Ես չեմ կարող յուրաքանչյուր քաղաքացու պահանջով քաղաքի այս կամ այն վայրում հայտնվել. Գասպարյան

Արմավիրի մարզի Էջմիածին քաղաքի բնակիչ Արմեն Ալեքսանյանը արդեն մի քանի օր է՝ իր մի քանի մտերիմների հետ, որոնց թվում է նաեւ ակտիվիստ Ջիվան Աբրահամյանը, պահանջում են քաղաքապետ Դիանա Գասպարյանի հրաժարականը: Նրանք պնդում են, որ Գասպարյանը քաղաքը չի զարգացնում: Նրանք նաեւ Գասպարյանին հրապարակավ հրավիրել են փողոց՝ իրենց հետ հանդիպման:

«Հայկական ժամանակ»-ի հետ զրույցում Էջմիածնի քաղաքապետ Դիանա Գասպարյանն ասաց, որ սուբյեկտիվ գնահատական է, թե քաղաքը չի զարգանում. «Քաղաքում բազմաթիվ գործեր են արվում եւ տարօրինակորեն դրանից մեկ օր առաջ ամբողջ համացանցով էր ընդ որում դա տարածված: Բոլոր քաղաքների բնակիչներն էին շատ ոգեւորված, որ Էջմիածին նոր մարդատար փոխադրամիջոցներ են գալիս Ֆրանսիայի Նիցցա քաղաքից: Առհասարակ քաղաքում անընդհատ աշխատանքներ են տարվում եւ դա նկատելի է»:

Անդրադառնալով ցուցարարին՝ Գասպարյանն ասաց. «Ես իրեն չեմ ճանաչում, երբեւէ այդ մարդը որեւէ հարցով քաղաքապետարան չի դիմել: Ինձ համար անհասկանալի է այն պահանջը, որը բարձրաձայնում է եւ այն բողոքը, որ բարձրաձայնում է, թե իբր չի կարողանում իր խնդիրների լուծումը ստանալ, չի կարողանում հանդիպել քաղաքապետին: Դա բացարձակ սուտ է եւ մանիպուլյացիա, որովհետեւ ես ամեն հինգշաբթի՝ նշանակման, այնուհետեւ ընտրության օրվանից սկսած քաղաքացիների ընդունելություն եմ անցկացնում: Լինում են օրեր, որ 50-60 քաղաքացի եմ ընդունում, բոլորին հատ հատ լսում եմ եւ բոլորի խնդիրներին փորձում ենք ընթացք տալ: Չգիտեմ՝ այլ համայնքի ղեկավարներ ամեն շաբաթ հաճախականությամբ քաղաքացիներին ընդունո՞ւմ են, թե՝ ոչ: Սա ոչ այլ ինչ է, քան պարզապես անհասկանալի ակցիա: Եթե ունի հարցեր՝ կարող է գրանցվել, կարող է գալ ընդունելության»:

Գասպարյանը նշեց, որ այդ մարդուն առաջարկվել է գնալ քաղաքապետարան, ժամ է նշանակվել, որպեսզի գնա եւ ներկայացնի իր դժգոհության պատճառը. «Այդ մարդը համաձայնվել էր, բայց երբ եկավ ժամանակը, չգիտես ինչ ազդեցությունների տակ, փողոցում հայտարարեց՝ թող քաղաքապետը գա: Ես չեմ կարող յուրաքանչյուր քաղաքացու պահանջով քաղաքի այս կամ այն վայրում հայտնվել, եթե կա ֆիքսված օր: Բացի այդ կոնկրետ այդ մարդուն երեկ ընդունելու առաջարկ է արվել: Ես չեմ հասկանում այդ պահանջը, որ քաղաքապետը ինքը գնա եւ ցուցարարի հարցին պատասխանի»:

Հարցին՝ ո՞րն է նրանց իրական պահանջը, Գասպարյանը պատասխանեց. «Ես դա ավելի շատ պատվեր եմ ընկալում կամ առնվազն ոչ գիտակից քայլ մեկ մարդու կողմից: Ըստ էության, մարդիկ ազատ են ցանկացած հարց բարձրաձայնել, բայց այստեղ կառուցողական որեւէ հարցի մասին խոսք լինել չի կարող: Ես չեմ հասկանում, երբ մարդն ունի խնդիր եւ կարող է ընդամենը 2 քայլ քայլել դեպի քաղաքապետարան, բայց այդ անհասկանալի ճանապարհն է ընտրում: Դա ավելի շատ ուղղորդված եւ անհասկանալի բան եմ համարում»:

Գասպարյանն ասաց, որ վրանը առավոտյան դեռեւս կար, 1-2 հոգու է նկատել այդտեղ: «Առհասարակ հնարավոր չէ, որ քաղաքական գործչից բոլորը գոհ լինեն: Եթե կատարվում է աշխատանք, բնականաբար ինչքան շատ ես աշխատում, այդքան շատ ես ունենում դժգոհողներ, դա օրինաչափություն է աշխարհի բոլոր երկրներում: Հետեւաբար, ես չեմ կարող հայտարարել, որ դժգոհներ չկան: Իհարկե կան, բայց դժգոհությունը արտահայտելու ձեւեր կան, ու եթե դա 1 կամ 2 հոգի է, չի նշանակում, որ պետք է լրագրողներ հրավիրվեն, պետք է քաղաքապետի հրաժարական պահանջեն: Եթե նստացույց լինի, հացադուլ լինի, որեւէ մեկի կյանքին կամ առողջությանը վտանգ սպառնա, ես իհարկե խնդիր չեմ տեսնում ինքս գնալու եւ խոսելու, բայց քանի դեռ այդ ամենը չկա, պարզապես կամակորություն է քաղաքացու կողմից, որ քաղաքապետը գնա իր նշած վայր՝ իրեն տեսնելու: Ես դա այդքան էլ ճիշտ չեմ համարում»:

Հարցին՝ իր աշխատանքից ընդհանուր դժգոհողների թիվը փո՞քր է, Գասպարյանը պատասխանեց. «Կան ինչ-որ շրջանակներ քաղաքում, կան ինչ-որ ակտիվիստներ՝ այս կամ այն հարթակից բռնության կոչեր, հայտարարություններ անող, ովքեր ճնշում են ստեղծում, թե էջմիածինցիները դժգոհ են: Էջմիածինցիները բնականաբար ունեն բազմաթիվ խնդիրներ: Անգամ համեմատություն է տարվում նախկին քաղաքապետի հետ, որ Կարեն Գրիգորյանն ավելի լավ էր աշխատում: Նախ՝ Կարեն Գրիգորյանը այն, ինչ արել է Էջմիածինում, արել է 10 տարում: Եթե դա բաժանենք տարիների, ամիսների, կարելի է պատկեր կազմել, թե իրականում ինչ ծավալի աշխատանք է արվել կամ չի արվել: Ես պաշտոնապես իմ լիազորությունները ստանձնել եմ նոյեմբերին: Այսինքն, անգամ այդ տարին չկա: Ճիշտ է, ես նախորդ տարի հունիսին եմ նշանակվել պաշտոնակատար, բայց պաշտոնակատարը ոչ իր հաստատած բյուջեով եւ սահմանափակ լիազորություններով չի կարող մեծ ծավալի աշխատանք կատարել: Այսինքն, ընդամենը նոյեմբերից մինչեւ հիմա Էջմիածինում այնքան նկատելի աշխատանքներ են կատարվել բոլոր ոլորտներում, որ դա չնկատելը պարզապես ցանկության պակաս է: Ես իմ առջեւ դեռեւս 5 տարի ունեմ եւ նույն ջանասիրությամբ աշխատելու եմ, որպեսզի մեր քաղաքը շատ զարգացած լինի: Էջմիածինը ունի նաեւ փողոցների խնդիր, ասֆալտապատման խնդիր, որը 20-30 տարիների ծառացած խնդիր է, եւ դա բնականաբար 1 տարում կամ մի քանի ամսում՝ հատկապես սուղ բյուջեով, չէր կարող լուծվել: Այսինքն, չեմ կարծում, թե օբյեկտիվ քննադատություն կամ օբյեկտիվ դժգոհություն կա: Այսօր ցավոք դժգոհություններ տարբեր ոլորտներում կան՝ անկախ նրանից՝ պաշտոնյան աշխատում է, թե՝ ոչ: Դա տարբեր պատճառներ ունի՝ ակնկալիքների խնդիր է: Էջմիածինում շատ շահեր են բախվում, շատ մարդկանց անհարմարություն է պատճառում, որ քաղաքապետի պաշտոնում ես եմ՝ ում վրա դժվար է ճնշում գործադրել: Այս ամենը կարող է տարբեր կողմերից հրահրված լինել: Իրականում տեսնողը տեսնում է՝ ինչ է կատարվում»:

Հարցին՝ Էջմիածինը սուբվենցիոն ծրագրերի հայտեր ներկայացրե՞լ է, Գասպարյանը պատասխանեց. «Իհարկե, հաստատվել է մեր սուբվենցիոն ծրագիրը: 2 կարեւորագույն փողոցների հիմնանորոգման մասին է խոսքը: Արդեն հայտը հաստատվել է եւ առաջիկա ավագանու նիստին՝ հուլիսի 9-ին արդեն գումարի մեր մասնաբաժինը կհատկացնենք ու մրցույթ կհայտարարվի: Մենք դիմել ենք նաեւ տարածքային կառավարման եւ զարգացման նախարարին՝ ավելի արագ ժամանակում մրցույթ անցկացնելու եւ խնդիրը կարճ ժամանակում կարգավորելու համար»:

Տպել
8947 դիտում

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Ռեստորանում «Ջերմուկ»-ի շիշը կոտրվել է, ապակյա բեկորը վնասել է 32-ամյա երիտասարդի աչքը

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան