Մանվել Գրիգորյանը բերվել է դատարան․ պաշտպանները նախագահող դատավորին ինքնաբացարկի միջնորդություն են ներկայացրել

Երեւան քաղաքի ընդհանուր իրավասության դատարանում՝ դատավոր Մնացական Մարտիրոսյանի նախագահությամբ, վերսկսվեց նախկին պատգամավոր, ԵԿՄ նախկին նախագահ Մանվել Գրիգորյանի եւ Նազիկ Ամիրյանի գործով դատական նիստը, որը ժամեր առաջ հետաձգվել էր, քանի որ Գրիգորյանը նիստին ներկա չէր։

«Նաիրի» բ/կ-ի բժիշկներն արդեն Մ․ Գրիգորյանին թույլատրել են ներկա գտնվել դատական նիստին։ Գրիգորյանին միացված է թթվածնային խողովակ։ Նիստերի դահլիճում են նաեւ շտապօգնության բժիշկները:

Այսօրվա նիստի ժամանակ պաշտպանական կողմը դատավոր Մնացական Մարտիրոսյանին ինքնաբացարկ հայտնելու միջնորդություն ներկայացրեց:

Երբ նիստի ժամանակ պաշտպանական կողմը փորձեց նախորդ նիստերն առանց ամբաստանյալի անցկացնելու հանգամանքը ներկայացնել որպես օրենքի խախտում, մեղադրող դատախազ Հայկ Պետրոսյանն ասաց, որ նախորդ նիստերը գերակշիռ մասով եղել են պաշտպանական կողմի միջնորդությունների հիման վրա․

«Ամեն նիստին առանց ամբաստանյալի անհապաղ միջնորդություններով փորձում էին խափանման միջոցի հարց բարձրացնել, հետեւաբար իրենց կողմից ներկայացված միջնորդությունները դատարանին վերագրելն այս պարագայում ազնիվ չէ։ Պետք է հաշվի առնել այն հանգամանքը, որ վարչական մարմնի միջնորդությունն ընդամենը տեխնիկական խնդիր լուծելու հարց է, իսկ մնացած դատավարական պրոցեսներն իրականացվել են քրեական դատավարության շրջանակներում. տեխնիկական հարցի լուծումը կապել դատարանի կողմնակալության հետ անհիմն է»,- ասաց մեղադրող դատախազը։

Պետրոսյանի խոսքով՝ պաշտպանը փորձեց նշանակված դատաբժշկական փորձաքննությունը նույնացնել բժշկական բնույթի հարկադրանքի միջոցների հետ, որը, դատախազի խոսքով, իրավական աբսուրդի ժանրից է․

«Պաշտպանը միախառնում է երկու տարբեր իրավական ինստիտուտներ․ քրեական իրավունքի բժշկական բնույթի հարկադրանքի միջոցների կիրառումը, որն իրականացվում է միայն անմեղսունակ անձի վերաբերյալ եւ դատաբժշկական փորձաքննության նշանակումը, որն իրականացվում է քրեական դատավարության սահմանված կարգով։ Հետեւաբար իրենց կողմից նշանակված գնահատականները ոչ միայն սուբյեկտիվ ընկալման արդյունք են, այլեւ փորձում են խեղաթյուրել երկու տարբեր իրավական ինստիտուտներ եւ ստանալ ցանկալի պատասխաններ»,- ասաց մեղադրող դատախազը։

Նա դատարանին խնդրեց մերժել նախագահող դատավոր Մնացական Մարտիրոսյանին ինքնաբացարկ հայտնելու՝ պաշտպանական կողմի միջնորդությունը։

Դատարանը հեռացավ խորհրդակցական սենյակ՝ որոշում կայացնելու։

Հիշեցնենք, որ Մանվել Գրիգորյանը մեղադրվում է ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու եւ շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նազիկ Ամիրյանը մեղադրվում է ամուսնու, որդու՝ Արման Գրիգորյանի եւ քննությամբ չպարզված այլ անձանց հետ նախնական համաձայնությամբ ապօրինի կերպով իրենց պատկանող երեք տներում ռազմամթերք, պայթուցիկ նյութեր պահելու, ինչպես նաեւ տարբեր տեսակի հափշտակություններ կատարելու մեջ։

 

Տպել
801 դիտում

Այսօր մենք տոնում ենք ազգովի՝ որպես անբաժանելի մի մարմին և անսասան մի ուժ. Արցախի նախագահի շնորհավորական ուղերձը

Մեր անկախ պետության դեմքը՝ ԶՈւ պատվոպահակային վաշտը, դեֆիլե է իրականացնում Խոր Վիրապում (տեսանյութ)

Մեր պատմության կարևորագույն տոնի առթիվ, վարչապետը կհրապարակի մինչեւ 2050 թ. ռազմավարությունը

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է