Փաստաբաններ Հայաստանի, կայացեք. խելոք մնացեք, թե չէ կբռնենք 

03/11/2019 schedule14:45

Տպագրվել է «Հայկական Ժամանակ» օրաթերթի՝ 2006 թվականի նոյեմբերի 3-ի համարում

Վերջին շրջանում հաճախակի են դարձել դեպքերը, երբ դատախազությունը քրեական գործեր է հարուցում փաստաբանների դեմ: Իսկ ամենակարեւորն այն է, որ այդ քրեական գործերի համար պատճառ Է դառնում փաստաբանների կողմից իրենց մասնագիտական պարտականությունների կատարումը: Փաստաբաններն իրենց պաշտպանյալների իրավունքները պաշտպանելիս ստիպված են լինում ապացուցել, որ դատավորը կամ դատախազը օրենքի խախտում են թույլ տվել: Չնայած այդպիսով փաստաբաններն ի ցույց են դնում այն ապօրինությունը, որին հաճախակի կարելի է հանդիպել Հայաստանի դատարաններում եւ իրավապահ մարմիններում, սակայն վերջերս դատական համակարգը սկսել է այդ ամենին ցավոտ վերաբերվել` փորձելով պատժել «հանդուգն» փաստաբաններին:

Օրերս մենք անդրադարձել էինք ցմահ ազատազրկման դատապարտված նախկին զինծառայողներ Մուսա Սերոբյանի, Ռազմիկ Սարգսյանի եւ Արայիկ Զալինյանի փաստաբաններ Զարուհի Փոստանջյանի, Ստեփան Ոսկանյանի եւ Աշոտ Աթոյանի դեմ հարուցված քրեական գործին: Երեկ հայտնի դարձավ, որ դատախազությունը վերը նշված փաստաբաններին մեղադրանք է առաջադրել: Ըստ առաջադրված մեղադրանքի, փաստաբանները մեղադրվում են վերը նշված քրեական գործը վերաքննիչ դատարանում քննվելու ժամանակ իբր թե դատարանի նկատմամբ անհարգալից վերաբերմունք դրսեւորելու մեջ:

Փաստաբանների կողմից դատարանի նկատմամբ անհարգալից վերաբերմունք դրսեւորելու մեղադրանքի հիմքում ընկած հիմնավորումներից մեկն այն է, որ նրանք դատական նիստերից մեկի ժամանակ ասել են, որ այստեղ դատական նիստ չկա եւ լքել են նիստերի դահլիճը: Կարծում ենք, որ բազմաթիվ ՀՀ քաղաքացիներ կարող են նույն արտահայտությունը կրկնել, ասելով, թե Հայաստանում դատարան չկա: Իսկ Կենտրոնի հակասահմանադրական կառուցապատումից տուժածները, որոնք նույն դատարանների հակասահմանադրական վճիռների շնորհիվ էին զրկվել իրենց ունեցվածքից, կարող են ասել, որ այստեղ դատարան չկա եւ իրենց ասածն ապացուցելու նպատակով վկայակոչեն ՍԴ-ի հայտնի որոշումը, որը փաստեց տեղի ունեցածի հակասահմանադրական լինելը: Այլ կերպ ասած, փաստաբաններին մեղադրում են հայտնի իրողությունը եւս մեկ անգամ` դատարանի դահլիճում հնչեցնելու համար:

Ի դեպ, երեկ հայտնի դարձավ եւս մեկ փաստաբանի նկատմամբ քրեական հետապնդում սկսելու մասին: Այս անգամ դատախազության ուշադրության կենտրոնում է հայտնվել փաստաբան Լիանա Բալյանը: Վերջինս նույնպես իրավապահների ուշադրության կենտրոնում է հայտնվել իր մասնագիտական պարտականությունները կատարելու պատճառով: Ավելին, փաստաբանների պալատի նախագահ Ռուբեն Սահակյանը դիմել է ՀՀ գլխավոր դատախազ Աղվան Հովսեփյանին` միջնորդելով կարգապահական պատասխանատվության ենթարկել Ավան եւ Նոր-Նորք համայնքների դատախազ Գեւորգ Թովմասյանին եւ նրա օգնականին: Վերջիններս հոկտեմբերի 28-ին գնացել են Լ. Բալյանի տուն եւ սպառնացել նրան:

