«Հանրապետական» մարզադաշտը վերանորոգվում է, բայց ՀՖՖ-ն չի պատասխանում դրա վերաբերյալ պաշտոնական հարցմանը

Երեւանի Վազգեն Սարգսյանի անվան «Հանրապետական» մարզադաշտում այս օրերին ընթանում են վերանորոգման աշխատանքներ: Վերանորոգման մասին խոսակցություններ կային դեռեւս «Եվրո 2020-ի որակավորման փուլում Հայաստանի ազգային հավաքականի ելույթների ավարտից հետո, սակայն Հայաստանի ֆուտբոլի ֆեդերացիան աշխատանքների մասին տեղեկություններ չէր հաղորդում:  

«Հայկական ժամանակը» փորձեց հարցման միջոցով պարզել, թե վերանորոգումն ինչ ժամկետներում է ավարտվելու, կոնկրետ ինչն է վերանորոգվելու, ինչ խոտածածկ է տեղադրվելու, որտեղից է ձեռք բերվելու ու ինչ է արժենալու, որքան գումար է պահանջվելու եւ ով է հոգալու վերանորոգման ծախսերը:

Փորձել էինք նաեւ հասկանալ՝ որքանով եւ ինչպես է դա անդրադառնալու ՀՀ ազգային եւ տարբեր տարիքային հավաքականների՝ օրացուցային պլանով նախատեսված խաղերի վրա եւ արդյոք ՀՖՖ-ն տեղյակ է՝ ինչ են անելու ՀՀ Բարձրագույն խմբի առաջնության այն թիմերը, որոնք իրենց տնային հանդիպումներն անցկացնում են «Հանրապետականում»: Հարցրել էինք նաեւ՝ արդյոք բացման հանդիսավոր արարողության պլաններ կան, թե ոչ: Միաժամանակ փորձել էինք ճշտել՝ ինչ փուլում են Հայաստանում նոր՝ «Ազգային» մարզադաշտ կառուցելու աշխատանքները:

Այս բոլոր մանրամասների վերաբերյալ հարցումը, որը մենք ուղարկել էինք 2019թ. նոյեմբերի 21-ին, այդպես էլ անպատասխան մնաց (ինչպես հաջորդող 4 օրերի ընթացքում արված եւս 2 հարցում, որոնց պատասխաններն այլեւս ժամանակավրեպ են): ՀՖՖ-ից ՀՀ Տեղեկատվության ազատության մասին օրենքով նախատեսված ժամկետներում ոչինչ չէին տեղեկացրել հարցման «ճակատագրի» մասին: Երեկ՝ հունվարի 9-ին, հերթական անգամ փորձեցինք մամուլի քարտուղարությունից հստակեցնել՝ երբ կլինի պատասխանը: Այսօր մեզ ասացին, որ ՀՖՖ ղեկավարությունից ասել են, որ մարզադաշտի հետ կապված ոչ մի հարցի վերաբերյալ որոշակիություն չկա, դեռ որոշված չէ:

Ամեն դեպքում այսօր մեզ հաջողվեց տեղում պարզել, որ վերանորոգումն ընթացքի մեջ է: Այն պահին, երբ մենք այնտեղ էինք, բեռնատարով հանում էին հին խոտածածկը: Մարզադաշտի աշխատակիցներից մեկն ասաց, որ աշխատանքներն օրերս են սկսվել՝ 2-3 օր է: Ավարտի ժամկետի վերաբերյալ տեղեկություններ չուներ, բայց ընդգծեց, որ մինչեւ գարուն դեռ 2 ամիս կա:

Հենց գարնանն է վերսկսվելու ՀՀ Բարձրագույն խմբի առաջնության 2019-2020 մրցաշրջանը: Հավաքականը նույնպես խաղեր ունի, սակայն դրանք տնային չեն: ՀՖՖ-ն արդեն հայտարարել է, որ մարտի 26-ին Ուզբեկստանի եւ 30-ին Ղազախստանի ընտրանիների հետ նախատեսված ընկերական հանդիպումները տեղի են ունենալու մրցակիցների հարկի տակ:

Տպել
1501 դիտում

Սոթք-Քարվաճառ ավտոճանապարհը փակ է

Գիշերվա ընթացքում Պաշտպանության բանակն իրականացրել է մի քանի փայլուն ռազմագործողություններ. ԱՀ նախագահ

Հակառակորդի մի քանի տասնյակ դիակներ գտնվում են հայկական կողմում. Շուշան Ստեփանյան

Հակառակորդը վերսկսել է հարձակողական գործողությունները՝ կիրառելով հրետանային միջոցներ, այդ թվում՝ «ՏՕՍ» ծանր համակարգ

Պաշտպանության նախարարն օպերատիվ խորհրդակցություն է անցկացրել, տվել համապատասխան հանձնարարականներ

Հայկական կողմը վերականգնել է դիրքեր. Ադրբեջանը տվել է կենդանի ուժի և զինտեխնիկայի մեծաքանակ կորուստներ (տեսանյութ)

ԱՀ նախագահը Արցախի ազատամարտիկների միությունում հանդիպել է ազատամարտիկ տղաներին

Մեր ԶՈւ-երը ունեն նշանակալի հաջողություններ, սակայն մարտերը շարունակվում են. Արծրուն Հովհաննիսյան

Հրապարակվել են հակառակորդի դեմ մարտերում զոհված եւս 15 զինծառայողների անուններ

ԱՄՆ-ն ուշադիր հետևում է Լեռնային Ղարաբաղում ստեղծված իրավիճակին. Դոնալդ Թրամփ

ԶՈւ ձեռքում հայտնված տեխնիկան Ադրբեջանի առաջնագծային 181-րդ մոտոհրաձգային բրիգադի սպառազինությունից են

Ադրբեջանում գիշերը տարածվել է տեղեկություն իրենց գեներալի գերի ընկնելու մասին. Նաիրի Հոխիկյան

Հրապարակվել են Ադրբեջանի զոհերի մի փոքր մասի տվյալները

Արցախի շուրջ ստեղծված իրավիճակով ՀՀ ԱԳ նախարարը հեռախոսազրույցներ է ունեցել իր մի շարք գործընկերների հետ

Միացյալ Նահանգները վճռականորեն դատապարտում է բռնության սրացումը. ԱՄՆ Պետդեպարտամենտի հայտարարությունը

Հիվանդանոցները կտրամադրեն միայն անհետաձգելի բուժօգնություն. Թորոսյանը հրաման է ստորագրել

Ադրբեջանական ագրեսիայի պատճառով վարչապետի՝ նախապես ծրագրված հարցազրույցն այսօր եթեր չի հեռարձակվելու. «Առաջին ալիք»

Այսօր մեր գործընկերներին հյուրասիրել ենք ադրբեջանցի զինվորներից առգրավված քաղցրավենիք. Վահրամ Պողոսյան

Բնակավայրերի հրետակոծության հետևանքով լրջորեն վիրավորված հղի կինն էլ, երեխան էլ, փրկվել են. ԱՀ ՄԻՊ

Միջազգային հանրության արձագանքը բավարար չեմ համարում․ Արայիկ Հարությունյան