Ձեզ ընտրել են՝ այս գործով խախտումները շղարշելու համար․ Խաչատուրովի պաշտպանը՝ դատավորին

«Ձեր կողմից իրականացվող գործողությունները ակնհայտ վկայում են, որ այս քրեական գործը չի կառավարվում դատավորի աշխատասենյակից, այս քրեական գործով այլ հարցեր են լուծվում»,- Քոչարյանի եւ մյուսների գործով այսօրվա դատական նիստին հայտարարեց ամբաստանյալ Յուրի Խաչատուրովի պաշտպան Միհրան Պողոսյանը՝ միանալով Ռոբերտ Քոչարանի պաշտպանների՝ ավելի վաղ մեղադրող դատախազ Պետրոս Պետրոսյանին հայտնած բացարկի միջնորդությանը:

Հիշեցնենք, որ Ռոբերտ Քոչարյանի պաշտպաններից Հովհաննես Խուդոյանը բացարկի իր միջնորդության հիմքում դրեց մի քանի հանգամանք՝ կապված Մարտի 1-ից այս անջատված գործով քննչական խմբի ղեկավար Հրաչ Մուշեղյանի գործողությունների հետ՝ նշելով, որ Պետրոս Պետրոսյանը ունեցել է կանխակալ վերաբերմունք եւ պարբերաբար թույլ է տվել քրեադատավարական վարքի խախտումներ, որոնք կարող են որակվել որպես էական խախտումներ:

Միհրան Պողոսյանը իր ելույթում նշեց, որ սույն քրեական գործով նախաքննությունն իրականացվել է բազմաթիվ խախտումներով, եւ ինքը վստահ է, որ դատախազ Պետրոս Պետրոսյանն էլ այդ խախտումներն արձանագրել է, սակայն ինչ-ինչ նախապայմաններից ելնելով՝ որեւէ գնահատական դրանք չի արժանացրել. «Պատահական չէր,  որ այս գործով առաջին դատական նիստին ես հույս հայտնեցի, որ եկել եմ իրավական բանավեճի, բայց անցնող ամիսները ցույց տվեցին, որ իրավունքի մասին խոսելն այստեղ տեղին չէ, այստեղ խոսք է գնում անծայրածիր խախտումների մասին, մեղադրանքի կողմից քրեական օրենսգրքի տարրեր պարունակող անգործության եւ մյուս կողմի իրավունքների տոտալ սահմանափակման մասին»:

Միհրան Պողոսյանի խոսքով՝ այդ պայքարի ընթացքում դատավոր Աննա Դանիբեկյանին ընտրել են՝ այդ խախտումները շղարշելու համար: Պողոսյանի այս արտահայտությանն արձագանքեց նախագահող դատավոր Դանիբեկյանը՝ նշելով, որ դատարանի համար անհասկանալի են նրա արած հայտարարությունները: Պողոսյանն էլ իր հերթին նշեց, որ դատավոր Դանիբեկյանը խախտել է մրցակցային դատավարության սկզբունքը՝ նախորդ դատական նիստերի ժամանակ իրեն թույլ չտալով ներկայացնել ինքնաբացարկի միջնորդություն:

Շարունակելով ելույթը՝ Պողոսյանն ընդգծեց՝ 2018 թվականի հուլիսի 26-ին՝ ժ. 16:00-ին, իր պաշտպանյալը ՀՔԾ է հրավիրվել հարցաքննության վկայի կարգավիճակով, սակայն ժամը 18:00-ին չի իրականացվել որպես վկայի հարցաքննությունը, այլ որոշում է կայացվել վերջինիս որպես մեղադրյալ ներգավելու մասին. «Այդ երկու ժամվա ընթացքում, ավելին՝ ծանուցագիր ուղարկելու օրվանից մինչեւ ժամը 18:00-ն քրեական գործով որեւէ փաստական տվյալ չի ավելացել, ինչը հիմք կտար ՀՔԾ-ին նման որոշում կայացնել: Այսինքն՝ ՀՔԾ-ն, ի դեմս քննիչի, փորձել է ինչ-որ խաբս տալ եւ որպես վկա հարցաքննության է հրավիրել արդեն պատրաստի ունենալով որպես մեղադրյալ ներգրավելու մասին որոշումը»:

Պողոսյանի խոսքով՝ սրանից հետո իր պաշտպանյալը վարույթն իրականացնող մարմնին խնդրել է իրեն հասկանալի լեզվով պարզաբանել մեղադրանքի էությունը. «Քննիչ Մուշեղյանը որեւէ գործողություն այդ ուղղությամբ չի կատարել, սահմանափակվել է միայն նշելով, որ մեղադրանքի էությունը տեղ է գտել մեղադրանք առաջադրելու մասին որոշման մեջ, եւ դատախազ Պետրոսյանն էլ հաստատել է մեղադրական եզրակացությունը: Ես դիմում եմ ներկայացրել քննիչին՝ հայտնելով, որ հանդիսանում եմ Խաչատուրովի պաշտպանը, միջնորդել եմ ծանոթացնել բոլոր քննչական գործողությունների պատճենները, տրամադրել այդ փաստաթղթերի ռուսերեն տարբերակները. Տվյալ միջնորդության վերաբերյալ որեւէ գործողություն չի իրականացրել եւ այս պարագայում էլ դատախազը հաստատել է մեղադրական եզրակացությունը»:

Պողոսյանի խոսքով՝ արդեն 2019 թվականի ապրիլի 28-ին դիմում է ներկայացրել Գլխավոր դատախազին եւ խնդրել իրեն տրամադրել սույն քրեական գործով մեղադրական եզրակացության պատճենը եւ Խաչատուրովին տրամադրել դրա ռուսերեն տարբերակը. «Քրեական դատավարության համաձայն՝ մեղադրական եզրակացությունը հաստատելու հետ միաժամանակ դատախազը այդ լեզվին չտիրապետող մեղադրյալին ուղարկում է նաեւ դրա թարգմանված տարբերակը: Սակայն Պետրոս Պետրոսյանը, հաստատելով մեղադրական եզրակացությունը, այդ ժամանակ չի ուղարկել թարգմանված տարբերակը, այսինքն՝ քննիչի այս խախտումներին մեղադրող դատախազը լուռ հետեւել է, ինչի արդյունքում էլ այս գործն այս վիճակով հասել է դատարան»:

Պաշտպանը հայտնեց նաեւ, որ միջնորդել է առերես հարցաքննություն հրավիրել Յուրի Խաչատուրովի եւ վերջինիս դեմ ցուցմունք տված անձանց միջեւ, սակայն որեւէ քննչական գործողություն այդպես էլ տեղի չի ունեցել. «Այս քրեական գործով դատախազ Պետրոսյանը դիտավորյալ համակարգված խախտումներին արձագանք չի տվել, որոշ դեպքերում էլ ինքն է կատարել դրանք, որպեսզի այս գործը հայտնվի Ձեր սեղանին»,-ասաց պաշտպանը՝ հավելելով, որ այս խախտումները շարունակվելու են, քանի դեռ իշխանության թեւը չի հասել իր բուն նպատակին:

Նշենք, որ աշխատանքային ժամի ավարտով պայմանավորված՝ այսօրվա դատական նիստը հետաձգվեց: Այն կշարունակվի նոյեմբերի 19-ին՝ ժամը 13:00-ին: 

Միլենա Խաչիկյան

Տպել
380 դիտում

Խառնակչություններ՝ բանտից եւ աքսորից

Մանկապարտեզի տնօրենն ապօրինի աշխատակից է ընդունել, հետո կռիվ սարքել քաղաքապետարանում. Արմավիրի քաղաքապետ

Մարիամի հետ կիրակի երեկոն անցկացրել ենք Երևանում բացված Ամանորյա տոնավաճառում. Աննա Հակոբյան

Ինչի վրա կծախսվի «Իմ քայլը» հիմնադրամի՝ երեկ հավաքած մոտ 700 մլն դրամը . Լենա Նազարյանը թվարկել է ծրագրերը

Արցախի ՀՅԴ-ն նախագահական ընտրություններին կմասնակցի սեփական թեկնածուով

Այսօր 2700 ստերջացված, պատվաստված ու համարակալված կենդանի կա․Հակոբ Կարապետյան

Երևանում կոտրել են միանգամից մի քանի արագաչափեր

Արժեհամակարգային հակադրություններն արհեստական են

Արագածոտնի Թալին, Ապարան, Աշտարակ քաղաքներում եւ Շիրակի մարզի Լանջիկ գյուղում մառախուղ է

Կապան քաղաքում այրվել է մոտ 1,5 հա բուսածածկույթ

Արմեն Սարգսյանը «Կատար Էյրվեյզ»-ի գործադիր տնօրենի հետ քննարկել է համագործակցության ընդլայնման հեռանկարները

Հայ բռնցքամարտիկները 2 մեդալ են նվաճել միջազգային մրցաշարում

Հայաստանի տարածքում առաջիկա օրերին սպասվում է առանց տեղումների, արեւոտ եղանակ

ՊՆ ծառայողը վրաերթի է ենթարկել 54-ամյա հետիոտնին. վերջինս հիվանդանոցում գիտակցության չգալով մահացել է

Տիգրանաշենի ոլորանների վերջնամասում ավտոմեքենան հայտնվել է ձորում. տուժածներ չկան

Կան գյուղեր, որտեղ ավանդույթի ուժով կանանց արգելված է գնալ գյուղապետարան, հարսներին՝ ծնողական ժողով. Աննա Հակոբյան

Դեկտեմբերի 17-ից ջերմ եղանակին գումարվում են նաև արևի պայծառ շողերը. Սուրենյան

Արմեն Սարգսյանը համագործակցության հնարավորություններն է քննարկել Կատարի գործարարների ասոցիացիայի ներկայացուցչի հետ

Նոր մշակույթ է զարգանում. Նիկոլ Փաշինյանը՝ Աննա Հակոբյանի գործունեության մասին

Ո՞վ է կուլ տալիս Մամեդյարովի նետած քարոզչական խայծը