«Ռեստարտի» գործով նիստը սկսվեց եւ հետաձգվեց

Երեւանի ընդհանուր իրավասության դատարանի Ավան եւ Նոր Նորք նստավայրում այսօր մեկնարկեց «Ռեստարտ» նախաձեռնության անդամների կողմից նախկին ոստիկանապետ Վլադիմիր Գասպարյանի խորհրդական, այժմ «ՎԵՏՕ» շարժման հիմնադիր Նարեկ Մալյանին առեւանգելու փորձի գործով առաջին դատական նիստը:

Հիշեցնենք, որ դեպքը տեղի էր ունեցել մարտի լույս 4-ի գիշերը. Նարեկ Մալյանը ֆեյսբուքյան իր էջում գրել էր, որ «Ռեստարտ» նախաձեռնության անդամների կողմից ենթարկվել է հարձակման: Միջադեպից հետո ֆեյսբուքյան ուղիղ եթերում դեպքին անդրադարձել էին նաեւ «Ռեստարտ»-ի անդամները։ Մասնավորապես Դավիթ Պետրոսյանը պատմել էր, որ ի պատասխան Մալյանի հնչեցրած վիրավորանքների՝ փորձել են նրան գցել աղբամանը, ապա տարածել են նաեւ միջադեպի վերաբերյալ տեսագրությունը։ Նույն օրը դեպքի առթիվ հարուցվել էր քրեական գործ ՀՀ ՔՕ-ի 258-րդ հոդվածի 3-րդ մասի 1-ին կետով (մի խումբ անձանց կամ կազմակերպված խմբի կողմից խուլիգանությունը): Օրեր անց երիտասարդներին մեղադրանք էր առաջադրվել ՀՀ ՔՕ-ի 34-131-րդ հոդվածի 2-րդ մասի 1-ին կետով (մի խումբ անձանց կողմից նախնական համաձայնությամբ առեւանգման փորձը): Հարուցված քրեական գործի շրջանակում Նարեկ Մալյանը ճանաչվել է տուժող: 

Ըստ մեղադրական եզրակացության համառոտ բովանդակության՝ 6 երիտասարդները, նախնական համաձայնության գալով, խմբի կազմում, բռնություն գործադրելով, 2019թ. մարտի 4-ին՝ ժամը 00:40-ի սահմաններում, Երևան քաղաքի Ամիրյան փողոցի 18 հասցեում փորձել են բացահայտ առևանգել Նարեկ Մալյանին, սակայն հանցագործությունն ավարտին չեն հասցրել իրենց կամքից անկախ հանգամանքներով: Գործով ամբաստանյալի կարգավիճակում են Դավիթ Պետրոսյանը, Գարիկ Միսկարյանը, Յուրի Ավագյանը, Դավիթ Սիմոնյանը, Հրաչյա Խլղաթյանը, Արամայիս Պետրոսյանը:

Նիստի ընթացքում նախագահող դատավոր Դավիթ Հարությունյանը ճշտեց ամբաստանյալների ինքնությունը, ապա նրանց իրավունքներն ու պարտականությունները պարզաբանելուց հետո քննարկեց ամբաստանյալների պաշտպանների ներգրավման հարցը: Դատավորը հայտնեց, որ դատարան է ստացվել փաստաբան Կարապետ Բադալյանի կողմից գրություն, ըստ որի՝ ինքն այլեւս չի ներկայացնում սույն գործով ամբաստանյալների շահերը:

Ավելի վաղ փաստաբան Արմեն Խաչատրյանը եւս հայտնել էր, որ այսօրվա դատական նիստին չի ներկայանալու: Փաստաբան Ինեսսա Պետրոսյանը հայտնեց, որ ինքը եւ Կարեն Մեժլումյանը պայմանավորվածություն ունեն՝ պաշտպանելու ամբաստանյալների շահերը: Ամբաստանյալներն էլ իրենց հերթին հաստատեցին դա՝ միաժամանակ հայտնելով, որ հրաժարվում են նախաքննության ընթացքում իրենց շահերը պաշտպանած փաստաբաններից: Այդպիսով, լսելով կողմերին՝ նախագահող դատավոր Դավիթ Հարությունյանը որոշեց փաստաբան Ինեսսա Պետրոսյանին եւ Կարեն Մեժլումյանին ներգրավել բոլոր ամբաստանյալների շահերի պաշտպան՝ միաժամանակ դադարեցնելով փաստաբաններ Բադալյանի եւ Խաչատրյանի լիազորությունները սույն դատական գործի ընթացքում:

Հաշվի առնելով, որ նոր ներգրավված պաշտպանները մասամբ էին ծանոթ գործի նյութերին, եւ նրանց ժամանակ էր պետք ծանոթանալու համար, ինչպես նաեւ՝ հաշվի առնելով, որ ամբաստանյալներից մեկը՝ Դավիթ Սիմոնյանը, չէր ստացել մեղադրական եզրակացությունը՝ այսօրվա դատական նիստը հետաձգվեց: Հաջորդ դատական նիստը նշանակվեց հունվարի 29-ին՝ ժամը 15:30-ին:

 

 

Տպել
479 դիտում

Նարեկ Մալյանը բերման է ենթարկվել ապօրինի զենք-զինամթերք պահելու կամ կրելու կասկածանքով. ոստիկանություն

28 տարի առաջ այսօրը հայերենով հնչեց «Զգաստ» հրամանը. Գյումրիում տոնել են ՀՀ ԶՈՒ կազմավորման 28-րդ տարեդարձը

ՀՀ վարչապետը մեկնել է Գեղարքունիք՝ մասնակցելու Հայոց բանակի 28-ամյակի միջոցառումներին (տեսանյութ)

Կարող ենք ասել, որ վարչապետի առաջարկն ընդունվել է գյուղացիների կողմից. Գեորգի Ավետիսյան

Բերման է ենթարկվել Նարեկ Մալյանը

Թուրքիայում 12 մարդ է հոսպիտալացվել կորոնավիրուսի կասկածանքով

Երեւանի ավագանում Հենրիկ Հարթենյանին կփոխարինի Պավել Սարգսյանը

Սահմանադրական դատարանի դատավորը դիմել է ոստիկանություն և հայտնել՝ իր 8-ամյա տղային առևանգել են

Ռուստամ Բադասյանը նոր օգնական ունի

Մեղրին կգազաֆիկացվի, գործընթացը կազմակերպելու համար մրցույթ է հայտարարվել. մարզպետի տեղակալ

Նոր զինատեսակը թույլ չի տալիս, որպեսզի Ադրբեջանի օդուժը կարողանա գործել արդյունավետ. պաշտպանության նախկին նախարար

Գեւորգ Կոստանյանին կալանավորելու որոշման դեմ վճռաբեկ բողոք է ներկայացվել

Հունվարի 31-ին ու փետրվարի 1-ին սպասվում է թաց ձյուն եւ ձնախառն անձրեւ

Հայոց բանակի տոնի առթիվ Վանաձորում ծաղիկներ են խոնարհել Վազգեն Սարգսյանի արձանի մոտ (լուսանկարներ)

Կատարի կառավարությունը հրաժարական է տվել. Էմիրն ընդունել է հրաժարականը, նշանակել նոր վարչապետ

Բանակը միշտ պետք է համալրվի նոր սպառազինությամբ. Սասուն Միքայելյան

Վթար Երեւանի Գարեգին Նժդեհի հրապարակում. կան տուժածներ

Բուսաբուծության վարչության նախկին պետ Գևորգ Հարությունյանը չի ընդունում առաջադրված մեղադրանքը

Առողջապահության նախարարը շնորհավորել է Բանակի տոնի առթիվ

Հայոց բանակը մեր ժողովրդի դարերով սպասված արարումն է. ՀՀ գլխավոր դատախազի ուղերձը