Ստեփանավանի N3 դպրոցը վթարային է, անձրեւաջրերը լցվում են ներս. շենքի նախագծի հեղինակը Սոսո Պավլիաշվիլիի հայրն է

Ստեփանավանի N3 դպրոցը երկու մասի է բաժանված: Վթարային այս շենքի մի հատվածը կողպված է ու ելումուտն արգելված, մյուս հատվածը հաստատության ղեկավարների մշտական ջանքերի ու ներդրումների շնորհիվ բավական բարեկարգ վիճակում է պահվում:

Չշահագործվող մասնաշենքերի ներսում խոնավությունն է իշխում, իսկ պատերի բորբոսը գունագեղ կտավ է հիշեցնում: Այստեղ ասում էին, որ հարթ տանիքի պատճառով անձրեւաջրերը շարունակ ներթափանցել են, ժամանակի ընթացքում նաեւ կոռոզիայի ենթարկել շենքի հիմքի մետաղական կոնստրուկցիան: Տնօրենի պաշտոնակատար Նաիրա Հովհաննիսյանի տեղեկություններով՝ կառույցի փլուզման վտանգ չկա, եւ ընդամենը կարող է այն ծռվել մետաղները թուլանալու հետեւանքով:

Տեւական ահազանգերից ու դիմումներից հետո դպրոցը, ի վերջո, ընդգրկվել է «Դպրոցների սեյսմիկ անվտանգության բարելավման 2015-2030 թվականների ծրագրի» մեջ: Նպատակահարմար է համարվել շենքն ամրացնելու փոխարեն հարեւանությամբ կառուցել նորը, քանի որ դա պակաս ծախսատար է: Դպրոցի նոր շենքի նախագիծն արդեն պատրաստ է: Այն իրականացվել է ՄԱԿ-ի զարգացման ծրագրի պատվերով: Նախատեսված նախնական գումարը 1 միլիարդ 474 միլիոն 521 հազար դրամ է:  

Հողային աշխատանքներն արդեն սկսվել ու կիսատ են թողնվել: Տարածքային զարգացման հիմնադրամից ասացին, որ ընթացքում պարզվել է շինարարության տարածքում կան գրունտային ջրեր, եւ դրանք հեռացնելու համար անհրաժեշտ էր միջազգային մասնագետների եզրակացությունը: Հիմնադրամից ասացին, որ աշխատանքներն առաջիկա օրերին կվերսկսվեն: Նախատեսվում է շենքը շահագործման հանձնել երկու տարվա ընթացքում:  

Ստեփանավանի N3 դպրոցի գործող շենքը կառուցվել է 1992 թվականին: Ի դեպ, նախագծի հեղինակը հայտնի երգիչ Սոսո Պավլիաշվիլիի հայրն է՝ Ռամինով Պավլիաշվիլին: Դպրոցում նշում էին, որ կառույցն այդքան շուտ վնասվելու պատճառը տարածքի կլիմայական պայմանների հետ հարթ տանիքի անհամատեղելիությունն է:

Այս հրապարակումը պատրաստվել է Եվրոպական միության եւ «Բաց հասարակության հիմնադրամներ-Հայաստան»-ի ֆինանսական աջակցությամբ։ Հրապարակման բովանդակության պատասխանատվությունը կրում է հեղինակը, եւ այն չի արտացոլում Եվրոպական միության եւ «Բաց հասարակության հիմնադրամներ–Հայաստան»-ի տեսակետները:

Տպել
493 դիտում

Լոռու մարզի որոշ հասցեներում վաղը 11 ժամով կդադարեցվի ջրամատակարարումը

Քաղաքացիները տեղյակ չեն Հայկական Կարմիր խաչի տարին մեկանգամյա անվճար բուժօգնությունից. նրանց չե՞ն ուղղորդում

Զ. Մնացականյանը Մինսկի խմբի համանախագահների հետ հանդիպմանը բարձրացրել է պարտավորությունների համաչափության հարցը

Հոկտեմբերի 26-ին բոլորով գնում ենք «Դբա լավը». Նիկոլ Փաշինյանը հրավիրում է Վանաձոր

Իսկապես ապշեցուցիչ է. Սերժ Թանկյանն Էրդողանին նմանեցրել է Հիտլերի հետ (լուսանկար)

Հակատուբերկուլոզային դիսպանսերի 2019 թվականի ֆինանսական ծավալում փոփոխություն չի եղել. նախարարություն

Ոստիկանությունն ուսումնասիրում է Սանասարյանի կողմից անչափահաս երեխայի վրաերթի ենթարկելու վերաբերյալ հրապարակումները

Գագիկ Խաչատրյանը մի քանի օր ԲԿ-ում հետազոտվելուց հետո երեկ տեղափոխվել է ՔԿՀ

Տնտեսական հանձնաժողովում այսօր նախատեսված է գույքի կադաստրային գնահատմանը վերաբերող օրինագծի քննարկումը

Արմեն Սարգսյանի հրավերով աշխարհահռչակ «Airbus»-ի բարձրաստիճան պատվիրակությունը կժամանի Հայաստան

Վարչապետն ընդունել է ԵԱՀԿ Մինսկի խմբի համանախագահներին

Արցախի ոստիկանների կողմից հետախուզվողը հայտնաբերվել է Երևանում

Փրկարարները Կապան քաղաքում հայտնաբերված օձին տեղափոխել են անվտանգ տարածք

Ցեղասպանության թանգարան այցելելը շատ հուզիչ էր. Քարդաշյանը կրկին խոսել է Հայոց ցեղասպանության մասին

Հայաստանը 3 մեդալ է նվաճել սամբոյի աշխարհի առաջնությունից

Հակատուբերկուլյոզային դիսպանսերի աշխատողները բողոքի ակցիա են կազմակերպել. դժգոհում են ֆինանսավորման պակասից

«Հայելի» ակումբի մասնագիտական գործունեությունը խոչընդոտելու համար մեղադրանք է առաջադրվել 4 անձի

Զինված խմբի պարագլուխ համարվող Արթուր Վարդանյանը դատի է տվել Էդուարդ Շարմազանովին

Սիրիայում 4 երեխա է զոհվել, 9-ը՝ ծանր վիրավորում ստացել, իր տունը հարկադրված լքել է 70 հազար երեխա. ՅՈՒՆԻՍԵՖ

Երեւանի աղբահանության հիմնարկի բաժիններից մեկի պետը դուրս է գալիս աշխատանքից