Ռեստորանում հարսանիքից հետո թունավորվել են մի քանի տասնյակ մարդիկ, այդ թվում հարսը, փեսան, նրանց մայրերը, հարսի քույրը

Հունիսի 8-ին «Ծիրանի» ռեստորանային համալիրում անցկացված հարսանիքի ուրախ տրամադրությունը կարճ ժամանակ անց փոխակերպվել է առողջապահական հոգսերի:

Արարողության մի քանի տասնյակ ու հնարավոր է՝ ընդհուպ մինչեւ հարյուրավոր մասնակիցների մոտ հաջորդ օրվանից սկսած նկատվել է ինքնազգացողության վատացում, ջերմություն, լուծ, սրտխառնոց: Նրանց մի մասը դիմել է ստացիոնար բուժհաստատություններ, մյուսները բուժում են ստանում տնային պայմաններում: Թունավորվել են հարսը, փեսան, նրանց մայրերը, հարսի քույրը, բազմաթիվ այլ հարազատներ ու մտերիմներ: Սկզբում յուրաքանչյուրին թվացել է, թե խնդիրը միայն իր հետ է՝ գուցե մրսել է, գուցե տանը պատրաստված ինչ-որ կերակուրի պատճառով է: Բայց երբ միմյանց հետ կապ են հաստատել, պարզվել է, որ բոլորի մոտ գրեթե նույն ախտանշաններն են, ու վատացել է բացառապես այն մարդկանց ինքնազգացողությունը, որոնք օգտվել են «Կեսար» աղցանից:

«Ամսի 9-ին լավ էի, 10-ի առավոտյան ընդհանուր թուլություն զգացի: Երեւի նաեւ ջերմություն ունեի, աշխատավայրում չեմ չափել: Տերաֆլյու խմեցի՝ մտածելով որ մարմինս կոտրտվում է, երեւի մրսել եմ հարսանիքին: Հետո էլի լավ չէի: Ջերմությունս բարձրացավ, երեկոյան արդեն 8.8 աստիճան էր: Նորից ցավազրկող, տերաֆլյու խմեցի»,- մեզ հետ զրույցում պատմեց հարսի ընկերուհիներից մեկը՝ Հերմինե Ղազարյանը, որը գտնվում է Երեւանի «Նորք» ինֆեկցիոն հիվանդանոցում: Արդեն լուսադեմին նա ուշագնաց է եղել: Գիտակցության բերվելուց հետո շտապօգնության մեքենայով տեղափոխվել է առողջապահական հաստատություն:

Նրա հետ նույն հիվանդասենյակում բուժում էր ստանում հարսի քույրը՝ Լիլիթ Ղազարյանը: «Ես ամսի 9-ից եմ վատ զգացել: Սկզբում դող սկսվեց, ջերմությունս բարձրացավ: Ինձ թվում էր՝ շատ պարելուց է: Բայց ընդհանրապես դրանից չէր: Հետո բարեկամներին զանգելով հասկացանք, որ ինֆեկցիա է: Քույրիկս ու ամուսինն էլ նույն վիճակում են, ուղղակի իրենք չեն գալիս հիվանդանոց, որովհետեւ ծանոթ բժիշկը կաթիլային ներարկումներ է նշանակել տնային պայմաններում»,- պատմեց Լիլիթը: Նորապսակներն, ի դեպ, պատրաստվում են նախօրոք ծրագրված ամուսնական ճանապարհորդությանը: Չի բացառվում, որ ստիպված լինեն Իտալիա մեկնել բարձր ջերմություն ունենալով:

Լիլիթի ու հարսի մայրը՝ Սուսաննա Մելյանը, պատասխանելով մեր հարցին, թե հնարավո՞ր է դատական հայց ներկայացնեն ընդդեմ ռեստորանի, եթե պարզվի, որ թունավորման պատճառը այնտեղ մատուցված ուտելիքն է, ասաց, որ դա կորոշեն իր ամուսինն ու փեսայի հայրը՝ լաբորատոր հետազոտության վերջնական արդյունքները ստացվելուց հետո: «Եթե այդպիսի պատասխանատվություն ես ստանձնում, պիտի հնարավորինս կարողանաս զերծ պահել նման դեպքերից: Դա ո՞ւմ խնդիրը պիտի լիներ, եթե ոչ իրենց: Ամեն դեպքում, իհարկե, իրենք չէին ուզի նման բան: Իրենց օբյեկտի հեղինակության հարցն է»,- համոզմունք հայտնեց հարսի մայրը՝ նկարագրելով, թե ինչ ապրումներ ու նաեւ մեղքի զգացում է ունեցել, երբ մեկը մյուսի ետեւից լսել ու տեսել է՝ ինչպես են բարեկամները գանգատվում առողջությունից:

Հարսանիքի մասնակիցներից երեքն այսօրվա դրությամբ բուժում են ստանում «Նորք» ինֆեկցիոն հիվանդանոցում: Որոշները տեղափոխվել են այլ բուժհաստատություններ: Մի մասը այցելում է, կաթիլային ներարկում ստանում ու վերադառնում տուն:

արձագանք-մեկնաբանություններ

Առողջապահության նախարարությունը հունիսի 11-ին ահազանգ է ստացել, որ աղիքային վարակներին բնորոշ գանգատներով 4 քաղաքացի դիմել է «Նորք» ինֆեկցիոն հիվանդանոց: Գերատեսչության լրատվական ծառայությունից տեղեկացնում են, որ անմիջապես ձեռնարկված աշխատանքների արդյունքում պարզվել է, որ հիվանդները մասնակցել են ընդհանուր միջոցառման: Հիվանդներից վերցվել են կենսանմուշներ՝ լաբորատոր հետազոտությունների համար: «Վարակի աղբյուրի հայտնաբերման, ինչպես նաեւ պատճառահետեւանքային կապը բացահայտելու նպատակով ձեռնարկվել են համապատասխան միջոցառումներ: Այդ թվում միջոցառմանը մասնակցած 300-ից ավելի քաղաքացիների հետ անհատական կապ է հաստատվում: «Աշխատանքները շարունակվում են, արդյունքների մասին լրացուցիչ կտեղեկացնենք»,- մանրամասնում է առողջապահության նախարարությունը:

Ոստիկանության լրատվական ծառայությունից պատասխանեցին, որ դեպքի վերաբերյալ հաղորդում կամ ահազանգ Կոտայքի բաժնում չի ստացվել:

«White Hall by Tsirani» («Ծիրանի») ռեստորանի սեփականատեր MBG Hospitality ընկերությունը, մեկնաբանելով հարսանյաց հանդիսությանը հաջորդած թունավորումների դեպքերը, մասնավորապես նշում է.

  1. MBG Hospitality ընկերությունն անհանգստացած է առաջացած իրավիճակի կապակցությամբ եւ նշված օրը հարսանյաց հանդեսի մասնակիցների բուժհաստատություն դիմելու վերաբերյալ տեղեկատվությունը ստանալու առաջին իսկ պահից (10.06. 2019թ.) ընկերության աշխատակիցը մշտապես կապի մեջ է եղել բուժ.հաստատություն դիմած անձանց հետ:
  2. Հայտնում ենք, որ Ընկերության աշխատակիցը ժամանակ առ ժամանակ այցելում է բուժհաստատություն դիմած անձանց՝ վերջիններիս խնդիրները տեղում հասկանալու եւ անհրաժեշտության դեպքում աջակցելու համար:
  3. Վարակի աղբյուրի հայտնաբերման, ինչպես նաեւ պատճառահետևանքային կապը բացահայտելու նպատակով` ձեռնարկվել են համապատասխան միջոցառումներ: Հիվանդներից վերցվել են կենսանմուշներ լաբորատոր հետազոտությունների համար: Այդ թվում միջոցառմանը մասնակցած 300-ից ավելի քաղաքացիների հետ անհատական կապ է հաստատվում: Աշխատանքները շարունակվում են, արդյունքների մասին լրացուցիչ կտեղեկացնենք:
  4. Անկախ բժշկական հետազոտության արդյունքներից, Ընկերությունը պատրաստակամություն է հայտնում աջակցել բուժհաստատություն դիմած անձանց՝ հոգալու հյուրերի բժշկական զննության եւ ապաքինման հետ կապված բոլոր ծախսերը:
  5. Համացանցում տարբեր կայքերի միջոցով իրականությանը չհամապատասխանող եւ խեղաթյուրված տեղեկատվություն է տարածվել, մասնավորապես Ընկերությանը մեղադրել են քաղաքացիների թունավորման համար, այն պարագայում, երբ որեւէ հետազոտության արդյունք դեռեւս ստացված չէ, ուստի նման տեղեկատվության տարածումը նպատակ է հետապնդում վարկաբեկել Ընկերության բարի համբավը եւ հեղինակությունը: Լրատվական միջոցներին հորդորում ենք Ընկերության վերաբերյալ չտարածել որևէ տեղեկատվություն, որը ճշտված չէ ոչ որևէ պետական մարմնից, ոչ Ընկերությունից, հակառակ դեպքում Ընկերությունը միջոցներ կձեռնարկի օրենքով սահմանված կարգով իր բարի համբավը եւ հեղինակությունը վերականգնելու ուղղությամբ:
Տպել
10144 դիտում

Հայաստանյայց Առաքելական Սուրբ Եկեղեցին տոնախմբել է Համբարձման տոնը

Մեզ հետաքրքրող ցանկացած տարածք կարող ենք նկարել. Արծրուն Հովհաննիսյանը՝ ՀՀ առաջին տիեզերական արբանյակի մասին

Քրեական ոստիկանության և ՊԵԿ ծառայողները թմրամիջոցներ են հայտնաբերել. բերման է ենթարկվել 27-ամյա մի երիտասարդ

Գնել Սանոսյանն ընդունել է Եվրոպայի խորհրդի Կոնգրեսի տնօրեն Ռաֆայել Բենեդիկտին

Երբ նոր էի սկսել նվագել, պապիկս ասաց՝ դա պաշտոն չէ, որ ես քեզ տամ, ինքդ պիտի հասկանաս՝ քոնն է, թե չէ. Ջիվան Գասպարյան

Ծիծեռնակաբերդի խճուղին շարունակում է մնալ երկկողմանի փակ

Հայտնի է «Դիմադրություն» շարժման այսօրվա հանրահավաքի մասնակիցների թիվը

Բուլղարիայի ԱԳՆ-ն ողջունել է Հայաստանի ջանքերն ու տարածաշրջանային անվտանգային միջավայրի ձևավորմանն ուղղված քայլերը

Բյուրականի անտառպետությունում հրդեհաշիջման աշխատանքներին մասնակցել է նաև ՊՆ ուղղաթիռ. ուսումնավարժանք է անցկացվել

ՀՀ վարչապետը Չեռնոգորիայի նախագահին է ներկայացրել ԼՂ հիմնախնդրի խաղաղ կարգավորման հայկական կողմի դիրքորոշումը

Ինչ ունեցվածք են հայտարարագրել ընդդիմադիր պատգամավոր Հռիփսիմե Ստամբուլյանը և նրա ամուսինը՝ Վահե Անդրիասյանը

Ընթանում է «Դիմադրություն» շարժման հերթական հանրահավաքը

Նա ծաղրի է ենթարկվում և չի արժանանում հարգանքի. ուսուցիչների՝ աշխատանքը թողնելու խնդիրը վերջին շրջանում մտահոգիչ է

Զորամասերից մեկում հավաք-խորհրդակցություն է կայացել

ՀՀ առաջին տիեզերական արբանյակի կողմից արված լուսանկարները կօգտագործվեն արտակարգ իրավիճակների կանխարգելմանը և կառավարմանը

