ՊՆ է հրավիրվել առողջական խնդիրներ ունեցող երեխաների համար օգնություն խնդրող կապիտանը

Օրեր առաջ կապիտան Սերգեյ Համբարյանը ֆեյսբուքյան ուղիղ եթերի միջոցով հայտնել էր իր երկու որդիների առողջական խնդրի, ընտանիքի ծանր սոցիալական դրության եւ միլիոնների հասնող վարկերի մասին: ՀՀ ՊՆ N զորամասի վաշտի հրամանատար կապիտան Համբարյանն օգնության խնդրանքով դիմել էր ՀՀ համապատասխան գերատեսչություններին, պաշտոնյաներին եւ բարերարներին:

Սերգեյ Համբարյանը Ստեփանավան քաղաքի բնակիչ է, ունի երեք անչափահաս երեխա, որոնցից երկուսը առողջական լուրջ խնդիրներ ունեն: «Հայկական ժամանակ»-ի հետ զրույցում Համբարյանը պատմեց, որ 7 եւ 4 տարեկան տղաների մոտ վաղաժամ սեռական հասունացում եւ հորմոնային խնդիրներ են: 7-ամյա Ալեքսանդրի եւ 4-ամյա Աշոտի բուժումը լիովին հնարավոր է իրականացնել Հայաստանում, պարզապես բավականին երկարատեւ պրոցես է: Մինչեւ չափահաս դառնալը տղաները պետք է պարտադիր բուժում ստանան:

 

Լուսանկարում՝ 7-ամյա Ալեքսանդրը

Լուսանկարում՝ 4-ամյա Աշոտը

Սերգեյ Համբարյանը հայտնեց, որ երկու երեխաների բուժման համար ամսական մոտ 200 հազար դրամ է ծախսում, եւ 700 հազար դրամ էլ վարկ վճարում: Կապիտանի աշխատավարձն այս պահին չի գերազանցում 235 հազար դրամը:

«Այս ընթացքում որոշ չափով եղբայրներս են օգնել, բայց հսկայական պարտքերի տակ եմ ընկել: Սրանից մի 12 տարի էլ պետք է, որպեսզի կարողանամ որդիներիս բուժումը շարունակել տալ: Պահանջվող դեղերը Հայաստանում շատ թանկ են, Վրաստանից եմ առնում: Մեծս 28 օրը մեկ սրսկվում է, ամենօրյա դեղեր օգտագործում, իսկ փոքրս օրը 6 կոճակ խմում»,-հայտնեց Համբարյանը, ասելով, որ երեխաներն ընդհանուր առմամբ լիարժեք կյանքով են ապրում, պարզապես եթե մեկ օր չօգտագործեն անհրաժեշտ դեղամիջոցները՝ ծանր հետեւանքներ կունենա: Դուստրը 6 տարեկան է, բարեբախտաբար որեւէ առողջական խնդիր չունի:

Կապիտան Համբարյանից հետաքրքրվեցինք, թե իր ֆեյսբուքյան ուղիղ եթերից հետո  համապատասխան գրեատեսչություններից կամ այլ անձանցից արձագանք եղե՞լ է. պարզվեց՝ վերջինիս զանգահարել են պաշտպանության նախարարությունից, նաեւ քաղաքացիներ:

«Զանգել են նաեւ տարբեր քաղաքացիներ. այս մի քանի օրվա ընթացքում արդեն 150 հազար դրամ գումար է հավաքվել: Բոլորից էլ շատ գոհ եմ, կարող եմ ասել, որ հասարակ քաղաքացին ավելի շատ է մտահոգված իմ խնդրով քան համապատասխան մարմինները որոնց ես դիմել էի»,-ասաց նա:

