Փոխքաղաքապետը զրպարտություն է որակում պետությանը 8 միլիոն դրամ վնաս հասցնելու մասին Նիգոյանի հայտարարությունը

Տիգրան Վիրաբյանը քաղաքային բյուջեին հասցրել է ավելի քան 8.000.000 դրամի վնաս: Այս մասին հուլիսի 4-ին ֆեյսբուքյան իր էջի միջոցով հայտարարել էր Համազգային թատրոնի նախկին փոխտնօրեն Մանուկ Նիգոյանը:

Նիգոյանի խոսոքվ՝ 2015 թվականին Երեւանի կենդանաբանական այգու վերաբացումից հետո իրեն պատկանող ընկերությունը դարձել է այգում սրճարան շահագործող առաջին ընկերությունը: «Հինգ ամիս բարեխիղճ գործունեությունից հետո, քաղաքապետ Տարոն Մարգարյանի հետ բարեկամական կապով փոխկապակցված մի պաշտոնյայի հետ տարաձայնության եւ վերջինիս կողմից ապօրինություններն այլեւս հանդուրժել չկարողանալով, ինչպես նաեւ պետեկամուտների կոմիտեի կողմից ապօրինաբար 1,500,000 դրամի վարչական տույժի ենթարկվելուց հետո իմ ընկերությունը լուծարեց այգու հետ կնքված պայմանագիրն ու ազատեց զբաղեցրած տարածքը»,-հայտնում է Նիգոյանը:

Նիգոյանի վստահեցմամբ՝ բարձրագույն քաղաքային իշխանության անբարեխղճության եւ հանցավոր անգործության արդյունքում այս տարի Երեւանի քաղաքային բյուջե մուտք չի եղել ավելի քան 4.000.000 ՀՀ դրամ: Վերջինս այս ամենը բացատրում է հետեւյալ կերպ. Երեւանի կենդանաբանական այգին քաղաքացիների համար իր դռները բացել է մայիսի 1-ից, այսինքն մայիսի 1-ից մինչեւ հիմա՝ 2 ամիս, այգում չեն գործում սրճարանները, որոնք վարձակալության պայմանագրով 2 ամսվա ընթացքում քաղաքային բյուջե կարող էին փոխանցել պոտենցիալ 4.000.000 դրամ:

Մանուկ Նիգոյանը նշում է, որ ուրբաթ օրվանից զանգահարել է Երեւանի քաղաքապետարանի մի քանի բաժիններ՝ գնումների վարչություն, քարտուղարություն, անշարժ գույքի կառավարման վարչություն, քաղաքապետի տեղակալ Հայկ Սարգսյանի ընդունարան եւ այլն: Երեք օր տեւած բյուրոկրատական քաշքշուկների արդյունքում պարզել է կենդանաբանական այգու սրճարանների վարձակալության մրցույթով զբաղվող պաշտոնյայի անունը:

«Մի կերպ գտա նրան: Պարզվեց, որ նշված մարդու մոտ կենդանաբանական այգուն վերաբերող որեւէ փաստաթուղթ առկա չէ, միակ տեղեկությունը, որ ստացա, դա այն է, որ կենդանաբանական այգում տնտեսական գործունեություն իրականացնելու նպատակով տարածքների աճուրդներին առնչվող հարցերը համակարգում է քաղաքապետի տեղակալ Տիգրան Վիրաբյանը»,-հայտնում է Նիգոյանը:

Մանուկ Նիգոյանը համոզված է՝ եթե Տիգրան Վիրաբյանը, բացի պետական սուբսիդավորմամբ գործող թատրոնից, այսինքն պետբյուջեի միջոցով զրոյական տնտեսական ռիսկեր ունեցող կազմակերպության կառավարում իրականացնելուց երբեւէ զբաղված լիներ մասնավոր տնտեսական գործունեությամբ, իր վրա կրած լիներ բիզնեսի դժվարությունները, ձախողելու ռիսկերն ու շահույթը մեծացնելու համար ջանք թափած լիներ, կհասկանար, որ յուրաքնաչյուր տնտեսվարողի համար սրճարանային գործունեության հնարավոր 5 ամիսներից 2-ի կորսուստը պոտենցիալ շահույթի անդառնալի կորուստ է, եւ հարված՝ Երեւանի քաղաքային բյուջեին:

Տիգրան Վիրաբյանը «Հայկական ժամանակ»-ի հետ զրույցում նշեց, որ գաղափար չունի, թե որտեղից են արվել այն հաշվարկները, թե իբր Կենդանաբանական այգին 8 միլիոն դրամի վնաս է կրել: Նրա վստահեցմամբ՝ կենդանաբանական այգին իր ծառայությունների եւ տոմսերի միջոցով 10 միլիոնից ավելի եկամուտ է ունեցել 2018 թվականի միայն մայիս ամսվա համեմատականով:

Նիգոյանի պնդմամբ՝ այսօր քաղաքապետարանի տված այն խոստմանը, թե մրցույթը կհայտարարվի մեկ շաբաթից, ապա կստացվի, որ մեկ շաբաթ անց հայտարարված մրցույթին մասնակցելու համար տնտեսվարողներին կտրվի միջինում 15 աշխատանքային օր, դրանից հետո մրցութային հանձնաժողովը եւս 10 աշխատանքային օր կքննի հայտերը, ապա կհայտարարի հաղթող ընկերության անունը և ևս 10 աշխատանքային օրում կկնքի վարձակալական պայմանագիրը, հետևաբար կստացվի, որ տարածքները շահագործման կհանձնվեն ամենաշուտը 1 ամիս 12 օր անց, այսինքն օգոստոսի 16-ին:

«Որեւէ ընկերություն չի գնա նման մեծ ֆինանսական ռիսկի՝ հուսալով թե հետագա 2 պասիվ ամիսներին կարող է վերադարձնել ներդրումը, ստացվում է, որ տարին կփակվի՝ այդպես էլ տարածքները շահագործման չհանձնված, իսկ եթե որեւէ բարերար, տնտեսվարող, այնուամենայնիվ, համաձայնվի գնալ այդ ռիկսին և երկու ամսով վարձակալի տարածքները, ապա կստացվի, որ քաղաքային բյուջեն կորցրեց 4 ամսվա վարձակալական գումար, նույնն է թե 8․000.000 ՀՀ դրամ, որը վստահ եմ՝ Տիգրան Վիրաբյանը չի վերադարձնի, ընդհակառակը, ողջ այդ ամիսներին իր հանցավոր անգործության համար կշարունակի քաղաքային բյուջեից ստանալ իր աշխատավարձը»,-հայտնում է նա:

Վիրաբյանը նկատում է, որ եթե կենդանաբանական այգու աճուրդները կայանան ոչ թե պայմանավորված, այլ նորմալ գներով, ապա այդ բացը շատ արագ կվերականգնվի. «Երկար տարիներ հսկայական տարածքները չնչին գներով են տրվել վարձակալության»:

Փոխքաղաքապետը նշեց, որ Նիգոյանի գրառումից հետո, երեկոյան երկար հեռախոսազրույց է ունեցել վերջինիս հետ, մանրամասն բացատրել, թե իրականում ինչ է տեղի ունեցել եւ ինչպես է Երեւանի քաղաքապետարանը պատկերացնում Կենդանաբանական այգու տարածքի վարձակալության հիմունքները:

«Ես ամեն ինչ բացատրեցի Նիգոյանին, հույս ունեմ՝ նա մոտակա ժամանակներս մեկ այլ համոզմունքով հայտարարությամբ հանդես կգա: Զրպարտության դեմն առնելու ամենակարճ ճանապարհը դատարան դիմելն է, բայց տրոյլերին կերակրելն էլ ժամանակի անիմաստ վատնում է»,-ասաց Տիգրան Վիրաբյանը:

Վիրաբյանի վստահեցմամբ՝ Նիգոյանի պնդումներից որեւէ մեկը չի համապատասխանում իրականությանը, մասնավորապես այն, որ ինքը մինչեւ թատրոն ղեկավարելը որեւէ ձեռնարկատիրությամբ չի զբաղվել եւ չգիտի, թե ինչ է ձեռնարկատիրոջ ռիսկերը. «Նրա այդ ասածից կարելի է ենթադրել, որ Նիգոյանի մոտ կա ինֆորմացիայի լուրջ պակաս: Մինչեւ թատրոնի տնօրեն լինելը ես երկար տարիներ ղեկավարել եմ իմ սեփական պրոդաքշնը, այնպես որ շատ լավ գիտեմ, թե ինչ է տնտեսական գործունեություն ծավալող մարդու ռիսկերը»,-ասաց նա:

