Եվրանեսթ ԽՎ բոլոր պատվիրակները՝ բացառությամբ մեկի, հոտնկայս հարգել են Ցեղասպանության զոհերի հիշատակը (տեսանյութ)

Երեկ Թբիլիսիում՝ Եվրանեսթ Խորհրդարանական վեհաժողովի բացման արարողությանը, ՀՀ ԱԺ «Իմ քայլը» խմբակցության անդամ Գայանե Աբրահամյանը վեհաժողովի պատվիրակներին կոչ է արել հարգել Ցեղասպանության զոհերի հիշատակը: Բոլորը ոտքի են կանգնել՝ բացառությամբ մեկ ադրբեջանցի պատգամավորի:

«Վեհաժողովի բացման արարողությանը ելույթիս ընթացքում ոչ միայն ներկայացրի Հայաստան-ԵՄ հարաբերություններն ու ակնկալիքները, բարեփոխումներն ու մեր հանձնառությունները, Արցախի ժողովրդի ինքնորոշման իրավունքի եւ անվտանգության հարցերը, այլ նաեւ օգտվելով առիթից, որ այսօր (երեկ-խմբ.) ՄԱԿ-ի Ցեղասպանության հանցագործության զոհերի հիշատակի եւ արժանապատվության եւ այդ հանցագործության կանխարգելման միջազգային օրն է, խոսեցի Հայոց Ցեղասպանության մասին ու կոչ արեցի Եվրանեսթ ԽՎ-ի պատվիրակներին հարգել ցեղասպանության զոհերի հիշատակը»,- իր ֆեյսբուքյան էջում տեղեկացրել է Աբրահամյանը:

Ավելի ուշ, երբ ադրբեջանական կայքերում տեղեկություններ հայտնվեցին, թե իբր շատ քիչ պատգամավորներ են ոտքի կանգնել Աբրահամյանի կոչից հետո, նա հրապարակել է տեսանյութ, որից երեւում է՝ բոլոր պատգամավորները՝ բացի մեկից, հոտնկայս հարգում են ցեղասպանության զոհերի հիշատակը: Ի դեպ, ադրբեջանական մամուլն Աբրահամյանի քայլը սադրանք է որակել:

Նշենք, որ խորհրդաժողովի ընթացքում հայկական պատվիրակությունը կարեւոր ձեռքբերումներ է ունեցել: Մասնավորապես, ինչպես տեղեկացրել ենք, մեր պատվիրակությանը հաջողվել է տապալել ադրբեջանական պատվիրակության կողմից ներկայացված հերթական հակահայկական նախաձեռնությունը՝ միջազգային բանաձեւերում դնել Մեծամորի ատոմակայանի փակման հարցը:

«Քվեարկությունից առաջ ելույթումս ներկայացրած փաստարկներն ու նաեւ մասնավոր քննարկումները ԵՄ ու ԱԼԳ երկրների պատգամավորների հետ արդյունք տվեցին, ու ադրբեջանցիները միայնակ քվեարկեցին իրենց առաջարկին»,- ավելի վաղ ֆեյսբուքյան էջում գրել էր Աբրահամյանը:

Նշենք, որ Գայանե Աբրահամյանի գլխավորած պատվիրակության կազմում Եվրանեսթ վեհաժողովին մասնակցում էին պատգամավորներ Հերիքնազ Տիգրանյանը, Տարոն Սիմոնյանը, Միքայել Զոլյանը, Սարգիս Խանդանյանը, Վահե Էնֆիաջյանը, Նարեկ Մկրտչյանը, Արման Եղոյանը, Կորյուն Մկրտչյանը: 

Տպել
5609 դիտում

Կորոնավիրուսի հետեւանքով եւս 38 մահ է գրանցվել. հաստատվել է 1563 նոր դեպք

Քարվաճառն այսօրվանից անցնում է ադրբեջանական վերահսկողությանը. Արցախի ցուցանակն ապամոնտաժվել է

Հանրությունը ունի պատասխանը՝ Ծառուկյանը գործարա՞ր է, թե՞ պատգամավոր. Հարությունյանը ՍԴ-ից ակնկալում է հստակ ազդակ

Նաիրա Մարգարյանն ազատվել է էկոնոմիկայի նախարարի տեղակալի պաշտոնից

Ստեփանավանը նոր քաղաքապետ ունի. վարչապետը ստորագրել է որոշումը

Արայիկ Հարությունյանը նշանակվել է վարչապետի գլխավոր խորհրդական

Նոյեմբերի 26-ին կիրականացվի Դոնի Ռոստով-Երևան չարտերային թռիչքը

Դեպի հաղթանակ լավագույն ճանապարհը սեփական հնարավորությունները ճիշտ գնահատելն է. Սարգսյանը՝ Ամմանում

Այսօր փակվելու է Աշտարակ քաղաքի աջ և ձախ հատվածները միացնող կամուրջը և արգելվելու է երթևեկությունը

ՀՀ տարածքում ավտոճանապարհներն անցանելի են

Շենկանի գյուղում հրդեհի հետեւանքով այրվել է մոտ 270 հակ անասնակեր

Երևանի և 3 մարզի որոշ հասցեներում մի քանի ժամով լույս չի լինի

Հայաստանի ներդրումային քաղաքականությունը պետք է արմատական փոփոխությունների ենթարկվի. Քերոբյան

Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

Մասիս Մայիլյանը ԿԽՄԿ առաքելության բարձրաստիճան ներկայացուցչի հետ քննարկել է պատանդների վերաբերյալ մի շարք հարցեր

Ամենայն Հայոց Կաթողիկոսը ցավակցագիր է հղել Սերժ Սարգսյանին

Լուսաղբյուր համայնքում 30-35 հեկտարով կավելանա ոռոգվող հողերի մակերեսը

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