«Սիթիի» հերթական հաղթանակն ԱՊԼ-ում ռեկորդային էր

«Մանչեստեր Սիթին» ռեկորդ սահմանեց դառնալով Անգլիայի Պրեմիեր լիգայի 2018-19 մրցաշրջանի չեմպիոն: 2009-10 մրցաշրջանից ի վեր «Սիթին» առաջին թիմն է, որին հաջողվում է պահպանել չեմպիոնի տիտղոսը (հաղթել էր նաեւ անցած տարի): Վերջին անգամ նման արդյունքի հասել էր հարեւանը՝ «Մանչեստեր Յունթայթեդը», 2009 թ.՝ 3-րդ  մրցաշրջանն անընդմեջ պահպանելով տիտղոսը:

ԱՊԼ-ում հաղթանակները երբեք էլ հեշտությամբ չեն տրվում, բայց այս տարի «քաղաքաբնակներն» իրոք տանջվեցին 6-րդ անգամ իրենց պատմության մեջ երկրի չեմպիոն դառնալու համար: «Լիվերպուլը» լրջորեն էր տրամադրվել 29 տարի անց երկրի չեմպիոն դառնալ: Տեւական ժամանակ «մերսիսայդցիները» գլխավորում էին մրցաշարային աղյուսակը: Ընթացքում նրանք նույնիսկ 7 միավորի առավելություն ունեին «Սիթիի» նկատմամբ: Այս տարվա սկզբին հենց այդ առավելությամբ նրանք խաղացին «Սիթիի» դեմ ու կրեցին ԱՊԼ այս տարվա իրենց միակ պարտությունը (1-2):

Այդ պարտությունից հետո էլ «Լիվերպուլը» դեռ կարող էր ավելացնել միավորների առավելությունը, սակայն ոչ-ոքիներով միավորներ էր կորցնում: Իր հերթին «Սիթին» արեց այն, ինչ պետք էր չեմպիոն դառնալու համար: Վերջին 14 խաղում 14 հաղթանակ տոնեց: Ցանկացած սայթաքում կարող էր տիտղոսի արժեք ունենալ, սակայն այդ սայթաքումը չեղավ: Ի վերջո վաստակեց 98 միավոր 1 միավորով գերզանցելով «Լիվերպուլին», որի հույսերը հերթական անգամ ի չիք դարձան:

«Լիվերպուլի» գլխավոր մարզիչ Յուրգեն Կլոպը

«Երբ հետ էինք մնում 7 միավորով, չէի պատկերացնում, որ այստեղ կլինենք»,- խոստովանել է Գվարդիոլան չմեպիոնությունից հետո՝ ավելացնելով, որ իր կարիերայի ընթացքում սա իր համար տիտղոսի ամենաբարդ պայքարն է եղել:

«Սիթիի» գլխավոր մարզիչ Պեպ Գվարդիոլան

Մի քանի օրից «Սիթին» կխաղա եւս մեկ տիտղոսի համար: Անգլիայի Գավաթի խաղարկության եզրափակչում կմրցի «Ուոթֆորդի» դեմ: Հանդիպումը կկայանա մայիսի 18-ին: «Լիվերպուլը» հերթական անգամ հիասթափվեց, սակայն դեռ այս մրցաշրջանը բարձր նոտայով ավարտելու հիանալի հնարավորություն ունի: Հունիսի 1-ին «Թոթենհեմի» դեմ եզրափակչում պայքարելու է Չեմպիոնների լիգայի իր 6-րդ տիտղոսի համար:

2018-19 մրցաշրջանում չեմպիոնական պայքարը հիմնականում այս 2 թիմերի միջեւ էր, իսկ համապատասխանաբար 2-րդ եւ 3-րդ տեղերը գրաված «Չելսին» (72 միավոր) ու «Թոթենհեմը» (71) բավական հետ մնացին: Այս 4 թիմերը հաջորդ մրցաշրջանում Անգլիան կներկայացնեն Չեմպիոնների լիգայում: «Արսենալն» (70) ու «Մանչեստեր Յունյթեդը» (66) Եվրոպա լիգայի գոտում են, թեեւ «Արսենալը» դեռ կարող է Չեմպիոնների լիգայի ուղեգիր նվաճել, եթե մայիսի 29-ին Եվրոպա լիգայի եզրափակչում հաղթի «Չելսիին»:

Այն, որ ԱՊԼ ավարտված մրցաշրջանում մրցակցությունը թեժ էր, ապացուցվեց նաեւ ռմբարկուների պայքարում: Լավագույն ռմբարկու դարձան միանգամից 3 հոգի՝ Պիեռ-Էմերիկ Օբամեյանգը («Արսենալ»), Սադիո Մանեն («Լիվերպուլ») եւ Մոհամեդ Սալահը («Լիվերպուլ»):

Մրցաշրջանի արդյունքներով՝ Պրեմիեր լիգայից դուրս մնացին «Քարդիֆը», «Ֆուլհեմը» եւ «Հադերսֆիլդը»: Նրանք զբաղեցրեցին համապատասխանաբար 18-20 տեղերը:

Տպել
348 դիտում

Խոսրով Հարությունյանը դատական հայց է ներկայացրել Արման Բաբաջանյանի դեմ

Հրդեհվել է Սպիտակ քաղաքի զինկոմիսարիատի տանիքը

Հավատարիմ եմ եղել իմ կանանց ու դավաճանել եմ սիրուհիներիս. հայտնի մտքեր Ազնավուրից

Չենք բողոքարկի որոշումը, քանի դեռ դատարանը չի հանդիսանում խախտված իրավունքը վերականգնող մարմին. Սանասարյան

Մայիսի 27-ին դատավորների արտահերթ ժողով է հրավիրվել

Բյուջեի 62 մլրդ դրամ ավելցուկի մի մասով զինվորների և ուսուցիչների աշխատավարձը կբարձրանա. ինչպես ծախսել մնացածը

Շիրակի մարզից ԱՆ ուղղաթիռով հիվանդ է տեղափոխվել Երեւան

Չենք փորձել մեղավորներ փնտրել այլ ակումբներում. «Արարատ-Արմենիան» պատասխանում է

Ազարը, Ժիրուն հայ են. «Արսենալի» երկրպագուները ծաղրում են Ադրբեջանի պատճառով ստեղծված իրավիճակը

ԵՄ -ն 2019-ին ՀՀ-ին տրամադրվող աջակցությունը ավելացրել է 25 մլն եվրոյով. հանդիպում կառավարությունում

Կրթության եւ գիտության նախարարը բողոքող ուսանողներին հրավիրել է նախարարություն. մինչ վերադարձը բուհի դռները չեն բացվի

Դուք հայրենասիրության վառ օրինակ եք. վարչապետը շնորհավորել է Կոմանդոսին՝ ծննդյան 80-ամյակի առթիվ

5 աղբատար նոր մեքենաները սկսել են աղբի հավաքումը. եւս 20 մեքենա ու մի քանի հազար աղբաման ձեռք կբերվի

ԱԺ «Իմ քայլը» խմբակցությունը հյուրընկալել է ՄԹ պաշտպանության հետազոտությունների արքայական քոլեջի ունկնդիրներին

Թյորբորն Յագլանդը հաստատել է ԵԽ-ի լիակատար աջակցությունը ՀՀ բարեփոխումների օրակարգին

ՀՀ մարմնամարզիկները կարեւորագույն ստուգատեսներից առաջ փորձնական մրցումների կմասնակցեն

Նորընտիր ռեկտորը խոստացավ հրաժարականի պահանջին պատասխանել վաղը. ուսանողները հայտարարեցին՝ մինչ այդ բոլորը կմնան շենքում

Բակո Սահակյանը խորհրդակցություն է անցկացրել

60 տարի բեմում լինելու, վիրահատության եւ երաժշտական դադարի մասին պատմում է Ռոզի Արմենը. նա Հայաստանում է

Երաշխիք չունեմ, որ կեսից չեն փոշմանի ու հետ վերցնի. քաղաքապետարանը «Կանազ»-ի շենքը տրամադրելու ռիսկեր է տեսնում