Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Զոդի կամրջի վրա տեղի ունեցած ողբերգական ավտովթարի գործով կալանավորված Սողոմոն Հակոբյանը ցուցմունք է տվել եւ ասել, որ վթարից հետո իր ոտքերը կոտրված են եղել, ինքն այդ վիճակում նստած բավականին բաներ է տեսել, ասել է, որ հրդեհը շատ փոքր էր եւ ակնհայտորեն կարելի էր «Գազելի» ուղեւորներին օգնել։ Այս մասին «Հայկական ժամանակ»-ի հետ զրույցում ասաց Հակոբյանի պաշտպան Սեդա Սաֆարյանը։

Ողբերգական ավտովթարը տեղի էր ունեցել սույն թվականի հուլիսի 6-ին՝ Երեւան-Մեղրի ավտոճանապարհի 54-րդ կիլոմետրի հատվածում՝ Արարատի մարզի Արարատ քաղաքի Զոդի կամրջի վրա. բախվել էին «Գազել», «Տոյոտա Հիլուքս» եւ «ՎԱԶ 21063» մակնիշի ավտոմեքենաները, ինչի արդյունքում հրդեհ էր բռնկվել «Գազել» մակնիշի ավտոմեքենայում, այնուհետեւ հրդեհը տարածվել էր «Տոյոտա Հիլուքս» մակնիշի եւ «ՎԱԶ 21063» մակնիշի ավտոմեքենաներում: Ստացած այրվածքներից «Գազել»-ի վարորդը եւ 6 ուղեւորները մահացել էին: «Գազել»-ում գտնվող մյուս ուղեւորները, ինչպես նաեւ «Տոյոտա Հիլուքս» մակնիշի ավտոմեքենայի վարորդը եւ ուղեւորները՝ ընդհանուր թվով 11 մարդ, մարմնական տարբեր վնասվածքներով տեղափոխվել էին բժշկական կենտրոններ:

Վթարից  ժամանակ անց ձերբակալվել, ապա կալանավորվել էր «Տոյոտա Հիլուքս»-ի վարորդ Սողոմոն Հակոբյանը։ Նա մեղադրվում է ՀՀ քր. օր. 242-րդ հոդվածի 3-րդ մասի հատկանիշներով (ճանապարհային երթեւեկության կանոնները խախտելը, որն անզգուշությամբ առաջացրել է 2 կամ ավելի մարդու մահ, պատժվում է ազատազրկմամբ՝ 4-10 տարի ժամկետով)։

Թեմայի վերաբերյալ մեր հարցերին է պատասխանել Սողոմոն Հակոբյանի պաշտպան Սեդա Սաֆարյանը։

- Տիկին Սաֆարյան, դուք պաշտպանում եք Սողոմոն Հակոբյանի շահերը։ Սույն գործով ի՞նչ նորություն կա։

- Նորություն չկա, պարզապես հիմա բազմաթիվ ապացույցներ ենք հավաքել, որպեսզի հասկանանք, թե վթարից հետո ինչու է այդպիսի իրավիճակ ստեղծվել, որովհետեւ վթարից բավական ժամանակ անց նոր հրդեհ է բռնկվել, մահերը, ըստ էության, բախման հետեւանքով չեն եղել։

Մենք հարցումներ ենք արել, փաստաթղթեր ենք պահանջել հրշեջ ծառայությունից, թե երբ են գնացել, ինչպիսի աշխատանքներ են տարել, ինչու են այս ծավալի վնասներ առաջացել, որովհետեւ մեր տրամադրության տակ ահագին փաստաթղթեր կան, որոնք շատ հանգամանքների մասին չփարատված են թողնում մեր կասկածները։ Նախաքննական մարմինն էլ ոչ մի միջոց չի ձեռնարկել դրա ուղղությամբ աշխատելու։ Կարծում եմ՝ 244 հոդվածի 3-րդ մասով (Ճանապարհատրանսպորտային պատահարի վայրը թողնելը) չէին կարող իրեն մեղադրանք առաջադրել, քանի որ դեռեւս չեն պարզել, թե զոհերն ինչի պատճառով են եղել։

- Ձեր պաշտպանյալն ընդունո՞ւմ է առաջադրված մեղադրանքը:

