Մեղրին կգազիֆիկացվի, կառավարությունը պատրաստ է տրամադրել գումարը․ Սուրեն Պապիկյան

ՀՀ տարածքային կառավարման եւ ենթակառուցվածքների նախարար Սուրեն Պապիկյանն այսօր՝ հոկտեմբերի 16-ին,  խորհրդակցություն է անցկացրել Սյունիքի մարզպետարանում։ Այս մասին հայտնում են Սյունիքի մարզպետարանից։

Նշենք, որ նախարարը երկօրյա այցով Սյունիքում է եւ երեկ ու այսօր մարզպետ Հունան Պողոսյանի, փոխնախարարներ Բագրատ Բադալյանի եւ Հակոբ Վարդանյանի ուղեկցությամբ անցնելով Սիսիանից մինչեւ Մեղրի՝ ծանոթացել է Մ2 միջպետական մայրուղում կատարվող ճանապարհաշինական, ինչպես նաեւ «Իրան-Հայաստան 400 կՎ 3-րդ էլեկտրահաղորդման գծի» ենթակայանների կառուցման աշխատանքներին։

Մարզպետարանում կայացած հանդիպմանը ներկա էին Սյունիքի մարզպետն ու փոխմարզպետը, մարզպետարանի կառուցվածքային ստորաբաժանումների, համայնքների ղեկավարները, բնակավայրերի վարչական ղեկավարները, ինչպես նաեւ ուժային եւ պետական մի շարք կառույցների մարզային պատասխանատուները։

Սուրեն Պապիկյանը նախ շնորհավորեց Հունան Պողոսյանին պաշտոնավարման մեկ տարվա լրանալու կապակցությամբ՝ հիշելով, որ 2018-ի հոկտեմբերի 16-ին նույն դահլիճում ներկայացրել է նրան ու հավելեց, որ այսօրվա այցը պատահականորեն է համընկել։

«Յուրաքանչյուր արդյունավետ աշխատանք ավելիին հասնելու նոր մղում է, ուստի նորանոր հաջողություններ եմ մաղթում Ձեզ հետագա գործունեության ընթացքում», - ասաց նախարարը։

Ս․Պապիկյանը անդրադարձավ համայնքների խոշորացման ծրագրին՝ փորձելով ամփոփել, թե, ի վերջո, ինչ է տալիս այն Սյունիքին ու փաստեց, որ սկսվածը հանրապետության համար կարեւոր գործընթաց է, որից չպետք է հրաժարվել, իսկ դրա վառ օրինակը Սյունիքի մարզն է, որտեղ ինքը հաջողություն գրանցած համայնքներ է տեսնում։

Քննարկվեցին այս տարի իրականացվող սուբվենցիոն ծրագրերը, եւ մարզպետը նախարարին ներկայացրեց մեր մարզում դրանց ներկա ընթացքը, կատարված աշխատանքներն ու նաեւ նախագծման, գործը ժամկետում ավարտելու հետ կապված խնդիրները։

Տարբեր հարցերի շուրջ քննարկումից հետո ՀՀ ՏԿԵ նախարարը պատասխանեց ներկաների հարցերին, որոնք մասնավորապես վերաբերում էին գյուղական ճանապարհներին, ոռոգման ջրի բացակայությանը, միջհամայնքային տրանսպորտին, վառելափայտի խնդրին եւ այլն։

Մարզի համար ամենակարեւոր խնդիրներից մեկի՝ Մեղրու գազիֆիկացման մասին խոսելիս՝ Սուրեն Պապիկյանը հավաստիացրեց, որ այն ՀՀ կառավարության ուշադրության կենտրոնում է, եւ պետությունը պատրաստ է տրամադրել անհրաժեշտ գումարը, ծրագիրն անպայման կյանքի կկոչվի։

Նախարարը մարզկենտրոն էր հասել Տաթեւ-Կապան կարճ այլընտրանքային ճանապարհով, որի 12․5 կմ հատվածը պետբյուջեի միջոցներով նախատեսվում է նորոգել 2020 թվականին, ու նա տեղեկացրեց, որ տեսնելով դրա կարեւորությունը՝ կքննարկեն, եւ միգուցե հնարավոր կլինի վերանայել ու առավել մեծ ճանապարհահատվածի բարեկարգում իրականացնել։

Հիշեցնենք, Մեղրիի գազաֆիկացման բացակայությանն օրեր առաջ անդրադարձել էինք: Հայաստանի Հանրապետության հարավային դարպաս հանդիսացող Մեղրի խոշորացված համայնքը տարիներ շարունակ զրկված է կապույտ վառելիք ունենալուց: 2011 թ.-ին սկսված գազաֆիկացման աշխատանքներն այդպես էլ չավարտվեցին, պատճառը՝ նախորդ իշխանությունների քաղաքական կամքի բացակայությունն ու ոչ ավելի, ոչ պակաս՝ 256 մլն չունենալն էր:

Տպել
478 դիտում

Ողբերգական դեպք Երևանում․ «Սուրբ Գրիգոր Լուսավորիչ» բժշկական կենտրոնում 1,5 ամսական աղջնակ է մահացել

Գառնիի բնակարաններից մեկի նկուղում թմրանյութ է հայտնաբերվել

«Գիշեր էր: Մենք բախվեցինք փայտի մի մեծ կտորի».Վրաստանում ձկնորսական նավ է խորտակվել

«ԵՄ-ն շարունակելու է աշխատել հանուն Լեռնային Ղարաբաղի հակամարտության խաղաղ կարգավորման». Մոգերինի

Քաղաքական դաշտի որակը մտահոգիչ է․ իսկական ընդդիմություն է պետք

Ստեփանավան-Բերդ ավտոճանապարհին ավտոմեքենա է այրվել

ՀՀ պաշտպանության նախարար Դավիթ Տոնոյանն այցելել է զինվորական հոսպիտալ

Երեւանում Nissan March-ը բախվել է ծառին, հետո՝ գազատարին. կա 4 տուժած

Արցախում հարգանքի տուրք է մատուցվել Սպիտակի երկրաշարժի զոհերի հիշատակին

«Զվարթնոց» օդանավակայանում հայտնաբերվել է գումարով պայուսակ

Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

Ո՞ւմ է պետությունը բնակարան պարտք, ինչո՞ւ օգտվել սուբվենցիոն ծրագրերից. վարչապետը պատասխանել է շիրակամուտցիների հարցերին

Ինչ անել երկրաշարժից առաջ, հետո, և հատկապես՝ ցնցումների ժամանակ

Գեւորգ Լոռեցյանը, նրա վարորդը եւ ֆուտբոլային ակումբներից մեկի նախագահը կալանավորվել են

Թալանել են ՀՀ ԱԺ «Լուսավոր Հայաստան» խմբակցության պատգամավոր Հրանտ Այվազյանի ավտոմեքենան

Կոտայքի մարզի Նոր Երզնկա գյուղի տներից մեկում հրդեհ է բռնկվել, բնակիչները ծխահարվել են

«Բրատիսլավան Մինսկի խմբի համանախագահների շուրթերով Ադրբեջանին ասաց՝ ոչ». քաղաքագետ

Ֆինանսների նախարարությունը պարգևատրումներ կտա աշխատակազմի թվի փոփոխության հաշվին արված տնտեսումով

Զինված հարձակում Բաղդադում. կա 16 զոհ

Վանաձորում եւս խոնարհումի տուրք են մատուցել 1988 թվականի աղետի զոհերի հիշատակին