել դատախազի վրա. Սարկոզին կկանգնի դատարանի առաջ կոռուպցիոն մեղադրանքով

Ինչպե՞ս իրականացնել ստվերային տնտեսության դեմ պայքարի ՊԵԿ ռազմավարությունը. քննարկում

Խորհրդարանը հաստատեց 2018 թվականի պետական բյուջեի կատարողականը

Առանց դատավորների աշխատավարձերի բարձրացման՝ մենք չենք կարող իրապես անկախ դատական համակարգ ունենալ

Պահանջել է 800 հազար դրամ. լրագրողը ձերբակալվել է՝  խոշոր չափերի շորթում կատարելու կասկածանքով