ՄԱԿ-ի ծրագրին մասնակցության համար հատկացված 1.5 մլրդ դրամի մի մասով աղբատարներ կգնվեն, մի մասով կնորոգվեն մանկապարտեզներ

Երեւանի ավագանու ընդդիմադիր «Լույս» խմբակցության նախագահ Դավիթ Խաժակյանը, որ ուշադիր հետեւում է քաղաքապետարանի գործունեությանը, երեկ անդրադարձել էր քաղաքապետի վերջին որոշումներից մեկին: «Քաղաքապետը ապրիլի 29-ին կրճատել է մանկապարտեզների շենքերի վերանորոգման եւ հիմնանորոգման բյուջեն 243 մլն դրամով, որից 236 մլն վճարել մեկ անձով ձեռք բերված աղբատար մեքենաների համար»,- մասնավորապես նշել էր նա։

Ավագանու անդամին արձագանքել էր քաղաքապետի մամուլի քարտուղար Հակոբ Կարապետյանը՝ հաստատելով այդ տեղեկությունը, բայց եւ հավելյալ մանրամասներ ներկայացնելով: «Դավիթ Խաժակյանը ճիշտ է նկատել՝ մայրաքաղաքի բյուջեում տեղի է ունեցել հոդվածափոխություն, եւ 236 մլն դրամ է հատկացվել՝ աղբատար մեքենաների հրատապ գնումը կազմակերպելու համար: Իսկ գումարը վերցվել է նախակրթական հաստատությունների հիմնանորոգման համար նախատեսված հոդվածից: Բանն այն է, որ հիմնանորոգումների տարեկան ծրագրով նախատեսված մանկապարտեզներից շուրջ 30-ը ֆինանսավորելու են միջազգային դոնորները, այսինքն, Երեւանի բյուջեից խնայվում են միջոցներ, որոնք տարվա վերջում դառնալու էին տնտեսում: Փոխարենը, դրանք արդեն այս պահին կծառայեն քաղաքին՝ աղբահանության կարեւորագույն խնդիրը լուծելու համար»,- պատասխանել էր Հակոբ Կարապետյանը:

Նա հիշեցրել էր, որ մանկապարտեզների հիմնանորոգման համար նախատեսված տարեկան բյուջեն մոտ 1.5 միլիարդ էր եւ վստահեցրել էր, որ հոդվածափոխության արդյունքում վերանորոգումների ծավալներ չեն փոփոխվի՝ կնորոգվի նույնքան մանկապարտեզ, որքան նախատեսված էր տարեսկզբին: «Սա սովորական հոդվածափոխություն է, որն արվում է բյուջետային տարվա ընթացքում տասնյակ անգամներ տարբեր հոդվածներով` տնտեսումների առավել արդյունավետ օգտագործման եւ բյուջեի դինամիկության ապահովման նպատակով»,- փաստել էր Կարապետյանը:

Ավելի վաղ, սակայն, երբ ավագանու համապատասխան նիստում հաստատվում էր Երեւան համայնքի բյուջեն, շեշտվել էր ՄԱԿ-ի ծրագրով հիմնանորոգվելիք մանկապարտեզների մասին: Արդյո՞ք այդ ցանկն ընդլայնվել է: Այսինքն՝ ՄԱԿ-ի ծրագրով կնորացվեն ավելի մեծ թվով մանկապարտեզներ, քան նախատեսվում էր ի սկզբանե, եւ համապատասխանաբար կկրճատվեն համայնքի կողմից վերանորոգվելիք մանկապարատեզների քանակն ու հատկացվող միջոցները:

Քաղաքապետի մամուլի խոսնակ Հակոբ Կարապետյանն այս առնչությամբ նշեց, որ ՄԱԿ-ի զարգացման եռամյա (2017-2020 թթ.) ծրագրով նախատեսվում է հիմնանորոգել 50 մանկապարտեզ: Ծրագրի արժեքը 15 միլիոն եվրո է, որին հատկացումներ է անում նաեւ համայնքը: «15 միլիոն եվրոյի մի մասը տալիս է Եվրոպական ներդրումային բանկը (EIB), 5 միլիոն եվրո դրամաշնորհ տալիս է «Արեւելյան Եվրոպայի էներգախնայողություն եւ շրջակա միջավայրի գործընկերություն E5P» հիմնադրամը, 1 միլիոն եվրո դրամաշնորհ տալիս է Կանաչ կլիմայի հիմնադրամը եւ 2 միլիոն եվրոյին համարժեք դրամ՝ Երեւան համայնքը: Այսինքն՝ երբ որ ասում ենք՝ ՄԱԿ-ի ծրագրով հիմնանորոգվող մանկապարտեզներ, նկատի ունենք սա: Այս տարի հատկացվել է 1.5 միլիարդ դրամ, որպեսզի այս ծրագրով մանկապարտեզներ հիմնանորոգվեն»,- ասաց Հակոբ Կարապետյանը:

Սկզբնական փուլում, ըստ նրա, նախատեսվել է հիմնանորոգում իրականացնել 20 մանկապարտեզում: Բուն այդ աշխատանքները դեռ չեն սկսվել: Առայժմ պատրաստվել են նախագծանախահաշվային փաստաթղթերը: Եվս 10 մանկապարտեզ հարմարեցվել են հիմնանորոգման համար, որովհետեւ կարեւոր պայմաններից է, որ մանկապարտեզի շենքում չլինեն այլ կազմակերպություններ ու տարածք վարձակալողներ: Այս հաստատությունների դեպքում առջեւում նախագծանախահաշվային աշխատանքներն են:  

«Բայց քանի որ այժմ մայիսն է, իսկ այդ աշխատանքները եւս մի քանի ամիս տեւելու են, հասկանալի է, որ արդեն բուն շինարարական աշխատանքները տարվա մեջ, հավանական է, չեն սկսվի եւ քաղաքի նախատեսած 1.5 միլիարդ դրամի մի մասը շատ մեծ հավանականություն կա, որ ուղղակի ժամկետների սղության բերումով չեն օգտագործվի»,- շարունակեց քաղաքապետարանի պաշտոնյան: Ուստի որոշում է ընդունվել, որպեսզի այդ գումարները պարապ չմնան եւ չփոխանցվեն գալիք տարվա բյուջե, դրանց որոշակի մասն ուղղել աղբատար մեքենաների գնմանը: Մնացած մասով նախատեսվում է կոսմետիկ վերանորոգում իրականացնել շուրջ 20 մանկապարտեզում: Համապատասխան մրցույթների հայտարարություններն արդեն պատրաստվում են:

Բայց մասնավորապես սոցիալական ցանցերում կարծիքներ կան, որ ունեցած այս միջոցներով քաղաքապետարանն ավելի լավ կաներ հիմնանորոգեր անմխիթար վիճակում գտնվող գոնե որոշ մանկապարտեզներ՝ աղբատար մեքենաներ գնելու փոխարեն: «Մանկապարտեզների հիմնանորոգման եւ վերանորգման աշխատանքների նվազում տեղի չի ունեցել: Ավելին, ինչպես նշեցի, չնախատեսված եւս շուրջ երկու տասնյակ մանկապարտեզների նորոգման ծրագիր հիմա ընթացքի մեջ է: Այո, շուրջ 160 մանկապարտեզ կա, դրանց մի զգալի մասը նորոգման կամ հիմնանորոգման կարիք ունի եւ այդ նորոգումը կամ հիմնանորոգումը տեղի ունենալու է, բայց աղբահանության խնդիրը, իհարկե, պակաս կարեւոր չէ: 21 մանկապարտեզի վերանորոգման նախագծանախահաշվային նախագծերի տենդեր է հայտարարվում, հավանական է, որ դրանց առնվազն 10-12-ը այս տարի կվերանորոգվեն»,- արձագանքելով՝ ասաց Հակոբ Կարապետյանը:

Տպել
5221 դիտում

Ադրբեջանի ԶՈՒ-ն կրակ է բացել ՀՀ զինծառայողներին տեղափոխող մեքենայի վրա. ՊՆ

Շրջանառության մեջ է դրվել «Հայկական ֆիլմեր» թեմային նվիրված մեկ նամականիշով գեղաթերթիկ

Ինչու Ադրբեջանը հետաձգեց ԱԳ նախարարների վաշինգտոնյան բանակցությունը. արդյոք ՌԴ-ն կամ Թուրքիան ազդե՞լ են այս որոշման վրա

Երևանում որպես գերեզմանատեղի առանձնացված, բայց հուղարկավորություն չկատարված տարածքները քանդվում են (տեսանյութ)

Թուրքիան Շենգենյան վիզայի դիմումների ամենաշատ մերժում ստացած երկրներից է

Գետափ-Մատունի ճանապարհի սկզբնամասում մեքենաներ են բախվել. կա վիրավոր

Պետք է ճնշում գործադրել Բաքվի վրա և միջազգային խաղաղապահ առաքելություն ուղարկել ԼՂ. Նիդեռլանդների նախկին պատգամավորներ

Հայաստանն արյունաբանական ոլորտում ունեցած ձեռքբերումներով կարող է դառնալ հաջողված օրինակ այլ երկրների համար. Ավանեսյան

Մարմարիկի ջրամբարի մոտակայքում մոլորված քաղաքացին հայտնաբերվել է

ՀՀ ԱԳՆ պատվո շքանշան է շնորհվել Հայ-բելգիական խորհրդարանական բարեկամական խմբի քարտուղար Մարկ Յոլինգին

