Եթե «Գոլդեն Փելես»-ը շահագործելու լավ տարբերակներ չլինեն, բացառվում է, որ այն շահագործի պետությունը․ Նարեկ Բաբայան

Եթե «Գոլդեն Փելես» հյուրանոցը շահագործելու լավ տարբերակներ չլինեն, բացառվում է, որ այն շահագործի պետությունը։ Այս մասին այսօր Ազգային ժողովում՝ լրագրողների հետ զրույցում, ասաց Պետական գույքի կառավարման նախագահ Նարեկ Բաբայանը։

Նա նշեց, որ ՀՀ մաքսային պետական կոմիտեի նախկին նախագահ Արմեն Ավետիսյանի որդուն պատկանող «Գոլդեն Փելես» հյուրանոցում գույքի գույքագրումն ու գնահատումը տեղի է ունեցել դեռևս գարնանը, եւ, ընդհանուր առմամբ, հյուրանոցի անշարժ եւ շարժական գույքը կազմում է շուրջ 16,5  մլն դոլար․

«Ներսի գույքը՝ 300 մլն դոլարից ավելի է։ Առայժմ փոխանցում տեղի չի ունեցել, առաջիկա շաբաթների ընթացքում տեղի կունենա: Հիմա մենք ուղղակի քննարկում ենք լավագույն ձեւը կլինի օտարե՞լը, թե՞ հավատարմագրային կառավարման տալը: Այս պահին դեռևս հստակ որոշում չկա: Պետք է վերցնենք լավագույն առաջարկը և այդ պայմաններով դրվի աճուրդի»:

Հարցին՝ արդեն գին հնչեցնողներ եղե՞լ են, Բաբայանը դրական պատասխան տվեց, սակայն գները եւ դրանք հնչեցրած մարդկանց անունները չհայտնեց՝ պնդելով, որ ամեն ինչ պետք է վերջնական ստուգված լինի, որպեսզի կարողանա ասել։

Բաբայանը տեղեկացրեց, որ շենքից գույք չի պակասել, եւ եթե պակաս լիներ, ապա այն չէին կարող ընդունել, ավելին՝ հստակ գույքագրում է եղել, և այն ամենը, ինչ թողել են, ամբողջությամբ գույքագրվել, գնահատվել է:

Լրագրողները հետաքրքրվեցին՝ ինքը հանդիպե՞լ է հյուրանոցի սեփականատեր Արմեն Ավետիսյանի հետ և ինչո՞վ էր պայմանավորված, որ վերջինս սեփականությունը որոշել է փոխանցել պետությանը, Նարեկ Բաբայանը պատասխանեց, որ չի հանդիպել եւ վերոնշյալ հանգամանքներից տեղյակ չէ։

Հարցին՝ կա՞ն էլի անձինք, որոնք ցանկանում են իրենց գույքը նվիրաբերել պետությանը, Բաբայանը պատասխանեց, որ ինքն այս պահին նման տեղեկատվություն չունի։

Հիշեցնենք, որ սեպտեմբերի 26-ին ՀՀ կառավարությունը հավանության արժանացրեց «Գոլդեն Փելես» ՍՊԸ-ի սեփականություն հանդիսացող գույքը, որի արժեքը 7 մլրդ  535 մլն 889 հազար դրամ է, նվիրաբերել պետությանը:

Հարցը զեկուցող տարածքային կառավարման եւ ենթակառուցվածքների նախարար Սուրեն Պապիկյանը նշել էր, որ գույքը պետք է հատկացվի Պետական գույքի կառավարման կոմիտեին՝ հետագայում այն պետության կարիքների համար շահագործելու նպատակով: Նախագծով նախատեսվում է գույքի հանձման եւ ընդունման աշխատանքների ավարտից հետո գույքի պահպանության աշխատանքների կազմակերպումը վերապահել ՀՀ ոստիկանությանը մինչեւ ՀՀ կառավարության՝ գույքի հետագա տնօրինման վերաբերյալ համապատասխան որոշման ընդունումը:

Հիշեցնենք, որ, ըստ 2018 թվականի հոկտեմբերին ԱԱԾ Քննչական վարչության տարածած հաղորդագրության, 2010-2012 թթ. Ծաղկաձորում կառուցվել է «Գոլդեն Փելես» հյուրանոցը, որի սեփականատեր դարձել էր Անգլիայի Դուգլաս քաղաքում հիմնադրված «Գոլդեն գրուպ լիմիտեդ» ՓԲԸ-ն, որի 100 տոկոս բաժնետեր հանդիսացել է ՀՀ մաքսային պետական կոմիտեի նախկին նախագահ Արմեն Ավետիսյանի որդին՝ Արտաշես Ավետիսյանը: Ավետիսյանը ցանկություն էր հայտնել հյուրանոցը նվիրաբերել պետությանը:

Տպել
1055 դիտում

Վաղարշակ Հարությունյանը հանդիպել է ԿԽՄԿ ներկայացուցիչների հետ (լուսանկարներ)

2020թ. մարտից մինչև նոյեմբերի 1-ը ԱՆ-ն կորոնավիրուսի դեմ պայքարում ծախսել է 15.168.400.586 դրամ

Բարձր ենք գնահատում Ֆրանսիայի կողմից ցուցաբերված ցանկացած աջակցություն. Արսեն Թորոսյան

Տեղի կունենա ՀԱՊԿ անդամ երկրների արտաքին գործերի նախարարների խորհրդի նիստ

Գերիների վերադարձն ու դիակների փոխանակումը պահանջում է հրատապ լուծում. ՀՀ ՄԻՊ

Միջոցներ են ձեռնարկվել Ադրբեջանի կողմից ՀՀ և ԱՀ գործող և նախկին պաշտոնատար անձանց նկատմամբ հայտարարված հետախուզման դեմ

Առաջարկում ենք ստեղծել եռակողմ հանձնաժողով, որն անարգել կայցելի երկու կողմերում պահվող ռազմագերիներին. Էդմոն Մարուքյան

Արցախի հատուկ անցակետերում իրականացվում է ուժեղացված ծառայություն

ՀՔԾ պետ Սասուն Խաչատրյանը պարգևատրվել է Մխիթար Գոշի մեդալով

Ինչ ազդեցություն ունի Սոթքի հանքը ՀՀ տնտեսության մեջ. մեկնաբանում են տնտեսագետն ու պատգամավորը

Պայթյուն լսելու դեպքում խնդրում ենք խուճապի չմատնվել. Ասկերանում և Ստեփանակերտում վնասազերծում է իրականացվում. ԱՀ ԱԻՊԾ

Հանրահավաքի մասնակիցների ուղղությամբ ծխանռնակ նետելու գործը մեղադրական եզրակացությամբ ուղարկվել է դատարան

ՀՔԾ հատկապես կարևոր գործերի ավագ քննիչ Հայկ Մանանդյանը պարգևատրվել է Մխիթար Գոշի մեդալով

Արմեն Սարգսյանը մասնավոր այցով​ մեկնել է​ Ռուսաստանի Դաշնություն

Ստեփանակերտում և շրջաններում մեկնարկել են վերանորոգման և վերակառուցման աշխատանքները

Հաստատվել է կորոնավիրուսի 1248 նոր դեպք, առողջացել է 1330, մահացել՝ 31 մարդ

Հոկտեմբերին ՀՀ ֆինանսների նախարարությունում պարգևավճարներ չեն բաժանվել. նախարարության պարզաբանումը

Այսօր դուրս կբերվի Աստվածամուխ Սուրբ Գեղարդը. ՀԱԵ-ն նշում է հայոց առաջին լուսավորիչների տոնը

Հրդեհ է բռնկվել Մարմարաշենի տներից մեկում

Միացյալ Թագավորության Շտապ բուժօգնության թիմը կաջակցի Հայաստանի առողջապահության նախարարությանը