Լավ է էս փոշին շնչեն, քան թե դասարաններում սառած կանգնեն․ ֆոտոռեպորտաժ՝ Գեղամասարի կիսավեր դպրոցից

Գեղամասար համայնքի միջնակարգ դպրոցի շենքի ներսում շրջելիս կարող է թվալ, թե այն լքված է ու չի շահագործվում։ Բայց դասասենյակներում նավթի վառարաններն են ծխում, միացված են էլեկտրական տաքացուցիչները, եւ այստեղ դաս է անցկացվում։ Ֆիզկուլտուրայի ցրտաշունչ դահլիճում էլ աշակերտները ֆուտբոլ են խաղում՝ հատակից բարձրացող փոշու մեջ ոչ անմիջապես նշմարվելով։

«Վիճակն էս ձեւի ցավալի է։ Ինչ որ մենք կարողացել ենք, ինչ-որ չափով վերանորոգել ենք։ Մնացածը սարեր են խոստացել, ուղղակի դրանք միայն խոստումներ են եղել։ Աղջիկների ֆուտբոլի թիմ ունենք, մարզում երկու անգամ առաջին տեղ ենք գրավել։ Ուղղակի եթե հնարավորություն լինի մեր դահլիճը վերանորոգելու, կտանք եռակի, քառակի լավ արդյունքներ»,- ասաց Գեղարքունիքի մարզում գտնվող դպրոցի ֆիզկուլտուրայի ուսուցիչ Ներսես Սահակյանը։

Կիսավեր այս դահլիճում ջեռուցում չկա, հատակի փայտերը մաշված ու անհարթ են, եւ հաճախ է պատահում, որ մարզվող աշակերտներն ընկնեն ու վնասվեն։ «Ես օրինակ եմ ծառայում»,- կատակում է ուսուցիչն ու շարունակում․ «Ինքս անձամբ մի քանի անգամ ընկել եմ, երեխեքն են ընկնում, ձեռքն ու ոտքը վնասում։ Շատ անտանելի վիճակ է, էսպես հնարավոր չէ»։

Ջերմաստիճանն, ըստ նրա, ֆիզկուլտի դահլիճում, կարելի է ասել «մինուսին հավասար է», բայց մարզումների ժամանակ աշակերտները տաքանում են։ «Դասարանում փոխվում են ու գալիս»,- մանրամասնում է նա։ Հարցին, թե կարծում է այս պայմաններում մարզումնե՞րն են առողջությանն ավելի շատ օգուտ տալիս, թե շնչած փոշին՝ վնաս, ուսուցիչը պատասխանեց․ «Եթե էդպես հաշվի առնենք, կարող է ընդհանրապես չշնչենք։ Երեւանում մաքո՞ւր օդ են շնչում։ Իհարկե չէ։ Լավ է էս փոշին շնչեն, քան թե դասարաններում սառած կանգնեն»։  

Գեղամասարի միջնակարգ դպրոցը կառուցվել է 1988 թվականին, շահագործման հանձնվել՝ 1989-ին։ Դպրոցում 212 աշակերտ է սովորում։ Ֆիզիկայի ուսուցիչ Դավիթ Շահնազարյանը պատմեց, որ դպրոցն այս վիճակում է հայտնվել հարթ տանիքի պատճառով, քանի որ անձրեւաջրերը շարունակ լցվել են ներս։  Տարբեր տարիների ընթացքում տանիքի մեծ մասը նորացվել է եւ թիթեղյա ծածկ է կառուցվել։ «Մնացել է մի փոքր մաս, որը կառուցվելուց հետո կվերանան անձրեւաջրերը, եւ կարծում եմ պայմանները ավելի բարվոք կդառնան»,- ասաց նա։ «Փրկենք երեխաներին» հիմնադրամի աջակցությամբ նաեւ դասենյակների մի մասում վերանորգման աշխատանքներ են կատարվել,  եվրոդռներ ու պատուհաններ տեղադրվել։ Մեր զրուցակից ուսուցիչը չի կարծում, թե շենքի այս տխուր վիճակը շատ է անդրադառնում աշակերտների սովորելու ցանկության վրա․ «Իհարկե դա էլ իր ազդեցությունն ունի, բայց չեմ կարծում, որ մեծապես դրանով է պայմանավորված, ի վերջո մենք ունենք աշակերտներ, որոնք ստանում են բարձրագույն կրթություն, որոնք ուսման նկատմամբ իրենց հակումն ու աշխատասիրությունը չեն կորցնում, օլիմպիադաների են մասնակցում, տեղեր են գրավում, բուհեր են ընդունվում, անվճար սովորում են»։