Ավելին՝ փոխքաղաքապետի վստահեցմամբ՝ որեւէ աճուրդային գործընթաց իր համակարգային տիրույթում չէ. «Գործողություններից եւ խնդրից քաջատեղյակ եմ: Գիտեմ, որ տարածքները նախկինում վարձակալության են տրվել կարճաժամկետ: Մենք հանդիպել ենք բոլոր տնտեսվարողների հետ, որոնք մեկ տարվա պայմանագրեր են ունեցել եւ չիմանալով իրենց հետագա անելիքները՝ միլիոնների ներդրումներ են արել: Աճուրդներն ավելի թափանցիկ դարձնելու համար մենք չենք ուզել մեկ ամսով տարածք տրամադրել մարդկանց: Այդ մեկուկես ամսիները մենք դիտավորյալ ենք ազատ թողել, որպեսզի մարդկանց մոտ կաշկանդվածություն չլինի, որ այդ տարածքն արդեն ինչ-որ մեկն է շահագործում, որ ինչ-որ մեկից բիզնես են խլում: Թողել ենք ազատ, որպեսզի ամեն ինչ ավելի մասնակցային լինի, գան նայեն ու երկարաժամկետ պայմանագրեր կնքեն»:

Բացի այդ, փոխքաղաքապետը հայտնեց, որ Կենդանաբանական այգում տարածքը եւ գույքը աճուրդի հանելու համար պետք էր իրականացնել հստակ չափագրում, եւ երբ որ իրականացվել է, չափագրման տվյալներն ու կենդանաբանական այգու կադաստրային տվյալներն իրար չեն համապատասխանել, ըստ այդմ՝ կարիք է առաջացել կրկնակի չափագրման, որը եւս որոշակի ժամկետ է պահանջել:

Տպել
19482 դիտում

ԱԻ նախարարը հրդեհի վայրում է. ձևավորվել է 30 հոգուց կազմված աշխատանքային խումբ, աշխատում է 19 մարտական հաշվարկ

Հրդեհի հետևանքով Հանրապետական հիվանդանոց տեղափոխված 2 քաղաքացիները դուրս են գրվել

Վայոց Ձորում վթարի հետևանքով զոհվել է 3 քաղաքացի, եւս 3-ը հիվանդանոցում են

Հրդեհի ծավալը մեծ էր, հարկ համարեցի գալ. Վ. Օսիպյանը ժամանեց հրդեհի վայր ու նկատողություն արեց ոստիկաններին

ՀՀ վարչապետը ելույթ է ունեցել «Քայլ դեպի տուն» ծրագրի փակման արարողության ժամանակ (տեսանյութ)

Մալաթիայում տեղի ունեցած հրդեհի հետևանքով ևս 1 տուժած տեղափոխվում է «Աստղիկ» Բ/Կ

«Մալաթիա մոլ»-ի հրդեհը դեռ չի մարվել. նախնական վարկածով՝ կրակը բռնկվել է «ՎԵԳԱ»-ի պահեստում

Մալաթիայի հրդեհի հետեւանքով տուժած քաղաքացիները ծխահարվել են, 6 անձ է տուժել. ԱՆ խոսնակ

Մալաթիայի խոշոր հրդեհի հետևանքով 4 անձ տեղափոխվել է «Աստղիկ» Բ/Կ, 2-ը՝ Ճառագայթային բժշկության կենտրոն

Խոշոր հրդեհ «Մալաթիա մոլ»-ի շենքում. բարձրացվել է բարդության «Թիվ 3» կանչ, կան տուժածներ (տեսանյութ). ԹԱՐՄԱՑՎԱԾ

Շոգ, առանց տեղումների եղանակը կպահպանվի առաջիկա օրերին. եղանակն այս շաբաթ

ՃՏՊ Կրասնոդարի երկրամասի Ռ-217 ավտոճանապարհին. զոհերն ու տուժածները հայեր են (լուսանկարներ)

Դատարկ ապարների լցակույտի տարածքի ուսումնասիրությունները ոչ լիարժեք են. Ամուլսարում ուրանի և թորիումի առկայության մասին

Երևանում և Ագարակ գյուղում փրկարարները բռնել են 1 շահմար, 1 սահնօձ և 1 գյուրզա

«ԳեոՊրոՄայնինգ» ընկերությունը աջակցեց մանկական քաղցկեղի կենտրոնին (լուսանկարներ, տեսանյութ)

Ստեփանակերտում 16-ամյա երեխայի նկատմամբ բռնության դեպքը կանխվել է

Արցախում՝ Ամարասի դաշտում, տղամարդու դի է հայտնաբերվել. հավանաբար մահացել է ցուլի հարվածից

Ստեփանակերտի ջրամատակարարման խնդիրը լուծման փուլում է. Բակո Սահակյանը ծանոթացել է աշխատանքներին

Սասունիկ-Էջմիածին ճանապարհին «ԶԻԼ»-ը դուրս է եկել ճանապարհից ու կողաշրջվել

Երևանում 2 երիտասարդի վեճն ավարտվել է դանակահարությամբ ու կրակոցներով. կան տուժածներ