Երևան
6 °C
Ապրիլյան պատերազմի հանգամանքներն ուսումնասիրող խորհրդարանական քննիչ հանձնաժողովն այսօր հերթական փակ նիստն էր գումարել։ Հանձնաժողովի հրավիրյալը պատերազմական օրերին Լելե Թեփեի հատվածում մարտական գործողություններին մասնակցած ավագ սերժանտ է եղել։ Նա մանրամասներ է հայտնել, թե ինչպես է հակառակորդը գրավել այս բարձունքը։ Այս մասին նիստի ավարտից հետո լրագրողների հետ զրույցում ասաց հանձնաժողովի նախագահ Անդրանիկ Քոչարյանը՝ նշելով, որ հանձնաժողովականները ցավալի իրողությունների մասին տեղեկացան։
Լրագրողները Քոչարյանից հետաքրքրվեցին՝ ինչպե՞ս ենք կորցրել բարձունքը․ հանձնաժողովի նախագահը մի պահ լռեց, ապա ասաց, որ չի շտապի հայտարարություն անել, հանրությանն ամեն ինչ կներկայացնեն իրենց ժամանակին։
Միեւնույն ժամանակ, Քոչարյանը հայտնեց, որ շատ արժեքավոր տեղեկություններ ստացան հրավիրյալից եւ վստահ ասաց, որ նա այդ ժամանակ իրապես հերոսապատում կերտած զինվոր է։ Անդրանիկ Քոչարյանի կարծիքով՝ առաջին հարվածն իրենց վրա վերցրած զինվորներին լսելը նույնքան կարեւոր է, որքան հրամանատարական կազմին լսելը։ Ընդ որում՝ Լելե Թեփեի բարձունքը գրավելու մասով դեռ էլի հրավիրյալներ են լինելու։
Հանձնաժողովի նախագահի խոսքով՝ զինծառայողներին լսելն իրենցից ահռելի էներգիա է տանում, սակայն բարձրաստիճան զինվորականներին լսելիս նման զգացում չեն ունենում․
«Մեր երիտասարդ զինվորները շատ արագ, մի քանի օրվա մեջ ոչ միայն տղամարդ դարձան, այլ քառօրյա պատերազմի ընթացքում նրանց մեջ ձեւավերվեց երկիրը պահող տեսակ։ Նրանք շատ մեծ անելիք ունեն մեր պետականությունը ամրապնդելու հարցում»,- նկատեց Քոչարյանը։
Քննիչ հանձնաժողովի այսօրվա նիստին մասնակցել է նաեւ ՀՀ պաշտպանության նախկին նախարար Վաղարշակ Հարությունյանը՝ խորհրդատվության նպատակով․
«Վաղարշակ Հարությունյանը, լինելով բանակի ձեւավորման ակունքներում կանգնած մարդ, ապա նաեւ ՊՆ պաշտոնը զբաղեցրած մարդ, ԶՈՒ-երի հետ մշտական առնչություն ունեցող զինվորական, իր ռազմական գիտելիքները կարող է ծառայեցնել ի նպաստ մեր հանձնաժողովի»,- լրագրողների հետ զրուցում ասաց Անդրանիկ Քոչարյանը։
Պատասխանելով «Հայկական ժամանակ»-ի այն հարցին, թե Հարությունյանը մյուս նիստերին ե՞ւս մասնակցելու է, Քոչարյանն ասաց, որ երբ անհրաժեշտ է, նա օգնում է հանձնաժողովականներին։ Հանձնաժողովին խորհրդատվություն կմատուցեն նաեւ այլ զինվորականներ, որոնք արժեքավոր գեներալներ են ու կանգնած են ԶՈՒ կազմավորման հիմքում, այդ թվում՝ հրետանու մասնագետ, հետախուզության հետ կապված մասնագետ, ռազմաօդային ուժերի մասնագետ եւ այլք։ Հանձնաժողովի նախագահը դեռեւս անուններ չի տալիս՝ նշելով միայն, որ իրենք շարունակում են իրենց հետեւողական ճանապարհը՝ բոլոր հարցերին ամբողջական պատասխան գտնելու համար։
Անդրանիկ Քոչարյանի փոխանցմամբ՝ հանձնաժողովի աշխատանքի հինգ ամիսների ընթացքում եղել են դեպքեր, երբ տարբեր հրավիրյալների հայտնած տեղեկություններ իրար հակասել են։ Հաջորդ քայլը այդ տեղեկությունների իսկությունը ստուգելն ու հակասությունները պարզելն է լինում․ «Ամեն ինչ կարող են խոսել, բայց այդ ասածները դառնում են փաստեր, երբ ապացուցողական բազան դառնում է լիարժեք»,- նշեց նա։