Կապիտան Համբարյանը նշեց, որ մոտավորապես 4-ից 5 անգամ նախկինում դիմել է ՀՀ աշխատանքի եւ սոցիալական հարցերի նախարարություն, Առողջապահության նախարարություն, Պաշտպանության նախարարություն, սակայն աջակցություն չի ստացել: «Բոլորի պատասխաններն էլ ունեմ. հայտնում են, որ ըստ օրենքի ոչինչ չեն կարող անել, բայց այդ օրենքն էլ հո իրենք են ստեղծել: Իրենք ուղղակի չեն ուզում խնդիրը լիարժեք հասկանալ եւ որեւէ աջակցություն տալ»,-ասաց նա:

Նշենք, որ ավելի վաղ իր տարածած տեսանյութում Համբարյանը հայտնել էր, որ երեխաների բուժման համար արդեն 15 միլիոն դրամ վարկ ունի եւ այլեւս ոչ մի ելք չի տեսնում: «Փառք աստծո, երեխաներիս կարողացել եմ պահել առ այսօր, բայց հիմա այնպիսի իրավիճակում եմ հայտնվել, որ այլընտրանք չունեմ: ...Հայրս նույնպես՝ 27 տարի շարունակ ծառայել է զինվորական համակարգում. Ստեփանավանում ապրում եմ պետության կողմից հատկացված բնակարանում, որեւէ սեփականություն չունեմ: Կոչումով կապիտան եմ, ծառայության ընթացքում ստացել եմ բազմաթիվ պարգեւներ: Հայոց բանակի սպան չպիտի այս օրն ընկնի, հայոց բանակի սպան պիտի ուժ ու եռանդ ունենա, որպեսզի կարողանա հայրենիքը պահել, իսկ հայրենիքը սկսվում է տնից: Ամեն ամիս իմ աշխատավարձից 1000 դրամ փոխանցում եմ զինվորականների ընտանիքներին. այսօր նույն կարգավիճակում ես եմ հայտնվել: Կներե՛ք ինձ, ժողովո՛ւրդ ջան, կեներե՛ք ինձ, կառավարությո՛ւն, կներե՛ք ինձ, Պաշտպանության նախարարությո՛ւն, բայց իրավիճակն այսօր այսպիսին է: Հարցը շատ խորքային է ու շատ ծանր: Ես չեմ խուսափում վարկերի մուծումներից, չեմ ուզում ինձ մուրացկանություն տաք: Ուզում եմ ինձ օգնեք, որ ոտքի կանգնեմ, որ ընտանիքս չկործանվի: Պարտադիր չէ, որ մարդ գնա իրեն մոստից գցի, հետո ասեն՝ մեզ որ դիմեր կանեինք, օգնեք հիմա, ես ձեր կարիքն ունեմ».- ուղիղ եթերի միջոցով հայտարարել էր նա:

Մեր զրույցում Համբարյանը նշեց, որ նախկինում էլ երկու անգամ դիմել է Սերժ Սարգսյանին, նախկին վարչապետ Կարեն Կարապետյանին, Տիգրան Սարգսյանին, բարերարներին, սակայն տեղյակ չէ, թե նրանց հասցեագրված նամակները տեղ հասել են, թե ոչ, քանի որ մինչեւ օրս պատասխան չի ստացել:

«Բարերարներից դեռ ոչ ոք ինձ հետ կապ չի հաստատել: Ես չեմ կարող ասել, թե ինձ որքանով կաջակցեն: Դիմել եմ նաեւ վարչապետ Փաշինյանին, բայց գիտեմ, որ ինքը մենակ չի կարողանա ինձ ժամանակ տրամադրել եւ օգնել, ուղղակի նրա նշանակած պաշտոնյաները պետք է բարեխիղճ գտնվեն հեղափոխություն արած ժողովուրդի հանդեպ: Եղել են պաշտոնյաներ, ուղղակի հիմա անուններ տալ չեմ ուզում, որ զանգել եմ անգամ հեռախոսին նորմալ չեն պատասխանել, իբր շատ զբաղված են: Այդ նույն մարդիկ էին, որ ընտրություններից առաջ ասում էին՝ մենք ձեր կողքին ենք, ձեզ հետ ենք, ես չտեսա, որ մի անգամ մեր կողքին լինեին»,-ասաց Համբարյանը:

