«Իմ քայլի» պատգամավորները Դավիթ Տոնոյանին հրավիրել են փակ նիստի ու քննարկել Արցախ կատարած այցը

«Իմ քայլը» խմբակցությունը երեկ փակ հանդիպում է ունեցել ՀՀ պաշտպանության նախարար Դավիթ Տոնոյանի հետ։ Հանդիպումը կայացել է ՀՀ եւ Արցախի Հանրապետության Ազգային ժողովների միջեւ Ստեփանակերտում տեղի ունեցած համագործակցության միջխորհրդարանական հանձնաժողովի 14-րդ նիստից եւ ՊԲ մի շարք զորամասեր ՀՀ ԱԺ պատգամավորների այցից հետո:

«Իմ քայլը» խմբակցության ղեկավար Լիլիթ Մակունցը «Հայկական ժամանակ»-ի հետ զրույցում ասաց, որ Արցախ կատարած այցի ընթացքում այցելել են տարբեր զորամասեր, զրուցել սպաների, հրամանատարության հետ, եւ իրենց դրական դիտարկումներն էլ ցանկություն են ունեցել քննարկել նախարարի հետ․

«Մենք ուզում էինք խոսել մեր դիտարկումների, ընդ որում՝ դրական դիտարկումների մասին, եւ ցանկություն ունեինք որոշակի քննարկում ունենալ՝ հետագա պլանների հետ կապված։ Նաեւ փոխադարձ կարծիքներ լսեցինք առանձին հարցերի շուրջ։ Պատգամավորներն իրենց հարցերը հնչեցրին»,- ասաց խմբակցության ղեկավարը՝ հավելելով, որ գոհ են աշխատանքային այդ հանդիպումից եւ պատրաստվում են պարբերական հանդիպումներ ունենալ թե՛ Արցախի խորհրդարանի ներկայացուցիչների, թե՛ պաշտպանության նախարարի հետ․

«Մեր երկու երկրների անվտանգության հետ կապված հարցերում մեր բոլոր քայլերը պետք է լինեն համադրված եւ հակասության մեջ չլինեն։ Նաեւ դրա համար մենք պարբերաբար հանդիպելու ենք Արցախի մեր գործընկերների, նախարարի հետ»,- ընդգցեց ՀՀ ԱԺ «Իմ քայլը» խմբակցության ղեկավարը։

Մեր հարցին՝ դրական դիտարկումներ եղել են, իսկ մտահոգություննե՞ր, Լիլիթ Մակունցը պատասխանեց, որ ոչ թե եղել են մտահոգություններ, այլ աշխատանքներն ավելի արդյունավետ կազմակերպելու վերաբերյալ հարցադրումներ ու առաջարկներ։ Նրա պնդմամբ՝ հնչեցված բոլոր հարցերը սպառիչ պատասխաններ են ստացել, նախարարն էլ նշել է, որ արդեն իսկ մի շարք խնդիրներով զբաղվում, մյուսներով էլ՝ զբաղվելու են։

«Իմ քայլը» խմբակցությունը առաջիկայում նախատեսում է հանդիպումներ ունենալ նաեւ մյուս նախարարների հետ՝ քննարկելու այն հարցերը, որոնք հանրային քննարկման տիրույթում են։

Նշենք, որ դեկտեմբերի 17-ին ՀՀ ԱԺ պատգամվորներն այցելել էին Արցախի Հանրապետություն, որտեղ երկու երկրների խորհրդարանների խոսնակների գլխավորությամբ տեղի է ունեցել համատեղ միջխորհրդարանական հանձնաժողովի նիստ։ Իսկ օրակարգում ընդգրկված հարցերը վերաբերել են ադրբեջանա-ղարաբաղյան հակամարտության շուրջ խոսույթի ձեւավորմանը եւ Հայաստանի Հանրապետությունում սպասվող բարեփոխումներին` բարձրագույն կրթության եւ գիտության ոլորտներում:

ՀՀ ԱԺ նախագահ Արարատ Միրզոյանի գլխավորած պատվիրակության աշխատանքային այցի շրջանակում այցեր են եղել նաեւ Պաշտպանության բանակի մի շարք զորամասեր: 

Տպել
502 դիտում

6 ժամով լույս չի լինելու Վայոց Ձորի մարզի մի մասում

Բեռնատար ավտոմեքենան Մեծ Մասրիկ գյուղի մոտ շրջվել է. վարորդը տեղում մահացել է

Վարդենյաց լեռնանցքը փակ է բեռնատարների համար, Սոթք-Քարվաճառ ավտոճանապարհը՝ դժվարանցանելի

Հրդեհ Աշտարակ քաղաքում. այրվել է վագոն-տնակ. տուժածներ չկան

Չգնահատված հանճարներն ու սադրիչները երկրորդ ճակատ են բացել իշխանության դեմ. Լեւոն Տեր-Պետրոսյան

56 նոր պլանշետ է տրամադրվել Լոռու մարզին հեռավար դասապրոցեսն անխափան իրականացնելու նպատակով

Լրատվական կայքերում վիճակաղերի գովազդն իրականացնել 21։00-ից մինչեւ 06։00-ն․ ֆինանսների նախարարության նախագիծը

Աշխարհում մնացել է 18 պետություն, որտեղ պաշտոնապես չի գրանցվել կորոնավիրուսի որեւէ դեպք

Գեղարքունիքի մարզի որոշ համայնքների աղբավայրերում կատարվում են հողածածկման աշխատանքներ

56 համակարգչային տեխնիկա է հատկացվել Արմավիրի սոցիալապես խոցելի խմբերում գտնվող ընտանիքների երեխաներին

Կրակային պատրաստության պարապմունքներ են անցկացվել. ՊՆ

Առաջարկվում է մի շարք գետերում արգելել փոքր հիդրոէլեկտրոկայաններ կառուցել

Հայաստանում հնարավոր է մեկ-երկու շաբաթում տասնյակ հազարավոր թեստեր արտադրել․ Արսեն Առաքելյան

Րոպեներ առաջ ՀՀ է ժամանել ՌԴ զինված ուժերի մասնագետների թիմը. Շուշան Ստեփանյան

Մոսկվա-Երեւան երկու թռիչքով Հայաստան են վերադարձել 400-ից ավելի ՀՀ քաղաքացիներ. ԱԳՆ

Արմեն Սարգսյանը կորոնավիրուսով վարակված Մեծ Բրիտանիայի վարչապետ Բորիս Ջոնսոնին մաղթել է շուտափույթ ապաքինում

Հայաստանում ԵԽ այլ երկրների համեմատ նկատվել է ազատազրկման մակարդակի ամենամեծ նվազումը՝ 36%. Ռուստամ Բադասյան

Որոշ խախտումներ արձանագրվել են, մեր թիմը եւս դժգոհություն է ունեցել. Ա. Հարությունյանը՝ ԱՀ-ում ընտրական իրավիճակի մասին

Արցախի ԿԸՀ-ն բաշխել է պատգամավորական մանդատները եւ նախագահական ընտրությունների 2-րդ փուլի օր նշանակել

Անցկացվել են մարտավարական-մասնագիտական վարժանքներ. ՊՆ