Սամվել Բալասանյանն այլեւս գումար չի փոխանցում «Գյումրին առանց տնակների» հիմնադրամին

Գյումրու քաղաքապետ Սամվել Բալասանյանն այլեւս իր աշխատավարձը չի փոխանցում «Գյումրին առանց տնակների» հիմնադրամին: ՀԺ-ի հետ զրույցում Բալասանյանն ասաց, որ այս պահին նպատակահարմար է գտնում սոցիալական այլ ծրագրերի իրականացմանն ուղղել այդ գումարը:

Արդյո՞ք որոշումը կապված է վերջին շրջանում հիմնադրամի շուրջ ծավալվող իրադարձությունների, խոսակցությունների եւ կոռուպցիոն բնույթի շահարկումների հետ, ՀԺ-ի հարցին, քաղաքապետը պատասխանեց՝ երեւի:

«Դե սկզբում ես իմ ամբողջ աշխատավարձը, իսկ քաղաքապետարանի աշխատակիցները, մեր ենթակայությամբ գործող հաստատությունների աշխատակիցներն իրենց աշխատավարձի 1 տոկոսն էինք տալիս, ես նույնիսկ կոչ արեցի, որ բուժհաստատություններն ու մյուսներն էլ միանային: Նպատակն ի սկզբանե բարի էր, ուզում էինք օր առաջ, տարի առաջ քաղաքն ազատել տնակներից: Դե դա պարտադրաբար չի եղել, որ ասեմ անպայման տվեք էդ գումարը: Չեմ կարող ասել, թե հիմա ով է էդ գումարը տալիս, ով չի տալիս: Հիմա իրենց խնդիրն է, եթե ուզեն փոխանցել էդ 1 տոկոսը, կփոխանցեն: Երեւի կան մարդիկ, ովքեր շարունակում են փոխանցել հիմնադրամին: Ես համենայնդեպս, իմ աշխատավարձն էս պահին փոխանցում եմ այլ սոցիալական ծրագրերի»:

Երեկ հարուցված քրեական գործից Սամվել Բալասանյանն ասաց՝ շատ բան չգիտե, սակայն ով մեղավոր է, ապօինություն է թույլ տվել, պետք է պատասխանատվության ենթարկվի:

«Ով մեղավոր է, եւ ինչ-որ խախտումներ են կատարել, թող գնան պատասխան տան, էսպիսին է իրականությունը: Ով ուզում է լինի: Ոնց որ թե հին աշխատողներ են հիմնականում, էնտեղ հաղորդագրություն կա: Հետագայում կուզեի, որ Սրբազանը նախ եւ առաջ շարունակեր ղեկավարել այս հիմնադրամը, վերադառնար, եւ մենք կարողանայինք էն լավ հունի մեջ դրված աշխատանքը շարունակեինք: Մոտ 18 բնակարան տրվեց հիմնադրամով: Դե հիմա աշխատում ենք, տեսնենք մինչեւ հունիսի 30-ը կառավարությունն ինչպիսի որոշում կկայացնի: Կան նաեւ բարերարներ, հիմա Համահայկական հիմնադրամն է ուզում բնակարաններ կառուցել, Սրմաքեշի ծրագիրն է ավարտին մոտենում, սպասում ենք գումարի փոխանցմանը»,-ասաց Սամվել Բալասանյանը:

Արդյո՞ք հարուցված քրեական գործից հետո հիմնադրամը կկարողանա շարունակել իր գործունեությունը: Սամվել Բալասանյանն ասաց՝ այո: «Թող էս ամեն ինչն անցնի, պարզվի, պազաբանվի, ամեն ինչ լավ կլինի»:

Հիշեցենք, որ «Գյումրին առանց տնակների» հիմնադրամի տնօրենի ներկայացրած հաղորդման հիման վրա նախապատրաստված նյութերով ՀՀ Շիրակի մարզի դատախազությունում 2019 թվականի հունվարի 29-ին ՀՀ քրեական օրենսգրքի 308-րդ և 314-րդ հոդվածների 1-ին մասերի հատկանիշներով հարուցվել էր քրեական գործ՝ Շիրակի մարզում անօթևան քաղաքացիներին բնակարաններ բաշխած պետական մարմինների համապատասխան աշխատակիցների կողմից ենթադրյալ չարաշահումներ կատարելու փաստերի առթիվ:  Այսօր մեղադրանք է առաջադրվել Շիրակի մարզպետարանի 1, եւ Գյումրու քաղաքապետարանի 3 աշխատակցի:

Տպել
879 դիտում

Հայաստանի ամենամեծ գյուղում գյուղատնտեսությունը եկամտաբեր չեն համարում (լուսանկարներ)

«Հայաստանի փոքրիկ երգիչներ» ՀՈԱԿ-ն անհասցե է. քաղաքապետարանը պնդում է, որ իրավական որեւէ պարտավորություն չունեն

Ապօրինի հատված ծառերը տարեկան մոտ 40 մլն դոլարի չափով եկամուտ են ապահովում

Կարող եմ ասել, որ որեւէ մտահոգիչ բան այս պահի դրությամբ չունենք. նախարարը շաբաթ օրը կլողա Սեւանա լճում

Հայաստանում ՈՒԵՖԱ-ի 4-րդ կարգի մարզադաշտ է կառուցվելու. Գևորգ Լոռեցյան (տեսանյութ)

Եթե Դատավորների ընդհանուր ժողով չի եղել, պատերի տակ պիտի երդվեի՞. Նախշուն Տավարացյան

Ոստիկանությունն ունի օպերատիվ տվյալներ, թե ովքեր են վառելափայտի բիզնեսների ղեկավարները. փոխոստիկանապետ

Կիպրոսում «Մելքոնյան Վարժարանը» պետք է վերաբացվի. Եվրոպայի հայերի համագումար

Մոտ 12մլն դրամ. Արմավիրի մարզում ավարտված կոռուպցիոն գործերով 63 տոկոսով ավելի շատ վնաս է վերականգնվել, քան 2018թ-ին

Վրացական «Ռուսթավի 2» հեռուստաընկերությունը կվերադարձվի նախկին սեփանականտիրոջը. ՄԻԵԴ-ը խախտում չի արձանագրել

Սեպտեմբերի 1-ից Հայաստանի երիտասարդական հիմնադրամը կլուծարվի

Հայաստանը հուսով է ՄԱԶԾ-ից լրացուցիչ աջակցություն ստանալ. Տիգրան Ավինյանը՝ ՄԱԿ-ի զարգացման ծրագրի կառավարչին

Եվրո 2019. ՀՀ հավաքականը տեղավորվեց խմբի վերջին տեղում

Մեկնարկել է Երևան-Սևան-Իջևան-հայ-ադրբեջանական սահման ավտոճանապարհի նորոգումը

Չեմ կարծում, որ Իրանի դեմ կա մոտալուտ պատերազմի վտանգ. ԱՄՆ-ի պաշտպանության նախարարի թեկնածու

Տեսչական մարմինների ղեկավարների 16 տեղակալներ չեն ունենալու ծառայողական ավտոմեքենաներ

Ճանաչելիության բարձրացում և ենթակառուցվածքների զարգացում․ գործադիրը գումար հատկացրեց զբոսաշրջության զարգացմանը

Հանկարծ չստացվի, որ մենք չուզողություն ենք անում, ջուրն անվճար չենք տալիս. վարչապետ

Իջեւանում քաղաքացիները մետաղյա ձողերով ու քարերով հարվածներ են հասցրել ոստիկաններին․ Օսիպյանը մանրամասներ է ներկայացնում

Սեւանում քաղաքացիները կարող են լողալ, բայց պետք է մաքուր պահեն շրջակայքը. վարչապետ