Դուք կանխակալ, բացասական վերաբերմունք ունեք Քոչարյանի նկատմամբ. պաշտպանը դատավորին ինքնաբացարկի երկու հիմք ներկայացրեց

Ռոբերտ Քոչարյանի պաշտպանը այսօրվա նիստին ինքնաբացարկի միջնորդություն ներկայացրեց գործը նախագահող դատավոր Աննա Դանիբեկյանին:

Ինքնաբացարկի միջնորդություն ներկայացնելու մտադրության մասին պաշտպանները բարձրացրին նախորդ նիստի ժամանակ, երբ Աննա Դանիբեկյանը մերժեց Քոչարյանին գրավով կամ ստորագրությամբ ազատ արձակելու միջնորդությունը:

Հայկ Ալումյանը ինքնաբացարկի երկու հիմք ներկայացրեց. «Առաջինը՝ դուք սույն գործը քննելու համար պատշաճ դատարան չեք կարող համարվել եւ երկրորդ՝ կանխակալ բացասական վերաբերմունք ունեք պարոն Քոչարյանի նկատմամբ»:

Ալումյանը մեջբերեց Քոչարյանի մեղադրանքից դրվագներ՝ նշելով, որ մեղադրանքում Քոչարյանի՝ արտակարգ դրություն հայտարարելու մասին հրամանագիրը որակված է՝ որպես ապօրինի՝ Սահմանադրությանը հակասող: «Սույն գործի քննության շրջանակներում դուք պետք է ի թիվս այլնի՝ գնահատական տաք այն հարցին, թե արդյոք ՀՀ նախագահի արտակարգ դրություն հայտարարելու մասին հրամանգիրը հակասե՞լ է Սահամնադրությանը, թե՞ ոչ, սակայն հրամանագրի Սահմանադրության համապատասխանության հարցի քննությունը դուրս է սույն դատարանի իրավասության շրջանակներից»,- ասաց Ալումյանը: Նա նշեց, որ ՀՀ նախագահի հրամանագրերի Սահմանադրությանը համապատասխանելու հարցը վերապահված է ոչ թե առաջին ատյանի դատարանին, այլ Սահմանադրական դատարանին եւ Ազգային ժողովին: «Որեւէ այլ մարմին Սահմանդրությամբ եւ օրենքներով այդպիսի լիազորությամբ օժտված չէ: Դատարանի կողմից սույն գործի քննությունը հակասում է ինչպես Եվրոպական կոնվենցիային, այնպես էլ՝ ՀՀ դատական օրենսգրքին, ՀՀ Սահմանադրական օրենքին, եւ սա ընդամենը մեկ հիմքն էր, որով դուք իրավասու չեք քննել սույն գործը»,- հայտարարեց Ալումյանը:

Որպես երկրորդ հիմք Ալումյանը նշեց այն, որ գործի վերաբաշխումը ոչ թափանցիկ եւ փակ է անցկացվել: «Այս գործն ունի աննախադեպ մեծ հասարակական հնչողություն, ուստի գործը քննող դատավորի ընտրության գործընթացի թափանցիկությունը կարեւոր նշանակություն ունի ոչ միայն դատավարության մասնակիցների, այլ նաեւ՝ հանրության համար: Կանխատեսելով, որ դատավոր Դավիթ Գրիգորյանի լիազորությունների կասեցման կապակցությամբ սույն քրեական գործը փոխանցվելու է Երեւան քաղաքի առաջին ատյանի դատարանի մեկ այլ դատավորի՝  գրավոր դիմել էի Երեւան քաղաքի դատարանի նախագահին՝ խնդրելով երկու բան. առաջինը՝ հնարավորություն տալ պարոն Ռոբերտ Քոչարյանի պաշտպաններ Ալումյանին, Սահակյանին, Օրբելյանին եւ Խուդոյանին ներկա գտնվելու սույն գործի համակարգչային բաշխման գործընթացին եւ տեսանկարահանել այն, ինչպես նաեւ՝ այդ գործընթացը դարձնել թափանցիկ՝ հնարավորություն տալով ԶԼՄ-ներին մասնակցելու դրան եւ լուսաբանելու այն: Չնայած իմ գրավոր միջնորդությանը՝ գործի վերաբաշխման գործընթացն անցել է փակ, ոչ թափանցիկ, իսկ միջնորդության մեջ նշված անձանց հնարավորություն չի տրվել ներկա գտնվելու դրան: Ոչ թափանցիկ եւ օրենքի խախտմամբ սույն գործի փոխանցումը ձեզ անկողմնակալ դիտորդի տեսանկյունից կարող է վկայել այն մասին, որ գործի բաշխման գործընթացը կազմակերպվել եւ անց է կացվել այնպիսի եղանակով, որ գործը հանձնվի նախապես որոշված դատավորի, տվյալ դեպքում՝ ձեզ: Այդպիսի գործընթացը բոլոր դեպքերում չի կարող համարվել օրինական, քանի որ այն տեղի է ունեցել իմ՝ որպես Ռոբերտ Քոչարյանի պաշտպանի իրավունքների խախտումներով: Սույն դատարանի կազմը ձեւավորվել է կամայականորեն: Դուք սույն գործը քննելու համար պատշաճ դատավոր չեք, իսկ ձեր նախագահությամբ ստեղծված դատարանը չի կարող համարվել օրենքի հիման վրա ստեղծված դատարան»,- ասաց Քոչարյանի պաշտպանը:

Ալումյանը նշեց, որ Աննա Դանիբեկյանը սույն գործը քննելու համար կանխակալ բացասական վերաբերմունք ունի Ռոբերտ Քոչարյանի նկատմամբ: Նա նշեց, որ մինչ գործով նիստի օր նշանակելը, պաշտպանական կողմը Քոչարյանի խափանման միջոցի վերաբերյալ մի քանի միջնորդություններ է ներկայացրել, սակայն Դանիբեկյանը դրանք չի քննել, նաեւ որոշում չի կայացրել դրանք առանց քննության թողնելու կամ լուծումը հետաձգելու մասին: «...Միջնորդությունների վերաբերյալ անմիջապես որոշում չկայացնելը պայմանավորված չի եղել օրենքի վատ իմացությամբ: Հետեւաբար մնում է ենթադրել, որ օրենքը խախտվել է դիտավորությամբ: Ավելին՝ ձեր կողմից 2019 թվականի սեպտեմբերի 2-ին որոշում է կայացվել սույն գործը դատական քննության նշանակելու մասին, եւ այդ որոշման մեջ դուք անդրադարձել եք պարոն Քոչարյանի խափանման միջոցի հարցին՝ կալանքը թողնելով անփոփոխ, ընդ որում, այդ որոշման մեջ դուք կրկին լուծում չեք տվել խափանման միջոցի վերաբերյալ պաշտպանի միջնորդություններին»,- ասաց Ալումյանը: Վերջինս հավելեց, որ Քոչարյանի կալանքը անփոփոխ թողնելու մասին որոշումը դատարանը կայացրել է առանց այդ հարցի քննությանը Քոչարյանին եւ նրա պաշտպաններին մասնակից դարձնելու: «Խախտելով օրենքը, Սահմանադրությունը՝ դուք դա արել եք գիտակցաբար եւ ամեն կոնկրետ դեպքում՝ ի վնաս պարոն Քոչարյանի: Ինչը կասկած չի թողնում, որ դուք կանխակալ, բացասական վերաբերմունք ունեք պարոն Քոչարյանի հանդեպ եւ բաց չեք թողնում որեւէ հնարավորություն՝ ձեր դրված իշխանությունը ի վնաս նրա օգտագործելու համար»,- հայտարարեց Ալումյանը եւ միջնորդեց դատավորին ինքնաբացարկ հայտնել:

«Հայկական Ժամանակ»-ը Telegram-ում
Տպել
3467 դիտում

ՊԵԿ նախագահը Վրաստանում հանդիպել է ֆինանսների նախարարության քննչական ծառայության ղեկավար Սոսո Ռամիշվիլիի հետ

ՀՀ-ին է վերադարձվելու Երևանի հեռուստաաշտարակին հարող տարածքի շուրջ 644 հազար ԱՄՆ դոլար արժեքով հողամասը

Դոլարն ու եվրոն թանկացել են. ինչ փոփոխություններ է արձանագրել տարադրամի շուկան մարտի 7-ին

Հուսամ՝ պարոն համապատասխանը վերջում բլոգերուհուն նիվա կնվիրի. Չախոյան

Աննա Հակոբյանը տեսանյութ է հրապարակել

ՀՀ ֆինանսների նախարարը Լյուքսեմբուրգում նշել է «Խաղաղության խաչմերուկ»-ի և ԵՄ-ի հետ գործընթացի կարևորությունը

Կնոջը ծեծի ենթարկած և կրակայրիչով հրկիզած ամուսինը կալանավորվել է

Համագործակցությունը միտված է ավելի կարգապահ հարաբերությունների վրա հիմնված բանակ ունենալուն. Պապիկյան

Ավինյանի և Արաբկիրում կառուցապատողի միջև քավոր-սանիկական հարաբերությունների մասին պնդումները սուտ են