- Հակոբյանը ցուցմունք է տվել եւ ասել, որ վթարից հետո իր ոտքերը կոտրված են եղել, ինքն այդ վիճակում նստած բավականին բաներ է տեսել, ասել է, որ հրդեհը շատ փոքր էր եւ ակնհայտորեն կարելի էր «Գազելի» ուղեւորներին օգնել։ Ես չեմ կարողանում հասկանալ, թե ինչու գործնական միջոցներ չձեռնարկվեցին մարդկանց արագ դուրս հանելու համար։ Այսինքն՝ այն, ինչ տեղի է ունեցել հետո, պետք է դառնա քննության առարկա, որպեսզի հասկանանք՝ ինչ է կատարվել։

- Ձեր պաշտպանյալի հետ խոսել եք, ի վերջո ի՞նչ հանգամանքներում է նրա մեքենան հարվածել «Գազելին»։

- Անկեղծ ասած՝ իմ պաշտպանյալը մինչեւ իր ուշքի գալը գրեթե ոչինչ չի հիշում։ Հիշում է, որ շատ մոտ են եղել ու հանկարծ տպավորություն է եղել, որ ինչ-որ բան վերցրել ու երկու մեքենաներն իրար է խփել։ Չի հասկանում՝ ինչպես է եղել։ Ըստ էության, արձանագրվել է, որ նա հատել է հոծ գիծը, եւ եթե հատել է, իհարկե դա բացարձակ մեղքի մասին չի խոսում, որովհետեւ այնպիսի տպավորություն են թողել, թե հանդիպակաց ճանապարհ է դուրս եկել, ինքը հանդիպակաց ճանապարհը մի փոքր հատել է։ Վթարի մեխանիզմի վերաբերյալ ոչինչ չենք կարող ասել, որովհետեւ երեք մեքենա իրար են հարվածել, ու չենք էլ կարողանում հասկանալ, փորձաքննություն չի արվել, որ հասկանանք՝ կարող  է միաժամանակյա հարված է եղել։ Սրանով է պայմանավորված, որ նման պատկեր է ստացվել։

Մենք դեռ չգիտենք՝ որ մեքենան է հարվածել։

- Իսկ քննությա՞մբ ինչ է պարզվել, մեղադրանքի ձեւակերպումն ինչպե՞ս է։

- Քննությամբ դեռ ոչինչ չի պարզվել, նշանակվել են ավտոտեխնիկական, հրդեհատեխնիկական եւ այլ համալիր փորձաքննություններ, եւ դրանից հետո նոր հստակ կլինի, թե ինչ է կատարվել, հետո, վերջին հաշվով, չգիտենք, թե որ մեքենան ինչ անսարքություն է ունեցել, եւ չգիտենք, թե «Գազելի» դուռն ինչու չի բացվել, որովհետեւ հարվածը, որը տեղի է ունեցել, դռան հետ կապ չունի, վարորդի կողմից է եղել. ինչո՞ւ դուռը չի բացվել, որ մարդիկ դուրս գան։ «Գազելի» տեխնիկական վերահսկողություն ապահովող մարմինը ի՞նչ է արձանագրել, այդ մեքենաները սարքի՞ն են եղել, թե՞ ոչ։ Շատ հարցեր կան, որոնց պատասխանները մինչեւ օրս չենք ստացել։

- Տիկին Սաֆարյան, Հակոբյանը նույնպես ծանր վնասվածքներ էր ստացել, հիմա ինչպե՞ս է առողջական վիճակը։

- Շատ վատ է, այրվածքները նույն մակարդակի մնացել են, չի կարողանում բուժվել, ճնշում ունի, առողջական վիճակը գնալով վատանում է։ Հիմա քաղաքացիական հիվանդանոցում է՝ «Արմենիա» բ/կ-ում, եւ տպավորություն է, որ առաջիկայում շտապում են իրեն տանել Դատապարտյալների հիվանդանոց, բայց ես կարծում եմ, որ այնտեղ ի վիճակի չեն նույն արդյունավետությամբ բուժել, ինչ քաղաքացիական հիվանդանոցում։ Շատ սխալ կլինի, որ նրան տեղափոխեն այս վիճակում։ Վիճակը կայուն ծանր է, եւ տեղափոխելու մտադրությունն արդարացված չէ, դա կնշանակի հիվանդին տանջել։

- Դուք Սողոմոն Հակոբյանին գրավով ազատելու միջնորդություն էիք ներկայացրել, ի՞նչ ընթացք ստացավ։

