Նախնական կարծիք ունեմ, որ «Մալաթիա մոլ»-ի շենքում հրդեհաշիջման համակարգ չի եղել. Շախբազյան

Քաղաքաշինության, տեխնիկական եւ հրդեհային անվտանգության տեսչական մարմինը մինչ օգոստոսի 24-ի հրդեհը «Մալաթիա մոլ»-ում ստուգումներ չի իրականացրել: Այս մասին «Հայկական ժամանակ»-ի հետ զրույցում ասաց տեսչական մարմնի ղեկավար Գեղամ Շախբազյանը:

Նշենք, որ օգոստոսի 24-ին ԱԺ նախկին պատգամավոր, գործարար Սամվել Ալեքսանյանին պատկանող «Մալաթիա մոլ»-ի շենքում խոշոր հրդեհ էր բռնկվել, որը հրշեջներին հաջողվել էր մարել օգոստոսի 25-ին: Նշենք, որ, նախնական տեղեկություններով, հրդեհը բռնկվել է նկուղային հարկից: Հրդեհի հետեւանքով տուժել էր 10 քաղաքացի, որոնք բոլորը դուրս էին գրվել:

Թեմայի վերաբերյալ զրույցը ստորեւ.

- Պարոն Շախբազյան, «Մալաթիա մոլ»-ի շենքը պետք է ամբողջական շահագործմա՞ն ենթարկվեր, որպեսզի տեսչական մարմինը ստուգում իրականացներ:

- Ընդհանրապես այո: Ավարտական ակտի շրջանակներում մենք համալիր ստուգում ենք իրականացնում, որի ստուգման արդյունքում արդեն ստորագրվում է ավարտական ակտը: Իսկ ինչ վերաբերում է ստուգումներին, ասեմ, որ մենք շարժվում ենք ստուգումների կազմակերպման եւ անցկացման մասին օրենքով, իսկ դա ենթադրում է նաեւ, որ պետք է ստուգաթեստով անցկացվի: Իսկ քանի որ տեսչական մարմինը չէր համարվում նախկինում գործող մի շարք տեսչությունների իրավահաջորդ մենք խնդիր ունեինք իրավական գործընթացի: Մի քանի օր է՝ արդեն քաղաքաշինական մասով ստուգաթերթերը հաստատել են, իսկ հրդեհային անվտանգության մասով դրանք կառավարությունից ուղարկվել է հետ՝ նորից լրամշակման:

- Երբ նայում եք մասնագիտական աչքով, չե՞ք կարծում, որ այստեղ քաղաքաշինական նորմերն ու հրդեհային անվտանգությունը ըստ կարգի պահպանված չի եղել: Դրանց պահպանման պարագայում հնարավո՞ր էր այսպիսի մեծ հրդեհ:

- Հրդեհը իրենով արդեն մեծ չափի էր հասել: Եթե նույնիսկ լիներ հրդեհաշիջման համակարգ, դա իրենից ներկայացնում է մի միջոցառում, որը հիմնականում ապահովում է էվակուացիան, այսինքն՝ մարդկանց դուրս բերումը: Իրականում՝ նախնական հրդեհային միջոցներ ունեցել են ինչ-որ քանակության: Ես դեռեւս չեմ ուսումնասիրել, բայց նախնական կարծիք ունեմ, որ խախտումներ են ունեցել՝ հրդեհաշիջման համակարգ չի եղել: Բայց նորից եմ կրկնում՝ շենքը շահագործված չէր:

- Ե՞րբ էր նախատեսված շենքը շահագործման հանձնել:

- Հիմա մենք փաստաթղթերն ենք ուսումնասիրում: Վերջին շինթույլտվությունը երկարացվել է 2018 թվականի դեկտեմբերին մինչեւ 2021 թվականը: Շենքը ավարտելուց հետո հանձնաժողով է ստեղծվում, որտեղ ներառվում է նաեւ տեսչական մարմնի ներկայացուցիչը, մենք մի քանի ներկայացուցիչ ենք ուղարկում՝ ե՛ւ քաղաքաշինական մասով, ե՛ւ հրդեհային անվտանգության մասով: Իմ պաշտոնավարման ընթացքում չի եղել օբյեկտ, որը չհամապատասխանի հրդեհաշիջման նորմերին:

- Շենքը շարունակվելո՞ւ է կառուցվել, թե՞ այլ պրոցես է լինելու:

- Մինչեւ սեյսմիկ եզրակացություն չունենանք, չենք թույլատրի շահագործումը: Պետք է պարտադիր սեյսմիկ եզրակացությունն ունենանք, որից հետո արդեն որոշում կկայացնենք:

- Ե՞րբ պատրաստ կլինի սեյսմիկ եզրակացությունը, ժամկետ կա՞:

- Դեռ չէ, սա վարույթի շրջանակներում է: ԱԻՆ-ը հետաքննություն է անում, գործը հարուցում է դատախազությունը, իսկ մենք գնահատելու ենք:

- Եթե ինչ-որ խնդիր եղավ, ընդհանուր շե՞նքը չի շահագործվելու:

- Որտեղ ջերմաստիճանը բարձր է եղել, այդ հատվածի սեյսմիկ գնահատականը պետք է տրվի՝ հետագայում դրա շահագործումն ընդհանրապես վերանայելու համար:

- Այս դեպքը տեսչական մարմնին մտածելու տեղիք չի՞ տալիս, որ մնացած այն կառույցներում, որտեղ շինարարության ժամկետները երկարացվել են, ստուգումներ իրականացվեն:

- Մինչ այդ դեպքը՝ ես արդեն հանձնարարել էի, որ ցուցակ կազմեն, որ դիմենք վարչապետին՝ ըստ անհրաժեշտության ստուգումներ իրականացնելու համար բոլոր կիսակառույց շինարարական օբյեկտներում:

- «Մալաթիա մոլ»-ը մտնո՞ւմ էր այդ ցուցակի մեջ:

- Բնականաբար, քանի որ դա շինթույլտվություն ունի, ավարտական ակտ չունի, չի ավարտվել օբյեկտը, համարվում է ռիսկային: Դա առաջնային ցանկի մեջ էր, քանի որ մակերսով մեծ էր, հարկայնությունը մեծ էր: Պետք է վարչապետի հանձնարարությամբ ստուգումներ իրականացնեինք, սակայն դեպքերն արագ զարգացան:

ՀՀ ԱԻՆ մամուլի խոսնակ Էդմոն Զարգարյանը մեր զրույցում ասաց, որ դեպքի առթիվ ԱԻՆ-ում քննություն է ընթանում: 

Տարածքում բացի հրշեջներից եւ ոստիկաններից ակտիվորեն աշխատում էին նաեւ մի շարք քաղաքացիներ: ՀԺ-ն ՀՀ ոստիկանության ԶԼՄ-ների հետ կապի լրատվության եւ վերլուծության բաժնի պետ Զարզանդ Գաբրիելյանից հետաքրքրվեց, թե կողմնակի անձանց մուտքը դեպի շինություն ինչո՞ւ չէր արգելվում։ Ի պատասխան՝ Գաբրիելյանն ասաց, որ ոստիկանությունը տարածքի պահպանությունը պատշաճ իրականացրել է, իսկ վերոնշյալ անձինք տարածքի աշխատակիցներ են եղել:

Տպել
3019 դիտում

Մխիթարյանը գոլ է խփում «Ռոմայում» նորամուտի խաղում (տեսանյութ)

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա