Հայկական 4 ֆուտբոլային ակումբներից 3-ը 2019-20 մրցաշրջանում իրենց եվրագավաթային «կյանքը» երկարաձգելու հնարավորություններ ունեն: Նրանից 2-ը հաղթել են, մեկը ոչ-ոքի է խաղացել: Պարտվել ու գրեթե շանսերը կորցրել է միայն մեկը:

Եվրոպայում հայկական թիմերից առաջինը պայքարի մեջ մտավ «Արարատ-Արմենիան», որը Չեմպիոնների լիգայում հանդես գալու իրավունքը ստացել է ՀՀ Բարձրագույն խմբի առաջնությունում իր նորամուտի՝ 2018-19 մրցաշրջանի ընթացքում չեմպիոն դառնալով: ՉԼ 2019-20 մրցաշրջանի որակավորման առաջին փուլում ԱԻԿ-ի հետ դիմակայությունում ՀՀ չեմպիոնն ամենեւին էլ ֆավորիտ չէր, սակայն հենց առաջին խաղում ցույց տվեց, որ իրեն չի կարելի թերագնահատել:

Հուլիսի 9-ին Երեւանի ֆուտբոլի ակադեմիայում մեկնարկային ճնշման շնորհիվ նախ 11-մետրանոցի հնարավորություն ստացավ եւ իրացրեց այն, ապա Շվեդիայի չեմպիոնին թողեց 10 հոգով: Ճիշտ է՝ խաղի ընթացքում կորցրեց առավելությունը, սակայն չընկճվեց, խփեց հաղթական գնդակն ու պահեց հաշիվը: ՉԼ-ում եւ ընդհանրապես եվրագավաթներում իր առաջին խաղում «Արարատ-Արմենիան» հաղթեց 2:1:

Այդ խաղում իրենց լավագույն կողմերով դրսեւորեցին հայկական թիմի բոլոր ֆուտբոլիստները, սակայն հատկապես առանձնացավ ՀՀ հավաքականի 23-ամյա կիսապաշտպան Պետրոս Ավետիսյանը: Նա դարձավ եվրագավաթներում «Արարատ-Արմենիայի» պատմության առաջին 2 գոլերի հեղինակը: Բացի այդ՝ դրվագներից մեկում թեթեւ կպնելով գնդակին շեղեց ուղությունն ու հանեց անկյունային՝ թույլ չտալով մրցակցին գրավել դարպասը:

Իհարկե, թե հաշիվը, եւ թե մրցակցի կարգը թույլ չեն տալիս թուլանալ ու մտածել, որ հաջորդ փուլում հայտնվելու շանսերը մեծացել են, սակայն հայկական թիմը ցույց տվեց, որ կարող է ռացիոնալ օգտագործել իր հնարավորություններն ու պոտենցիալը:

«Արարատ-Արմենիայի» նախաձեռնությամբ հայկական ֆուտբոլում եզակի երեւույթ արձանագրվեց. ՀՀ-ում հայկական ակումբի հանդիպման մուտքը ոչ թե ազատ էր, այլ տոմսեր էին վաճառվում (2000 դրամ): Մոտ 1500 հանդիսական ընդունող մազադաշտն էլ լեփ-լեցուն էր: Եկել էին նաեւ մրցակցի երկրպագուներ, ու ֆուտբոլային մթնոլորտ էր տիրում:

Այնուհետեւ հերթը Եվրոպա լիգայի թիմերինն էր, որտեղ առաջինը փոխչեմպիոն «Փյունիկն» էր: Երեւանյան թիմը հուլիսի 11-ին որակավորման առաջին փուլի իր տնային հանդիպումն անցկացրեց ոչ թե մայրաքաղաքում, այլ Գյումրիում, որին կարողացավ ֆուտբոլային մթնոլորտ հաղորդել: Ակումբը կազմակերպել էր Երեւանից Գյումրի թիմի երկրպագուների ուղեւորությունը: Գյումրում կազմակերպել էր ֆան-գոտի, խաղարկություններ:

Գյումրին ֆուտբոլային էր

Ֆուտբոլային երեկոն Հայաստանի մեծությամբ 2-րդ քաղաքում շարունակվեց մակեդոնական «Շկուպիի» դեմ թրիլերային սցենարով խաղով: Գյումրիի քաղաքային մարզադաշտում խփվեց 6 գոլ: Հաշիվը խաղի սկզբում բացեց «Փյունիկը», սակայն դրանից հետո 3 անգամ գնդակ ընդունեց: Պարտությունից խուսափեց խաղի վերջում՝ 80-85-րդ րոպեներին, 2 անգամ խոցելով մրցակցի դարպասը:

3:3, ու թեեւ պատասխան արտագնա խաղից առաջ «Շկուպին» փոքր առավելություն ունի՝ մրցակցի հարկի տակ խփած գոլերի շնորհիվ, «Փյունիկը» ցույց է տվել, որ ի վիճակի է հետ բերել կորցրածը:

Եվրագավաթաների որակավորման փուլի առաջին հանդիպումներից հետո հայկական թիմերից ամենաբարենպաստ վիճակում թերեւս ՀՀ գավաթակիր «Ալաշկերտն» է: Երեկ՝ հուլիսի 11-ին, Երեւանի ֆուտբոլի ակադեմիայում տնային խաղում հարմար առավելությամբ՝ 3:1 հաշվով, հաղթեց «Մակեդոնիայի» նկատմամբ: ՀՖՖ տեխնիկական տնօրեն Խինել Մելենդեսն էլ, որը մշտապես մեծ ուշադրությամբ հետեւում է ՀՀ ֆուտբոլային իրադարձություններին ու ներկա էր խաղին, նշեց, որ «Ալաշկերտը» կազմակերպված ֆուտբոլ էր ցուցադրում ու աչքի էր ընկնում կարգապահությամբ:

Գավաթակիրը բարձր տրամադրություն ապահովեց լեփ-լեցուն մարզադաշտի համար: Մթնոլորտը չխաթարեց նաեւ այն, որ մարզադաշտի հետեւում հրդեհ էր բռնկվել, այրվում էր չոր խոտը, ու երկրպագուները ստիպված էին խաղավարտին մոտ մի քանի րոպեով դուրս գալ մարզադաշտից կայանած մեքենաներն անվտանգ վայր տեղափոխելու համար:

Հայկական թիմերի դրական արդյունքներով տեսարանը փչացրեց «Բանանցը»: Իհարկե, ՀՀ-ում ֆուտբոլասերների շրջանում գիտակցում էին սերբական «Չուկարիչկիի» կարգը ու հենց մրցակցին էին ֆավորիտ համարում, բայց ամեն դեպքում ընդհանուր առմամբ դրական արդյունքների ֆոնին պարտությունը ցավալի էր: Մի շարք դեպքերում «Բանանցին» վերահաս գոլից փրկեց ՀՀ հավաքականի դարպասապահ Արամ Հայրապետյանը, սակայն ի վերջո նրա թիմը հյուրընկալվելիս պարտվեց խոշոր հաշվով՝ 3:0, ու գրեթե կորցրեց հաջորդ փուլ դուրս գալու շանսերը:

4 խաղերում հայկական ակումբները խփեցին 8 գոլ: Նույնքան էլ բաց թողեցին: «Արարատ-Արմենիայի» պատասխան հանդիպումը կկայանա հուլիսի 17-ին: «Բանանցը» պատասխան հանդիպումը կանցկացնի հուլիսի 16-ին, «Փյունիկը» եւ «Ալաշկերտը»՝ 18-ին: «Բանանցը» մրցակցին կընդունի «Բանանց» մարզադաշտում: Մյուս թիմերը կհյուրընկալվեն:

Տպել
1510 դիտում

Հայտնի են Ամասիա համայնքի մի քանի բնակավայրերում ընտրությունների նախնական արդյունքները

Առերևույթ հանցավոր 6 ընտրախախտում՝ Լոռու մարզի խոշորացված համայնքների ՏԻՄ ընտրություններում. նախապատրաստվում են նյութեր

Ծովագյուղ բնակավայրում քվեարկությանը չի մասնակցել որևէ ընտրող. «Անկախ դիտորդ»

Ապարանում կրկնաքվեարկության դեպք է գրանցվել՝ հօգուտ «Կարեն Եղիազարյան» դաշինքի

Ընտրություններն ավարտված են, ընտրատեղամասերի դռները՝ փակ. սկսվել է քվեների հաշվարկը

Երիտասարդական Ֆորում՝ նվիրված Կամավորների միջազգային օրվան

Հրդեհ Երևանի բնակարաններից մեկում. փլուզվել է խոհանոցի պատը

Կուտակումներ գրանցվել են դիտարկված տեղամասերի 23․9%-ում. «Անկախ դիտորդը» ամփոփել է 143 տեղամասերի միջադեպերը

Անիի տարածաշրջանի ավտոճանապարհներին մառախուղ է, Սպիտակի, Ստեփանավանի ոլորաններում՝ մերկասառույց

ՀՅԴ թեկնածուն արջի նման մի երգ գիտի, ինչ խոսում է, իմ մասին է. Պետրոսյանը մեկնաբանում է իրեն ուղղված մեղադրանքները

Բուլդոզերներն ավիրել են Վանում հայկական գերեզմանատունը. Թուրքիան կիրառում է «հայ համայնքին վախեցնելու նոր ձևեր»

Ժամը 17:00-ի դրությամբ ՏԻՄ ընտրություններին մասնակցել է քաղաքացիների 33,8 տոկոսը. ԿԸՀ

Մարզերում առկա 1170 օբյեկտներից թեքահարթակներ ունի 116-ը. Բաթոյանը՝ պետական և ՏԻՄ մարմինների շենքերի մատչելիության մասին

Գերմանական «Լայպցիգը» խզել է գլխավոր մարզչի հետ պայմանագիրը

Ոտքի կանգնելու մի ճանապարհ կա՝ աշխատանքը. «PoGo shoes»-ի հիմնադիր (տեսանյութ)

Կամավոր աշխատանքն օրենքով պաշտպանելու անհրաժեշտություն ունի․ նախարար

«Ապագա կա, Գավառ». Նարեկ Գրիգորյանը կատարել է իր քաղաքացիական պարտքը (լուսանկարներ)

Սիրիայում ԱՄՆ-ի ռազմաբազան ենթարկվել է հարձակման

Իշխանության յուրացման փորձ կատարելու համար մեղադրվողների գործով դատավորն ինքնաբացարկ է հայտնել

Ոստիկանությունը պիտի առնվազն այցելի լրատվամիջոցներ, որտեղ երկնում են «ՔՊ-ն ընտրակաշառք է բաժանում» վերնագրեր. Ալեքսանյան

Կորոնավիրուսի դեմ պատվաստումներն ազգային անվտանգության խնդիր են. Արա Բաբլոյան (տեսանյութ)

ՀՀ ԱԻՆ-ը զգուշացնում է դեկտեմբերի 9-ին ճանապարհների մերկասառույցի և տեղումների մասին

Միանշանակ մենք ունենալու ենք 50+1 ձայների տոկոս. Պավել Ցուգունյան (տեսանյութ)

Վստահ եմ՝ Աբովյանում մենք ունենք մեծամասնություն ստանձնելու նախադրյալներ. Ռոմանոս Պետրոսյան (տեսանյութ)

Քարաթափման վտանգի պատճառով շարունակում է փակ մնալ Զովունի գյուղից դեպի Կորեայի ձոր տանող ավտոճանապարհը

«Դավիթ Համբարձումյան» դաշինքի կողմնակիցներն ուղղորդում են ընտրողներին. ՔՊ վստահված անձն ահազանգում է

Ընտրությունների մասնակցության ամենաբարձր ցուցանիշը Թումանյան համայնքում է, ամենապասիվը՝ Արմավիրում

Դուբայում քննարկվել է ՀՀ և ՌԴ երկաթուղային համակարգերը միացնելու հնարավորությունը

Ես իմ քաղաքացիական պարտքը կատարեցի՝ ընտրելով հանուն օրենքի և իրավունքի գերակայության. Ռոմանոս Պետրոսյան

Մենք սև կամ սպիտակ համակարգում տեղ չենք գտել, բայց հիմք չկա, որ ընտրություններում չենք հաղթի. Մարուքյան

Արցախում կորոնավիրուսային հիվանդության 31 նոր դեպք է գրանցվել

Այնթապից 4 անձ բերման է ենթարկվել՝ բռնություն գործադրելու կասկածանքով. ոստիկանություն

Նոյեմբերից հետախուզվող Ստեփանավանի նախկին քաղաքապետը հայտնաբերվել և կալանավորվել է. ՔԿ

Դավթաշենի կամրջի տակ հայտնաբերվել է 20-ամյա տղայի դի՝ մի ձեռքը մարմնից անջատված

Դուք ապահովում եք ակտիվ մասնակցություն, 5 տարի շարունակ ես ապահովելու եմ ակտիվ աշխատանք. Դավիթ Խուդաթյան

Այսօր ժամը 9-ին կլսեք հաղթանակի մասին. Ապարանում՝ ՔՊ թեկնածու Էդգար Փարվանյան

Վարդենիսում քվեաթերթիկը նկարահանած երիտասարդը բերման է ենթարկվել

Կյանքից հեռացել է Կոնսերվատորիայի ակադեմիական երգեցողության ամբիոնի դասախոս Ռուզան Բաղդասարյանը

Վարչապետի հետ երբևէ խնդիր չեմ ունեցել, այլ թեկնածուի հարց չի էլ քննարկվել. Դիանա Գասպարյան

ԲՀԿ ավագանու թեկնածուի մայրը ընտրատեղամաս է գնացել ցուցակով, կազմվել է արձանագրություն (տեսանյութ)