Երևան
6 °C
Արդեն երրորդ օրն է՝ Տավուշի մարզի Իջեւան քաղաքում բողոքի ակցիաներ են տեղի ունենում: Ապօրինի ծառահատմամբ զբաղվողները պահանջում են թույլատրել ծառ հատել՝ նշելով, որ ընտանիք են պահում, աշխատատեղ չկա: Հիշեցնենք, երեկվա ակցիայի ժամանակ էլ բախում տեղի ունեցավ, քաղաքացիները քարեր էին նետել ոստիկանների ուղղությամբ, ինչի պատճառով մոտ 2 տասնյակ ոստիկան վնասվածքներ էր ստացել:
Տավուշի մարզպետ Հայկ Չոբանյանը «Հայկական ժամանակ»-ի հետ զրույցում ասաց, որ հնարավոր է՝ սրա հետեւում նախկին պաշտոնատար անձինք կանգնած լինեն:
- Պարոն Չոբանյան, տեղեկություններ ունենք, որ Իջեւանում տեղի ունեցող բողոքի ակցիայի հետ առնչություն ունի ՀՀԿ-ական նախկին պատգամավոր Գագիկ Մելիքյանը: Դուք տեղեկություն ունե՞ք այդ մասին:
- Ես այդ հարցին չեմ կարող պատասխանել, ավելի լավ է իրավապահ մարմինները դրան անդրադառնան:
- Ուղղորդվա՞ծ են ակցիաները, թե մարդիկ ինքնաբուխ են դուրս եկել եւ իրոք խնդիր ունեն:
- Իմ տպավորությունն այն է, որ ուղղորդված է:
- Դուք նշել եք, որ մարզում 200 աշխատատեղ կա: Ինչո՞ւ ակցիայի մասնակիցները չեն գալիս այդտեղ աշխատելու:
- Որովհետեւ իրենք սովորել են գողությամբ գերշահույթ ստանալ:
- Ակցիայի մասնակիցներից մեկը նշել է, որ օրը 10 հազար դրամով չի գա աշխատելու: Որքա՞ն գումար են նրանք աշխատում ծառահատումներ իրականացնելով:
- Չեմ կարող ասել, բայց հետեւություն կարող ենք անել, որ վաստակում են շատ ավելի շատ: Ակցիայի մասնակիցների մի մասը բավականին կայուն մարդիկ են՝ բարձր եկամտով, մի քանի տներով, մեքենաներով եւ ես, ճիշտն ասած, զարմանում եմ՝ ինչպես կարող են իրենց արժանապատվությունը գցել ու իրենց երեխաների աչքերին նայել այն բանից հետո, երբ լացում են, թե իրենց ընտանիքը չեն կարողանում պահել:
- Ո՞րն է հիմնական պատճառը, որ նրանք այս պահին բողոքի ակցիա են իրականացնում: Այլեւս չե՞ն կարողանում անտառ մտնել:
- Հայաստանի Հանրապետության պատմության մեջ առաջին անգամ կառավարությունը այս հարցում անկոտրում կանգնած է օրինականության ապահովման գործընթացի վրա: Մինչ այժմ անտառն ամեն ինչի ծառայել է՝ գռփելու, թալանելու, ընտրակաշառքի, քաղաքական դիվիդենտների եւ այլն, բայց ոչ պետությանը: Առաջին անգամ պետությունը հաստատակամորեն կանգնած է անտառը պահելու, պահպանելու, կոռուպցիոն սխեմաները, որոնք տասնամյակներով ստեղծվել են, վերացնելու գործընթացի մեջ: Բնականաբար, այդ մարդիկ պիտի դիմադրեն:
- Խնդրի լուծումը ինչպե՞ս եք տեսնում: Կոմպրոմիսային տարբերակ կարո՞ղ է լինել:
- Խնդրի լուծումն այնպիսին է, ինչպիսին, որ ընթանում է: Ոչ մի կոմպրոմիս օրինականության ապահովման հարցում: Ոչ մի կոմպրոմիս պետության հետ շանտաժի լեզվով խոսողների հետ: Այս գործընթացը պետք է շարունակել ու տանել մինչեւ վերջնական ավարտ, մինչեւ որ մենք բոլոր կոռուպցիոներներին արմատախիլ կանենք այս համակարգից:
- Մարզ այցելեց նաեւ ԱԱԾ տնօրենը, ոստիկանապետը, որոնց հետ միասին խորհրդակցություն անցկացրեցիք: Ի՞նչ տվեց այդ խորհրդակցությունը եւ ի՞նչ եզրահանգման եկաք:
- Խորհրդակցության ժամանակ մենք համայնքապետերի հետ միասին քննարկեցինք առկա խնդիրները եւ որոշակի եզրակացությունների եկանք «Հայանտառ»-ի գործունեության վերաբերյալ առաջարկությունների առումով: Ինչպես նաեւ պայմանավորվեցինք, որ համայնքապետերը շատ ավելի մեծ դեր պիտի խաղան համայնքային կայունության ապահովման, իրենց համայնքներում օրինականության ապահովման՝ այդ թվում ծառահատումների մասով, ինչպես նաեւ նմանատիպ ակցիաների դեպքում իրենց անմիջական եւ ուղղակի ներգործության առումով: Կարծում եմ՝ այս առումով շատ կարեւոր քննարկում եւ որոշում էր, որտեղ եկանք որոշակի եզրակացության:
- Այս պահին այդ 200 աշխատատեղը, որի մասին խոսվել է, իսկապես կա՞:
- Մենք ունենք ավելի շատ աշխատատեղեր: Այս պահին մենք հայտարարել ենք 200 աշխատատեղի մասին: Ընդամենը ստացել ենք ինը, թե 11 աշխատանքի ընդունման դիմում եւ նրանց կառաջարկվի աշխատանք:
- Քաղաքացիներին փորձե՞լ եք տեղեկացնել, որ կա այդքան աշխատատեղ: Նրանցից մեկը նշում էր, թե ոչ մի աշխատատեղ չկա:
- Առաջին իսկ օրվանից եւ նույնիսկ դրանից առաջ պարբերաբար հայտարարություններով, համայնքապետարաններ շրջաբերականներ ուղարկելով տեղեկացրել ենք: Այլ բան է, որ այդ քաղաքացին այդ առաջարկը չի ընդունում, ինչպես որ նշեցիք այդ քաղաքացու դեպքը, որն ասել է, թե 10 հազարով չի աշխատի:
Ցավոք սրտի, մենք տարիներ շարունակ սովորեցրել ենք մեր ժողովրդին չաշխատել եւ նպաստ ստանալ: Այդտեղ էլ մենք ինքներս մեր ներսում խնդիր ունենք լուծելու: Վերջապես քայքայիչ ծրագիրը պետք է վերացնենք, որպեսզի կարողանանք իրական կանխարգելիչ գործունեություն ծավալենք սոցիալական ապահովության տեսանկյունից եւ ոչ թե հետեւանքները վերացնենք: Ցավոք սրտի, կան ավանդույթներ, ստերեոտիպեր:
- Նախկին պաշտոնատար անձինք առնչություն ունե՞ն այս ակցիաների հետ:
- Տեղեկություն չունեմ, բայց շատ հնարավոր է:
Հայաստանը Իրանին է արտահանձնել իրանցի 8 բանտարկյալի
Տավուշի մարզը զարգացման մեծ հնարավորություններ ունի. Չինաստանի դեսպան
Ծովինար Վարդանյանն ընտրվել է ԱԺ ֆինանսավարկային և բյուջետային հարցերի մշտական հանձնաժողովի նախագահ
Վալերի Լեոնտևը հայտարարել է բեմից հեռանալու մասին
Խոշոր ավտովթար Գեղարքունիքում. կա 5 տուժած, այդ թվում՝ երեխաներ
ՀՀ կենտրոնական բանկը պարզաբանում է տարածել «Միր» քարտերի շրջանառության վերաբերյալ
«Հանրային ձայն» խմբակցության անդամ Նանա Սարգսյանի լիազորությունները դադարեցվել են
Վարույթում է գտնվում ապօրինի ծագում ունեցող գույքի բռնագանձման 102 հայցադիմում՝ ավելի քան 400 միլիարդ դրամ պահանջով
Արձանագրվել է մարդու դեմ ուղղված հանցագործությունների դեպքերի աճ․ ամփոփվել է Դատախազության նախորդ տարվա աշխատանքը
Գեղարքունիքում տուն է փլուզվել. 92-ամյա բնակիչը դուրս է բերվել պատգարակով
ՀՀ-ում ԵՄ առաքելությանը կօժտեն լայն լիազորություններով և անձեռնմխելիությամբ. համաձայնագիրը մտել է ԱԺ օրակարգ
Իր ազդեցությունն ընդլայնելու ՆԱՏՕ-ի փորձերը դժվար թե կայունություն ավելացնեն Կովկասում. Պեսկով
Վահագն Խաչատուրյանը շնորհավորել է Վլադիմիր Պուտինին
«Գորիս» ՔԿՀ պետն ազատվել է պաշտոնից և ծառայությունից
Պուտինը վերընտրվելուց հետո առաջին պաշտոնական այցը կկատարի Չինաստան
Ողջունում եմ ՀՀ համերաշխությունն Ուկրաինային և կոչ անում գործընկերներին անել հնարավորը, որ Պուտինը չհաղթի. Ստոլտենբերգ
Սյունիքում ավտովթարի և հրդեհի հետևանքով մահացածներն ընտանիքի անդամներ էին, նրանց թվում կա երեխա. մանրամասներ
Խոշոր ավտովթար Չարենցավանի կամրջի մոտ. 3 մարդ հոսպիտալացվել է
ՆԱՏՕ-ն աջակցում է ՀՀ ինքնիշխանությանը, տարածքային ամբողջականությանն ու խաղաղ ձգտումներին. Ստոլտենբերգ
Խոսքը հայկական գյուղերի մասին չէ. Աղազարյանը՝ Տավուշի 4 համայնքի մասին
МИР քարտերի սպասարկման դադարեցում․ IDBank
Հուսով ենք, որ ՀՀ-ՆԱՏՕ համագործակցության նոր ձևաչափը կհաստատվի. վարչապետ
Մարտի 21-ին Հայաստանին է մոտենալու հաջորդ սառը ցիկլոնը. սպասվում է առատ ձյուն, քամու ուժգնացում
Զախարովան արձագանքել է ՀՀ վարչապետի խոսքերին
Պատկերված անձը որոնվում է նախաձեռնված քրեական վարույթի շրջանակներում (տեսանյութ)
Fly Arna-ի լիցենզիան կասեցված է. ՏԿԵ փոխնախարար
Իրանից ժամանած 7 բեռնատարում հայտնաբերվել է ցեմենտի մեջ թաքցված հսկայական քանակությամբ ծխախոտ (տեսանյութ)
ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը
Տրոլեյբուսը հայտնվել է խրամուղում. շինարարը կտուգանվի (տեսանյութ)
Նիկոլ Փաշինյանը շնորհավորել է Վլադիմիր Պուտինին
Վարչապետի որոշմամբ՝ ՊԵԿ նախագահի առաջին տեղակալ է նշանակվել
Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին
«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով
Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են
Նիկոլ Փաշինյանը «TikTok»-ում նոր շարք է սկսել (տեսանյութ)
Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան
Պակիստանում երկրաշարժ է գրանցվել
Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը
Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած
Մի քանի ժամ լույս չի լինի Երևանի և 7 մարզի մի շարք հասցեներում
© 2024 Հայկական ժամանակ