Դատական նիստը վեր է ածվում քննարկումների և ռազբորկաների. Քոչարյանի գործով դատախազ

09/01/2020 schedule19:09

«Դատական նիստը վեր է ածվում քննարկումների և ռազբորկաների»,- Երեւանի ընդհանուր իրավասության դատարանում Ռոբերտ Քոչարյանի եւ մյուսների գործով դատական նիստի ժամանակ այս մասին հայտարարեց մեղադրող դատախազ Գեւորգ Բաղդասարյանը՝ առարկելով կողմերի գործողությունների դեմ:

Հիշեցնենք՝ այսօրվա նիստի ժամանակ ընդհարում տեղի ունեցավ կողմերի միջեւ: Ամբաստանյալ Յուրի Խաչատուրովի պաշտպան Միհրան Պողոսյանը միջնորդեց դադարեցնել իր պաշտպանյալի նկատմամբ քրեական հետապնդումը եւ կարճել գործի վարույթը: Ռոբերտ Քոչարյանի պաշտպաններից Հայկ Ալումյանը միացավ միջնորդությանը՝ նշելով, որ հիմքերին կանդրադառնա հետագայում՝ իրենց առանձին միջնորդությունը ներկայացնելու ժամանակ: Տուժողի իրավահաջորդ Էդիկ Հարությունյանն էլ, առարկելով միջնորդության դեմ, ասաց.«Եթե հարգելի պաշտպանները լինեին մեր տեղում, իրենց լավ կզգայի՞ն: Թող իրենք հարգեն Մարտի 1-ը, թե չէ կհայտնվեն մեր օրին»: Ռոբերտ Քոչարյանի պաշտպան Հայկ Ալումյանը հայտնեց, որ իրենց հասցեին սպառնալիք է հնչել: Նա խնդրեց տրամադրել դատական նիստի ձայնագրությունը, որպեսզի ամբողջովին լսի տուժողի ներկայացուցչի խոսքը, եւ կարողանա արձագանքել դրան: Նիստերի դահլիճում իրավիճակը լարվեց, եւ դատավորը կողմերին հանդարտության կոչ արեց: Ամբաստանյալ Ռոբերտ Քոչարյանը, դիմելով դատարանին, հարցրեց. «Էդ մե՞ր վրա եք ջղայնանում, մե՞նք ենք սկսել»:

Տուժողի իրավահաջորդ Սարգիս Քլոյանը հայտարարեց, որ տուժողի իրավահաջորդ Էդիկ Հարությունյանի ասածը ընդամենը լեզվական վրիպում էր:  Յուրի Խաչատուրովի պաշտպան Միհրան Պողոսյանն էլ հայտարարեց. «Ես, որպես տղամարդ, միշտ էլ պատրաստ եմ կրկնել այն, ինչ ասել եմ: Սա ի՞նչ է նշանակում»:

Դատախազ Գևորգ Բաղդասարյանը, անդրադառնալով այս հայտարարությանը, ասաց. «Տղամարդը կրկնում է, կինը չի կրկնում, մենք ենք սկսել, դուք եք սկսել, դուք եք սկսել, մենք ենք սկսել... Սա դատական նիստի կարգ չէ: Դատական նիստը ձայնագրվում է, եւ պաշտպանության կողմը ցանկացած հանգամանք, որ իրեն պարզ չի եղել դատական նիստի ժամանակ, կարող  է ձայնագրությամբ ստանալ, իր համար պարզել եւ հետևություններ անել»։

Աննա Դանիբեկյանը հայտարարեց, որ դատարանը ընդունելի է համարում դատախազի առարկությունը։

 

Միլենա Խաչիկյան

Տպել
983 դիտում

Արագածոտնի, Շիրակի, Սյունիքի մարզերում ձյուն է տեղում. կան փակ եւ դժվարանցանելի ճանապարհներ

Գեղարքունիքում 2 մեքենաների բախման հետեւանքով կա 6 վիրավոր

Իսկ հեղափոխությունից բացի ինչի՞ վրա կարող են հույս դնել նախկինները

Կատարվել է հոգեհանգիստ՝ Բաքվում և Սումգայիթում իրականացված հայերի ջարդերի 30-րդ տարելիցի առիթով

Թեհրանի օդանավակայանում թռիչքները հետաձգվել են՝ ձյան առատ տեղումների պատճառով

13 տարի առաջ այս օրը սպանվեց «Ակոսի» գլխավոր խմբագիր Հրանտ Դինքը

Պուտինը փորձում է լուծել երկու խնդիր, բայց հնարավոր է, նա կանգնած է Սերժ Սարգսյանի ճակատագրին արժանանալու վտանգի առջեւ

Ադրբեջանի և Հայաստանի ԱԳՆ ղեկավարների հանդիպումն այս ամսին է պլանավորված. Մամեդյարով

Ծեծկռտուք Նինոծմինդայի սակրեբուլոյի նախագահի և Գորելովկա գյուղի բնակիչների միջև

Հունվարի 20-ի գիշերը Հայաստանի մեծ մասում սպասվում է ձյուն, ջերմաստիճանը կնվազի 3-4 աստիճանով

Հայաստան ժամանած 32-ամյա ՌԴ քաղաքացին Զվարթնոց օդանավակայանում ձերբակալվել է՝ կասկածելի փաթեթ ունենալու համար

Մարմաշեն գյուղում այրվել է կուտակված անասնակեր ու անասնագոմի տանիքը

Երևանում կողոպտել են հայտնի բժշկական կենտրոններից մեկի տնօրենի 14-ամա տղային

Պոլսո պատրիարքարանը պարզաբանում է ներկայացրել Տ. Սահակ Բ պատրիարքի աղմկահարույց հարցազրույցի վերաբերյալ

Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում

Թրամփի իմփիչմենտի՝ Սենատ ուղարկված գործը 111 էջից է բաղկացած

Փրկարարները Ծաղկաձորում արգելափակումից դուրս են բերել ավտոմեքենան

Ովքեր եւ ինչու են դիմադրում փոփոխություններին

Երեւանում Honda-ն տապալել է էլեկտրասյունն ու բախվել կայանված Opel-ին. վիրավորներից մեկին բեռնախցիկից են գտել

Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել