Ուսուցիչների աշխատավարձը բարձրացավ 10%-ով. Ամբողջական տեղեկատվություն

ՀՀ հանրակրթական ուսումնական հաստատություններում աշխատող մանկավարժների աշխատավարձը սեպտեմբերից բարձրանում է 10%-ով: Կառավարության ծրագրով նախատեսված՝ մանկավարժների աշխատավարձի բարձրացման մասին որոշումն ընդունվել է գործադիրի սեպտեմբերի 5-ի նիստում:  Ըստ այդմ, հանրակրթության ոլորտի պետական հատկացումներն ավելացվել են 1 մլրդ 666 մլն 675 հազար դրամով` ՀՀ 2019 թվականի պետական բյուջեի հարկային եկամուտների բյուջետային ծախսերի տնտեսագիտական դասակարգման  «Սուբսիդիաներ` ոչ ֆինանսական պետական կազմակերպություններին» հոդվածով:

Ինչպես հայտնում են ԿԳՄՍ-ի մամուլի ծառայությունից, անդրադառնալով մանկավարժների աշխատավարձի  բարձրացմանը` վարչապետ Նիկոլ Փաշինյանն արձանագրել է, որ աշխատավարձի 10% աճը հեղափոխական բարձրացում չէ, սակայն գործընթացի մեկնարկն է, որը կշարունակվի, եթե ազդեցություն ունենա որակի բարելավման վրա․ «Եթե մենք համոզվենք, որ աշխատավարձերի բարձրացումը բերում է ուսուցչի և դպրոցի կողմից մատուցվող ծառայության որակի բարելավմանը, աշխատավարձի բարձրացումը կդառնա շարունակական գործընթաց: Այստեղ մեծ պատասխանատվություն է դրված ուսուցչի և դպրոցի վրա, որ նրանք կարողանան այս օրակարգը կենսունակ դարձնել»,- նշել է Նիկոլ Փաշինյանը:

Նախագիծը ներկայացնելիս ՀՀ կրթության, գիտության, մշակույթի և սպորտի նախարար Արայիկ Հարությունյանը նշել է, որ նախարարությունը ուսուցիչների աշխատավարձի բարձրացումը դիտարկում է որպես կրթության որակի բարելավմանը միտված քայլ: Մասնավորապես, ՀՀ ԿԳՄՍՆ մշակած առաջարկության համաձայն` նախատեսվում է փոփոխել դպրոցների ֆինանսավորման բանաձևը և սահմանել մանկավարժի նվազագույն աշխատավարձ, որը մեկ դրույքի համար կկազմի մոտ 108,000 դրամ: Արայիկ Հարությունյանը հույս է հայտնել, որ ուսուցչի նվազագույն աշխատավարձի իրավական դրույթը կգործի արդեն հունվարից, իսկ ֆինանսավորման նոր բանաձևում, ի տարբերություն գործող տարբերակի, հաշվի կառնվեն դասարանների թիվը, դպրոցների բեռնվածության աստիճանը և այլ հարցեր:

ՀՀ ԿԳՄՍ նախարարը նաև տեղեկացրել է, որ որոշ ԶԼՄ-ներում հրապարակված տեղեկությունները, թե ուսուցիչների աշխատավարձը բարձրացնելու համար կրճատումներ են լինելու, չեն համապատասխանում իրականությանը: Ուսումնական պլանների փոփոխություն չի եղել, հետևաբար, դրույքների կրճատում, ինչպես նախարարն է պարզաբանել, չէր կարող լինել:

Նշենք, որ մանկավարժների սոցիալական վիճակի բարելավումը ՀՀ կառավարության և Կրթության, գիտության, մշակույթի և սպորտի նախարարության գերակայություններից է: Այդ նպատակով նախատեսվում է ուսուցիչների աշխատավարձի աստիճանական և շարունակական բարձրացում: Գործարկվելու է «Ուսուցիչ» նախագիծը, որը հնարավորություն կտա մանկավարժներին կամավոր մասնագիտական ատեստացիա անցնելու դեպքում աշխատավարձի 50% բարձրացում ունենալ: Հավելենք, որ պետության կողմից ուսուցիչների աշխատավարձի բարձրացում տարիներ շարունակ չէր կատարվել։

Նշենք, որ ուսուցիչների աշխատավարձի բարձրացման որոշումն ուժի մեջ է մտնում պաշտոնական հրապարակմանը հաջորդող օրվանից:

Տպել
3740 դիտում

Պետք է ուսումնասիրել ոչ միայն իշխանության, այլև ընդդիմության վարքը, պարզել՝ ով է վարակել մեր պատգամավորներին. Ջուլհակյան

Սևանում կհիմնանորոգվի բակային 5 ճանապարհ

Պարետի որոշմամբ կասեցվել է Գազպրոմ Արմենիա, Վեոլիա Ջուր եւ մի շարք այլ տնտեսվարողների մասնաճյուղերի գործունեությունը

Վենեսուելան Անգլիայի բանկից չի ստանա իր ոսկու պաշարը. Մեծ Բրիտանիան չի ճանաչում Մադուրոյին որպես նախագահ

Նորակերտում խմելու ջրատարի ներքին ցանցը կհիմնանորոգվի 2650 մետր երկարությամբ

Ամառային զորակոչի մեկնարկի առիթով ՊԲ զորամասերում հանդիսավոր արարողություններ են անցկացվել

Վերանայվել է 1․3 տրիլիոն դրամ մնացորդով շուրջ 980 հազար վարկային պայմանագիր․ բանկերի միության նախագահ

Մանկապարտեզներում արձանագրվող խախտումները նվազել են. ԿՏՄ

Ինքնաձիգ, ատրճանակներ, նռնակներ․ քաղաքացիները ոստիկանության բաժիններում հրազեններ են հանձնել (տեսանյութ)

«Սուրբ Գրիգոր Լուսավորիչ» ԲԿ-ն արձագանքել է մահացած կնոջ մարմինը կորցնելու ու նրա հեռախոսից գումար փոխանցելու դեպքին

ՌԴ ԿԸՀ-ն կայացած է համարել երեկվա ընտրությունները. պաշտոնական արդյունքները կհրապարակվեն վաղը

ԱԻՆ ջրափրկարարները դադարեցրել են կորած քաղաքացու ստորջրյա որոնողական աշխատանքները

Լավ կլինի՝ վերադառնաք Ձեր «մահացած» քաղաքական ուժի ռեինկառնացիային. Արսեն Թորոսյանը՝ Նաիրա Զոհրաբյանին

Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին

Կասեցումներ են իրականացվել «ՎՏԲ Հայաստան բանկ»-ում, Սոցիալական ապահովության ծառայությունում, առեւտրի կենտրոններում․ ԱԱՏՄ

Ստեղծվել է ԱԺ քննիչ հանձնաժողով. կուսումնասիրվեն կորոնավիրուսային իրավիճակում իրականացված միջոցառումներն ու այլ հարցեր

Գեղարքունիքում հաստատվել է կորոնավիրուսային հիվանդության 31 նոր դեպք, եւս 27 հոգի առողջացել է

Ձերբակալվել են Գյումրու սոց. աջակցության տարածքային բաժնի վեց աշխատակիցներ, այդ թվում՝ բաժնի պետը և գլխավոր մասնագետները

Սրբուհի Գալյանն ընտրվել է գլխավոր դատախազի՝ ապօրինի գույքի բռնագանձման ոլորտը համակարգող տեղակալ

Կոտայքի մարզպետը նախորդ տարի 35 մլն դրամ վարկ է վերցրել և 51 մլն դրամանոց բնակարան գնել