Քոչարյանի գործով դատախազներն ինքնաբացարկի միջնորդություն ներկայացրին դատավոր Մխիթար Պապոյանին

Վերաքննիչ քրեական դատարանում՝ դատավոր Մխիթար Պապոյանի նախագահությամբ, այսօր մեկնարկեց Մարտի 1-ի գործով ամբաստանյալ Ռոբերտ Քոչարյանի պաշտպանների բողոքի քննությունը:

Հիշեցնենք՝ պաշտպանները բողոքարկել են Ընդհանուր իրավասության դատարանի դատավոր Աննա Դանիբեկյանի նոյեմբերի 7-ի որոշումը, որով մերժվել էր Քոչարյանի նկատմամբ գրավը որպես այլընտրանքային խափանման միջոց ընտրելու վերաբերյալ միջնորդությունը:

Նիստի սկսվելուն պես մեղադրող դատախազներն ինքնաբացարկի միջնորդություն ներկայացրին նախագահող դատավոր Մխիթար Պապոյանին: Երեւան քաղաքի դատախազ Գեւորգ Բաղդասարյանի խոսքով՝ 2019 թվականի մայիսի 20-ին Armlur կայքում հրապարակվել է մի հոդված՝ «Դատավոր Պապոյանը հանցագործության մասին հաղորդում է տվել» վերնագրով: Դատախազը հիշեցրեց, որ ֆեյսբուքյան օգտատեր Արտակ Գալստյանը հրապարակում է արել այն մասին, թե ովքեր են գրել դատավոր Դավիթ Գրիգորյանի որոշումը (խոսքը Քոչարյանի գործի կասեցման եւ նրան ազատ արձակելու որոշումների մասին է,-խմբ.): Ըստ այդ հրապարակման՝ Դավիթ Գրիգորյանի այդ որոշումները գրվել են Վերաքննիչ քրեական դատարանի դատավորներ Մխիթար Պապոյանի, Վազգեն Ռշտունու եւ Ալեքսանդր Ազարյանի կողմից: Մխիթար Պապոյանը, սա ամբողջությամբ սուտ որակելով, հանցագործության մասին հաղորդում էր ներկայացրել, որի հիման վրա ԱԱԾ քննչական դեպարտամենտում հարուցվել է քրեական գործ ՀՀ ՔՕ-ի 344-րդ հոդվածով. «Սա վկայում է այն մասին, որ տեղեկությունները, որ դուք մասնակցել եք առաջին ատյանի դատարանում կայացրած որոշման կազմմանը, քննության առարկա են ԱԱԾ-ում քննվող քրեական գորոծվ եւ շարունակվում են ստուգվել: Հաշվի առնելով, որ սա վերաբերում է սույն գործով ձեր՝ նախկինում ունեցած համոզմունքներին, բացառում է ձեր մասնակցությունը սույն բողոքի քննարկմանը»,- ասաց Բաղդասարյանը՝ միջնորդելով դատարանին ինքնաբացարկ հայտնել:

Բաղդասարյանը հիշեցրեց, որ յուրաքանչյուր ոք ունի արդար դատաքննության իրավունք, որի կարեւորագույն բաղադրիչներից մեկը դատավորի անկախությունն ու անաչառությունն է. «Եվրոպական դատարանի իրավունքի վերլուծությունը թույլ է տալիս նշել, որ այդ անկախությունը գնահատելու 2 մոտեցում կա՝ ներքին կամ սուբյեկտիվ եւ արտաքին կամ օբյեկտիվ: Առավել կարեւոր է երկրորդ մոտեցումը, որի հիմքում արտաքին գործոններ են, այն, թե արդյոք կան բավարար երաշխիքներ, որ կարող են չեզոքացնել անաչառության վերաբերյալ կասկածները»:

Գեւորգ Բաղդասարյանի խոսքով՝ այս մոտեցումն ուղիղ կապ ունի կոնկրետ գործը քննող դատարանի վստահության հետ. «Խնդիրը նրանում է, որ յուրաքանչյուր դեպքում պետք է բացառվեն այն հանգամանքները, որ ողջամիտ հիմք կարող են լինել դատարանի կողմից կայացված դատական ակտի արդարացիության հետ կապված: Այս մոտեցումները շատ կայուն են եւ ամրագրված են նաեւ Եվրոպական դատարանի որոշումներով»:

Մեղադրող դատախազն ընդգծեց՝ ցանկացած դատարան, ում արդարացիության նկատմամբ ողջամիտ կասկածներ կան, պետք է հեռանա վարույթից. «Դատական օրենսգիրք սահմանադրական օրենքի 71-րդ հոդվածի 1-ին մասով սահմանվում է, որ դատավորը պարտավոր է ինքնաբացարկ հայտնել, եթե տեղյակ է այնպիսի հանգամանքների մասին, որոնք ողջամիտ դիտորդի մոտ կարող են կասկած հարուցել: Սա վերաբերում է ոչ թե տվյալ գործով դատավորի անաչառությանը, այլ այնպիսի արտաքին գործոնների, որոնք կարող են կասկած առաջացնել, եւ չկան բավարար երաշխիքներ այդ կասկածը չեզոքացնելու համար»:

Տուժող կողմն ամբողջությամբ միացավ միջնորդությանը: Մասնավորապես տուժողների իրավահաջորդ Սեդա Սաֆարյանն ասաց. «Չգիտեմ՝ ինչպիսին է ձեր համոզմունքն այս առնչությամբ, ինչպիսի ապացույցներ են ձեռք բերվել այդ գործով, չխորանանք դրա մեջ, այնպես էլ չէ, որ ես տեղյակ էի այս քրեական գործից»: Սաֆարյանի խոսքով՝ նշված հանգամանքները, իր կարծիքով, եւս բացառում են դատավորի մասնակցությունը սույն քրեական գործին. «Դուք, պրն. Ազարյանը, պրն Ռշտունին ունեիք ուղղորդված համակրանք պրն Քոչարյանի նկատմամբ, եւ ոչ միայն գործընկերներ եք, այլ նաեւ ընկերներ»,- ընդգծեց նա:

Սրան ի պատասխան՝ նախագահող դատավոր Մխիթար Պապոյանն ասաց, որ, այո՛, իրենք ունեն ընկերական հարաբերություններ, սակայն դա որեւէ կերպ չի կարող խոչընդոտել իրեն. «Մինչ պրն Ազարյանի Վերաքննիչ դատարան տեղափոխվելը՝ եղել է դեպք, երբ ես՝ որպես Վերաքննիչ դատարանի դատավոր, չհամաձայնելով նրա դատական ակտի հետ, կայացրել եմ այլ որոշում»,- որպես ի գիտություն շեշտեց դատավորը:

Այս պահին պաշտպանական կողմն առարկում է ներկայացված միջնորդության դեմ:

 

Տպել
2818 դիտում

Տարեսկզբին մեկնարկված ծրագրի ընթացքը՝ գործընկերների ուշադրության կենտրոնում

Սերժ Սարգսյանի եղբորորդին՝ Նարեկ Սարգսյանը, դատարանում ընդունեց իրեն առաջադրված մեղադրանքը

Մշակույթի գործիչները այսօր էլ նամակ հանձնեցին ԱՄՆ դեսպանատուն

Ստեփանակերտի Լազարև փողոցում տեղի կունենա չպայթած կասետային ռումբերի ականազերծում

Արարատ Միրզոյանը վերադարձել է աշխատանքի. նա այս պահին հանդիպում է «Իմ քայլի» պատգամավորների հետ

Skilling Chess. Կառլսենը եզրափակչում պարտություն կրեց

Դատարանը քննում է Նարեկ Սարգսյանի գործի մի հատված դռնփակ անցկացնելու հարցը

Գերմանիայի Լեեր քաղաքում հայ զինվորների հիշատակին նվիրված մոմավառություն է իրականացվել

Դադիվանքում սպասավորող միաբանները ստացել են Ամենայն հայոց կաթողիկոսի օրհնությունը

ԱԱՏՄ-ն գրությամբ դիմել է պատկան մարմիններին՝ հորդորելով պահպանել ջեռուցման նորմերը

Ոստիկանության՝ պատերազմին մասնակցած 184 ծառայող անձնվիրաբար ծառայության համար պարգևատրվել է

ՀՖՖ նախագահը Հայաստանի հավաքականի անվանական մարզաշապիկ է նվիրել Յուրի Ջորկաեֆին

ԿԳՄՍՆ-ն մարզպետարաններին ու Երեւանի քաղաքապետարանին է ուղարկել առկա ուսուցման անցնելու շրջաբերականը

«Սա ոչ թե քրեական գործ է, այլ դրա քողի տակ քաղաքական հետապնդում»․ Քոչարյանի գործով նիստը այսօր հետաձգվեց

Պատգամավոր Գոռ Գեւորգյանը հայտնել է ԱԺ «Իմ քայլը» խմբակցությունից դուրս գալու մասին

Անհետ կորած զինծառայողների հարազատները նամակ հանձնեցին ՌԴ դեսպանատան ներկայացուցչին

Այս բարդ ժամանակներում պետք է լինենք միահամուռ և մեկտեղենք համազգային ներուժը. վարչապետն ընդունել է Ջորկաեֆ եղբայրներին

ԱԺ-ն կքննարկի 3-րդ երկրներից ցեմենտի ներմուծումը լիցենզիաների հիման վրա իրականացնելու նախագիծը

Գևորգ Ալեքսանյանը հրապարակեց ըմբշամարտի Հայաստանի հավաքականի կազմը աշխարհի անհատական գավաթի համար

Անհետ կորած 24-ամյա Անահիտ Մեսրոպյանը հայտնաբերվել է