ՀՀ ազատ ոճի ընտրանու մարզիչը՝ աշխարհի առաջնությունում Եվրոպայի չեմպիոնի անհաջողության մասին

Ըմբշամարտի աշխարհի 2019թ. առաջնությունում ՀՀ հավաքականի գլխավոր հույսերից մեկի՝ Արսեն Հարությունյանի անհաջող ելույթը հավաքականի գլխավոր մարզիչ Հաբեթնակ Կուրղինյանը բացատրում է փորձի պակասով: Մարզիկը, որը գարնանը դարձավ Եվրոպայի չեմպիոն, Ղազախստանում օրերս ավարտված մրցաշարում պարտվեց իր 2-րդ գոտեմարտում: Ընդ որում, հաղթում էր 6-0 հաշվով, սակայն ի վերջո պարտվեց 6-17: Հարությունյանը դեռ 20 տարեկան էլ չկա ու առաջին անգամ էր աշխարհի մեծահասակների առաջնության մասնակցում: «Հայկական ժամանակ»-ի հետ զրույցում Կուրղինյանը նշեց, որ չի ցանկանում արդարացումներ գտնել, բայց, ամեն դեպքում, ընդունեց, որ փորձի պակասն իրենն արել է:

«Հիմնականը փորձի պակասն էր, ինչը շատ մեծ նշանակություն ունի: Շատ լարված աշխարհի առաջնություն էր: Առաջին անգամ երիտասարդները մասնակցում են ու այս աշխարհի առաջնությանը, դժվար է: Նա մեծ ցանկություններով ու ամբիցիաներով տղա է ու պատրաստ է իր սխալներն ուղղել»,- ասաց նա:

Հարությունյանն ապրիլին Եվրոպայի չեմպիոն դարձավ 61կգ քաշային կարգում, որն օլիմպիական չէ: Աշխարհի առաջնությունում նա փորձեց պայքարել օլիմպիական 57կգ քաշային կարգում: Կուրղինյանը չի կարծում, որ քաշային կարգը փոխելը խանգարել է:

«Նա ընդամենը 61կգ է: Եվրոպայի առաջնության ժամանակ, երբ կշռվեց 60-61կգ չկար, ու 57կգ քաշային կարգի ըմբիշները՝ բոլորն էլ 62-63կգ քաշ ունեցող մարզիկներ են: Խնդիրն այդտեղ չէ: Նրա ու հավաքականի մարզիչների հետ ես որոշել էի, որ կարող է մասնակցել 57կգ քաշային կարգում ու օլիմպիական վարկանիշ ձեռք բերել, ու նա հեռու չէր: Նա ամենահեռանկարային մարզիկներից է, որը կարող է ուղեգիր ձեռք բերել ու օլիմպիական խաղերում էլ, ինչո՞ւ չէ, մրցանակային տեղերի համար պայքարել»,- ասաց մարզիչը՝ ավելացնելով, որ ոչ մի խնդիր չի տեսնում, որ Հարությունյանը շարունակի այս քաշային կարգում պայքարել Տոկիո 2020-ի ուղեգրի համար:

Հավաքականն աշխարհի առաջնությանը մասնակցում էր 6 հոգով: Եվրոպայի մինչեւ 23 տարեկանների չեմպիոն Վազգեն Թեւանյանը (65կգ), Վարուժան Կաջոյանը (74կգ) Եվրոպայի բրոնզե մեդալակիր Գրիգոր Գրիգորյանը (79կգ), Հովհաննես Մխիթարյանը (86կգ) եւ Եվրոպայի բրոնզե մեդալակիր Լեւան Բերիանիձեն (125կգ) նույնպես անհաջող հանդես եկան:

«Ճիշտ է, չունեցանք օլիմպիական ուղեգիր, չունեցանք մեդալներ, բայց երիտասարդ հավաքական է, 57-ի, 65-ի երիտասարդներից էին սպասելիքները մեծ: Նրանց մի քիչ բարդ վիճակահանություն էր բաժին հասել: Գրիգորը պարտվեց 1/4-ում, հավասար՝ 6-6 հաշվով պարտվեց: Բերիանիձեն երկար ժամանակ է՝ քաշի խնդիր ուներ, 2 տարի է՝ չէր մասնակցել մրցաշարերի, մրցակցային պրոցեսի պակաս ունի: Վարկանիշային մրցումներում արդեն իրենց լիարժեք մարզավիճակում կլինեն: Կաջոյանը, Մխիթարյանը... այո՛, Կաջոյանը երիտասարդ չէ, բայց մեծահասակների մեջ լուրջ արդյունքի չի հասել, ու ինքն էլ առաջին անգամ էր մասնակցում ԱԱ-ին, այնպես չէ, որ սպասելիքները շատ մեծ էին»,- ասաց նա:

Դեկտեմբերին տեղի է ունենալու Հայաստանի 2019թ. առաջնությունը, որի արդյունքներով ձեւավորվելու է հավաքականի կազմը: 2020թ. ըմբիշները Տոկիո 2020-ի ուղեգրեր նվաճելու եւս 2 հնարավորություն կունենան՝ մարտին կայանալիք Եվրոպայի ու ապրիլին կայանալիք համաշխարհային վարկանիշային մրցաշարերը: Ազատ ոճում օլիմպիական են 57, 65, 74, 86, 97 եւ 125կգ քաշային կարգերը:

Տպել
1171 դիտում

ԿԳՄՍ-ն հրապարակել է 2019 թ. ձմեռային զորակոչից տարկետում ստանալու համար դիմած քաղաքացիների անվանացանկը

Ռազմավարական եւ դաշնակցային գործընկերություն. Լավրովի երեւանյան այցը

Վանաձորում դեռեւս տնակային պայմաններում ու փայտե վառարաններով ջեռուցվող մանկապարտեզներ կան

Ոստիկանությունը պարզաբանում է ԱԺ պատգամավորի ավտոմեքենայից «Ռոլեքս» ժամացույցը կորչելու դեպքը

Մարվել են Կարմիր գրքում գրանցված կովկասյան ընձառյուծի եւ «Տարվա թռչուն» երկնագույն ալկոնի պատկերով նամականիշները

Լեհաստանի կառավարությունը հրաժարական է ներկայացրել

Թուրքիայում ասորական և հայկական գերեզմանոցների տեղում ազգային զբոսայգի է կառուցվել

Եթե ստանձնել ենք պատասխանատվություն մեր ժողովուրդների համար, պետք է ջանքեր գործադրենք հասնելու իրական փոփոխությունների

Գյումրեցու՝ Արարատ Միրզոյանին ուղղված նամակը ԱԺ-ն վերահասցեագրել է Գյումրու «Շիրակ կենտրոն» ՀԿ նախագահին

Հանդիպում եմ ՅՈՒՆԵՍԿՕ-ի գլխավոր տնօրեն Օդրի Ազուլեի հետ. վարչապետ (տեսանյութ)

Լավրովը Քոչարյանին հանձնեց Հայաստանին, նա նոր քաղաքականության հիմք դրեց. քաղաքագետ

ՀՀ ԱԳՆ դատապարտել է Սիրիայի Դեր Զորի նահանգում կատարված ահաբեկչական գործողությունը

Ձեզ ընտրել են՝ այս գործով խախտումները շղարշելու համար․ Խաչատուրովի պաշտպանը՝ դատավորին

ՀՀ ոստիկանության պետի պաշտոնակատարի հրամանով Լոռու ոստիկանապետ է նշանակվել

Կառավարությունը մտադիր է պետական նոր մարմին ստեղծել, որը եւս կղեկավարի Քաղավիացիայի կոմիտեի ղեկավար Տաթեւիկ Ռեւազյանը

Որոշ փողոցներում կլինի կայանման արգելք, որոշներում՝ գնի թանկացում. կսահմանափակվի ավտոմեքենաների մուտքը Երեւանի կենտրոն

Իմ խոսքը ՅՈՒՆԵՍԿՕ-ի թեմատիկ քննարկմանը. վարչապետ (ուղիղ)

Հոլիվուդը սպասում է Թոմի եւ Ջերիի մասին պատմող նոր ֆիլմին. դրանում հայտնի «թշնամիներին» վռնդում են տնից

30 համարի երթուղու 3 վարորդներ խիստ նկատողություն են ստացել հաշմանդամություն ունեցող քաղաքացուն չսպասարկելու համար

Վարչապետը հանդիպում է ունեցել ՖՄԿ գլխավոր քարտուղար Լուիզ Մուշիկիվաբոյի հետ