Ժապավենը Քոչարյանն էր կտրել. կխլե՞ն ակադեմիան ՕԵԿ նախագահից

28/11/2019 schedule10:00

Տպագրվել է «Հայկական Ժամանակ» օրաթերթի՝ 2006 թվականի նոյեմբերի 28-ի համարում

ԿԳ նախարար Լեւոն Մկրտչյանն անցյալ շաբաթ հայտարարեց, թե Արթուր Բաղդասարյանի «Եվրոպական տարածաշրջանային ակադեմիա» հիմնադրամը պարզապես փուչիկ է, իսկ Բաղդասարյանը, ստացվեց, որ մեծ շուլեր է, որը հաջողացրել է խաբել բոլորին` սկսած ամենաբարձր իշխանությունից: Հիշեցնենք, որ նախարարը, ձեռքի տակ ունենալով մի քանի պաշտոնական փաստաթղթեր, հայտարարեց, թե սույն ակադեմիան, որը շատ լուրջ հեղինակություն ուներ, եւ որտեղ միլիոնավոր դոլարներ են շրջանառվել, ստեղծվել է լրիվ կեղծ հիմքերի վրա: Ըստ նրա, այն մարդիկ, ովքեր ներկայացված են իբրեւ հիմնադիրներ, շատ կոպիտ ձեւով հրաժարվում են իրենց՝ որպես այդպիսին ճանաչելուց, եւ ԿԳՆ-ն չգիտի, թե ինչ նմուշի դիպլոմ պետք է տա ակադեմիայի այս տարվա շրջանավարտներին:

Նախարարը հայտնեց նաեւ, որ ԿԳՆ-ն դիմել է դատարան` վիճարկելով ակադեմիայի ստեղծման հիմքերը, ու դատական պրոցեսի ժամանակ էլ փորձելու է պարզել, թե ինչպես են ծախսվել ակադեմիա մտած միլիոնավոր դոլարները: Դատական պրոցեսը սկսվելուց ընդամենը մի քանի օր առաջ արված սույն հայտարարությունները, սակայն, ակադեմիայի ղեկավարության կողմից դիտվում են իբրեւ ճնշում դատարանի վրա, իսկ կրթության նախարարը, ըստ էության, մեղադրվում է դիլետանտության մեջ, որն օդից վերցրած հայտարարություններ է անում` ապակողմնորոշելով անգամ ամենաբարձր իշխանություններին, եւ ակադեմիան սուտ տեղեկություններ տարածելու համար դիմելու է դատարան, քանի որ այս գործընթացները վնասել են ակադեմիայի բարի համբավը:

Դատական նիստին մնացել է ընդամենը 2 օր: Իսկ մինչ այդ երեկ իր հերթին ասուլիս էր հրավիրել Եվրոպական ակադեմիայի նորանշանակ ռեկտոր, ՕԵԿ անդամ Վիկտոր Մարտիրոսյանը` փորձելով հակափաստարկներ բերել ԿԳ նախարարի ասածներին: Պարոն Մարտիրոսյանը կրկին վկայակոչեց, թե ինչպիսի մարդկանց ներկայությամբ է բացվել ակադեմիան (հիշեցնենք, որ կարմիր ժապավենը կտրել է անձամբ Ռոբերտ Քոչարյանը), այնուհետեւ հիշեցրեց, որ ակադեմիան բացվել է կառավարության որոշմամբ, որտեղ հիմք են ընդունվել 3 միջպետական համաձայնագրեր, եւ բացի այդ, եղել են միջգերատեսչական համաձայնագրեր:

«Խոսել, թե ակադեմիայի ստեղծման հիմքերը բացակայում են, եւ կառավարությունը որոշում է կայացրել առանց հիմքերի, թե՛ մասնագիտական եւ թե՛ վարչական կառավարման առումով հիմնավոր չէ այն պարզ պատճառաբանությամբ, որ այստեղ ոչ օրինական որոշում կայացնելու մեջ ներքաշվում է ինքը` կառավարությունը»,- երեկ ասում էր ակադեմիայի ռեկտորը: Մեր այն հարցին, թե այդ դեպքում, ինչպե՞ս կարելի է բացատրել Ավստրիայի Մասնագիտական աջակցության ինստիտուտի աշխատակից Ռոյթինգերի եւ որպես հիմնադիր հանդիսացող մյուս համալսարանների շատ կոպիտ նամակները, որտեղ նրանք պահանջում են այլեւս չհիշատակել իրենց անունները, եւ կարո՞ղ է արդյոք ակադեմիայի ռեկտորը թվել հիմնադիրների անունները, Վիկտոր Մարտիրոսյանը պատասխանեց.

«Նույն այդ Ռոյթինգերը, նրա տնօրենը բազմաթիվ նամակներ ունեն գրած իրենց հետ բանակցություններ վարած Արթուր Բաղդասարյանին եւ բուհի պրոռեկտորին: Այդ նամակագրությունն ամբողջությամբ կներկայացվի դատարան»: Ըստ ռեկտորի, մեր երիտասարդությունը պետք է շնորհակալություն ասի Ա. Բաղդասարյանին, որ նա իր ներդրումը կատարել է ոչ թե կասկածելի կամ անորոշ բիզնեսներ զարգացնելով, այլ կրթական հաստատություններ հիմնադրելով: «Եւ պարտավոր ենք պահել էթիկայի կանոնները եւ պարտավոր ենք այդ ամենը գնահատել»,- երեկ ասում էր պրն Մարտիրոսյանը` թերեւս ակնարկելով ԿԳ նախարարին պատկանող «Վալեմ» հաստատությունը:

Ակադեմիայի ղեկավարության համար խիստ տարօրինակ է, որ ԿԳՆ-ն, որն այնտեղ իսկապես վերահսկողություն իրականացնելու իրավունք ունի, շատ հանկարծակի խիստ ակտիվացել է միայն այսօր, այն դեպքում, երբ ակադեմիան ստեղծվել է 2001-ին, եւ հայտնի է, թե ովքեր են այդ ընթացքում նախարարներ եղել: Բացի այս, աշխատանքային որեւէ թերացում նկատելու պարագայում, նախ, դրանք վերացնելու առաջարկություն է ներկայացվում, եւ եթե դա չի կատարվում, ապա նոր կարող է առաջ գալ դատարան դիմելու խնդիրը: Ակադեմիան, սակայն, իր գործունեության ողջ ընթացքում որեւէ դիտողություն կամ առաջարկություն չի ստացել:

«Բայց ակադեմիային չդիմած նախարարը միանգամից դատական հայցով մտնում է դատարան»,- երեկ նկատում էր Վիկտոր Մարտիրոսյանը: Այն հարցին, թե ինչպես է ստացվում, որ Ֆրանսիական համալսարանում, որի հոգաբարձուների խորհրդի նախագահը եւս Արթուր Բաղդասարյանն է, որեւէ խնդիրներ չեն ստեղծվում, իսկ Եվրոպականում` հակառակը, Վիկտոր Մարտիրոսյանը պատասխանեց. «Կարծում եմ, դա արդյունք է մեր մենթալիտետի մեջ նստած մի հիվանդության. մենք սիրում ենք ուրիշներին հաշվետու լինել: Ֆրանսիական համալսարանի հետեւում ուղիղ կանգնած է ֆրանսիական հանրապետությունն իր դեսպանով, սլավոնականի հետեւում` ՌԴ-ն: Այս բուհերի հետ հարցերը քննարկվում են ավելի պատասխանատու մակարդակով: Դա չպետք է լինի կրթական հաստատությունը գնահատելու չափանիշ»:

Լուսինե Բարսեղյան 

Տպել
2009 դիտում

Հայտնի է, թե ով կգլխավորի ՔՊ համամասնական ցուցակը Շիրակի մարզի Անի խոշորացված համայնքի ՏԻՄ ընտրություններում

Ինչ կապ ունի՝ Իշխան Սաղաթելյանն է, թե Սաղաթել Իշխանյանը, մարդը եթե աշխատանքի չի գնում, պետք է ազատվի. քաղաքագետ

Արտակարգ դեպք Գեղարքունիքում. Սևանի ճանապարհի «Ալգա Պլյուս» ռեստորանի մոտ 2 օր կայանված «Նիսսան»-ում դի է հայտնաբերվել

Սյունիքում բազմահամակազմ դասարանում դասավանդող ուսուցիչը կվարձատրվի նոր մոտեցմամբ, հաստատվել են նոր ծրագրեր. Անդրեասյան

Վաղարշակ Հարությունյանը և ՌԴ ԱԳ նախարարի տեղակալը քննարկել են երկկողմ համագործակցության հարցեր

Մարդիկ «հոգեվարքի» մեջ են. ջավախահայերը հազարավոր դոլարներ են ներդրել Tesla Media կայքում, այն երեկվանից չի գործում

Սյունիքի մարզպետը ՀՀ նախագահին է ներկայացրել մարզում տիրող ընդհանուր իրավիճակը

Փարաքարում տեղի ունեցած մեքենայի պայթյունի դեպքով կալանավորված չկա. դատարանը մերժել է Դատախազության միջնորդությունը

Ֆոտոբռնիչ սարքերը կրկին արձանագրել են Հայաստանում նախկինում գրանցված ընձառյուծներից մեկին

ԲԸՏՄ նախարարն ու Նեմանյա Ստարովիչը քննարկել են տեխնոլոգիական ոլորտում համագործակցության մի շարք հնարավորությունները

Շիրակի մարզպետի գլխավորած պատվիրակությունը Ֆրանսիայում հանդիպել է Արթիկի քույր քաղաք Վո Ան Վլենի ղեկավարության հետ

«Էլ չեմ դիմանում, սպառվել եմ, նյարդային դարձել»․ շոգ եղանակը նվազեցնում է աշխատունակությունը, ինչպես հաղթահարել այն

Ստամբուլ-Երևան չվերթով Հայաստան է վերադարձել 2006 թվականից թրաֆիքինգի մեղադրանքով հետախուզվող կինը

Փոխվարչապետ Մհեր Գրիգորյանն ընդունել է Լիտվայի դեսպանին

Լևոն Սարգսյանը դատապարտվել է 9 տարվա ազատազրկման. 1lurer

ՏԿԵ փոխնախարարն առաջարկել է Հայաստանի և Իրանի բեռնափոխադրողներին ազատել հարկերից

Հայաստանի բասկետբոլի հավաքականը հաղթանակով է մեկնարկել Եվրոպայի փոքր երկրների առաջնությունում

ՀՀ-ն ու Իսրայելը պատրաստ են ակտիվացնել համագործակցությունը. Անահիտ Ավանեսյանն ընդունել է նորանշանակ դեսպանին

ՀՀ վարչապետի գլխավորությամբ տեղի է ունեցել խորհրդակցություն. քննարկվել են հողային բարեփոխումներին վերաբերող հարցեր

Դոլարի փոխարժեքը կրկին նվազել է. ՀՀ կենտրոնական բանկը հրապարակել է նոր փոխարժեքներ

Մի՛ հավատացեք անհայտ ծագում ունեցող հաղորդագրություններին. Ոստիկանությունը զգուշացնում է (տեսանյութ)

ՀՀ-ում Իսրայելի նորանշանակ դեսպանն այցելել է Հայոց ցեղասպանության հուշահամալիր

Խորհրդակցություններ ՀՀ-ի և Սերբիայի ԱԳՆ-ների միջև. քննարկվել են միջպետական կապերն ամրապնդելու հնարավորությունները

Օձունի 34-ամյա բնակչի սպանության գործից անջատված մասով նախաքննությունն ավարտվել է

Ինչ ունեցվածք է հայտարարագրել ՀՀ գլխավոր դատախազ ընտրված Աննա Վարդապետյանը

Նախագահ Վահագն Խաչատուրյանին հավատարմագրերն է հանձնել Բենինի նորանշանակ դեսպանը

Ձայնագրությունը մոնտաժված է. Գագիկ Ջհանգիրյանը կարգապահական պատասխանատվության չի ենթարկվի

Դատարանը մերժել է Աղվան Հովսեփյանի կալանավորումը փոխելու միջնորդությունը

Ազգային ժողովը վաղը արտահերթ նիստ կհրավիրի․ օրակարգում Իշխան Սաղաթելյանին և Վահե Հակոբյանին պաշտոններից զրկելու հարցն է

ՀՀ վարչապետը և Իսրայելի նորանշանակ դեսպանը կարևորել են կոնկրետ արդյունքների միտված ծրագրերը

Բերձորում մեր հայրենակիցների ապրելու հնարավորությունը քիչ է, Աղավնոյում շարունակելու ենք պայքարը. Հարությունյան

Նորավանքի Ս. Աստվածածին եկեղեցու երկրորդ հարկ տանող աստիճանների մոտ տեղադրվել են արգելող ցուցանակներ (լուսանկարներ)

Աննա Հակոբյանը ներկայացրել է հայկական արտադրության հագուստներ. նա դրանք կրել է Ֆրանսիայում և Մոնակոյում (լուսանկարներ)

Գլխավոր դատախազության դիմաց զոհվածների հարազատների և անցորդների միջև քաշքշուկ է եղել. մեկ հոգի բերման է ենթարկվել

Լիոնի Մետրոպոլի նախագահը հյուրընկալել է Երևանի քաղաքապետ Հրաչյա Սարգսյանին

Երեկոյան ժամերին սպասվում է կարճատև անձրև. առաջիկա օրերի եղանակային կանխատեսումը

Սերբիայի ԱԳՆ պետական քարտուղարն այցելել է Հայոց ցեղասպանության հուշահամալիր

Թուրքիայում հայտնաբերվել է կապիկի ջրծաղկի առաջին դեպքը

42-ամյա տղամարդը Ջրվեժում անկանոն կրակոցներ է արձակել հրացանից. հայտնաբերվել է 9 պարկուճ

Էջմիածնում 67-ամյա տղամարդուն դանակահարելու համար 27-ամյա երիտասարդ է բերման ենթարկվել