- Միջնորդությունը մերժվել է, այն զուգահեռ ներկայացրել էինք կալանքի քննության ընթացքում։ Երեւի առաջիկայում քննիչը նորից դատարան կմտնի, որպեսզի կալանքի ժամկետ երկարացնի, եւ կարծում եմ, բացի այն, որ Վճռաբեկ դատարան ենք դիմել եւ բողոքարկել այս կայացրած որոշումները, նաեւ այս մեղադրանքի շրջանակում չենք ընդունում հիմնավոր կասկածը՝ ծանր հետեւանքները Սողոմոնին վերագրելու առումով։ Դրանով պայմանավորված՝ կսպասենք նաեւ Վճռաբեկ դատարանի դիրքորոշմանը, բայց եթե վարույթ իրականացնող մարմինը կրկին մտնի ժամկետ երկարացնելու, մենք նորից կանդրադառնանք գրավի կիրառման հնարավորության հարցին։

- Քրեական գործով մի շարք փորձաքննություններ էին նշանակվել։ Դրանց եզրակացությունները ստացվե՞լ են, թե՞ ոչ։

- Փորձաքննությունները նշանակվել են մի տասը օր առաջ, անգամ չեն սկսվել, ուր մնաց՝ ավարտի մասին խոսենք։

- Տիկին Սաֆարյան, Հակոբյանի մեքենայում եղած ուղեւորները նրա հարազատնե՞րն են։

- Ուղեւորները եւ Հակոբյանը հարազատական կապ չունեն։ Ուրիշ մարդիկ են եղել, որոնց պատահականությամբ պետք է տեղափոխեր Երեւան։

- Իրենք ինչ-որ բան հիշո՞ւմ են դեպքից։

- Մեկն ասում է՝ քնած է եղել, մյուսը կիսատ-պռատ է ներկայացնում։ Կարող էին ուշադիր չլինել, երկար ճանապարհ է, Վայքից էին գալիս, չի բացառվում, որ ճանապարհին թմրած, քնած են եղել։

Տպել
21008 դիտում

Հայաստանի դեմոկրատական կուսակցությունը չի ճանաչում ԱԺ արտահերթ ընտրությունների արդյունքները

Էլեկտրաէներգիայի պլանային անջատումներ կլինեն Երևանի և 9 մարզերի որոշ հասցեներում

Ձեր քվեարկությամբ Հայաստանում վերջնականապես հաստատեցիք իշխանության ուժը և ջախջախեցիք ուժի իշխանությունը. Հայկ Կոնջորյան

Հայաստանում քաղաքական ճգնաժամը հաղթահարված է. Փաշինյանը որոշ ուժերից պահանջեց հայաստանցի-ղարաբաղցի հակադրություն չմտցնել

Ինչպես ՀՀ-ում իշխող քաղաքական ուժին հաջողվեց հաղթել ընտրություններում. վերլուծում են միջազգային լրատվականները

Բոլոր տեղերում մենք հաղթել ենք, իրենք պարտվել են նույնիսկ իրենց գյուղերում. Ալեն Սիմոնյան

Երեկ դուք վարչապետին տվեցիք նաև Ֆեմիդայի սուրը՝ օրենքի ողջ խստությամբ արդարադատություն իրականացնելու համար. Հայրապետյան

Զորամասերից մեկում հայտարարվել է ուսումնական տագնապ

Բանակցել պետության հետ՝ ժողովրդից գողացվածը ինքնակամ վերադարձնելու վերաբերյալ. Նիկոլ Փաշինյանի առաջարկը

Ընտրախախտումների, ուղղորդումների առյուծի բաժինը «Հայաստան» դաշինքինն է. Սոնա Այվազյան

Գյումրիում այրվել է մեկ կտուրի տակ գտնվող չորս ավտոտնակներից երկուսը և հարակից խոհանոցը

Վերջ տալ հայհոյախոսությանը, անհարկի թշնամանքին, որովհետեւ մենք լրջագույն մարտահրավերների առաջ ենք. Փաշինյանի կոչը

«Հայոց լեզու եւ գրականություն» առարկայի միասնական քննության մեկ առաջադրանքի միավորը կարող է հաշվվել հօգուտ դիմորդի

Հանրապետության հրապարակում հանրահավաքի ավարտին Նիկոլ Փաշինյանին «պողպատե մանդատ» հանձնեցին (լուսանկար)

Քայլեր արած ու արդեն փոշմանած գործատուներ, հենց վաղը առավոտ ժամը 9-ից, սկսեք վերականգնել մարդկանց իրավունքները.Պապիկյան

