Դեսպանահավաք Գյումրիում. մասնակցում են նաեւ նախարարները, հյուպատոսներն ու մարզպետները (լուսանկարներ, տեսանյութ)

Այսօր Գյումրիում առաջին անգամ նոր ձեւաչափով եզակի հավաք է կայացել: Մեկ հարկի տակ, մեկ նպատակով եւ հանուն Հայաստանի բարօրության ու առաջընթացի հավաքվել են ՀՀ ԱԳ նախարար Զոհրաբ Մնացականյանը, Տարածքային կառավարման և ենթակառուցվածքների նախարար Սուրեն Պապիկյանը, նախարարությունների ներկայացուցիչները, ՀՀ դիվանագիտական ներկայացուցչությունների ու հյուպատոսական հիմնարկների ղեկավարներն ու Հայաստանի մարզպետները: Մինչ այցի բուն նպատակին անցնելը, Գյումրի ժամանած պատվիրակությունը Ամենափրկիչ եկեղեցու բակում տեղադրված 88-ի երկրաշարժի զոհեր հիշատակը հավերժացնող հուշակոթողին ծաղիկներ է խոնարհել: Այնուհետ «Էմիլի արեգակ»-ում մեկնարկել է աշխատանքային հանդիպումը, որին մասնակցել է նաեւ Գյումրու քաղաքապետ Սամվել Բալասանյանը: Այս հանդիպման նպատակը մեկն է. յուրաքանչյուր մարզպետ ներկաներին պատմում է իր մարզի առանձնահատկությունների, հնարավոր զարգացման հեռանկարների մասին եւ հստակ ծրագրեր առաջարկում: Այդ ծրագրերը դեսպաններն ու հյուպատոսները պետք է կարողանան իրենց հետ տանել այն երկրներ, որտեղ նշանակված են որպես Հայաստանի ներկայացուցիչներ, որպեսզի ծրագրերի իրականացման հնարավոր ելքերը գտնվեն:«Դիվանագիտական կորպուսը մասնավոր սեկտոր չէ, բայց ունի այն ներուժը օգտագործելու միջպետական հարաբերություններն ու հարթակները, որոնք անմիջական դերակատարներին կարող են միմյանց առավել մոտեցնել եւ համագործակցություն ստեղծել: Այսինքն ձեւաչափերը բավական շատ են միջպետական ծրագրերի միջոցով: Այս շաբաթվա ընթացքում մենք անցկացնում ենք մեր դիվանագիտական կորպուսի հավաքը եւ այսօրվա քննարկումները որպես անմիջական գործառույթ մեր ներսում անմիջական երկխոսության հնարավորություն կստեղծի, եւ դիվանագիտական եւ հյուպատոսական ներկայացուցիչներին հնարավորություն կտա ավելի ամրապնդել ունեցած պատկերացումները, թե ինչ է ներքին գերակայությունը: Մեր աշխատանքը վերաբերում է ազգային նպատակներին, որի մեջ մտնում է պետության զարգացումը, եւ ՀՀ մարզերի զարգացման օրակարգը պետական գերակայություն է: Հիմա մենք անմիջական շփում ենք ապահովել, բոլոր մարզերի մարզպետներն են այստեղ, կներկայացնեն իրենց մարզերին առնչվող ծրագրերը, դեսպաններն էլ կսկսեն տեղայնացնել, թե որ ծրագրերի համար ինչպիսի երկխոսության մեջ են մտնելու մեր գործընկեր պետությունների հետ, եւ ինչ նոր գաղափարների վրա մենք կարող ենք կառուցել այդպիսի անմիջական ծրագրեր»:Արտգործնախարարն ասաց այնպես չէ, որ դեսպաններն ու հյուպատոսությունների ներկայացուցիչներն անտեղյակ են ներկայացվող ծրագրերից, սակայն այս հավաքը հնարավորություն է տալու դրանց մասին անմիջապես լսել իրականացնողներից: Յուրաքանչյուր դեսպան հավաքից կարճ ժամանակ անց ներկայացնելու է այն ծրագիրն ու գաղափարը, որը հնարավոր է իր երկրի կողմից ընթացք ստանա: Հայաստանի նկատմամբ հետաքրքրություններ ունեն ՌԴ-ն, Հնդկաստանը, Չինաստանը, ԱՄՆ-ն, եվրոպական երկրները: «Գիտեք, որ արտաքին ծառայությունն աշխատում է բազմաթիվ ուղղություններով: Մեր պահանջն է աշխատել արդյունքի վրա, աշխատել ինքնավստահ, օգտագործել այն ամբողջ վստահությունը, որը ձեւավորված է մեր երկրում»,-լրագրողների հետ զրույցում ասաց ԱԳ նախարար Զոհրաբ Մնացականյանը:Ըստ Տարածքային կառավարման և ենթակառուցվածքների նախարար Սուրեն Պապիկյանի, ակնկալում են, որ այս հանդիպումից հետո ավելի սերտ կապ են ձեւավորվելու եւ մեծանալու է ներդրումների թիվը: «Մենք նախկինում նման կապ չենք ունեցել: Դիվանագետն, իրականում, բիզնեսով զբաղվելու խնդիր չունի: Նա պետք է ապահովի այդ կապը, որը մենք փնտրում ենք: Սպասելիքները շատ մեծ են, եւ կարծում եմ մեր նպատակին կհասնենք: Մենք շեշտը դրեցինք ներդրման վրա, սակայն այս ֆորմատը շատ ավելի ընդգրկուն է: Մենք այստեղ լուծում ենք տարբեր երկրների հետ միջհամայնքային, միջմարզային կապերի, փորձի փոխանակման հնարավորություններ: Այսինքն հարցեր, որոնք օրակարգային են: Այսօր հնչեցվելու են կոնկրետ ծրագրեր, որոնց մեր դիվանագետներն ավելի մեծ ուշադրություն կներկայացնեն դրանք կներկայացնեն իրենց գտնվելու վայրերում: Կարծում եմ նմանատիպ հավաքները ամենամյա պետք  է լինեն, որ  կառավարությունն իր տարբեր ուղղություններով կարողանա ցույց տալ, թե ինչ նպատակ ունի առաջիկա տարում կարճաժամկետ, եւ առաջիկա տարիներին երկարաժամկետ առումով: Սա պետք է լինի մեկ ընդհանուր օրակարգ, որովետեւ մենք մեկ խնդիր ենք լուծում: Դա Հայաստանի զարգացումն ապահովելն է»,-լրագրողների հետ զրույցում ասաց Սուրեն Պապիկյանը:«Այսօր Գյումրու համար պատական օր է, որովհետեւ երբեք չէր եղել, որ դիվանագետներն ու մարզպետները լինեին այստեղ եւ ցանկանային քննարկել այնպիսի խնդիրներ, որոնց լուծումներն անհրաժեշտ են մեր քաղաքների ու մարզերի զարգացման համար: Բարով եք եկել մեր պատմական քաղաք, որը բավական լուրջ քայլերով զարգանում է»,-ներկաներին ողջունեց Գյումրու քաղաքապետ Սամվել Բալասանյանը: Ասաց, իր մտահոգությունը Գյումրին է, որն ունի շատ լուրջ խնդիրներ, որոնք պետք է ճիշտ ներկայացվեն, որ տարբեր ծրագրերի միջոցով հնարավորություն լինի ապահովել քաղաքի զարգացումը: «Մեր տեսլականն այն է, որ ունենանք համապատասխան միջավայր, որ Գյումրին որպես մշակութային մայրաքաղաք եւ սպորտի մայրաքաղաք կարողանանք զարգացնել եւ ունենալ տուրիզմի զարգացում մեր քաղաքում: Սրանք շատ կարեւոր է եւ անհրաժեշտ է ունենալ համապատասխան ծառայություններ, ուստի խնդրում եմ, որ բոլորդ աջակից լինեք Գյումրիում նման ծրագրերի իրականացման համար»,-ասաց Սամվել Բալասանյանը:Քաղաքապետից հետո Շիրակի մարզը ներկայացրել է Տիգրան Պետրոսյանն ու ըստ հերթականության խոսել են նաեւ մյուս մարզպետները եւս: Թե որ մարզի համար հատկապես ի՞նչ ծրագիր են քննարկել, պարզ կդառնա առաջիկայում: Հանդիպման այդ հատվածը ԶԼՄ-ների համար փակ էր:

Տպել
638 դիտում

21-րդ դարում 30 աշակերտ օգտվում է 19-րդ դարի զուգարանից. Սիփան Փաշինյանը՝ Տավուշի 3 գյուղերի դպրոցների խնդրի մասին

Այս տարի ԿԲ կողմից գնված արտարժույթը հասավ 398 միլիոն դոլարի. սա շատ լավ նորություն է. վարչապետ

Ադրբեջանում «Երեւան» անունով ֆուտբոլային ակումբ է բացվել

Ինչ եմ ցանկանում լսել Փաշինյանի ՄԱԿ-ի ելույթում

Ոստիկանության պետի ու ԱԱԾ նախագահի ժամանակավոր պաշտոնակատարները նշանակվեցին

Վրաստանն օգոստոսին կորցրել է զբոսաշրջիկներից ստացվող եկամուտների 10 տոկոսը

Վրաստանում հայալեզու դպրոցների դասագրքերում գրված են ադրբեջաներեն տեքստեր (լուսանկարներ)

Ռեկտորը պնդում է՝ կոնսերվատորիայի միջոցառումը սատանիստական չէր

ՊԵԿ-ը կանխել է ԵԱՏՄ պետություններից կեղծ հաշվարկային փաստաթղթերով ապրանքների ներկրման դեպք

«Պատերազմական գործողություն» է. Փոմփեոն՝ Սաուդյան Արաբիայի նավթային օբյեկտների վրա հարձակման մասին

Պարապ եմ համարում բոլոր քննադատությունները. Տեր Վահրամը՝ Կարապետյանների մեծադիր կտավի մասին

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում