1016 քրեական գործ, պետությանը վերադարձված 1 մլրդ. 816 մլն դրամ. ՔԿ-ն ամփոփել է 2019թ. առաջին կիսամյակը

2019թ. առաջին կիսամյակի ընթացքում կոռուպցիոն բնույթի հանցագործությունների վերաբերյալ ՀՀ Քննչական կոմիտեի (ՔԿ) վարույթում քննվել է 1016 քրեական գործ. պետությանը պատճառված վնասից վերականգնվել է 1մլրդ. 816 մլն. ՀՀ դրամ գումար: Այս մասին տեղեկացնում է քննչական կոմիտեն՝ հրապարակված ծավալուն հաղորդագրության մեջ:

ՀՀ քրեական դատավարության օրենսգրքով ՀՀ քննչական կոմիտեի կողմից քննության ենթակա կոռուպցիոն բնույթի հանցագործությունների դեպքերի առթիվ 2019 թվականի առաջին կիսամյակի ընթացքում քննվել է 1016 քրեական գործ:

Դիտարկվող ժամանակահատվածում վարույթում քննված քրեական գործերով քրեական հետապնդման է ենթարկվել 699 անձ, որոնցից 43-ը ձերբակալվել են, 31 անձ ազատվել է արգելանքից:

Մեղադրանք է առաջադրվել 474 անձի:

25 անձի վերաբերյալ կալանավորման միջնորդություն է ներկայացվել դատարան, որոնցից 8-ը մերժվել է, 17-ը բավարարվել, որից 12-ի նկատմամբ կիրառվել է գրավ:

24 մեղադրյալի պաշտոնավարումը դադարեցվել է:

Կալանքից ազատվել է 7 մեղադրյալ, որոնցից 4-ը՝ դատախազի որոշմամբ, 3-ը՝ դատարանի:

Արդարացման հիմքով քրեական հետապնդումը դադարեցվել է 47 անձի նկատմամբ, իսկ ոչ արդարացման հիմքով՝ 172 անձի:

Դատի է տրվել 134 անձ, որոնցից 4-ը գտնվել է կալանքի տակ:

Անավարտ գործերով քրեական հետապնդման է ենթարկվել 345 անձ, որոնցից կալանքի տակ գտնվել են 37-ը:

2019թ. 1-ին կիսամյակում Կոմիտեի ստորաբաժանումներում քննվել է 1.016 քրեական գործ, որից 518-ը վարույթ է ընդունվել 2019թ. ընթացքում, իսկ 498-ը փոխանցվել է 2018թ.-ից:

Իրականացված մինչդատական վարույթի ընթացքում պարզվել է, որ ավարտված գործերով հանցագործությամբ պատճառված ընդհանուր գույքային վնասը կազմել է 2.009.426.782 դրամ, որից.

• պետությանը՝ 1.061.955.161 դրամ,
• իրավաբանական և ֆիզիկական անձանց՝ 947.471.621 դրամ:
• Վերականգնվել է 558.237.431 դրամ, որից.
• պետությանը՝ 401.827.855 դրամ,
• իրավաբանական և ֆիզիկական անձանց պատճառված վնասից՝ 156.409.576 դրամ:

Պատճառված գույքային վնասի վերականգնման զուտ իրական պատկերը պարզելու համար ներկայացնենք հաշվետու ժամանակահատվածների վերջում վնասների վերականգնման համար միայն Կոմիտեի դեպոզիտային հաշվին մուծված և մնացորդ գումարի վերաբերյալ մի տեղեկանք.

• 01.06.2018թ. դրությամբ- 191.647.374,8 դրամ,
• 01.01.2019թ. դրությամբ- 1.130.123.244,6 դրամ,
• 01.06.2019թ. դրությամբ- 1.816.308.260,5 դրամ:

Կոռուպցիոն բնույթի հանցագործությունների դեպքերի առթիվ քննվող քրեական գործերի և դեպքերի աճն առավել ակներև ներկայացնելու համար նշենք, որ 2018 թվականին` տարվա ընթացքում, Կոմիտեի ստորաբաժանումներում քննվել է 1.233, իսկ 2017թ.՝ 542 քրեական գործ:

Այսպես՝ 1.016 քրեական գործերից.

• 1-ը վերաբերել է՝ ՀՀ քրեական օրենսգրքի 164-րդ հոդվածով նախատեսված լրագրողի մասնագիտական օրինական գործունեությանը խոչընդոտելուն, որը կատարվել է պաշտոնեական դիրքն օգտագործելով,
• 52-ը՝ ՀՀ քրեական օրենսգրքի 178-րդ հոդվածով նախատեսված խարդախությանը, որը կատարվել է պաշտոնեական դիրքն օգտագործելով,
• 335-ը՝ ՀՀ քրեական օրենսգրքի 179-րդ հոդվածով նախատեսված յուրացմանը կամ վատնմանը, որը կատարվել է պաշտոնեական դիրքն օգտագործելով,
• 2-ը՝ ՀՀ քրեական օրենսգրքի 184-րդ հոդվածով նախատեսված խաբեության կամ վստահությունը չարաշահելու եղանակով գույքային վնաս պատճառելուն, որը կատարվել է պաշտոնեական դիրքն օգտագործելով,
• 1-ը՝ ՀՀ քրեական օրենսգրքի 190-րդ հոդվածով նախատեսված հանցավոր ճանապարհով ստացված գույքն օրինականացնելուն (փողերի լվացմանը),
• 5-ը՝ ՀՀ քրեական օրենսգրքի 200-րդ հոդվածով նախատեսված առևտրային կաշառքին,
• 65-ը՝ ՀՀ քրեական օրենսգրքի 214-րդ հոդվածով նախատեսված առևտրային կամ այլ կազմակերպությունների ծառայողների կողմից լիազորությունները չարաշահելուն,
• 1-ը՝ ՀՀ քրեական օրենսգրքի 296-րդ հոդվածով նախատեսված ծառերի, թփերի և բուսածածկի ապօրինի հատմանը, որը կատարվել է պաշտոնեական դիրքն օգտագործելով,
• 187-ը՝ ՀՀ քրեական օրենսգրքի 308-րդ հոդվածով նախատեսված պաշտոնեական լիազորությունները չարաշահելուն,
• 28-ը՝ ՀՀ քրեական օրենսգրքի 309-րդ հոդվածով նախատեսված պաշտոնեական լիազորությունները անցնելուն,
• 1-ը՝ ՀՀ քրեական օրենսգրքի 310-րդ հոդվածով նախատեսված ձեռնարկատիրական գործունեությանն ապօրինի մասնակցելուն,
• 73-ը՝ ՀՀ քրեական օրենսգրքի 311-րդ հոդվածով նախատեսված կաշառք ստանալուն,
• 41-ը՝ ՀՀ քրեական օրենսգրքի 311.1-րդ հոդվածով նախատեսված պաշտոնատար անձ չհանդիսացող հանրային ծառայողի կողմից ապօրինի վարձատրություն ստանալուն,
• 1-ը՝ ՀՀ քրեական օրենսգրքի 311.2-րդ հոդվածով նախատեսված իրական կամ ենթադրյալ ազդեցությունը շահադիտական նպատակով օգտագործելուն,
• 20-ը՝ ՀՀ քրեական օրենսգրքի 312-րդ հոդվածով նախատեսված կաշառք տալուն,
• 2-ը՝ ՀՀ քրեական օրենսգրքի 312.1-րդ հոդվածով նախատեսված պաշտոնատար անձ չհանդիսացող հանրային ծառայողին ապօրինի վարձատրություն տալուն,
• 3-ը՝ ՀՀ քրեական օրենսգրքի 313-րդ հոդվածով նախատեսված կաշառքի միջնորդությանը,
• 87-ը՝ ՀՀ քրեական օրենսգրքի 314-րդ հոդվածով նախատեսված պաշտոնեական կեղծիքին,
• 14-ը՝ ՀՀ քրեական օրենսգրքի 315.2-րդ հոդվածով նախատեսված պետական կամ համայնքային սեփականություն հանդիսացող հողամասերի ինքնակամ զավթմանը, ինչպես նաև շենքերի և շինությունների ինքնակամ կառուցումը կասեցնելու, կանխարգելելու ուղղությամբ օրենքով սահմանված կարգով միջոցներ չձեռնարկելուն,
• 1-ը՝ ՀՀ քրեական օրենսգրքի 349-րդ հոդվածով նախատեսված ապացույցները կեղծելուն,
• 20-ը՝ ՀՀ քրեական օրենսգրքի 353-րդ հոդվածով նախատեսված դատական ակտը դիտավորությամբ չկատարելուն,
• 76-ը՝ ՀՀ քրեական օրենսգրքի 375-րդ հոդվածով նախատեսված իշխանությունը չարաշահելուն, իշխանազանցությանը կամ իշխանության անգործությանը:

329 քրեական գործի նախաքննությունն ավարտվել է, որից 73-ը՝ մեղադրական եզրակացությամբ, իսկ 256-ով՝ վարույթը կարճվել է, որից 166-ը` արդարացման հիմքով, 90-ը` ոչ արդարացման հիմքով:

16 քրեական գործ վարույթը կասեցվել է, որից 10-ը` հանցագործություն կատարած անձի ինքնությունը պարզված չլինելու հիմքով, 3-ը՝ մեղադրյալի քննությունից թաքնվելու, 3-ը՝ այլ հիմքով:

Ըստ ենթակայության է ուղարկվել 46 քրեական գործ:

Մեկ վարույթում միացվել է 70 քրեական գործ:

555 քրեական գործ փոխանցվել է 2019թ. 2-րդ կիսամյակ:

2019թ. 1-ին կիսամյակում նախապատրաստված 10 նյութերով քրեական գործի հարուցումը մերժվել է, որոնցից 6-ը` արդարացման, 4-ը` ոչ արդարացման հիմքերով:

1016 քրեական գործերից.

• 376-ը հարուցվել են ֆիզիկական անձանց հաղորդումների հիման վրա,
• 141-ը՝ իրավաբանական անձանց,
• 32-ը՝ ԶԼՄ-ների,
• 467-ը՝ հայտնաբերվել են հետաքննության մարմնի, քննիչի, դատախազի, դատարանի, դատավորի կողմից՝ իրենց լիազորություններն իրականացնելիս:

1.016 քրեական գործերով քրեական հետապնդման է ենթարկվել 401 պաշտոնատար անձ, որոնցից 13-ը՝ կասկածյալ, իսկ 388-ը՝ մեղադրյալ:

Քրեական հետապնդման ենթարկված պաշտոնատար անձինք կոռուպցիոն հանցագործությունները կատարել են հետևյալ ոլորտներում.

• առողջապահության- 20 անձ՝ փոխնախարար, պոլիկլինիկայի տնօրեն, բժշկական կենտրոնի տնօրեն, ամբուլատորիայի տնօրեն, ՊՈԱԿ տնօրեն, բժիշկ-վարակաբան,

• կրթության- 55 անձ՝ ինստիտուտի տնօրեն, դպրոցի տնօրեն, դպրոցի հաշվապահ, համալսարանի ռեկտոր, պրոռեկտոր, քոլեջի տնօրեն, մանկապարտեզի տնօրեն, երաժշտական դպրոցի տնօրեն, ուսումնարանի տնօրեն, մշակույթի տան տնօրեն, մարզադպրոցի տնօրեն,

• իրավապահ համակարգ- 1 անձ՝ «Արմավիր» ՔԿՀ բուժակ,

• սոցիալական ապահովության- 37 անձ՝ սոցիալական աջակցության տարածքային գործակալության բաժնի պետ, մասնագետ, տուն-ինտերնատի տնօրեն և հաշվապահ, փոստային բաժանմունքի ավագ մասնագետ, սոցիալական ապահովության ծառայության բաժնի պետ, սոցիալական ծառայության մասնագետ, ավագ մասնագետ, ՀՀ ՊՆ ԶՍՊՎ սոցիալական օգնությունների կազմակերպման և հասարակական կազմակերպությունների հետ համագործակցության բաժանմունքի պետ,

• էներգետիկայի և բնական պաշարների- 14 անձ՝ պետական գույքի կառավարման վարչության պետի տեղակալ, անտառտնտեսության պետ, տնօրեն, անտառտնտեսության պահաբաժնի պետեր,

• տեղական ինքնակառավարման- 82 անձ՝ վարչական շրջանի ղեկավար, վարչական շրջանի ղեկավարի տեղակալ, համայնքապետարանի հաշվապահ, համայնքի ղեկավարի աշխատակազմի գլխավոր քարտուղար, համայնքապետի տեղակալ, քաղաքապետ, համայնքի ղեկավար, համայնքի ֆինանսական բաժնի պետ, համայնքի կոմունալ բաժնի պետ, կոմունալ ծառայության տնօրեն, քաղաքապետարանի բաժնի առաջատար մասնագետ,

• պաշտպանություն և զինված ուժեր- 109 անձ՝ զորամասի հրամանատար, զորամասի շտաբի պետ, զորամասի հրամանատարի տեղակալ, ծառայությունների պետեր, գումարտակի հրամանատար, գումարտակի շտաբի պետ, գումարտակի հրամանատարի տեղակալներ, վաշտի հրամանատար, դիվիզիոնի հրամանատար, էսկադրիլիայի հրամանատար, դասակի հրամանատար, ջոկի հրամանատար, զորակոչային բաժանմունքի պետ, կոմունալ շահագործման և զորքերի բնակավորման վարչության պետի տեղակալ, ռազմաբժշկական հանձնաժողովի նախագահի տեղակալ, կադրերի բաժնի պետ, պահեստապետ, արտադրամասի պետ, բաժնի հերթապահ, զինվորական կոմիսար, բժիշկ, ԲԿ-ի բաժնի վարիչ, ճաշարանի պետ, գաղտնի մասի պետ,