Կապիտան Սերգեյ Համբարյանի խնդրի վերաբերյալ «Հայկական ժամանակ»-ը մեկնաբանություն խնդրեց պաշտպանության նախարարությունից: ՊՆ մամուլի խոսնակ Արծրուն Հովհաննիսյանը հայտնեց, որ պետության կողմից  ՊՆ-ին հատկացված միջոցներով նման տիպի աջակցություն չի նախատեսվում:

«Երեկ Սերգեյ Համբարյանին հրավիրել էին ՊՆ, համապատասխան փաստաթղթերով, որպեսզի ստուգեին, հասկանային, թե իրականում ինչ վիճակ է եւ արդյոք ասածները իրականության համապատասխանում են »,-ասաց Արծրուն Հովհաննիսյանը:

ՊՆ մամուլի խոսնակից հետաքրքրվեցինք, թե արդյոք կարո՞ղ է ծառայողը որեւէ ակնկալիք ունենալ այդ հրավերից եւ ի վերջո դա ինչ նպատակով է արվել. «Ոչինչ չեմ բացառում: Չեմ կարող ասել, թե ինչ կարող է ակնկալել ծառայողը, բայց մի բան պետք է հստակ հասկանալ՝ ՊՆ-ն, ցավոք սրտի, չունի միջոցներ ո՛չ զորացրված, եւ ո՛չ էլ ծառայող սպաների նման խնդիրների համար: ՊՆ-ն օգնության այդպիսի չափաբաժինների կամ հնարավորությունների չի տիրապետում»,-եզրափակեց Հովհաննիսյանը: 

Տպել
17174 դիտում

«Կապիտուլյացիոն փաստաթո՞ւղթ», թե՞ ելույթներ. «Կիկոսի մահը» հեքիաթի մոտիվներով

Լեռնանիստ գյուղի դաշտերն այրվել են

Ադրբեջանի ԶՈՒ-ն դաժանաբար սպանել է վիրավոր հայ զինծառայողներին, վայրագ կերպով վարվել զոհերի մարմինների հետ․ Մարտիկյան

Ժամը 22:00-ի դրությամբ հայ-ադրբեջանական սահմանին իրադրության փոփոխություն չի արձանագրվել

Սյունիքում իրավիճակը շարունակում է մնալ հարաբերականորեն հանգիստ․ Դավիթ Դանիելյան

Կարևոր է՝ ռուս-թուրք-ադրբեջանական թակարդից դուրս գալով՝ այժմ էլ չընկնենք Արևմուտք-Ադրբեջան հյուսած ծուղակը. Բաբաջանյան

Հայկական կողմը գիտի, թե որտեղ քանի դի կա, սակայն դուրս բերելու փորձերը հանդիպել են Ադրբեջանի ԶՈՒ ուժեղ կրակին․ Մարտիկյան

Հոխիկյանը, ԵՊՀ-ին մեղադրելով քաղաքական պատվեր կատարելու մեջ, ինքն է քաղաքականացման առերևույթ քայլ կատարում. Գրիգորյան

Ծաղկունք գյուղում տնակ է հրդեհվել

Հայկական ԶՈՒ-ն սպասում է հակառակորդին դիմակայելու և ջախջախելու․ Առաքել Մարտիկյան

ՌԴ-ից մեծ թվով անձանց ներհոսքն ինչ ազդեցություն կունենա Հայաստանում ժողովրդագրական աճի վրա

Հայաստանն Ադրբեջանին մի քանի անգամ արդեն առաջարկել է զորքերի հայելային հետքաշում

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ԳՇ պետի տեղակալ

Հայաստանը ՀԱՊԿ զորավարժություններին ուժեր չի ուղարկելու․ ՌԴ ԱԳՆ-ն արձագանքել է այս որոշմանը

ՀԱՊԿ-ում մնալով՝ նշանակում է տալ այն, ինչը պահանջում է Ադրբեջանը՝ սկսած «Զանգեզուրի միջանցքից» և անկլավներից. քաղաքագետ

ՀՀ ՄԻՊ-ը Լեյլա Կայաչիկին է ներկայացրել այս օրերին տեղահանված 7600 անձի կենսապայմանների ապահովման անհրաժեշտությունը

Քննարկվել են Ներքին գործերի նախարարության ֆունկցիոնալ և ռեսուրսների կառավարմանն առնչվող հարցեր

Գեղարքունիքի մարզի Ծաղկաշեն գյուղին հարակից սարերում այրվել է խոտածածկույթ

Վահրամ Դումանյանը մասնակցել է ՅՈՒՆԵՍԿՕ-ի «Մշակութային քաղաքականության և կայուն զարգացման համաշխարհային համաժողովին»

Խորհրդակցություններ Հայաստանի և Չեխիայի ԱԳՆ-ների միջև. քննարկվել են երկկողմ օրակարգին առնչվող հարցեր

ՊԵԿ նախագահը և ԱՄՀ պատվիրակության ղեկավարը քննարկել են համագործակցությանն առնչվող հարցեր

ՀՀ նախագահը և Սլովակիայի նորանշանակ դեսպանը կարևորել են գործարար կապերի ակտիվացման անհրաժեշտությունը (տեսանյութ)

Նիկոլ Փաշինյանն ընդունել է Ստանիսլավ Զասին

Դատախազությունում ևս մեկ պաշտոնանկություն է եղել

Հայտնի են երեկ ադրբեջանական սադրանքի հետևանքով զոհված զինծառայողների անունները

Զորքերի հետքաշումն ելման դիրքեր խնդիրները լուծելու միակ հուսալի հիմքն է. Հայաստանում ՌԴ դեսպան

Հայտնի են «100 գաղափար Հայաստանի համար» մրցույթի անվանակարգերը

Արձագանք՝ տեղահանված անձանց կարիքներին

«Ամերիկացի բարի սամարացիները» հաղթող է ճանաչվել Կաննի համաշխարհային կինոփառատոնում

Կասեցվել է հանրային սննդի օբյեկտի արտադրական գործունեությունը

Ցավում ենք ևս 3 հայ զինվորի մահվան կապակցությամբ. ՀՀ-ում Ֆրանսիայի դեսպանություն

Եռաբլուրում ոստիկանների կողմից զոհված զինվորների ծնողներին բերման ենթարկելու դեպքով նախաձեռնվել է քրեական վարույթ․ ՔԿ

ՀՖՖ-ն և Խոակին Կապառոսը դադարեցնում են համագործակցությունը

ԱԽ քարտուղարը Լաուրա Կուպերին է ներկայացրել Ադրբեջանի կողմից ՀՀ ինքնիշխան տարածքի նկատմամբ ձեռնարկած լայնածավալ ագրեսիան

Գագարին գյուղի սկզբնամասում այրվել է 15 հա խոտածածկույթ

Օդի ջերմաստիճանը հոկտեմբերի 01-02-ը աստիճանաբար կնվազի 4-7 աստիճանով

Տեղադրվել է Հայկոյի արձանը. երգչի մահվան տարելիցի առթիվ հրապարակվել են նրան նվիրված նոր երգեր

Կդադարեցվի Գորիսի մի շարք հասցեների գազամատակարարումը

Որոշվել է հերթական պլանային վարժական հավաքներ հայտարարել. ՊՆ-ն մանրամասնում է՝ ովքեր են մասնակցելու դրանց

Լին Թրեյսին Սյունիքի մարզում հանդիպել է տեղահանված անձանց հետ