Մեր հարցին՝ հնարավո՞ր է միաժամանակ հրավիրեն ԶՈՒ բարձրաստիճան պաշտոնյաների եւ զինծառայողների, կամ հակասող տեղեկություններ հայտնած պաշտոնյաների, Անդրանիկ Քոչարյանը բացասական պատասխան տվեց՝ նշելով, որ «առերեսում» չեն անելու, քանի որ դա քննչական գործողություն է, իսկ այս հանձնաժողովը միայն քննիչ հանձնաժողով է՝ կոնկրետ իրողության համար ստեղծված։ Սակայն, Քոչարյանը միաժամանակ շեշտեց, որ սուտ հաղորդումներն անհետեւանք չեն մնալու ու խորհուրդ տվեց հրավիրյալներին այդ ճանապարհով չգնալ․ «Սուտն անմիջապես բացահայտվում է»,- ընգծեց նա։
Լրագրողներն Անդրանիկ Քոչարյանից այս անգամ եւս հետաքրքրվեցին, թե եթե Սերժ Սարգսյանն այնուամենայնիվ հրաժարվի ներկայանալ հանձնաժողովի նիստերին, ապա առանց նրա պատասխանների հանձնաժողովը կունենա՞ համապարփակ ինֆորմացիա։ Ի պատասխան՝ Քոչարյանը նախ կրկնեց իր պնդումը, որ չի հավատում, թե որեւէ մեկը կարող է հրաժարվել այսքան կարեւոր հանձնաժողովին հայտնել իր իմացած տեղեկությունները, ապա շարունակեց․
«Սերժ Սրագսյանը եղել է երկրի գերագույն, գլխավոր հրամանատարը, եւ ուզի, թե չուզի, հանձնաժողովը հարցեր ունի իրեն։ Մեր աշխատանքն իր բազմաճյուղ ուսումնասիրության ընթացքում գալու է նրան, որ մենք հարցեր ենք ունենալու Սերժ Սարգսյանին՝ իր գործառույթի հետ կապված»։
Լրագրողները նաեւ հարցրին, թե արդյոք ապրիլյան զարգացումների ժամանակ Սերժ Սարգսյանի՝ երկրից բացակայությունը պատահականությո՞ւն էր։ Քոչարյանը պատասխանեց, որ Սերժ Սարգսյանը միշտ էլ վճռական պահերին չի եղել երկրում, բայց քանի դեռ նրա բացակայությունը մանրամասն ուսումնասիրված չէ, չի կարող ասել՝ դա պատահակա՞ն է եղել, թե միտումնավոր։
Բոլոր դեպքերում, Քոչարյանի վստահեցմամբ, եթե նույնիսկ Սարգսյանը հրաժարվի հանձնաժողովում պատասխանել իրենց հարցերին, ապա իրենք ունեն իրենց հաջորդ քայլերը, դրանցից մեկն էլ այդ հարցերը հրապարակային հնչեցնելն է։ Սակայն, Քոչարյանը դեռ չի ցանկանում եթե-ներով խոսել, քանի որ հանձնաժողովի աշխատանքի այս ամիների ընթացքում չի եղել մի դեպք, երբ հրավիրյալը հրաժարվի ներկայանալ ու պատասխանել իրենց հարցերին։
Լրագրողի դիտարկմանը, որ նախկինում ոչ թե Սերժ Սարգսյանն էր գալիս Ազգային ժողով, այլ խմբակցությունն էր գնում Սերժ Սարգսյանի մոտ, հնարավո՞ր է հիմա էլ այդպես լինի եւ քննիչ հանձնաժողովի անդամները գնան Սերժ Սարգսյանին հարցեր տալու, Անդրանիկ Քոչարյանն արձագանքեց․
«Հայաստանում բան է փոխվել, քաղաքական մթնոլորտ է փոխվել, նախկին պաշտոնյաները պետք է պատրաստ լինեն հրաժարվել այդ ձեւաչափից, քանի որ այս խորհրդարանը մեր ժողովրդի կամքով է ստեղծված, այսօրվա ԱԺ-ն լեգիտիմ, առաջնային մանդատ ունեցող կառույց է, որի մաս է մեր հանձնաժողովը։ Նախկին պաշտոնյաներն ուղղակի պարտավոր են գալ, իսկ նախկինում գնում էին, որովհետեւ Սերժ Սարգսյանն էր որոշում՝ ով դառնա պատգամավոր։ Հիմա էդպես չի, դրա համար Հայաստանում փոխվեց ամեն ինչ, ու լավ կլինի՝ նախկին իշխանավորները արագ հասկական փոփոխության խորքայնությունը եւ համագործակցեն համպատասխան մարմինների հետ»։
Իսկ եթե հանձնաժողովի ստացած տեղեկությունների ուսումնասիրման փուլում քրեածին տարրեր ի հայտ գան, դրանք, Քոչարյանի հավաստմամբ, կարժանանան իրավական գնահատականի․
«Մենք կներկայացնենք զեկույցենր, ինչպես Մարտի 1-ի փաստահավաք խմբի աշխատանքների ժամանակ, դրանք գուցե հանդիսանան քրեական գործի հիմք, գուցե եւ ոչ»,- ասաց Քոչարյանը՝ նշելով, որ ինքն, իհարկե, կուզեր, որ քրեական գործի հիմքեր չլինեն, սակայն ժամանակը ցույց կտա հետագա ընթացքը։
Հարցին՝ պատերազմի օրերի տեսագրությունները բավարար են ուսումնասիրությունների համար, Անդրանիկ Քոչարյանը պատասխանեց, որ իրենք ուսումնասիրում են անհրաժեշտ բոլոր վիդեոփաստարկները, փաստաթղթերը, պահանջում եւ ստանում են։ Իհարկե, լինում են դեպքեր, երբ որոշ բաներ ուշացնում են, սակայն, Քոչարյանի խոսքով, դրանք եւս ներկայացվում են հանձնաժողովին։ Իսկ թե ովքեր են ուշացնողները եւ ինչ փաստաթղթեր են փնտրել ու դեռ չեն գտել, Անդրանիկ Քոչարյանը չհայտնեց՝ նշելով միայն հետեւյալը․ «Ով ուշացնում է, փնտրում է եւ գտնում բերում է»։
Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)
Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին
Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը
Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան
Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ
ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել
Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին
Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը
ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է
Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը
Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ
Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը
Ինչ իրավիճակ է ՀՀ ճանապարհներին ժամը 20։00-ի դրությամբ
Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար
Երկու երիտասարդ վիճել են տաքսու վարորդի հետ, ապա դանակահարել ուղևորին
Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը
Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ
Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր
Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին
ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը
Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին
Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր
Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում
Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ
ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը
Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները
Շիրակի մարզպետարանի կալանավորված պաշտոնյաների լիազորությունները կասեցվել են
Ինչ իրավիճակ է Ստեփանծմինդա-Լարս ավտոճանապարհին
Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ
Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ
Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ
Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին
Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին
Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել
Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով
Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ
Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս
Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի
36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան
Աշխարհի Գավաթում Հայաստանը կներկայացնի 5 ծանրորդ
© 2024 Հայկական ժամանակ