• այլ ոլորտներում- 73 անձ՝ կադաստրի պետական կոմիտեի աշխատակազմի սպասարկման գրասենյակի մասնագետ, գրադարանի տնօրեն, վարկային բաժնի պետ, անտառապետ, անտառապահ, ինժեներ, պահեստապետ, մշակույթի տան տնօրեն, բանկի կառավարիչ, բանկի կառավարիչի տեղակալ, ՍՊԸ գործադիր տնօրեն, գլխավոր մասնագետ, ՍՊԸ տնօրեն, ՊՆ հակաօդային պաշտպանության պետ, ՊՆ ավտոմոբիլային ծառայության պետ, կոմունալ ծառայության տնօրեն:

Քրեական գործերի նախաքննության ընթացքում պարզվել են հանցանքի կատարմանը նպաստող հանգամանքները՝ թույլ և ոչ պարբերական վերահսկողություն, վերադաս հրամանատարության կողմից անձնակազմի նկատմամբ իրականացված թույլ վերահսկողությունը, նյութական միջոցների պահպանման, օգտագործման նկատմամբ զորամասի համապատասխան նյութական պատասխանատու պաշտոնատար անձանց կողմից պատշաճ հսկողության չիրականացնելը:

Տպել
3795 դիտում

Նիգերիայում զինված հանցախումբը հարձակվում է գյուղերի վրա. տասնյակ սպանվածներ կան

Արցախում դիմակների դեֆիցիտը բացառված է

Կայացել է «Մարդու իրավունքները և կանայք Հայաստանի զինված ուժերում» ծրագրի ղեկավար հանձնաժողովի նիստը

Մարտի առաջին կեսին կատարվել է կորոնավիրուսի 411 թեստ, մայիսի առաջին կեսին՝ 16.828, մահացածների մեծ մասը 60-70 տարեկան է

ԱՄՆ-ի դրամաշնորհով ֆինանսավորված Medmedia.am-ը COVID-19-ի մասին ապատեղեկատվություն է տարածում Հայաստանում. The Guardian

Ակունք գյուղում հացատուն է հրդեհվել

Մարմաշենում մահացած երիտասարդի գլխի վրա բռնությամբ զուգորդված ներգործության հետքեր են հայտնաբերվել. կա ձերբակալված

Ռուբեն Հայրապետյանի որդին ինքնակամ ներկայացել է ՔԿ. խափանման միջոց է ընտրվել ստորագրությունը

Հրդեհ է բռնկվել Արտավազ գյուղի անտառում

ԱԱՏՄ-ն Կենտրոն վարչական շրջանում դիտարկած 45 տնտեսվարողից 17-ի մոտ խախտումներ է արձանագրել

Մեր պետությունների միջև փոխվստահության վրա հիմնված համագործակցությունը հետագայում էլ ավելի կխորանա. Գիորգի Գախարիա

Վարչապետի եւ նախարարի միջեւ չի կարող հակասություն լինել․ Նիկոլ Փաշինյան

Ոչ ոք չի կարող բացառել, որ կվերադառնանք կարանտինի, բայց մինչ այդ կլինեն այլ խստացումներ. վարչապետ

316 քաղաքացի գտնվում է ծանր վիճակում, 53-ը՝ ծայրահեղ ծանր․ Արսեն Թորոսյան

Կենտրոն վարչական շրջանում մշտադիտարկվել է 40 տրանսպորտային միջոց, արձանագրվել է իրավախախտման 18 դեպք

2000 քաղաքացու նկատմամբ վարչական վարույթ է հարուցվել, կասեցվել՝ 62 տնտեսվարողի գործունեություն. ՀՀ ոստիկանապետ

Իրավիճակն առավել քան լուրջ է և գնալով՝ ավելի լրջանում է. վարչապետ

Ռուբեն Հայրապետյանը եւ եւս 4 անձինք կկալանավորվեն. դատարանը բավարարել է ՔԿ-ի միջնորդությունները

9 ամսական Գոռը, որը ծնված օրվանից հիվանդանոցում է և պայքարում է ծանր հիվանդության դեմ, այսօր առաջին անգամ տուն է գնում

Գյումրին զբոսաշրջիկին կներկայանա աշխարհի 6 լեզվով. «Արմսվիսբանկ»-ը Ձիթողցյանների թանգարանին աուդիոգիդեր նվիրեց