Այսպիսով, կարող ենք ասել, որ փաստաբանների, ուժային կառույցների եւ դատավորների միջեւ ծագող հակամարտություններն աստիճանաբար ավելի հաճախակի են դառնում: Այս երեւույթն ինչ-որ առումով դրական է, քանի որ վկայում է այն մասին, որ Հայաստանում ձեւավորվում է իրական փաստաբանություն, որը դատական համակարգին սկսել է անհանգստացնել: Բնական է, որ իրական փաստաբանները Հայաստանի պես կոռումպացված դատական համակարգ ունեցող երկրում դատավորների եւ դատախազների համար անընդհատ գլխացավանք պետք է առաջացնեն:

Վահագն Հովակիմյան

Տպել
784 դիտում

Հայաստանը երբեւէ չի սահմանափակում իր քաղաքացիների ազատ տեղաշարժի իրավունքը. ԱԳՆ-ն՝ Ուկրաինայի դեսպանությանը

ԲՀԿ-ն 2020 թվականի բյուջեի նախագծին դեմ է քվեարկելու․ նրանց համոզմամբ՝ այն չի սպասարկում տնտեսական հեղափոխությունը

Սիրիայի նախագահը ցավակցություն է հայտնել հայ քահանայի սպանության կապակցությամբ

Որպես անհետ կորած որոնվող 31-ամյա Մայա Ժիդկովան հայտնաբերվել է

Վանաձորն արդեն բազմաֆունկցիոնալ 2 նոր տեխնիկա ունի․ դրանցով կիրականացվեն ձնամաքրման, փողոցների լվացման աշխատանքներ

Արշակ Փոլադյանը նշանակվել է Թունիսում ՀՀ արտակարգ եւ լիազոր դեսպան

Գյումրի-Երևան ավտոճանապարհին ավտոմեքենան բախվել է ճամփեզրի բետոնե արգելապատնեշին

Դատարանը հեռացավ խորհրդակցական սենյակ՝ կաշառք ստանալու մեջ մեղադրվող դատավորի գործով դատավճիռ կայացնելու

Վերջին 6 ամսում 1 անձի ներում է շնորհվել. ներում ստացած անձը դատապարտված է եղել ՌԴ-ում

Խոսվում է խորհրդարանական վերահսկողության մասին, բայց ԼՀԿ-ն դեմ է քվեարկում, ԲՀԿ-ն՝ ձեռնպահ՝ առանց հիմնավորման․ Վարդանյան

Չարենցավանի բնակչուհուն առեւանգել էին, տարել անհայտ ուղղությամբ. երիտասարդն ու ընկերը ձերբակալվել են

Ֆելիքս Ցոլակյանը շրջայց է կատարել ԱԻՆ Ճգնաժամային կառավարման պետական ակադեմիայում և Ավանի ՀՓՋ-ում (տեսանյութ)

ՀՀ-ում կրիմինալ չկա, օրենքով գողերի պես էլ խելոք մարդիկ աշխարհի տակ չկան․ Վարդան Ղուկասյան

Փաստաբանների պալատը կոչ է անում չներգրավվել կոռուպցիոն գործարքներում. հայտարարություն՝ ձերբակալված փաստաբանների մասին

ՀՅԴ երիտասարդական միությունը հանրահավաք է հրավիրել՝ ԿԳՄՍ նախարարի հրաժարականի պահանջով․ հավաքն իրազեկված չէ

ԵԱՀԿ-ն դիտարկում է անցկացրել Արցախի և Ադրբեջանի սահմանին

Ավերակներ եւ անմարդկային պայմաններ. ահազանգ Ավան հոգեբուժական կենտրոնի պայմանների մասին (լուսանկարներ)

Ինքնասպանություն Երեւանում. տղամարդը նետվել է Կիևյան կամրջից

Սինգապուրի «SWITCH 2019» ցուցահանդեսում Հայաստանը ներկայացված է առանձին տաղավարով. այցելել է Սինգապուրի վարչապետը

40-ամյա տղամարդը մահացել էր ներքին արնահոսության հետևանքով՝ վիճաբանության հաջորդ օրը (տեսանյութ)