Առաջարկում ենք կուսակցությունների հիմնադիր անդամների պարտադիր պահանջվող թիվը 100-ից իջեցնել 80, հրապարակել նրանց ցուցակը

Խորհրդարանական կառավարման համակարգում կուսակցություններին վերապահված է ԱԺ ձեւավորելու բացառիկ իրավունք, ինչն ինքնին հնարավորություն է ստեղծում նաեւ մեզ համար պահանջներ դնել կուսակցությունների առջեւ՝ որպես յուրահատուկ միավորումներ, պահանջներ, որոնք կուսակցությունները կդարձնեն ավելի ժողովրդավար եւ ներառական մարմիններ։ Այս մասին այսօր Ազգային ժողովում՝ «Կուսակցությունների մասին» օրենքի խորհրդարանական լսումների ժամանակ, ասաց Հելսինկյան քաղաքացիական ասամբլեայի՝ Վանաձորի գրասենյակի ներկայացուցիչ Վարդինե Գրիգորյանը։

Գրիգորյանն առաջարկեց ներկայիս կուսակցությունների սահմանման մեջ շեշտ դնել հանրաքվեների, ՏԻՄ ընտրություններին մասնակցության միջոցով իշխանությունների քաղաքականության ձեւավորման վրա։ Նա նշեց, որ բացառությամբ Երեւան քաղաքի՝ մյուսների դեպքում կարելի է քննարկել քաղաքացիական նախաձեռնությունների առաջադրումների հնարավորությունը, ինչպես նաեւ ընդլայնել համամասնական ընտրակարգով ձեւավորվող ՏԻՄ-երի քանակը։

«Մինչդեռ ՀՀ Սահմանադրությունն ամրագրում է, որ քաղաքացիություն չունեցող, սակայն մեկ տարուց ավելի տվյալ համայնքում բնակվող անձինք ունեն ընտրելու եւ ընտրվելու իրավունք, այս մարդիկ փաստացի զրկված են իրենց նախընտրած կուսակցությանը ներգրավվելու հնարավորությունից, այլ արդյունավետ մասնակցությունից։ Առաջարկում եմ կուսակցության անդամակցության եւ կուսակցության քարոզարշավի ֆինանսավորման հնարավորություն տարածել ՀՀ-ում ընտրելու իրավունք ունեցող բոլոր անձանց վրա»։

Վարդինե Գրիգորյանը նշեց, որ կարող են լինել իրավաչափ սահմանափակումներ, որ կուսակցությունը կարող է հիմնադրվել միայն ՀՀ քաղաքացի հանդիսացող անձի կողմից։ Այսինքն՝ կուսակցության սովորական անդամ կարող են լինել ոչ ՀՀ քաղաքացիներ, իսկ հիմնադիր՝ միայն ՀՀ քաղաքացի։

ՀՔԱ Վանաձորի գրասենյակի ներկայացուցիչը առաջարկեց նաեւ կուսակցությունների հիմնադիր անդամների պարտադիր պահանջվող թիվը 100-ից իջեցնել 80, իսկ ընդհանուր անդամների թիվը՝ մինչեւ 300 անձ։ Բացի այդ, գրանցման փուլում պահանջ դնել, որ հիմնադիրների ցուցակը հրապարակվի, այն պատճառով, որ մեկ անձը կարող է հիմնադրել միայն մեկ կուսակցություն։

Գրիգորյանն իր ելույթում շեշտեց, որ կուսակցությունների հիմնադիրների թվում մեկ սեռի նվազագույն թիվը չպետք է քիչ լինի, քան 30 տոկոսը, իսկ կուսակցությունները պետք է ներկայացնեն ներառականության եւ ներկայացուցչական քաղաքականությունն ամրագրող փաստաթուղթ։ 

«Առաջարկում ենք խրախուսման նպատակով տրամադրել հավելյալ ֆինանսական աջակցություն ՏԻՄ համամասնական ընտրությունների մասնակից այն կուսակցություններին, որոնց մանդատների 40-60 տոկոսը տրամադրել են կանանց։ Տրամադրված հավելյալ ֆինանսավորումը պետք է օգտագործվի կուսակցության ներառականությունը ապահովելու համար»։

Տպել
9776 դիտում

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները

Վանաձորի բժշկական կենտրոն է դիմել 5 քաղաքացի՝ «սնկից թունավորում» նախնական ախտորոշմամբ

Երևանի Աղբյուր Սերոբի թիվ 1 շենքի բնակարաններից մեկում հայտնաբերվել է բնակչի դին

Հրդեհ Մյասնիկյան գյուղի Երևանյան փողոցում, հրդեհվել է տնակ՝ ամբարված կերերով

Արցախում հաստատվել է կորոնավիրուսի 2 նոր դեպք. փաստացի բուժում է ստանում 71 քաղաքացի