ՌԴ-ի կողմից 25 տարի հետախուզման մեջ գտնված տղամարդը հայտնաբերվել է Տաշիրում

Սոչիում կայացել է Նիկոլ Փաշինյանի և Վլադիմիր Պուտինի հանդիպումը (տեսանյութ)

Հայաստանում Արբիտրաժի հաշտարարության կենտրոն կբացվի. շինաշխատանքներն ընթացքի մեջ են

ՆԳՆ փրկարար ծառայությունը և Հայկական Կարմիր Խաչի ընկերությունը կշարունակեն համագործակցությունը

44-ամյա տղամարդը սպառնացել էր նռնակով սպանել տան անդամներին (տեսանյութ)

Հայաստանի, Ռուսաստանի և Ադրբեջանի միջև եռակողմ պայմանավորվածությունն անվիճելի է. Միխայիլ Գալուզին

Տոյվո Կլաարն ու Բայրամովը հայ-ադրբեջանական հարաբերությունների կարգավորման գործընթացի շուրջ մտքեր են փոխանակել

Էրդողանը վերընտրվելուց հետո առաջինը կայցելի Հյուսիսային Կիպրոսի ինքնահռչակ ԹՀ, այնուհետ՝ Ադրբեջան

Գայանե Հակոբյանն ընդունել է իր մեղքը. պաշտպան

ՊՆ պատվո պահակային վաշտում ծառայության համար զորակոչիկների ընտրություն կանցկացվի. ժամանակացույց

Երբ շատ է բարձրացվում ծխախոտի արտադրանքի ակցիզային հարկը, արտադրողները դա տեղափոխում են գնի մեջ՝ սպառողի վրա. Պողոսյան

Վայք-Մեղրի մայրուղում գործող հանրային սննդի օբյեկտի գործունեությունը կասեցվել է

ՀՀ-ում մետալուրգիական գործարանը կկառուցվի ներպետական օրենսդրական կարգավորումներով. Ադրբեջանի հայտարարությունն անհիմն է

Ռուբլին ու դոլարն էժանացել են. ՀՀ կենտրոնական բանկը հրապարակել է փոխարժեքների նոր տվյալներ

Արցախից 15 բուժառու է այսօր տեղափոխվել ՀՀ մասնագիտացված բժշկական կենտրոններ

Գայի պողոտայում երթևեկության կազմակերպման փոփոխություն կկատարվի

Նախկին գլխավոր հարկադիր կատարողի թիկնապահն ու վարորդն օժանդակել են նրա կողմից 44 մլն դրամի հափշտակություն կատարելուն

Ինչպես է Գրիգոր Լուսավորիչ փողոցում ավտոմեքենան գլխիվայր շրջվել. ՔԿ-ն մանրամասներ և տեսանյութ է հրապարակել

Աշոտ Փաշինյանն իրեն հարվածած «Տոյոտա քեմրի»-ի մասով ևս դիմել է իրավապահներին

Բնականաբար, դեմ չեմ կարող լինել, անգամ ուրախ եմ. Աշոտ Փաշինյանը՝ դատարանի որոշման մասին (տեսանյութ)

Հայաստանը կարող է դառնալ էլեկտրաէներգիայի տարածաշրջանային հանգույց. Նիկոլ Փաշինյանի ելույթը Սոչիում

Գայանե Հակոբյանը մեղավոր ճանաչվեց, սակայն պատիժը պայմանականորեն չի կրի. նա ազատ արձակվեց (տեսանյութ)

Իմ ընտանիքի անդամները պետության հաշվին ոչ ինքնաթիռի և ոչ էլ մետրոյի տոմս չեն գնել ու չեն գնում. Ալեն Սիմոնյան

Մարդկային անգործությունը լուրջ հետևանքների է բերում․ Ֆիլիպ Մորրիս Ինթերնեյշնլ-ի Գործադիր տնօրենի ելույթը Լոնդոնում

ՀՀ-ում ամենաէժան ծխախոտի մեկ տուփը պետք է լինի 20 հազար դրամ. Նարեկ Ղահրամանյան

Տավուշի մարզում պարեկները հայտնաբերել են զինված 85-ամյա ծերունու (տեսանյութ)

ABB Mobile: Новые подходы, новые возможности

Արագածավանի միջադեպին մասնակցած և երեկ ձերբակալված պաշտոնյան ազատ է արձակվել

Հայաստանում կձևավորվի ՆԳՆ կրթահամալիր

Հայ պատանի բռնցքամարտիկները 3 մեդալ են նվաճել Ղազախստանում կայացած միջազգային մրցաշարում