Կառավարությունը գումար կհատկացնի Լոռի Բերդ ամրոցի պարսպի հյուսիսարևելյան հատվածի ամրակայման և մասնակի վերականգնման համար

Աննա Հակոբյանը Դավոսում մասնակցել է «Կին քաղաքական առաջնորդներ» ամենամյա միջոցառմանը

ՀՀ բռնցքամարտի ֆեդերացիան ամփոփել է 1-ին մրցահերթը. այսօր հաղթանակ է տոնել հայաստանյան 3 պատվիրակ

Դոլարի փոխարժեքը նվազել է եւս 3,5 դրամով. ՀՀ կենտրոնական բանկը հրապարակել է նոր փոխարժեքներ

Աբովյանում վեց ժամ ջուր չի լինի

Ընդդիմադիրները բողոքի ակցիա են իրականացնում Կառավարության դիմաց

ՊԵԿ-ը հրապարակել է համալիր հարկային ստուգումների տարեկան ծրագիրը

ՀՀ Ազգային ժողովն արտահերթ նիստ կգումարի հունիսի 3-ին

Չեռնոգորիայի նախագահը հարգանքի տուրք է մատուցել Հայոց ցեղասպանության զոհերի հիշատակին (տեսանյութ)

Նիկոլ Փաշինյանը տեսակապի միջոցով մասնակցել է Բիշքեկում անցկացվող Եվրասիական տնտեսական ֆորումի աշխատանքներին (տեսանյութ)

Կարեն Անդրեասյանը հանդիպել է Ագնե Բիլոտաիտեին. հանդիպմանը անդրադարձել են երկկողմ հետաքրքրություն ներկայացնող հարցերի

Ինեկոբանկն Android օգտատերերի համար գործարկում է Mastercard քարտերով NFC վճարումները

ՀՀ վարչապետն ընդունել է Հակամարտությունների գոտիներում ժառանգության պաշտպանության միջազգային դաշինքի գործադիր տնօրենին

Ծաղկաձորում տաքսու վարորդը գողացել է զբոսաշրջիկի դրամապանակը (տեսանյութ)

Պաշտոնական այցով Հայաստան է ժամանել Չեռնոգորիայի նախագահ Միլո Ջուկանովիչը (լուսանկարներ)

Դաշնակցությունը որևէ գործարան, օբյեկտ չունի, դաշնակցականի ունեցվածքը տարբեր է, քաղաքական ուժինը՝ տարբեր. Սաղաթելյան

Միրզոյանը ընդունել է Հակամարտությունների գոտիներում ժառանգության պաշտպանության միջազգային դաշինքի տնօրենին (տեսանյութ)

Ելնելով Հայաստանում տիրող իրավիճակից՝ ցանկացա բեմադրել այս ներկայացումը. պրեմիերա Ազնավուր քոլեջի ուսանողական թատրոնում

Կալանքի երկարաձգման միջնորդությունը չբավարարվելու հետևանքով մեղադրյալը նոր հանցագործություններ է կատարել և թաքնվել

Առանձին շրջաններում սպասվում է կարճատև անձրև. առաջիկա օրերի եղանակային կանխատեսումը

Կառավարությունը 200 մլն դրամով ավելացրել է 2022 թ. մարզական ֆեդերացիաներին հատկացվող ֆինանսական միջոցները

ՀՀ նախագահը շնորհավորական ուղերձ է հղել իր վրաց գործընկերոջը ազգային տոնի առթիվ

Ամենայն հայոց կաթողիկոսը վավերացրել է Իրաքի հայոց թեմի առաջնորդի ընտրությունը

Դատախազությունն Առուշ Առուշանյանի դատավճռի դեմ վերաքննիչ բողոք է ներկայացրել

ԲԴԽ-ում ընդունել են զոհված զինծառայողների ծնողների՝ 30 հոգուց բաղկացած խմբին