Որեւէ վախենալու պահ չկա, մեր քաղաքացիներն ապահովված են․ Օսիպյանը՝ վարչապետի հիշատակած սեւազգեստ խմբերի մասին

Կան մարդիկ, որոնք փորձում են ինքնահաստատվել եւ ինքնադրսեւորվել, դրանով ցույց տալ, որ իրենք կարող են ամեն ինչ իրենց թույլ տալ Հայաստանի Հանրապետությունում, բայց վստահեցնում եմ ձեզ՝ դա ընդամենը իրենց կարծիքն է։ Այս մասին այսօր կառավարության նիստից հետո լրագրողների հետ զրույցում ասաց ՀՀ ոստիկանապետ Վալերի Օսիպյանը՝ արձագանքելով դիտարկմանը, որ ՀՀ վարչապետ Նիկոլ Փաշինյանը կարծես թե դժգոհ է ոստիկանների գործողություններից՝ ՀԱԿ ակտիվիստ Վարդան Հարությունյանին ՀՅԴ-ականների կողմից ծեծի ենթարկելու առնչությամբ։

«ՀՀ-ում անթույլատրելի եմ համարում բռնության կոչը, իսկ բռնության կոչեր անողները կարժանան օրենքի սահմաններում իրավապահ մարմինների կոշտ արձագանքին»,-նշեց նա։

Հարցին՝ կառավարության նիստում ինչ օպերատիվ տվյալներ նկատի ուներ վարչապետը, երբ խոսում էր սեւազգեստ խմբերի մասին, այդ խմբերը վախի մթնոլո՞րտ են ցանկանում ստեղծել, ինչպիսին են այդ խմբերի անդամները, Օսիպյանը պատասխանեց.

«Որեւէ վախի մթնոլորտ չկա, որեւէ վախենալու պատճառ չկա, մեր քաղաքացիներն ապահովված են, ՀՀ-ն ապահով երկրներից մեկն է, օպերատիվ տեղեկությունները հրապարակման ենթակա չեն»։

Թե որ քաղաքական ուժին նկատի ուներ վարչապետը, ոստիկանապետն ասաց. «Մեզ համար կապ չունի, որ քաղաքական ուժը ուզում է՝ լինի»։

Լրագրողի դիտարկմանը, թե ոստիկանության գործողությունները թավշյա են, եւ եթե ի սկզբանե թավշյա չլինեին, հիմա այդ խմբերի հարցը չէր առաջանա, Օսիպյանն ի պատասխան արձագանքեց.

«Ի՞նչ չի արել ոստիկանությունը, որ դուք կուզենայիք տեսնել։ Ես վարչապետի հետ առանձնազրույց եմ ունեցել, որի մասին տեղեկություն չեմ հայտնի»։

Հարցին՝ առանձնազրույցի ժամանակ վարչապետը չդժգոհե՞ց ոստիկանության գործողություններից, ոստիկանապետը խորհուրդ տվեց այդ հարցով դիմել վարչապետին։

«Ոստիկանությունը արել է ամեն ինչ օրենքի սահմաններում, ես չեմ բացառում, որ մեր գործողությունների մեջ լինեն բացթողումներ, բայց, ընդհանուր առմամբ, ոստիակնությունն իր առաջ դրված պարտականությունները կատարել է»,–նշեց ոստիկանապետը։

Լրագրողները հետաքրքրվեցին մեքենայի «ճռիկները» շատացե՞լ են, ի պատասխան ոստիկանապետն ասաց՝ դրանք միշտ էլ եղել են։ Դիտարկմանը, որ նախկինում Ազատության հրապարակում չի եղել նման բան, Օսիպյանը հակադարձեց՝ եղել է. «Մի անգամ էլ 17 մեքենա եմ ուղարկել տուգանային հրապարակ, դա մի դեպք եմ ասում, բայց շատ են եղել դեպքեր։ Այսօր գիշերը եւս արձանագրություն են կազմել»։

Տպել
12370 դիտում

«Ոչ լեգիտիմ» նախագահի կողմից առաջադրված, ապա ընտրված Վահե Գրիգորյանը աշխարհացունց հայտարարություններով է հանդես գալիս

Ստացել է 1.2 մլն դրամի չափով կաշառք. կալանավորվել է ՀՀ սոցիալական ապահովության ծառայության պաշտոնատար անձ. ԱԱԾ

Իրանի խնդրից մինչեւ Աֆղանստան և ՌԴ. Բրյուսելում մեկնարկում են ՆԱՏՕ-ի պաշտպանության նախարարների երկօրյա բանակցությունները

ԱԺ-ն ստիպված պետք է լինի վերացնել ՍԴ շուրջ ստեղծված ճգնաժամը, հակառակ դեպքում սա հավերժական վեճի թեմա է լինելու

Հայաստանը 4-րդ մեդալն ունի Եվրոպական խաղերում

Սպանություն Երեւանում. հայտնաբերվել է սավանով եւ պոլիէթիլենով փաթաթված 25-ամյա աղջկա դի

Ոտքերով բազմաթիվ հարվածներ է հասցրել նրան. տղամարդու մահվան դեպքով ձերբակալվել է տուժողի եղբայրը

Աննա Հակոբյանը ներկա է գտնվել FASHION FORUM YEREVAN 2019 միջոցառման բացման արարողությանը

Կայացել է զորակոչի ընթացքում քաղաքացիների բողոքների քննարկման հանձնաժողովի առաջին նիստը

Սյունիքում մեքենան 60 մետր գլորվելով բախվել է էլեկտրասյանը. 12-ամյա երեխան հիվանդանոցում է, վարորդը մահացել է

1 սահնօձ, 1 չպարզված տեսակի օձ. ահազանգեր Երեւանում՝ օձերի առկայության մասին

Մինսկ-2019. բադմինտոնի միակ ներկայացուցիչ Լիլիթ Պողոսյանը հաղթեց երկրորդ խաղում

Մինսկ-2019. բռնցքամարտիկ Արթուր Հովհաննիսյանն ապահովեց առնվազն բրոնզե մեդալ

Զբոսավարների ասոցիացիան մտահոգ է՝ զբոսաշրջիկներին թալանում են. ոստիկանությունը պարզաբանում է

Սիսիանի բանկերից մեկում քաղաքացուց գողացել են հեռախոսը

«Սարուխան» պոմպակայանի հոսանքազրկման պատճառով ջրանջատումներ կլինեն

«Կոբախիձե էտա ռազ, Գախարիա էտա դվա». Վրաստանի նախկին նախագահը միացել էր ցուցարարներին

Երևանում և 8 մարզում այսօր էլեկտրաէներգիայի պլանային անջատումներ են սպասվում

Շիրակի մարզի Կամո գյուղում այսօր անշնչացած վիճակում հայտնաբերված երիտասարդն առողջական խնդիրներ ուներ

Երեւանում վրաերթի է ենթարկվել Ֆրանսիայի 73-ամյա քաղաքացուհին եւ տեղում մահացել