Երևան
16 °C
Սեպտեմբերի 21-ին Անկախության օրվա բոլոր տոնակատարությունները կենտրոնանալու են Գյումրիում: Որոշումը վարչապետինն է, այն սիրով ընդունելը՝ Գյումրիինը: Տեւական ժամանակ, սակայն, չկար հստակություն, թե տոնակատարության շրջանակներում ովքեր եւ ինչեր են կազմակերպելու, ինչպես է անցկացվելու պատմական այդ օրը Գյումրիում: Քանի դեռ հանդիսության այդ մասը խմորման փուլում էր, Գյումրիում հայտնվեցին Անկախության տոնի ցուցապաստառները, որոնք միանգամից արժանացան գյումրեցիների քննադատությանը: Ինչպես հենասյուներին ամրացված մեծ պաստառները, այնպես էլ Ռիժկովի ճեմափողոցում շարվածները զայրացրել են գյումրեցիների մեծ մասին: Դրանք ուղղագրական կոպիտ սխալներով են արված, գյումրեցիները դրանք նաեւ անընթեռնելի եւ չափազանց տգեղ են համարում:Այն, որ պաստառներում առկա են ուղղագրական սխալներ տողադարձումներում, փաստ է: Հայոց լեզվի որեւէ մասնագետ չի կարող արդարացնել օրինակ հանրապետություն բառի հետեւյալ տողադարձումը՝ հանր-ապետ-ությ-ուն: Սա հայերենի ուղղագրության ոչ մի կանոնի չենթարկվող տողադարձում է: Նման եւ այլ սխալ ուղղագրությամբ պաստառները սփռված են Գյումրիում:Գյումրիում որեւէ մեկը պատասխանատվություն չի կրում պաստառների ո՛չ տպագրման, ո՛չ փակցման համար: Անկախության տոնի ամբողջ գործառույթը ՀՀ վարչապետի աշխատակազմինն է:
Ինչո՞ւ են պաստառներում առկա սխալ տողադարձումներ, եւ ո՞վ է տվել այդ պաստառների տպագրման համաձայնությունը: ՀԺ-ի հարցերին պատասխանել է ՀՀ վարչապետի աշխատակազմի ղեկավարի օգնական Լուսինե Դայանը: Ասաց, եթե հաստատվել է, ուրեմն, ընդունելի տերբերակ է եղել: «Ուղղագրությունը տեսեք, քանի որ հաստատվել է, ու պարզ է՝ մի քանի մարդ է նայել, եւ ես հույս ունեմ, որ որեւէ մեկը չի կարծում, որ հայերենի ուղղագրությանը չեն տիրապետում այն մարդիկ, որոնք նայել, հաստատել են: Ուղղակի, դա ավելի շատ դիզայներական լուծում է, որովհետեւ եթե նկատել եք, որոշակի սիմետրիկություն կա: Ես կարող եմ ասել, որ զուտ էսթետիկ տեսանկյունից եթե հաստատվել է, ուրեմն, ընդունելի տարբերակ է եղել: Իհարկե, այնտեղ, չասեմ խնդիր, բայց, այո՛, նույն գծիկները չկան տողադարձերի։ Պաստառը դիտարկվել է որպես ֆեստիվալային: 28-ի դեպքում 8 թիվը նուռի տեսքով է, էնտեղ կինոմատոգրաֆիայի կլորն է, կամ անիվն է, որը Գյումրին է ներկայացնում: Էդ բրենդինգն ավելի շատ երիտասարդական է, դե, միջոցառումն էլ որպես այդպիսին շատ թարմ է, ֆորմատով էլ մի քիչ ուրիշ, դրա համար էլ որոշեցինք, որ մի քիչ, կոպիտ ասած, ստանդարտից դուրս լինի»,-ասաց ՀՀ վարչապետի աշխատակազմի ղեկավարի օգնականը:
Նա որեւէ խնդիր չի տեսնում պաստառներում: Միաժամանակ նշում է՝ քանի որ հեղինակն ինքը չէ, չի կարող առավել հանգամանալից պատասխանել հարցերին: Հստակ է մի բան. հեղինակը ներկայացրել է, վարչապետի աշխատակազմը՝ հաստատել: Պաստառների հեղինակն էլ «Ոսկե Ծիրան 2019» միջազգային կինոփառատոնի պաստառների հեղինակ Վիլյամ Կարապետյանն է:
Գիտե՞իք, որ Գյումրիում նման դժգոհություններ կան՝ ուղղագրական սխալներով եւ անընթեռնելի պաստառների հետ կապված հարցին, վարչապետի աշխատակազմի ղեկավարի օգնականը պատասխանեց՝ լսել ենք, բայց լավ կարծիքներ էլ ենք լսել: «Արձագանքն, իհարկե, միանշանակ չէր, ինչպես լինում է նման բոլոր բրենդինգների դեպքում: Քաղաքացու օրն էլ այդպիսի խնդիր կար: Դիզայնն այնպիսի բան է, որ չի կարող բոլորի կողմից միանշանակ ընկալվել, հիմա նույն Երեւանում մարդիկ կան ասում էին՝ անընթեռնելի է ու չի հասկացվում, մարդիկ էլ կային, օրինակ, Գյումրիից էլ արձագանքներ էին հասել, որ շատ լավն է: Մեզ հասած տեղեկություններով՝ այնպես չի, էլի, որ մեծ մասն ասում է՝ շատ վատն է»:
Շատ լավի կամ շատ վատի արանքում ուղղագրությունը չի տեղավորվում: Եթե շատ վատ դիզայնով, բայց ճիշտ տողադարձումներով պաստառներ փակցվեին Գյումրիում, հավանաբար, դժգոհությունն այնքան մեծ չէր լինի, որքան հիմա է: Պատասխանատուն վստահեցնում է՝ առաջիկա օրերին քննարկում է կայանալու, որի ժամանակ էլ հստակեցվելու են ծագած բոլոր հարցերը:
Իսկ, ընդհանուր առմամբ, սեպտեմբերի 21-ին Գյումրիում լայնածավալ միջոցառումներ են անցկացվելու: Դրանք եւս կազմակերպել եւ իրականացնելու է վարչապետի աշխատակազմը: Գյումրու քաղաքապետարանի Մշակույթի բաժնի պետ Լիլիթ Թովմասյանը ՀԺ-ի հետ զրույցում ասաց՝ իրենք զուտ խորհրդատվական գործառույթ ունեն այս անգամ: Ընդամենն ուղղորդում են, թե որ փողոցում ինչ կարելի է անել, եւ թե որ արտիստին, համույթին ու նվագախմբերին կարելի է հրավիրել:
Տոնական միջոցառումները մեկնարկելու են ժամը 11:00-ից: Գյումրու կենտրոնական զբոսայգում ժամը 11:00-ից մինչև 23:00-ն առանձին տաղավարներով ներկայանալու են Երևանում հայտնի բարերն ու սրճարանները: Այգին հետաքրքիր է լինելու հատկապես վինիլ և էլեկտրոնային երաժշտության սիրահարների համար:
Ժամը 12:00ից 17:00-ն Շահումյան փողոցում ցուցադրվելու են գյումրեցի հայտնի արհեստավորների և արվեստագետների աշխատանքներն ու ստեղծագործությունները: Նույն ժամից մինչեւ 23:00-ն Աբովյան փողոցում Գյումրու հայտնի ռեստորաններն ու սննդի կետերը ներկայանալու են առանձին տաղավարներով: «Իհարկե, լինելու է նաեւ մի փոքր ալկոհոլային տաղավար, որ Գյումրիինը չէ, Պռոշյանինն է, սակայն լինելու է նաեւ Գյումրու Գարեջրի գործարանը: Այսինքն՝ այն բոլոր տաղավարները, որոնք լինելու են սննդի հետ կապված, 99 տոկոսվ ներկայացնելու է Գյումրին»,-ասաց վարչապետի աշխատակազմի պատասխանատուն:
Ռուսթավելի փողոցում ՀՀ բոլոր մարզերն իրենց կոլորիտով ներկայանալու հնարավորություն են ունենալու: Ռուսթավելիից բացի, Շիրակի մարզն իր առանձին տաղավարներով կներկայանա նաեւ Աբովյան փողոցում:
Այդ օրը քաղաքի պատմական միջուկում, ինչպես նաեւ Դրամատիկական հրապարակում կհնչի ամենատարբեր ոճի երաժշտություն՝ դասականից մինչեւ ռոք: Հանրապետությունում հայտնի նվագախմբեր, երգչախմբեր, անհատ կատարողներ, երաժիշտներ կմասնակցեն Անկախության տոնին: Վարդանանց հրապարակը կդառնա մանկական ավան, որտեղ փոքրիկները կնկարեն, կուրախանան:
«Փորձել ենք մաքսիմում ներգրավել Գյումրու արտիստներին, համույթներին ե՛ւ դասական հարթակի վրա, ե՛ւ ռոք ու ազգային երգ-երաժշտության հատվածում: Այսինքն՝ բոլոր այն բեմերում, որտեղ հնարավոր էր ներգարվել Գյումրին, արված է: Մշակութային տեսանկյունից մենք սերտ համագործակցում ենք քաղաքապետարանի մշակույթի բաժնի հետ, որ կարողանանք մաքսիմալ ապահովենք Գյումրու մասնակցությունը»,-օրակարգը ներկայացրեց Լուսինե Դայան:
«Հոկտեմբեր» կինոթատրոնում կցուցադրվի գյումրեցի կինոռեժիսոր Սոնա Սիմոնյանի «Մեծ ակնկալիքներ» վավերագրական ֆիլմը, Ասլամազյան քույրերի պատկերասրահում կներկայացվի լուսանկարչական ցուցահանդես՝ նվիրված է ՀՀ Անկախությանը: Շիրազի տուն-թանգարանում «Համայնքների համաչափ զարգացման տեսլականը» թեմայի շուրջ հանրային քննարկում կկայանա՝ քաղաքական, հասարակական, մշակութային գործիչների մասնակցությամբ: Անկախության տոնակատարությունը Գյումրիում կեզրափակվի Վարդանանց հրապարակում կայանալիք գալա համերգով, որին կմասնակցեն «Supacooks»-ը (ՀՀ), «Dole & Kom»-ը (Գերմանիա) եւ «Capital Cities»-ը (ԱՄՆ):
Արդյո՞ք Երեւան-Գյումրի եւ հակառակ ուղղությամբ գնացքն արտահերթ չվերթ կիրականացնի եւ կեսգիշերն անց կմեկնի այնպես, ինչպես արվեց «Գյումրու օր» տոնակատարության ժամանակ: Հարցը հստակ պատասխան չունեցավ: Նման քննարկում եղել է, հստակեցում՝ ոչ: Առաջիկա օրերին պարզ կդառնա:
Գյումրին, անկախ ամեն ինչից, տոնին պատրաստվում է մեծ պատասխանատվությամբ: Փողոցաշինությունն ընթանում է լայն թափով, հյուրանոցների, հյուրատների եւ գիշերակացի բոլոր հնարավորություններն են համակարգված:
Կիրանցում ոստիկանությունը լուսաձայնային նռնակ կամ որևէ այլ հատուկ միջոց չի կիրառել․ ՆԳՆ
Կիրանց մեկնած մասնագետների հետ մեքենայում Մհեր Գրիգորյանը չի եղել․ փոխվարչապետի գրասենյակ
Ադրբեջանը պետք է հարգի մարդու իրավունքները․ Օլաֆ Շոլց
Ինչ նոր մահաբեր վտանգ է Ռուսաստանը փորձելու պարտադրել Հայաստանին․ Խզմալյանը մանրամասնում է
Էկոնոմիկայի նախկին փոխնախարար Անի Իսպիրյանի խափանման միջոցը վերացվել է
Առողջապահության նախարարը Գյումրիում խորհրդակցություն է անցկացրել, այցելել «Գյումրու» ԲԿ
Ռուսական խաղաղապահ գրեթե ողջ զորակազմը լքել է Լեռնային Ղարաբաղը․ մյուսները կհեռանան մինչև մայիսի վերջ
Բախում Կիրանցում․ ակցիայի մասնակիցներն արգելափակել էին առանց պետհամարանիշի մեքենայի ելքը
Էրդողանի այցը ԱՄՆ հետաձգվել է
Այն, որ Ռոբերտ Քոչարյանը ցիտում է ոմն «պայքարող» հոգևորականի, պարզ է դառնում, որ ռուբլիով վճարված են. Անի Խաչատրյան
Խաչատրյանը հայտնել է, որ ոստիկանական մեքենայով տեղափոխվել է բաժին ու տեղեկացել, որ ընթացակարգ չկա և բերման չի ենթարկվել
Նիկոլ Փաշինյանի գլխավորությամբ քննարկվել են ԼՂ-ից բռնի տեղահանվածների բնակարանային ապահովման ծրագրին վերաբերող հարցերը
Սուրեն Պետրոսյանն ազատ է արձակվել
Անահիտ Ավանեսյանը Աշտարակի և Թալինի ԲԿ-ների վերազինման ուղղությամբ հանձնարարականներ է տվել
Հայ դպրոցականները 3 մեդալ են նվաճել Մենդելեևյան 58-րդ միջազգային օլիմպիադայում
Կոստանյանը Կատարի ԱԳՆ պետնախարարին է ներկայացրել «Խաղաղության խաչմերուկ»-ի սկզբունքները և պոտենցիալ հնարավորությունները
Հայրենիքի մեջ հայրենիք ենք փնտրել, մենք հիմա պետական գիտակցություն ենք մտնում նոր․ վարչապետ
Հարկադիր քարաթափում է իրականացվել Գեղարքունիքի և Կոտայքի մարզերում
Գագիկ Սուրենյանը նոր գրառում է արել
Հյուրանոցային համալիրում հայտնաբերվել է 2 օտարերկրացու մարմին, ևս 2 հոգի տեղափոխվել է հիվանդանոց․ ինչ է հայտնի
«Տոյոտա»-ն բախվել է կայանված «Մերսեդես բենց» մակնիշի ավտոմեքենային և շրջվել
Happy birthday love. Սուրեն Պապիկյանի կինը շնորհավորել է ամուսնու ծննդյան օրն ու համատեղ լուսանկար հրապարակել
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 28 սահմանային սյուն է տեղադրվել
Ժամը 17։30-ի դրությամբ Երևանում փակ ճանապարհներ չկան, Սևան-Երևան ճանապարհի երթևեկությունը վերականգնվել է
ՀՀ-ն ստացել է խաղաղության պայմանագրի նախագծի վերաբերյալ ադրբեջանական կողմի առաջարկները. ԱԳՆ խոսնակ
«Կողմնակալ» փաստաթուղթ է․ Բաքուն Եվրախորհրդարանի բանաձևը միակողմանի է որակել
Պետական դավաճանություն կատարելու համար քրեական հետապնդում է հարուցվել ՀՀ 2 քաղաքացու նկատմամբ․ նրանք հետախուզվում են
Տավուշի և Ղազախի հատվածում սահմանազատման գործընթացը տեխնիկապես ավարտվել է. Արմեն Խաչատրյան․ «Ազատություն»
Դոլարն ու եվրոն թանկացել են․ ինչ փոփոխություններ է արձանագրել տարադրամի շուկան ապրիլի 26-ին
Պատգամավոր Արթուր Խաչատրյանը բերման է ենթարկվել
Գիշերել են ազատազրկվածների համար նախատեսված ազատ հիվանդասենյակներում․ ՔԿՀ 2 աշխատակից ազատվել է զբաղեցրած պաշտոնից
Բարձր ենք գնահատում Ադրբեջանի և Հայաստանի միջև բանակցությունները, խաղաղության հասնելու լավ հնարավորություններ կան․ Ալիև
Լևոն Տեր-Պետրոսյանը դուրս է գրվել հիվանդանոցից
Ոստիկաններն ու պարեկները կանխել են մի խումբ երիտասարդների վենդետան. կռվի երկու կողմերում հարազատ եղբայրներ են
Ժամը 15:30-ի դրությամբ Երևանում փակ ճանապարհներ չկան. ՆԳՆ
Գիշերային ժամերին խախտել են աղմուկի թույլատրելի շեմը, բռնություն կիրառել պարեկի հանդեպ․ Թորոսյանը տեսանյութ է հրապարակել
Պացիենտների վերջույթները կապել են սավաններով ու զուգագուլպաներով. չհայտարարված այց Սևանի հոգեկան առողջության կենտրոն
Հայաստանի ու Իտալիայի պատվիրակությունները քննարկել են ռազմական համագործակցությանը վերաբերող հարցեր
Հայտնի է «ՀՀ վարչապետի գավաթ» սեղանի թենիսի սիրողական մրցաշարի եզրափակչի օրը և պարգևների չափը
Հավատում ենք, որ այս տարի Ադրբեջանի և Հայաստանի միջև կստորագրվի խաղաղության պայմանագիր. Շոլց
© 2024 Հայկական ժամանակ