Գարունը լիարժեք դիրքավորվում է. ինչ եղանակ է սպասվում առաջիկա օրերին

Բելլա Բաբախանյանը կարող է ներկայանալ և ծանոթանալ բելառուսական կողմին արված հարցման հայտագրին. ԱԳՆ

Երևանում բախվել են «Լեքսուս»-ն ու բեռնատարը

2024 թվականի ընթացքում ՀՀ զինված ուժերում մահացել է 40 զինծառայող. հայտնի են հանգամանքները

Արալեզի նոր մանկապարտեզը կառուցված է. վարչապետը տեսանյութ է հրապարակել

Բախումներ Սիրիայի նոր իշխանությունների և Ասադի կողմնակիցների միջև. Լաթաքիայում և Տարտուսում պարետային ժամ է

Զինդատախազությունը 2024-ին պետական շահերի պաշտպանության ոլորտում պետությանն է վերադարձրել 11,3 մլն դոլար

SpaceX-ի Starship-ը կորցրել է կապը 8-րդ փորձնական թռիչքի ժամանակ. ենթադրաբար օդում պայթել է. տեսանյութ

ՊԵԿ նախագահը Կակավայի հետ քննարկել է հայ-վրացական սահմանին համատեղ հսկողության մասին պայմանավորվածությունները

Transparency International կազմակերպության ադրբեջանական մասնաճյուղը կլուծարվի

ՄԻՊ-ն ու 44-օրյա պատերազմի ընթացքում զոհված զինծառայողի ծնողները քննարկել են վերջիններիս բարձրացրած խնդիրը

Բարի լույս, Երևան ջան․ Ալեն Սիմոնյանը տեսանյութ է հրապարակել

Թրամփը ստորագրել է ԱՄՆ-ում բիթքոինի պահուստ ստեղծելու գործադիր հրաման. այնտեղ կներառվի առգրավված արժույթը

Ucom-ը ցանցի վերազինման նոր խոշոր նախագիծ է սկսում

Ես զոհ չեմ, ինձ պետք չէ խղճալ, քանի որ սա գիտակցված որոշում է. Վարդանյանը Բաքվից ուղերձ է հրապարակել

Ծառուկյանի «PR օպերացիայի» փլուզումից հետո ձեր ղալաթներն արեք առանց ՀՀ անունը հիշելու․ Սաֆարյանը՝ Բելլային

Մետրոն ավելին է, քան պարզապես տրանսպորտի միջոց, այն քաղաքի շարժի ու զարգացման խորհրդանիշն է. Բաբկեն Սեդրակյան

Միգրանտների մեջ կարևոր է բացահայտել նրանց, ովքեր ՌԴ-ում գումար են վաստակում և չեն ուզում հարկ վճարել. Մեդվեդև

Խնդրում եմ ձեր կարծիքը ծխախոտի վաճառքի տարիքը 18-ի փոխարեն 21 տարեկան դարձնելու իմ առաջարկի մասին. Արշակյան

ՌԴ ԱԳՆ-ն հերքել է ՀԱՊԿ-ից Հայաստանի դուրս գալու տեղեկությունը

Մարալիկի թիվ 1 միջնակարգ դպրոցից տնտեսվարը ջնջխված գլխով տեղափոխվել է հիվանդանոց

Եթե Հայաստանը չվճարի ՀԱՊԿ-ում իր ներդրումի մասը, տարբեր սցենարներ կդիտարկվեն. Պանկին

Զելենսկին ՆԱՏՕ-ի գլխավոր քարտուղարի հետ քննարկել է Ուկրաինայի անվտանգության երաշխիքների ծրագիրը

Հրդեհ Բյուրավան գյուղում

Սուրեն Արզումանյանը՝ Հայաստանի բասկետբոլի կանանց Մ18 հավաքականի գլխավոր մարզիչ

Ամուսնու կողմից դաժան վերաբերմունքի արժանացած, ծեծված և նկուղում հրկիզված կինը նոր մանրամասներ է պատմել

Ավտոբուսով, քաղաքացիների հետ շփվելով՝ եկա աշխատավայր. վարչապետը տեսանյութ է հրապարակել

Կանխվել է շուրջ 450 միլիոն դրամի թմրամիջոցը Իրանից տեղափոխելու և Հայաստանում իրացնելու փորձը

ՀՀ տարածքում կան փակ ավտոճանապարհներ

ՊԵԿ նախագահն այցելել է Գյումրու և Վանաձորի մաքսային հսկողության գոտիներ, Բագրատաշեն և Այրում անցակետեր

Երևանում փոշու պարունակությունը գերազանցել է սահմանային թույլատրելի կոնցենտրացիան