Եվրո 2020-ի որակավորման փուլը մոտենում է ավարտին, ու 6 հավաքականներ արդեն կարող են ազատ շունչ քաշել: Նրանցից վերջինն ուղեգիր նվաճեց Իսպանիան: Երեկ՝ հոկտեմբերի 15-ին, Շվեդիայի դեմ խաղում ոչ-ոքիով (1:1) վաստակած 1 միավորը բավական էր՝ հաջողակներին միանալու համար: F խմբում 2-րդ ուղեգրի համար կպայքարեն 15 միավոր ունեցող Շվեդիան ու 14 միավոր ունեցող Ռումինիան:

B խմբում բացառիկ նվաճման հասավ Ուկրաինան: Պատմության մեջ առաջին անգամ Եվրոյի ուղիղ ուղեգիր ձեռք բերեց: Եվրոպայի առաջնությանն Ուկրաինան մասնակցել է 2012 թ., սակայն այն ժամանակ այդ իրավունքն ստացել է ոչ թե արդյունքների շնորհիվ, այլ՝ որպես Լեհաստանի հետ հյուրընկալող երկիր: Թիմն ուղեգիրը նվաճեց հոկտեմբերի 14-ին՝ 8-րդ տուրի շրջանակներում Եվրոպայի չեմպիոն Պորտուգալիային տանը հաղթելուց հետո (2:1): Որակավորման փուլում Ուկրաինան մեկ անգամ էլ հյուրընկալվելիս ոչ-ոքի էր խաղացել խմբի անվիճելի ֆավորիտի հետ (0:0): Ուկրաինան 19 միավորով առաջինն է, իսկ 2-րդ ուղեգրի համար 11 միավոր ունեցող Պորտուգալիան պետք է պայքարի 10 միավոր ունեցող Սերբիայի դեմ:

G խմբում իրեն արդեն հանգիստ կարող է զգալ Լեհաստանը: 19 միավորով առաջինն է: 2-րդ ուղեգրի հիմնական հավակնորդն այստեղ Ավստրիան է: 16 միավորով ընթանում է 2-րդ հորիզոնականում: 5 միավորով գերազանցում է մոտակա հետապնդողին՝ Մակեդոնիային:

I խմբում մրցաշարային առումով ամեն ինչ որոշված է: Այստեղ 2 ուղեգրերի տերերն էլ հայտնի են՝ Բելգիա եւ Ռուսաստան: Որակավորման փուլի ավարտից 2 տուր առաջ Բելգիան 24 միավորով առաջինն է: Ռուսաստանը զիջում է 3 միավորով ու 2-րդն է:

J խմբում, որտեղ հանդես է գալիս նաեւ Հայաստանը, 8 խաղում 8 հաղթանակով ու 24 միավորով արդեն խնդիրներ չունի Իտալիան: Աշխարհի քառակի չեմպիոնին այս խմբից միանալու լուրջ հայտ է ներկայացրել Ֆինլանդիան: Երեկ սեփական հարկի տակ Հայաստանին խոշոր հաշվով (3:0) հաղթելուց հետո մնում է ընտրական փուլը հասցնել տրամաբանական ավարտին: Ֆիններն ունեն 15 միավոր՝ մոտակա հետապնդողներին՝ Հայաստանին ու Բոսնիա եւ Հերցեգովինային գերազանցում է 5 միավորով: Եթե անկանխատեսելի զարգացումներ չլինեն, մնացած խաղացանկը հաշվի առնելով՝ Ֆինլանդիային ոչ ոք չի խանգարի:

Այս պահին 10 խմբերում պատկերն այսպիսին է.

A խումբ

1.Անգլիա 15 միավոր

2.Չեխիա 12 միավոր

3.Կոսովո 11 միավոր

4.Չեռնոգորիա 3 միավոր

5.Բուլղարիա 3 միավոր

B խումբ

1.Ուկրաինա 19 միավոր

2.Պորտուգալիա 11 միավոր

3.Սերբիա 10 միավոր

4.Լյուքսեմբուրգ 4 միավոր

5.Լիտվա 1 միավոր

C խումբ

1.Հոլանդիա 15 միավոր

2.Գերմանիա 15 միավոր

3.Հյուսիսային Իռլանդիա 12 միավոր

4.Բելառուս 4 միավոր

5.Էստոնիա 1 միավոր

D խումբ

1.Իռլանդիա 12 միավոր

2.Դանիա 12 միավոր

3.Շվեյցարիա 11 միավոր

4.Վրաստան 8 միավոր

5.Ջիբրալթար 0 միավոր

E խումբ

1.Խորվաթիա 14 միավոր

2.Հունգարիա 12 միավոր

3.Սլովակիա 10 միավոր

4.Ուելս 8 միավոր

5.Ադրբեջան 1 միավոր

F խումբ

1.Իսպանիա 20 միավոր

2.Շվեդիա 15 միավոր

3.Ռումինիա 14 միավոր

4.Նորվեգիա 11 միավոր

5.Ֆարերյան կղզիներ 3 միավոր

6.Մալթա 3 միավոր

G խումբ

1.Լեհաստան 19 միավոր

2.Ավստրիա 16 միավոր

3.Մակեդոնիա 11 միավոր

4.Սլովենիա 11 միավոր

5.Իսրայել 11 միավոր

6.Լատվիա 0 միավոր

H խումբ

1.Թուրքիա 19 միավոր

2.Ֆրանսիա 19 միավոր

3.Իսլանդիա 15 միավոր

4.Ալբանիա 12 միավոր

5.Անդորրա 3 միավոր

6.Մոլդովա 3 միավոր

I խումբ

1.Բելգիա 24 միավոր

2.Ռուսաստան 21 միավոր

3.Կիպրոս 10 միավոր

4.Շոտլանդիա 9 միավոր

5.Ղազախստան 7 միավոր

6.Սան Մարինո 0 միավոր

J խումբ

1.Իտալիա 24 միավոր

2.Ֆինլանդիա 15 միավոր

3.Հայաստան 10 միավոր

4.Բոսնիա եւ Հերցեգովինա 10 միավոր

5.Հունաստան 8 միավոր

6.Լիխտենշտեյն 2 միավոր

Որակավորման փուլի վերջին 2 տուրերը կկայանան նոյեմբերի 14-19-ը: Հայաստանը նոյեմբերի 15-ին կընդունի Հունաստանին, իսկ 18-ին կհյուրընկալվի Իտալիային:

Ընտրական փուլի արդյունքներով կորոշվեն Եվրոպայի 2020 թ. առաջնության 20 մասնակիցները: Մնացած 4 ուղրեգրերը կխաղարկվեն 2020 թ. մարտին կայանալիք փլեյ-օֆում, որին կմասնակցեն Ազգերի լիգայի արդյունքներով դրան մասնակցելու իրավունք ստացած 16 թիմերը:

Տպել
823 դիտում

Ուսուցիչները խճճվել են՝ երգի դասին երգել կարելի՞ է, թե՞ չէ. ԿԳՄՍՆ պարզաբանումը

Կինոկենտրոնը սկսել է «Հայֆիլմ» ստուդիայի տարածքում գտնվող նյութերի հավաքագրման, արխիվացման և ուսումնասիրման աշխատանքները

Փամբուխչյանի մանդատը կփոխանցվի Գոռ Երանյանին. նա նախ հրաժարվել էր մանդատը վերցնել, հիմա փոշմանել է

ԱԱՏՄ-ն շարունակում է վերահսկողական աշխատանքները․ խախտումների դեպքում կասեցման փոխարեն այժմ կկիրառվի տուգանք

Ինչ-որ իմաստով Վենետիկը նաև հայկական քաղաք է․ նախագահականում կգործի իտալական արվեստի բացառիկ նմուշների ցուցադրություն

ՀՔԾ-ն պարզաբանում է դատարանի կողմից Արթուր Ղազինյանի բողոքը բավարարելու մասին լուրերը

ՍԴ-ն անցել է նախագահի և փոխնախագահի ընտրության հարցի քննարկմանը. եղել է 1 առաջադրում և 1 ինքնաառաջադրում

«Խորհուրդ կտամ մեզ հետ նման տոնով չխոսել». ՀՊՏՀ-ում վերսկսում են դասերը՝ պայքարի այլ ուղիներ քննարկելով

Պաշտպանը Գագիկ Ծառուկյանի գործով հանցագործության մասին հաղորդում է ներկայացվել գլխավոր դատախազին եւ ՀՔԾ պետին

Մեկնարկել է «Հայկական գինիները Ռուսաստանում» ծրագիրը

Հայաստանի եւ Արցախի ԱԺ նախագահները քննարկել են երկկողմ համագործակցության զարգացմանն ու խորացմանն ուղղված մի շարք հարցեր

Տիգրան Բադալյանի շրթունքները կարված են եղել. ՄԻՊ ներկայացուցիչները չհայտարարված այց են իրականացրել «Արմավիր» ՔԿՀ

ԱԺ նախկին պատգամավոր Արթուր Գեւորգյանը ԱՄՆ-ում ձերբակալվել է. ՀՀ դատախազությունը դիմում կուղարկի ԱՄՆ

ԿԳՄՍՆ փոխնախարար Գրիշա Թամրազյանն ազատման դիմում է գրել. ոլորտում ամենաաղմկոտ իրադարձությունները նրա հետ են կապվում

ՔՊ-ում ընդլայնված նիստ է հրավիրվել. ներկա կլինի նաեւ վարչապետը

«Էությունն էլ եմ հասկանում, տողատակերն էլ». Սեդրակ Առուստամյանն իրեն մեղավոր չճանաչեց

Վլադիմիր Պուտինին առաջադրել են խաղաղության Նոբելյան մրցանակի

Սեդրակ Առուստամյանի պաշտպանը միջնորդեց դատակոչել Երեւանի քաղաքապետի խորհրդական Կամո Արեյանին

Ծեծի մեղադրանքով հետախուզվող կինը հայտնաբերվել է Գյումրիում

Բնակավայրը պետք է ինքնին չնշանակի որոշակի ապրելակերպ, իսկ շատ գյուղերում շատ փողոցներ ուղղակի հողային վիճակում են