Այս հրապարակումը պատրաստվել է Եվրոպական միության եւ «Բաց հասարակության հիմնադրամներ - Հայաստան»-ի ֆինանսական աջակցությամբ։ Հրապարակման բովանդակության պատասխանատվությունը կրում է հեղինակը եւ այն չի արտացոլում Եվրոպական միության եւ «Բաց հասարակության հիմնադրամներ – Հայաստան»-ի տեսակետները:

Տպել
4377 դիտում

Չգնահատված հանճարներն ու սադրիչները երկրորդ ճակատ են բացել իշխանության դեմ. Լեւոն Տեր-Պետրոսյան

56 նոր պլանշետ է տրամադրվել Լոռու մարզին հեռավար դասապրոցեսն անխափան իրականացնելու նպատակով

Լրատվական կայքերում վիճակաղերի գովազդն իրականացնել 21։00-ից մինչեւ 06։00-ն․ ֆինանսների նախարարության նախագիծը

Աշխարհում մնացել է 18 պետություն, որտեղ պաշտոնապես չի գրանցվել կորոնավիրուսի որեւէ դեպք

Գեղարքունիքի մարզի որոշ համայնքների աղբավայրերում կատարվում են հողածածկման աշխատանքներ

56 համակարգչային տեխնիկա է հատկացվել Արմավիրի սոցիալապես խոցելի խմբերում գտնվող ընտանիքների երեխաներին

Կրակային պատրաստության պարապմունքներ են անցկացվել. ՊՆ

Առաջարկվում է մի շարք գետերում արգելել փոքր հիդրոէլեկտրոկայաններ կառուցել

Հայաստանում հնարավոր է մեկ-երկու շաբաթում տասնյակ հազարավոր թեստեր արտադրել․ Արսեն Առաքելյան

Րոպեներ առաջ ՀՀ է ժամանել ՌԴ զինված ուժերի մասնագետների թիմը. Շուշան Ստեփանյան

Մոսկվա-Երեւան երկու թռիչքով Հայաստան են վերադարձել 400-ից ավելի ՀՀ քաղաքացիներ. ԱԳՆ

Արմեն Սարգսյանը կորոնավիրուսով վարակված Մեծ Բրիտանիայի վարչապետ Բորիս Ջոնսոնին մաղթել է շուտափույթ ապաքինում

Հայաստանում ԵԽ այլ երկրների համեմատ նկատվել է ազատազրկման մակարդակի ամենամեծ նվազումը՝ 36%. Ռուստամ Բադասյան

Որոշ խախտումներ արձանագրվել են, մեր թիմը եւս դժգոհություն է ունեցել. Ա. Հարությունյանը՝ ԱՀ-ում ընտրական իրավիճակի մասին

Արցախի ԿԸՀ-ն բաշխել է պատգամավորական մանդատները եւ նախագահական ընտրությունների 2-րդ փուլի օր նշանակել

Անցկացվել են մարտավարական-մասնագիտական վարժանքներ. ՊՆ

Մխիթարյանի նախկին թիմն ամենաշատ գումար կորցրած ֆուտբոլային թիմը կլինի Անգլիայում

Անդրեա Բոչելին Զատիկի օրը համերգ կտա Միլանի դատարկ տաճարում` ուղիղ հեռարձակմամբ

Արցախում արհեստական կամ սպեկուլյատիվ գնաճ չկա. պետնախարար

Երկրպագուները Քիմ Քարդաշյանին խիստ մեղադրել են նոր օծանելիքի վաճառք սկսելու համար. նրան անզգամ են համարում