«Մարդիկ ցանկանում են, որ գրողը մահանա, 15-20 տարի անցնի, գործը գնահատվի, նոր դասագրքում լինի». Էդվարդ Միլիտոնյան

Ժամանակակից գրողների ստեղծագործություններն այսօր քիչ հայտնի կամ ընդհանրապես անծանոթ են դպրոցահասակների համար: Չարենց, Սեւակ, Թումանյան. ծանոթանալով դասական գրողների հետ՝ աշակերտները հիմնականում չեն ուսումնասիրում նոր ստեղծագործողներին, նրանց անունները դասագրքերի էջերում նշված չեն:

«Դասագիրք կազմելը հեշտ չէ, բայց այսօրվա սերունդը պետք է ճանաչի իր կողքին ապրող գրողներին»,- «Հայկական ժամանակ»-ի հետ զրույցում նշեց Հայաստանի գրողների միության նախագահ Էդվարդ Միլիտոնյանը, որի կարծիքով՝ հայ իրականության մեջ ընթերցողներն ավելի հակված են դասական գրականության գնահատմանը: Իրենց կողքին ապրողին չտեսնելու մեծ կարծրատիպ կա՝ չնայած որ այսօր գրականության համար թեմաների, ոճերի շատ հետաքրքիր ժամանակ է: Ստեղծագործողներ կան, որոնց գրքերը արտասահմանում տարբեր լեզուներով հրատարակվել են, գնահատվել, տարբեր միջազգային մրցանակների արժանացել:

Էդվարդ Միլիտոնյանն ընդգծեց, որ արդի գրողներից, հատկապես մանկագիրներից հատուկենտ գործեր կան մինչեւ 5–6-րդ դասարանների դասագրքերում: Նոր հեղինակներից գրվածքներ գրեթե չես գտնի 7-րդ դասարանից բարձր աշակերտների համար: Ընդհանրապես վերջին տարիների գրական իրողությունների մասին տեղեկությունները շատ սակավ են:

«Պետք է գոնե իմանան, թե վերջին 50 տարում իրենց երկրում գրական ինչ ընթացք, տեղաշարժեր, թեմատիկ փոփոխություններ են եղել: Մանավանդ վերջին 30 տարվա անկախ Հայաստանի գրականության վերաբերյալ, կարծում եմ, պիտի անդրադարձ լիներ»,- նշեց գրողը՝ հավելելով, որ 50 տարվա կտրվածքով պոեզիայում հետաքրքիր տեղաշարժեր են եղել. 60-ականների արձակը հետաքրքիր ընթացք է ունեցել, իսկ ուսումնական գրքերում մինչեւ Հրանտ Մաթեւոսյան կամ Ռազմիկ Դավոյան են ուսումնասիրում:

Տարրական դպրոցի դասագրքերի պարագայում կարծես որոշակի տեղաշարժեր կան. նոր անուններ, ստեղծագործություններ են հայտնվել, բայց ծավալը այնքան քիչ է, որ երեխաները դժվար են պատկերացնում, թե այսօր ով է ողջ, ով է մահացել:

Միության նախագահը անուններ թվարկեց. Աղասի Այվազյան, Ռուբեն Հովսեփյան, Լեւոն Խեչոյան, Հենրիկ Էդոյան, Արեւշատ Ավագյան եւ այլն. անուն առ անուն էջերով անդրադառնալու փոխարեն գոնե կարող են ներկայացնել, թե գեղագիտական մտածողության մեջ ինչ նորություններ, ընթացք, մթնոլորտ է տիրում: Վերջինիս խոսքով՝ դասագրքերի ստեղծման, կազմման աշխատանքներում պետք է ներգրավված լինեն գրողներ, միայն գրականագետներին այդ դաշտը թողնելը ճիշտ չի համարում: Հարցի հետ կապված միությունը շատ նիստեր, հավաքներ է կազմակերպել, տարբեր մանկավարժների հետ քննարկել: Խնդիրը շեշտվում է, բարձրաձայնվում, բայց դասագրքերն ինչպես 50 տարի առաջ էին, նույն կերպ շարունակում են հրատարակվել:

2 տարի առաջ Կրթության եւ գիտության՝ այսօր արդեն նախկին նախարար Լեւոն Մկրտչյանի հետ նույնպես հանդիպում է կազմակերպվել: Գրողի խոսքով՝ վերջինս նույնպես խոստովանել է, որ ուսումնական գրքերում այդ բացը կա եւ հանձն է առել, որ դասագրքերի մրցույթների ժամանակ հանձնաժողովի կազմում գրողներ լինեն եւ անդրադառնան ժամանակից գրականությանը:

Այսօր Կրթության, գիտության, մշակույթի եւ սպորտի նախարարության հանրակրթության վարչությունից նշեցին, որ ներկայումս նախարարությունում բովանդակային փոփոխություններ են իրականացվում, փոփոխվում են բոլոր առարկաների չափորոշիչները, ծրագրերը, որից հետո կփոփոխվեն նաեւ դասագրքերը:

«Խոսելով ժամանակակից գրողների ստեղծագործությունները դասագրքերում ներառելու մասին՝ պետք է հաշվի առնենք, որ այդ գրքերը գրվել են մոտ 10-12 տարի առաջ: Այո՛, դրանք փոփոխության կարիք են զգում»,- նշեց վարչության պետ Աշոտ Արշակյանը՝ հավելելով, որ մասնագետները չափորոշիչների ծրագրերի փոփոխության ժամանակ հարցը նկատի կունենան, եւ նախարարությունն այդ ամենը հաշվի կառնի:

«Մարդիկ ցանկանում են, որ գրողը մահանա, 15-20 տարի անցնի, գործը գնահատվի, նոր դասագրքում լինի կամ չլինի»,- Էդվարդ Միլիտոնյանը հիշեցրեց, որ այդ թեմային ժամանակին Թումանյանն էլ է անդրադարձել, երբ իրեն գրագող էին անվանում: Նա ասում էր, որ մենք սիրում ենք մահացած գրողներին:

Անի Ավագյան

Տպել
539 դիտում

Շվեդիան չեղարկել է Թուրքիային զինտեխնիկա մատակարարելու բոլոր թույլտվությունները

Բեթհովենի 250-ամյակին և բեռլինյան պատի 30-ամյակին նվիրված միջոցառումներ կանցկացվեն. հանդիպում Գերմանիայի դեսպանի հետ

Տավուշի մարզում Porsche-ն մի քանի պտույտ գլորվելով ընկել է ձորակը. կա 1 զոհ, 1 վիրավոր

ՀՀ ֆուտբոլի հավաքականը պարտվեց ու գործնականում կորցրեց Եվրո 2020-ում հայտնվելու հնարավորությունը

ՀՀ պաշտպանության նախարարն ընդունել է Լիտվայի դեսպանին

Ադրբեջանը բողոքի նոտա է հղել Ռուսաստանին՝ պատգամավոր Զատուլինի՝ Արցախ կատարած այցի պատճառով

ՀՀ ֆուտբոլի հավաքականը 2-րդ գոլը բաց թողեց Ֆինլանդիայից. արդեն պարտվում է 0:2

Ինչ եկամուտներ են հայտարարագրել ԱԱԾ ՊՊԾ արդեն նախկին պետ Գրիգորի Հայրապետովը, նրա կինն ու դուստրը

Խաղաղություն ու բարօրություն վրաց ժողովրդին. Ամենայն Հայոց Կաթողիկոսն ընդունեց Վրաստանի վարչապետին

Ոստիկանության Հրազդանի բաժնում մեծ քանակությամբ տարբեր տեսակի զինամթերք է հանձնվել (տեսանյութ)

ՀՀ ֆուտբոլի հավաքականը գոլ բաց թողեց Ֆինլանդիայի դեմ խաղում. պարտվում է 0:1

Հակատուբերկուլոզային դիսպանսերը դեռ չի փակվի, սակայն քննարկվում է կառույցին տրվող ֆինանսական միջոցների կրճատման հարցը

ՀՀ Ազգային ժողովի նախագահը ելույթ է ունեցել Միջխորհրդարանական միության 141-րդ նստաշրջանում

Վարչապետ Փաշինյանի անունից ի պատիվ Գեորգի Գախարիայի տրվել է պաշտոնական ընթրիք

Համալիր մարզումներ են իրականացվել ՊՆ հակաօդային պաշտպանության ստորաբաժանումում

ՀՀ պաշտպանության նախարարը հետևել է խաղաղապահների վարժանքներին

Գրիգորի Հայրապետովն ազատվել է ԱԱԾ պետական պահպանության ծառայության պետի պաշտոնից

«Նուբարաշեն» ՔԿՀ-ում մեկնարկեց մասնավոր ընկերության կողմից սննդի ապահովման փորձնական ծրագիրը

Դուք ապացուցել եք, որ կարող եք հրաշքներ գործել. վարչապետը՝ ՀՀ ֆուտբոլի հավաքականին

Դավիթ Սանասարյանի կողմից 9-ամյա տղային վրաերթի ենթարկելու մասին մայրը հաղորդում է ներկայացրել ոստիկանություն