Հաղթել է ժողովուրդը և ես ձեզ շնորհավորում եմ, հարգելի' հայ ժողովուրդ․ Բաբայանը շնորհավորել է հաղթած քաղաքական ուժերին

Մենք պարզում ենք ձեզ համախմբման մեր ձեռքը. Նիկոլ Փաշինյանը երկխոսության կոչ է անում բոլորին, այդ թվում հոգեւորականներին

Ընտրությունների գնալը հետպատերազմյան շոկային իրավիճակում սխալ էր․ «Պատիվ ունեմ» դաշինքը չի ճանաչում արդյունքները

687.414 քաղաքացի պողպատե մանդատ է տվել «Քաղաքացիական պայմանագրին» ու վարչապետի թեկնածու Նիկոլ Փաշինյանին. Պապիկյան

Արմեն Սարգսյանն ընդունել է ԵԱՀԿ ժողովրդավարական հաստատությունների և ՄԻ գրասենյակի տնօրենին և ԵԱՀԿ ԽՎ գլխավոր քարտուղարին

Այս ընտրությունները նման էին 2018 թվականի ընտրություններին. միջազգային դիտորդները գնահատել են ընտրությունների ընթացքը

Հովհաննես Բաչկովը կստանա օլիմպիական խաղերի ուղեգիր

ՀՀ-ում այլևս փակված է ժողովրդին վախեցնելով վերարտադրվելու պրոցեսը. մեկնարկեց Փաշինյանի հրավիրած հանրահավաքը (ուղիղ)

Արմեն Չարչյանին մեղադրանք է առաջադրվել․ կալանավորելու միջնորդություն է ներկայացվել

Սերգեյ Շոյգուն Վաղարշակ Հարությունյանին շնորհավորել է կայացած արտահերթ խորհրդարանական ընտրությունների կապակցությամբ

Սյունեցին ապացուցեց, որ Սյունիքում ինքն է որոշողը եւ իր կամքն արտահայտեց․ Նարեկ Բաբայան

Ընտրատեղամասերի հոսանքազրկումները դիտավորյալ չեն եղել. ՀԷՑ պաշտոնյա

Ընտրակաշառք տալու և ստանալու դեպքեր Արարատի մարզում. երկու քրեական գործով որպես կասկածյալ է ներգրավվել 9 անձ

Վարանդայի շրջանում այսօր իրականացված որոնողական աշխատանքների ընթացքում փրկարարները տարհանել են ևս 3 աճյուն

ԵՄ-ն կանգնած է Հայաստանի կողքին՝ աջակցելով խորը բարեփոխումների արդյունավետ իրականացմանը. Շառլ Միշելը՝ Նիկոլ Փաշինյանին

Ունենք տեղեկություններ, որ որոշ հայ գերիներ (այդ թվում՝ կանայք) տանջամահ են արվել Ադրբեջանում․ Մարուքյանը՝ ԵԽԽՎ-ում

Իրակլի Ղարիբաշվիլին շնորհավորել է Նիկոլ Փաշինյանին ընտրություններում հաղթանակի կապակցությամբ

ԿԸՀ-ն բավարարել է Արմեն Չարչյանի վերաբերյալ դատախազության ներկայացրած միջնորդությունները

Երեկ պատուհանից դեպի օդ կրակոցներ արձակած քաղաքացու նկատմամբ խափանման միջոց է կիրառվել ստորագրություն չհեռանալու մասին

Մանախ մականունով հայտնի Արթուր Այվազյանին մեղադրանք է առաջադրվել. նրան կալանավորելու միջնորդություն է ներկայացվել

Հարավկովկասյան երկաթուղին հիշեցնում է անվտանգության նորմերի պահպանման մասին

Աղիքային վարակին բնորոշ ախտանշաններով 16 քաղաքացի է հոսպիտալացվել «Վանաձոր» ԲԿ-ում, որից 10-ը երեխա է, 6-ը՝ մեծահասակ

Ընտրությունները պետք է վերածվեն հանրային համերաշխության, որի վրա պիտի կառուցենք մեր ազատ պետության վերնաշենքը․ Ավինյան

Հունիսի 21-ին մեկնարկել է ամառային զորակոչը

Հանրապետության 120 դպրոցներում իրազեկման և տարահանման միջոցառումներ են իրականացվել (տեսանյութ)