Վաղարշապատի հ.8 դպրոցում բողոքի ցույց է, նորանշանակ տնօրենին թույլ չեն տալիս ներս մտնել

ՀՀ Արմավիրի մարզի Վաղարշապատ քաղաքի Գարեգին Նժդեհի անվան համար 8 դպրոցում լարված իրավիճակ է: Ուսուցիչները եւ աշակերտները գործադուլ ու դասադուլ են իրականացնում, իսկ դպրոցականների ծնողները փակել են դպրոցի մուտքն ու թույլ չեն տալիս հաստատության տնօրենին ներս մտնել:

Դպրոցում արդեն 3 օր է՝ այսպիսի մթնոլորտ է տիրում: Ծնողները, աշակերտները եւ ուսուցչական կազմը չեն ցանկանում աշխատել հաստատության նորանշանակ տնօրեն Շուշանիկ Ոսկանյանի հետ:

Ինչպես մեզ հետ զրույցում պատմեց ծնող Թամարա Ավետիսյանը, շաբաթներ առաջ՝ դեկտեմբերի 2-ին, կրթական հաստատությունում իրականացվել է տնօրենի ընտրության մրցույթ: Նախկինում այս պաշտոնում աշխատող Եսթեր Գալստյանը հավաքել է 4 ձայն, իսկ Շուշանիկ Ոսկանյանը՝ 3, սակայն նշանակվել է Ոսկանյանը:

Բողոքի ցույց իրականացնողները ցանկանում են, որ Եսթեր Գալստյանը շարունակի աշխատել այդ պաշտոնում, իսկ Ոսկանյանը հրաժարական ներկայացնի, ինչպես նախորդ դպրոցում:

Նշենք, որ նորանշանակ տնօրենի դեմ բողոքի ակցիաներ իրականացվում էին նաեւ նրա ղեկավարած նախորդ կրթական հաստատությունում՝ նույն մարզի Բաղրամյան գյուղի միջնակարգ դպրոցում: Այդ ժամանակ եւս աշակերտները, ծնողները եւ մի շարք ուսուցիչներ պահանջում էին, որ նա հրաժարական ներկայացնի՝ դժգոհելով կատարած չարաշահումներից, դպրոցը բիզնես պլանի վերածելուց, դրամահավաքությունից եւ հաստատության պահպանմանը հետեւողական չլինելուց: Ծնողներին նաեւ զայրացրել էր այն, որ տնօրենը դպրոցի պատին՝ հերոսների կողքին, փակցրել էր Առաքել Մովսիսյանի (Շմայս) լուսանկարը: Ոսկանյանը, ի վերջո, կատարել էր ցույց իրականացնողների պահանջը:

«Իրեն Բաղրամյանի եւ մի շարք այլ դպրոցներից վտարել են, եւ բոլորը՝ մեր համայնքը, ուսուցչական կոլեկտիվը դեմ են, որ այդ տնօրենը գա ղեկավարի մեր բալիկներին»,- նշեց Թամարա Ավետիսյանը՝ ընդգծելով, որ «վտարվածի» հետ չեն ցանկանում աշխատել:

Նշենք, որ ի սկզբանե, երբ իրականացել է մրցույթը, եւ ընտրվել է տնօրենը, դպրոցում ցույցեր չեն իրականացվել, դասապրոցեսն ընթացել է նորմալ հունով: Ոսկանյանը պաշտոնն ստանձնել է օրեր առաջ, որից հետո ցույցերն սկսել են:

2 օր շարունակ դասապրոցեսը խաթարվել է, այսօր առավոտվանից տնօրենը չի եկել, ծնողի խոսքով՝ աշակերտները եկել են, նորմալ դաս արել, ամեն ինչ փոխվել է, երբ նա փորձել է շենք մտնել: Այս պահին Ոսկանյանը գտնվում է բակում, եւ մուտքի դիմաց հավաքված ծնողները վերահսկում են տարածքը, որ չմոտենա հաստատությանը:

Բողոքի ակցիա իրականացնողներին հետաքրքրում է այն հարցը, թե ինչպես է նա, ավելի քիչ ձայներ ստանալով, դարձել տնօրեն, սակայն հարցն այդպես էլ անպատասխան է մնացել:

Թամարա Ավետիսյանը մեզ հետ զրույցում նշեց, որ դիմել են Արմավիրի մարզպետարան, սակայն այդպես էլ պատասխան չեն ստացել, այժմ պատրաստվում են ցույց իրականացնել:

Խնդրի հետ կապված փորձեցինք կապ հաստատել Արմավիրի մարզպետարան, սակայն մեկնաբանություն ստանալ չհաջողվեց: Մարզպետարանի կրթության, մշակույթի եւ սպորտի վարչության պետի պաշտոնակատար Սոնյա Բուդաղյանը խոստացավ ավելի ուշ պատասխանել:

Անի Ավագյան

Տպել
1038 դիտում

ՀՀ և ՌԴ ԱԳ նախարարները հեռախոսազրույցում քննարկել են նաև Լեռնային Ղարաբաղի հիմնահարցին վերաբերող վերջին զարգացումները

Վարդենյաց լեռնանցքը փակ է, Սոթք-Քարվաճառը` դժվարանցանելի

Ապրիլի 8-ին Լուսինը կգտնվի մեր մոլորակին ամենամոտ կետում

Կապանի բնակարաններից մեկում 65-ամյա տղամարդու դի է հայտնաբերվել

Արարատում վերջին տվյալներով կորոնավիրուսի 2 նոր դեպք ունենք, ընդհանուր թիվն այս պահին 175 է. Գարիկ Սարգսյան

51-ամյա Կարեն Պապիկյանը որոնվում է որպես անհետ կորած

COVID-19 վարակի հետազոտման շարժական լաբորատորիան բացազատվել է (տեսանյութ)

Էջմիածնի մարզադաշտի տարածքում մահացած տղամարդ է հայտնաբերվել. օպերատիվ խումբը դեպքի վայրում է

Հանցագործության նյութական հետքերի եւ հետեւանքների հայտնաբերման 2019 թ. ցուցանիշը 2018 թ. համեմատ. կա շուրջ 92% աճ

COVID-19 հավելվածի միջոցով թեստ է իրականացրել 240 հազար մարդ, կորոնավիրուս հայտնաբերվել է 4 մարդու մոտ․ Բագրատ Բադալյան

ԱԻՆ-ը 2 օրում 527 հանրային տարածք է վարակազերծել

Ապրիլյանի քննիչ հանձնաժողովը պատասխանել է Սերժ Սարգսյանին. «Սպառիչ պատասխան ենք տվել ձայնագրության մասով առաջարկին»

Պարենային որոշ ապրանքների և բժշկական նշանակության պարագաների ներմուծման դեպքում մաքսատուրքերը զրոյացվում են

Կորոնավիրուսով վարակված զինծառայողների վիճակը լավ է․ ՊՆ մամուլի խոսնակ

Հայբիզնեսբանկը բուժաշխատողների կողքին է

178 ուղևորներ ԱԻՆ ավտոբուսներով տեղափոխվել են մեկուսացման վայրեր. ԱԻՆ

ՎՏԲ-Հայաստան Բանկը և Mastercard-ը տրամադրում են 30% զեղչ YandexTaxi- ով երթևեկելիս

Ucom շարժական կապի բաժանորդները կօգտվեն հեռավար ուսուցման գործիքներից՝ չվճարելով ինտերնետի համար

Կորոնավիրուսի մասին ԵԽ-ի զեկույցի հիման վրա դատարանն ազատ է արձակել գրեթե մեկ տարի անազատության մեջ գտնվող մեղադրյալին

Օգնենք միմյանց, լինենք պատասխանատու և կարգապահ. պետական ապարատն աշխատում է ուժերի գերլարումով